السبت، مايو 27، 2006

معرفش ليه


اليومين دول جوايا رغبة ملحة انى ماأكلمش اى حد ايا كان.. نفسى أمشى فى أى مكان ورغم ان كل اللى حوليا ناس معرفة الا انى أشوفهم.. عينى فى عيونهم.. وأسيبهم وأمشى.. من غير كلام أو سلام.. ومن غير ما حد يفتكر انى البنت المتنكة ولا اللى راسها فى السما ولا الكئيبة ولا.... مجرد اعرف ان كان ممكن اقف واتكلم معاهم لكنى اخترت .. لاء
و أكتفى بالحوارات الصغيرة مع الوجوه المتجددة.. "تذكرة لو سمحت".. "آخر الشارع من فضلك..".. "هو باكو الباسكوت بكام؟".....

اما باقى الكلام فأصبح بيصييبنى بالملل والسقم والغثيان فى أغلب الأحيان...
-- "ازيك؟"
-- "ازيك؟"
-- "الحمد لله"
-- "طب تمام"
مادام احنا الاتنين عارفين الاسئلة والاجابات بنسألهم ليه؟! ولا هو مجرد ملى خانات فاضية والسلام؟!

لاء بجد فكر تلاحظ مرة.. ح تلاقى كلامنا اليومى أصبح كالطبيخ البايت وساعات حمطان... كلام كلام كلام.. ملل ملل ملل...
-- "فينك ياراجل من زمان؟"
-- " ما انت عارف.. الدنيا مشاغل"

اووف.. و التليفون كمان... رغى فى الهبل اصلا.. ولا ليه اى لازمة فى الحياة.. ولانه اقرب وسيلة اقدر عليها.. شلته من أوضتى والموبيل مغلق بقى له يومين...
حتى هنا.... ساعات كتير بحس انه تضيع وقت وخلاص.. فى ناس بتستفيد من البلوجز.. انا عن نفسى فى البدايات كنت بستفيد من البلوجز عن جد.. انما دلوقتى بقى شبه دلق كلام فى الهوا...

لكن أرجع وأقول ع الأقل هنا مفيش اجبار أقول "ازيك... الحمد لله"... ويمكن دى الميزة الوحيدة

كأبتكم.. معلش.. بس سلاماتى برضو

الاثنين، مايو 22، 2006

20 -full- days left, isA


And so, I’ll be away for a while.. written exams are on till the 11th of June isA, then the start of my practical and oral plus 2 projects ahead. Which means I’d be as busy as a bee till the 1st week of July :D

Anyways, gota say:
God bless you all” ..
Pray for me :S
And Will be back soon isA ;)

السبت، مايو 20، 2006

مجرد يوم تانى


للسكون أكتر من نوع.. سكون يسبق العاصفة.. وسكون يتبع العاصف وسكون لانك مش لاقى حاحة تعملها.. انما السكون للسكون ذات نفسه أصبح نادر الوجود فى الأيام الحالية بشكل مخيف! و ح قول لك على حاجة.. جرب فى يوم - انت رايق فيه - تستجم لوحدك فى جنينة... صدقنى اول شئ ح تلاقيه حبة عيال بتلعب بصوت عالى... او بيبى لابس الكوتشى اللى بيصوصو دة.. ( نفسى أفهم ايه لازمة الصوت اللى فى الكوتشى ؟؟!!!).. وان كانت الجنينة ولا النادى فاضى من العيال –فرضا لظروف الامتحانات- يبقى اكيد اكيد اكيد ح تلاقى حد موبيله بيرن.. او حتى هو ذات نفسه بيتكلم بصوت يسمع حى شبرا !!
سيب المكان واتمشى فى الشارع... مش ناوية احكى لك عن الازعاج اللى ح تلاقيه من الاتوبيسات والعربيات وبياعين الفول وبتوع العيش وبتاع الأنابيب... إلخ... وان فرضا فرضا يعنى مالاقتش كل دول.. يبقى ح تلاقى محل ولا اتنين مشغالين الاستريو على اعلى حاجة ولست أدرى ما السبب لحد دلوقتى.. دا انا لسا امبارح بمشى جانب محلين كدة. والاتنين مشغلين شريطين لعمر دياب على أعلى صوت.. طب حد يفهمنى النظرية لما انتوا الاتنين مشغالين نفس الشخص بيغنى.. يبقى ايه لزمة شريطين مختلفين وفى نفس الوقت.. ولا هو تقطيع ازعاج كمان!!!!

