الأربعاء، أكتوبر 11، 2006

ياختى بلا تعليق بلا قافية


بالصدفة بقرأ التعليقات على آخر بوست نشرته على "كلام بنات".. واذا بى اقرأ السطرين دول..

"خليجى طالب فى جامعة القاهرة كلية الحقوق سنة أولى مستجد يطلب التعارف مع بنت جامعية جميلة ومحتشمة ويفضل ان تشاركنى السكن مجانا للدراسة والسوالف وقت الفراغ"


عيشنا وشفنا.. مصر اتنورت يا ولاد..
وأبو بلاش كتر منه.. لولووولوى

سلاماتى

هناك 36 تعليقًا:

Eman M يقول...

انتى بتتنكى أهو، يعنى يجيلك عرض زى دة، واحد هيستتك فى بيت ببلاش، هوة حد لاقى شقق دلوقتى
ما تضيعيش الفرصةدى من إيديكى، انا بنصحك أهو

Captain L.J.Silver يقول...

هوا يعني ايه "سوالف" ؟؟؟؟؟؟

: )))))))))))))))))))))))))))

أمجاد يا عرب أمجاااااااااااااد

Lasto-adri *Blue* يقول...

سوالف يعنى دردشة يا شريف
:D


شفتى الهنا اللى انا فيه يا ايمان؟؟؟
هههههههه
امال انا بزغرط ليه يا بنتى
:D

masry يقول...

يا جماعة متضايقين ليه
ماهي دي القومية و الوحدة العربية اللي بنطالب بيها من زمان في أسمى صورها

و لا إنتو ضد الوحدة
وتحيا الوحدة العربية الله يرحمه

Epitaph يقول...

والله يا بنتي انا شفت التعليق بتاعه برده..ع المدونة القديمة و مفهمتش يعني ..عايز ايه ده

هههههه

شفتي الهنا اللي انا فيه:))

Sherif Nagib يقول...

أختي الصغرى في جامعة مصرية بها الكثير من الطلاب الخليجيين الأثرياء جداً، و الذي يتجنبهم معظم المصريون في الجامعة . قالت لي أن الفتيان الخليجيين يقدمون للفتيات المصريات عروضا من نوعية " صاحبيني و اجيب لك سيارة و احدث موبايل" !

Gid-Do - جدو يقول...

حفيدتى بلو

يتحد العرب من المحيط الى الخليح على فكرة قذرة واحدة وهى ان البنت او الست المصرية تشترى بالفلوس وان اللى مترضاش بمية حترضى بالف دة لانهم لما بيجوا مصر او بيرحوا دول تانية ميعرفوش غير قوادين ففكرين كل الناس كدة ـ حسبى الله ونعم الوكيل

wa7ed mn masr يقول...

ظريفة أوى حكاية "محتشمة" و تشاركه السكن مجاناً ، بقية الكلام اللى عايز أقوله مايصحش يتقال فاهسكت أحسن

غير معرف يقول...

الخليجى هوا المكتسح حاليا

حنيـــــــن يقول...

انا برده وقفت شويـــه عند " محتشمه " الولد يبدو انه محافظ وعنده اخلاق

كل ده وهو فى سنه اولى اومال لما يوصل لليسانس هايعمل ايه

بجد حاجه تقرف

Omar يقول...

ابو بلاش كتر منه ازاي يعني؟ ايه ده، هو بقى بلاش؟؟ بجد أول مرة أعرف :-/

Dido's^^^ يقول...

يــــاحلولي ... اهي باضتلك في القفص أهو يا لست أدري !!! .. هو بيهرج بقا البني ادم ده و لا إيه ...رجالة ناقصة رباية و الله العظيم

لأ و حلوة حكاية محتشمة دي :):):)

غير معرف يقول...

أقولك الحق، أنا طول عمري كان نفسي أعيش في شقة طلبة فيها ولاد وبنات، بس مش أنا وبنت لوحدينا في شقة. والفكرة عجتني أكتر لما شوفتها فعلاً بس طبعاً كانوا كلهم أوربيون وشفت قد أه أنهم قادرين يحترموا بعض ويخافوا على بعض كأنهم أخوات. تبدو الفكرة شوية أفلاطونية لكن أحياناً فعلاً بتحقق.

Abdou Basha يقول...

