الثلاثاء، سبتمبر 12، 2006

ليلى : استئناف


من الواضح ان عرض الفكرة بشكل صدامى عمل شبه فجوة بين "ليلى" والمجتمع التدوينى .. ولاجل ذلك أخذت ليلى فترة للتوقف و نقد الذات وقراءة الغير ثم تواصل بعدها الاستئناف.. [راجع "تانى مرة.. كلاكيت"]... انما الفكرة الاساسية اللى مسيطرة على تفكيرى فى هذه اللحظات، ان برضو ح نرجع لنفس عقلية (الحكم على الأشياء بمسمياتها)، والاستهزاء بالفكرة على حساب المضمون.. اللى دعى البعض الظن انه "تنظيم سري" يدعوا الى اضهاد الرجل وتحرير المرأة!!...

المهم.. بعد المقدمات ندخل فى الجد...

نفسى اسالك سؤال واحد بامانة.. مافيش ولا مرة فى حياتك سمعت بنت او سيدة قالت و بالحرف الواحد "كان نفسى اطلع ولد مش بنت"؟!
لو ماسمعتهاش يبقى قول لى عنوان كوكبك من فضلك و اقرب مطار.. ولو سمعتها يبقى اتفقنا على البداية –على الاقل-..
اذا.. فى خلل.. ايه اللى يخلى انثى –ايا كانت- انها ترفض جنسها، وتتمنى تكون رجل غير انها حاسة بشئ ناقص فى حياتها؟؟
"ليس الذكر كالانثى" لا جدال على ذالك، مش لانها آية قرآنية فقط، ولكنها حقيقة واقعة ومثبته فى كل مكان و أى وقت. التكوين البيلوجى و التكوين العاطفى و حتى الادراكى مختلف... انما نرجع فى الآخر و أقول "رغم اختلافه .. لازال واحد"... المرأة مساوية للرجل فى الحقوق و ان اختلفت الواجبات انما قدرهما واحد... مسؤوليتهما امام الله ودورهما فى المجتمع (وان اختلف)فهو واحد.. و حتى أمام نفسهما برضو واحد

فى رأيي الشخصى، لن اهتم بدعوة حق المرأة انها تخرج للديسكو ولا التأخير لحد الفجر وحدها.. بالعكس يمكن اكون على اشد الاقتناع ان فى ذلك حفاظ عليها وعلى قيمتها.. ولكن... دا عمره ما كان مبرر لفكر متعصب يقول "هو خروج البنت كتير بالساهل"!! باى منطق.. وايه المشكلة لما بنت تخرج وحدها فى طلب العلم ولا حتى لقاء زميلاتها ولا ولا ولا. (للعمل بس، احنا فى القرن الحادى و العشرين ولايزال طريقة التفكير تلك قائمة).. ؟!
تمام زى نظرة المجتمع للفتاه الغير متروجة تفرق كتير قوى عن الرجل الغير متزوج.. وزى نظرة نفس المجتمع للمرأة المطلقة و الرجل المطلق.. حتى لو كان السبب من الرجل اصلا!! فاهمين يوم ليلى بيتكلم عن ايه اصلا؟!
فى فقرة رائعة ا حب اقتبسها من مدونة زينوبيا:
"حرية المرأة فى مصر مش معناها التحرر من الانفلات الاخلاقى زى ما فى ناس فهم انا متحررة يبقى البس زى مانا عايزة و اصحب زى مانا عايزة و اخرج زى ما نا عايزة مانا حرة بقى تفكير غبى و عقيم و ضيق و بيعطى فرصة ذهبية للمتشددين من التيار الوهابى السلفى يهجم حقوق المراة . والحرية على طريقة ايناس الدغيدى و روبى مش هى الحل بالعكس الحرية دى بتسجن المرأة او تضعها فى القالب الجسد"
دى فكرة كلنا ليلى...