ساعتها ح تفكر ترجع بيتكم عشان تستمتع براحة البال لقليل من الوقت... ترجع.. تفتح الباب وترمى المفاتيح على اقرب طرابيزة وتمسك الريموت تقلب بين المحطات.. وراح تنخنق بجد المرة دى بسبب ازعاج من نوع تانى ومن غير صوت.. ناس بتخانق بعض عشان النووى.. وغيرهم بترول وغيرهم السيطرة والقوة وهلمَ جر... نصيحة اقفل التلفزيون ولا وجع قلب وروح اوضتك وشغل الراديو... بس نصيحة برضو متواضعة.. ابعد عن اكبر مصادر الازعاج فى القرن العشرين محطة نجوم زفت ونيل زفتين.. وسيبك من القاهرة الكبرة مملة.. وسيبك من برج العرب مملة اكتر... بص روح على البرنامج الموسيقى.. ح تلاقى حبة ناس رايقة بتلعب حبة نوتات من العالم الآخر.. بس فى أمل تستجم.. وامسك كتاب فى ايدك وسمى بالله بقى... لووول.. الفكرة انه ح يجى على حظك ان معرفش مين يكسب فى ماتش ايه.. وبيب بيب أهلى.. او عروسة بتتجوز او عريس بيخطب فالشارع قالب زيطة و زمبليطة.. وان مافيش اى من هذه الأحداث البالغة الأهمية فى شارعكم.. يبقى الشارع العمومى ح يقف او ان المجارى تطفح او اى شئ تانى يخلى العربيات بتخانق بعض زمامير وحوارات الناس "ما تفتح ياعم" والبوابين يتلموا بقى وهيييييييييه.....

بص ساعتها اقفل الشباك.. وان سمعت حد فى بيتكم بيتخانق اقفل الباب.. اقول لك.. اقفل اى حاجة ممكن تشوفها او تسمعها او تشمها مفتوحة.. وحط على راسك مخدة وروح اتخمد وحاول تقنع نفسك انك نايم... على الله مايجيلكش كوابيس

تصبحون على كل ازعاج وضوضاء ووجع دماغ وقلب وفشة وكلاوى..
سلاماتى

الأربعاء، مايو 17، 2006

أدرى أدرى.. ولا انتاش دارى


كله الا هنا.. تيجى هنا يبقى أقول لك : "من فضلك إخلع أى أفكار ممكن تبقى أدرى .. تدرى.. يدرى.. تعرف ماتعرفشى.. كله برة من غير مطرود"
أصل يوم ما فتحت البتاع دة كنت محتارة أسميه ايه.. اسميه ايه؟!!
لقيت قصيدة الطلاسم قدامى.... ومعرفش انجذبت للكلمة لأى ناحية.. و ف الآخر بقيت "لستُ أدرى".. ناس قالت لى "انت "لست تدرى" لانك لا تدرى انك تدرين".. وحوارات فلسفية من هذا القبيل... لكنى أرجع وأقول... ياناس دقيقة سكون لله..
أدرى ما أدريش مش مشكلة... مين فينا يدرى .. ومين فينا يدرى انه مايدريش؟؟؟ كلنا على بعضنا فى فعل "يدرى .. درى.. دراية"... جهلة...

أقول كمان؟!
أقول كمان....