عايز واحدة محتشمة عشان محدش يعاكسها وتسيبه وتروح معاه :))
لأ واعي يابني .
**
على فكرة إحنا سمعتنا باظت في الدول العربية.
وسمعة الشباب الخليجي باظت في مصر بسبب النماذج دي .
:(

3rby يقول...

ده تقريبا كده عبيط والله اعلم:)

ماصل الخليجيين دول عاملين جماعات الامر بالمعروف هناط وبيجوا هنا يصيعوا
اختي وابويا راحوا عند دكتور جلدية علشان عندها الحبوب كانت كتير اوي في وشها
الراجل بيقول ان السعوديات بيدخلوا بالنقاب...يبقي عندها حاجة ساي تحت رقبتها بسنة بسيطة تروح قالعة وفجأة تتحول العيادة لشط في شارم:)
ماهوا اصل الكبت بيقلب بيجيب العكس تماما

كان فيه واحد ايراني في البي بي سي بيقول:لقد نجح الخمايني في ان يجعلنا نصلي في الشارع ونشرب الخمر في البيت بعد ان كنا نصلي في البيت ونشرب الخمر في الشارع ايام الشاه



الا سوالف ديه...كان فيه مسلسل خليجي اسمه سوالف حريم...انا اول ماسمعت الاسم ماقدرتش امسك نفسي:)...بس بعدين عرف ان معناه كلام بنات

سلام

salateenoo يقول...

بصراحة الراجل ما جصر (قصر)..بيقول محتشمة...يعني تقعد معاه في السكن وهية مؤدبة .. تفكيرها ميروحش كدة ولا كدة...اصله خايف على نفسه من الفتنة..

وأحلى من الشرف مفييييش

Mongey يقول...

هاي
انا شوفت ان الموضوع قلب اعلانات
واحد مش عارف بيقول افلام و مش فاهم ايه و حاطط رقم الموبايل
ده غير الناس الي هي تفضلوا بزيارة مدونتي و بتاع و
ارجو ان تتشرفوا بزيارة مدونتي
و كده
و عامة من الناحية العرب و السوالف فكل انسان بيعمل الي هوا شايف انه يبقي سعيد يمكن الكبت يكون سبب صحيح المصريين مش بالحرية الي هي توصل للانحلال
بس الفقر بيعمي عيون الناس عن اشياء كتير في الحياة و بعض الفقراء بيفقدوا الاخلاق و فقدانهم للاخلاق ده بيتورث

لابناء فتجديهم و قد اصبحوا لا عقيدة لهم

الي انا كاتبه ده
:)

حــلم يقول...

يا بنتى هى دى الفكرة السايدة عند اخواننا دول علشان اللى احنا صدرناه لهم من افلام واعلام بيقول كدة واكتر

سمعتى عن كلمةابن العاص عن المصريين :أرضها ذهب .. ونيلها عجب .. وخيرها جلب .. ونساؤها لعب .. ومالها رغب .. وفي أهلها صخب .. وطاعتهم رهب .. وسلامهم شغب .. وحروبهم حرب، وهم مع من غلب

مش عارفة الكلام دة منسوب ليه ولا قاله فعلا
بس فى كل الاحوال فيه ناس بتفسره على هواها
المهم انكم تفرحوا يا بنات.. السعد جالكم لحد عندكم

متهيألى لو الراجل دة اتعرف هيُعامل معاملة شجرة الدر.. بالقباقيب
:)

غير معرف يقول...

حلوة محتشمة دى
يا بنتى فى بلاوى بتحدف علينا
اقول اه
يا يعينى على البنت المصرية
اقول حاجة كانت مفروض اكلم عليها فى يوم ليلى
مرة ركبت مع سواق تاكسى و قبل البيت بثانية سألنى لو كنت احب اتجوز من سعودى شاب متدين نازل فى الصيف "2004"
قالته لا متشكرة و على وشى نظرة قرف و نزلت عند البيت

كلمه يقول...

looooooooooooooooooooooooooooool
da gamed 2wy :D
27yeeh esra7a 3la sra7to .... bs wlahy b2eena fe3lan 7etah men 2oromba w amreca elyonanya w d5alena nezam elroom mates :D
w 27eb 23kam 3la kelmet elmetr bta3 72oo2 da fe kelmet تشاركنى السكن مجانا
howa fe 7aga beblash elzaman da ya m3lm ?????