تعرف الصدام حصل امتى؟ لما تعالت الأصوات المنادية "بحرية المرأة" فى عصور جفاف فى الحقوق، وفى المقابل ادخلوا قوانين غربية على مجتمعنا الشرقى (مش ح قول اسلامى) ولكن الشرقى المحافظ... اصبحت المرأة فى مجتمعنا بين نارين.. الفكر المنغلق –بتاع زمان واللى لسا عايش مابينا على فكرة لحد دلوقتى- عادات و موروثات ليس لها اى اساس من الصحة لا فكريا ولا حتى دينيا .. وفى نفس الوقت مش قادرة تطول الحريات الجديدة اللى استباحتها الشعارات المطالبة بالتغير فى نمط الحياة اليومى..
والفكرة ان مش دايما الرجل هو الظالم، بالعكس، ح قتبس برضو من تدوينة آخر الحارة:
"ألاحظ أن أغلب من يقوم بنكء جراح الفتاة التي لم تتزوج بعد هن من نفس جنسها، كالمرأة المتزوجة التي تستعرض بأنها متزوجة – أو أنجبت – فتكون (في الأمان).. وتمارس ذلك مع الشابة التي لم تتزوج أو المطلقة أو الأرملة أو المرأة التي لم تنجب.. رغم أن كل هؤلاء لم يؤذونها في شيء."

المرأة اصبحت بتعمل و بتخرج الى المجتمع الاوسع، لكنها لا تزال فى نفس الشرنقة المتحجرة.. الفكر بنظرات حادة مراقبة لها فى كل همسة وحركة و انفعالة.. وتصل لحد الاجبار فى بعض الاحيان بادعاء انها الجانب الأضعف.. ولحد الاذلال فى أحيان أخرى فقط لانها امرأة..

دا يوم "كلنا ليلى" يا اصحاب العقول النيرة.. دعوة لتفكير "ليلى" بصوت عالى مع افراد المفترض فيهم العقلانية –نوعا ما- على الأقل لتقبل رأى الآخر ايا من يكون... حتى نصل لحل أو اتفاق فى قضايا المرأة المعلقة فى مجتمعنا الشرقى بداية بالمجتمع التدوينى الأصغى...

وللحديث بقية..

هناك 12 تعليقًا:

salateenoo يقول...

ياريت توجهي الكلام ده لكل ليليى من أصدقائك المدونات اللي مكدبوش خبر ومسكوا ميكرفونات وهاتك يا شعارات ...وشتيمة في الجنس الآخر....وتهويل وتعظيم الإهانات والإسائات التي تتعرض لها الإنثى في كل ثانية من حياتها,.....

إعملي حصر هتلاقيها كتير .... مش إحنا بس اللي فهمنا غلط...وإذا كان بنو جنسك اللي انتي عايزة تعبري عنهم فهموكي غلط ...مابالك بينا إحنا....

عيني علينا يا رجالة ...دايما كدة مظلومين

3rby يقول...

انا عاوز بس اقول اني كنت فاكرك زعلانة مني علشان هزاري لان كان اخر موضوع نازل عندي هو"من بين كتير حكايات"وولوني بادايق لما ماحدش يرد عليا ومش بادخله تاني...بس ماقدرش مادخلكيش لاني باحترمك جدا والله ومش مجاملة


نتكلم بجد بقأه:البوست ده حلو جدا...وبالذات في الحته بتاعة فكرة التحرر...لان علي فكرة البنات اللي زي روبي وهيفاء ليهم نقطة مشتركة مع الوهابيين...مش نقطة...ديه خط...وهو اعتبار البنت بيبي ماشيين....او اداة لامتاع الجنس الاخر...مالهاش حقوق...عند الصايعين مهمتها الهز...وعند الوهابيين مهمتها الزواج...وبعدين الموت ودخول الجنة علشان تتجوز اللي هيه كانت مجوزاه غصب عنها اصلا...لتاني مره....انا ناقشت موضوع ليلي عندي بموضوعية...ولو ان فيه ناس زعلت مني...بس انا مبسوط اني شاركت...وارجو انك تقريه وتقوليلي رايك

كلمه يقول...