م الآخر كدة... احنا لا بنعرف.. ولا عايزين نحاول نعرف.... ولا بنعترف اننا مش عارفين...
بنجعجع كلام كبير.. ونيجى فى الصغير ونقطع.. هششش ولا كلمة...
طب حد يقول لى ايه فايدة الكبير.. لما الصغير نسينه؟؟؟
ايه فايدة انى اهتم باللى برة واللى جوة فاضى؟؟
وايه فايدة انى اشغل دماغى المنمنمة بحوارات جدلية لعقول عقيمة.. مادمت مش قادرة أفك ألغازنا البسيطة؟؟؟

يبقى أقول لحضرتك.. وحضرتك يا آنسة... اى حد ناوى يدخل هنا.. وبعد التحية والسلام.. يخلع كل الأفكار انه شخصية فركيكة بتفهم.. وبتعرف وبتدرى ... ح كتبهالك بالبنط العريض: "هنا مكان ممنوع الاقراب و التعليق .."
تيجى هنا.... تبقى شخصية عايزة تنسى انها تعرف اى حاجة...... اقول لك "أهلا ومرحبا فى الأراضى الـ "لست أدرية"...."

سكوووووت
سلاماتى

الثلاثاء، مايو 16، 2006

Off, I go..


Today was supposed to be the last official day in college for this year, before the final exams and the start of the summer vacation (hopefully). However, since I wake up tried, so didn’t find whatever will to go and yet stayed home, which declares that yesterday was my official last day in college..

I know it’s not something big for you; and you’d probably say “that’s how it goes all the time, you entered school, spent around 13 years or so, and then went college. Years pass and all of a sudden you’ll find yourself a graduate, working somewhere.. or may be a mother of a punch of naughty children. One day your kids would go to school.. then college… blah blah…
Yeah..” that’s how I’d reply. “the train of life do never stop

But somehow can’t resist feeling that this year was different; the step of maturity I’ve crossed was far beyond my expectations. This year I’ve learnt the meaning of team work, responsibility, sensibility, interaction, and the meaning of care for the real world. Real world in the sense of putting my virtual world aside for a while and looking forward focusing on the present, the ground and the living people! Starting by my dilemma of choosing a way to go (ended by taking electronics and communication systems department as my answer), passing through getting along with difficulties, thinking of being or not being, forgetting hurt..
Simply defining some variables in my life for the coming years to come.

I might not look as happy as last year’s final day, forgive me.. but can’t really imagine that one more year is left (isA) then bufffff.. off we go to a total different journey !
Can’t imagine, no matter how much I hate that place, I might leave it. Though the relatively little time I spent in college, yet somehow the soul of intimacy growing is more than I imagined!

Vague my words might look, but with every letter something is ringing a bell inside my head, a memory or a saying or simply a blurred picture of someone passed by me sometime. Every hall, every corner, every staircase, every tree, every single thing would be always engraved..

Mr. DXer once sent me an email with this intro “People come into your life for a Reason, a Season or a Lifetime”. Yet Only this year was certain of this phrase.. only this year I learnt that leaving memories would always bring heart aches no matter how sweet.. no matter how beautiful they looked at their time..

Love you all,
Blue

الخميس، مايو 11، 2006

Today my heart feels extra sad…


Forget about people, forget about suffocating time and usual stress.. forget about the normal stupid talks or the random lame actions.. forget about the world’s politics or the internal corrupt..
I know the world would still keep turning and the sun would rise again from the east… but I can’t stop my heart from feeling sadness all thru..
Yesterday we had to give up on our flat to live in that new one that I still can’t love… and today.. my father will sell our car for a new wider one !!

I can still remember the day I opened our x-flat’s balcony, was about 4 or 5 years old, when I saw a small little red car under , my father was outside one door waving with one hand and peeping with the other… when my mother cuddled me in her warm arms and whispered “say hello to our new car..”.. we all were smiling then..
It shared… no.. ‘She’ shared a lot of beautiful memories… 1st time to go to school.. and even 1st day at college… our everyday ride to school with “eza3t el Quran” playing in the morning, and “El bernamg el mosiqi” while going back home!! You know that I loved radios because of that! … it was all about my fascination with the music played in the musical program that I urged my father to buy my 1st pocket radio.. then life went on..