Eve يقول...

خدي بالك إن عندو روح النّكتة كمان :)

ادم المصري يقول...

سعااااد

انا شربت حشيش

يا سعااااد

m_elsewedy يقول...

ههههههههههههههههههههههههههههه



بلاوى بتتحدف

Aoossa يقول...

أنا ساكنه فى مدينة سته أكتوبر
ومليانه شباب عربى
للأسف شباب يكسف
متخيلين أن البنت المصريه أوربيه التفكير
طبعآ الأنطباع ده سبب أن تفكيرهم متعلق بموضوع واحد
أنا مش عارفه أعبر هنا
أنبى لو جه عندك تانى أبعتهولى ألطشله عشان أرتاح

Details يقول...

صباح الخير ,
أهلاً لست أدري , قبل قليل فتحت لوحة التحكم لمدونتي و أجد " تعليقات بإنتظار التفعيل "
مع أني لم أضع خاصية موافقة الإدراة على التعليقات لكن الوورد بريس يأجل ظهور التعليقات
التي يعتبرها دعائية "Spam" كان التعليق نفسه المرسل إليك و مزود بعنوانين لبريد إلكتروني أحدهم على الياهو والآخر هوت ميل
مع أني فتاة سعودية و لست من سكان مصر ! أتضح لي بأنها ليست إلا Spam باللغة العربية !
أنا معك بأنه يوجد فساد في شبابنا الخليجي و(العربي) كافة كأي المجتمعات الأخرى في العالم , لكن لا أظن أن هذه الرسالة تتضمن مغزى آخر عدا تشويه
سمعة الشباب الخليجي ..! و علينا إحسان الظن في كل الحالات وعدم الحكم العام على الأشخاص بمجرد رسالة على النت لا نرى صحتها بوضوح ! :)

Dmo3 Al Kohl يقول...

أنا قرفان من اللى بيحصل
الراجل اللى فى البروفيل بتاعى قرب يعيط

karakib يقول...

:) هو عايزها محتشمه يا جماعه بلاش التفكير الغريب بتاعكم ده محتشمه الراجل عداه العيب يعني ... مش فاهم ... هو كده مش فاهم هو بيقول ايه تقريبا او يمكن حاسس بالوحده
بس هو الصنف اللي شربه ده بيتجاب من فين بالظبط ؟؟
انتوك

FrEe.PhArAoH يقول...

ههههههههههههههههههههههه

انا لو عرفت الواد دا مش هضربة

هفهمة غلطه بس :)

تحياتى

أحمد المصري يقول...

هههههههههه
الخليجين عليهم حاجات غريبة 00ربنا يهدي الجميع0

3rby يقول...

يا صباح التنفيض

غير معرف يقول...

كراهيتي للنوع البشري بتزداد يوم عن يوم
نهار أسود لو فيه كتير كده مني!

Wonderer يقول...

أنا كمان عجبتنى قوى حكاية محتشـمة دى واضح إنه راجل ذو خلق وعنده مبادئ
:)

Ahmed Shokeir يقول...

ماهو جالي يالستو في مدونة نضاره شمس وسايب تعليقات كده وانيل من كده إبتدي يعاكسني ويقول عليا انه حاسس اني انسانة حساسة جدا والعاطفة عندي عالية جدا لدرجة اني شكيت في نفسي وفكرت برده اكتب عنه وقلت بلانيلة ومسحت أم الزبالة اللي كاتبها

امواج يقول...

اصبحنا فى زمن المبادىء فيه تتجزأ << محتشمة و تسكن معه >>!!!!!!

علىى خيرة الله

http://amwaag.blogspot.com/ يقول...

أصبحنا فى زمن المبادىء فيه تتجزأ

محتشمة و تسكن معه فى شقة واحدة!!!!!

على خيرة الله

و البلد اللى ما تعرفش حد فيها ......................!!!!!

Aisha يقول...

" الخليجين عليهم حاجات غريبة"
تعليق ضايقني..النماذج اللي بتشوفوها مابتعبرش عن الغالبية..

على فكرة.. "الأخ" يمثل نفسه فحسب، فلاتحسبوه علينا، ففي كل بلد هناك الصالح والطالح

الله يهديه

:( :( :(

عموماً أنا بعتذر عن اللي عمله،
بصفتي خليجية يعني*