2ywa keda .... elnas bada2et tetkalem be mantek b2a .....

ma3 e7tramy tb3n ...bs banat keteer 2wy etklmo fel 2y kalam .... msada2o ye3abaro 3n nafsohom ... bs tele3 elkalam be 3ashwa2yah wad7a .... she3arat w kalam mlhoosh lazma ...la yewady lw yegeeb

bs elfekra baet wad7a shwya ba3d kam youm mn bdayet el7war bta3 layla .... 2a7san taban men el2wel

elbent momken tkoon mzloma ..bs brdo heya wa5da 7a2aha kwys

Lasto-adri *Blue* يقول...

salateenoo
لو قرأت "كلاكيت تانى مرة" ح تعرف تفسيرنا للشعارات اللى ماعجبتك -مع انى ماشفتش شئ فظيع قوى الحقيقة للآن- .. المهم لانه فى حالة من الكبت.. دا فعلا
انا اعرف امثلة جواها احتقان، واحب اقول لك انى واحدة منهم على فكرة،، بس مستحيل باى حال من الأحوال تقدر توحد اللغة المستخدمة ما بين اكتر من 50 سيدة و فتاه اشتركوا فى يوم كلنا ليلى
:)
الناس ما فهمتش غلط، لاء همه فهموا صح قوى... بس اعذرهم
واظنك ملاحظ ان الطلعة التانية ليلى اتسمت بالعقلانية فعلا، مش بس عندى.. شوف كلام ابيتاف و بينت مصرية و فريدة وغيرنا و غيرنا
هدف ليلى بجد تبدأ الحوار .. ياريت تساعدنا بقى
;)

Lasto-adri *Blue* يقول...

3arby
انا والله ما زعلانة منك ولا حاجة خالص.. بس انا كنت مشغولة الفترة اللى فاتت حبة فا ماكنتش بلحق ادر على التعليقات او حتى الايميلات
اعذرنى بجد انا آسفة فعلا، وخلاص يا عم بقى ح رجع للتدوين من تانى ولا يكون عندك هم
;)

على فكرة بقى انت لخصت كل حاجة فى الجملة دى
عند الصايعين مهمتها الهز...وعند الوهابيين مهمتها الزواج

مش عارفة اقول لك ايه غير، عندك كل الحق،، ودا اللى فى اعتقادى اكبر غلط للنظرة الى البنت

همم، ممكن اوضح فكرتى فى يوم تانى ان شاء الله
وحاضر انا غالبا فضيت دلوقتى فا ح قرأ البوستات بتمعن

Lasto-adri *Blue* يقول...

كلمة
طب بسرهالى بقى .. من فين مظلومة و من فين واخده حقها؟

بص انا ح قول لك حاجة..
كان لازم مرحلة التفريغ قبل ما تبدأ يا كلمة برضو
دا اتعلمها كدة قاعدة عامة فى الهندسة الكهربية.. لازم الدايرة يكون فيها ارضى عشان التفريغ قبل الشحن و الا الدايرة ح تنفجر فى وشك

البنات طلعوا بعشوائية.. معاك
بس ان دل على شئ فا يدل على مدى الكبت اللى فى بعض منهم عايشه و رغم اختلافه الا اننا تقريبا كلنا بنعانى من نفس المشاكل مع بعض
يعنى كلنا تقريبا ليلى زى بعض


عموما الهدف اننا نتكلم بموضوعية فعلا
وعشان كدة ليلى أخدت فرصة يومين تقرا بتمعن الآراء المختلفة لعلنا نصل الى اتفاق

:)

(abu al-alaa) أبو العلاء يقول...

و ما المشكلة فى أن الهدف من المرأة الزواج؟ فى مجتمعنا المصري لا هدف للمرأة و لا للرجل إلا الزواج و ليس الزواج من أجل الصحبة و لكن لكى يفرح الأهل بالعوض.

لا داعى للنظر إلى الأمور من طرف واحد. كلنا فى الهم شرق!

Captain L.J.Silver يقول...
أزال أحد مشرفي المدونة هذا التعليق.
Captain L.J.Silver يقول...

A YA LASTO !!! a3`eeb esboo3 ala2y 3alam el blogs ma2loob keda !!!!! kollena laila we morsy we kalam keteer keda lessa ma2retoosh !!!! we kaman te3`ayry el look beta3 el blog beta3ek !!!! howa feeh a ya ged3an !!!! howa autobeees kam beyroo7 fain !!!!!!!

admelmasry يقول...

بصراحه انا اتشليت

غير معرف يقول...

Dear Lailas,

I just want to ask you to do us a favor and write the points you hate in our attitude towards you and want us to change them. We need something solid out there in order to be able to argue with you, and try to change them if they really need to be changed.

غير معرف يقول...

See this link, Laila, A Call for Comments