We’ve called ‘her’ many names.. Sometimes “Zoba” according to the old song by Mahmoud Yassin “7elwa ya zoba” .. then changed it to “Batta”.. don’t remember the reason behind that one actually.. and there was “Za2zo2a” as well.. for how small the car looked like between other passing by cars along the way.. but we never cared for how small , beautiful or even modern the car was, as long as it shared our small family’s warmth and laughter’s..
Now…. It would be all gone and buried away except in our hearts..

I remember when we used to go to the beach with our uncles, we used to race who’ll be faster under 80 km/hr.. yeah!.. w enjoyed slow speeds.. it gave us more chance to cheer together!!!
And yeah, the day we had to drive my cousine before her wedding party… it was an extra cool experience peeping all thru the way… and yes I remember now my graduation party drive… now my brother won’t have it .. and his heart is breaking as much as I am, and may be even more..

So sad when you have to give up on what you like and claim its life!! You start by giving up things, then giving up places, people then traits … and at the end you find .. you’ve lost yourself in between..
How dull, stupid, awful and disgusting life is after all.. when I have to give up and forget in order to live.. !!

PS: father, So sorry if I strengthened a feeling towards you… but can’t forgive your new decisions.. can’t forgive you at all…

الثلاثاء، مايو 09، 2006

هى جت معايا كدة


واحشنى قوى منظر الغروب من بلكونة بيتنا القديم.. كنت كل يوم أقعد ع البلاط فى البلاكونة –مربعة الرجلين- جانبى الراديو شغال على اذاعة أم كلثوم يشدوا بكل ما يهفو له الفؤاد.. وفى ايدى بقى كتاب بقرأه.. او شئ بكتبه.. وساعات ملوخية بخرطها او بامية بقمعها –على أساس بساعد أمى أو شئ من هذا القبيل -.. وأوقات كنت بس أقعد ساعة تجلى وأستمتع بالغروب..
اللون الأحمر ع البرتقالى وهو بيختفى وسط السما الزرقا من ابدع اللوحات اللى عينيا عرفتها.. واللى مكان ما بروح بتكون أول منظر أدور عليه... وقد كان لما سافرت الاسكندرية من كام اسبوع، قعدت قدام البحر مع أصحابى اللى طلعت معاهم الرحلة.. وتقريبا كنت معاهم ومش ومعاهم فى نفس الوقت... كنت قاعدة بجسمى.. بس كلى كان مع البحر ومنظر الشمس والشط من بعيد.... فضلت أدندن أغنية بحبها ونسيت مين كان بيسأل ايه واحنا مين وفين وليه!!

و دا كان –تقريبا- أول لقاء يجمعنى ويا الغروب من اكتر من سنة كدة... من ساعة ما عزلنا لشقتنا الجديدة... واللى بسبب العمارات العالية اللى حوليا من الأربع جهات مابقتش أعرف أتطلع غير لخيط بيتسلل لأوضتى من ورا الشيشان اللى غالبا مقفولة طول الوقت، عشان ببساطة عيون الجيران اللى مابتصدق شباك يتفتح وهاتيك بحلقة!!
حتى لو قلت أفتح الشباك والناس نيام نيام أشوف القمر ولا أعد النجوم .. فى الغالب حد ما ح يفتكرنى غرقانة فى الحب لشوشتى... و الأغلب مش ح لاقى القمر ولا النجوم... مش لان القمر مش باين ولا ان النجوم تايهة.. بس لان السما هنا مش صافية!

وانا بقول الكلام دا ليه؟
عشان النهاردة الصبح وانا رايحة الكلية فى البدرية قوى قبل ما الدنيا تصحى او الناس تقول ياصبح –كان لازم احضر النهاردة أبدر من اى يوم- كان مالينى احساس انى ح نضف الهوا اللى مالى رئتى.. وح ستمتع بالسكون والطاهرة اللى بتكسوا الشوارع.. انما اللى حصل انى اتقرفت من رائحة –بجد زى القرف - فى الميكروبص اللى ركبته... و الرجرجة اللى بتصحى الجيران من العربية المكحكحة التعبانة الخربانة اللى ركبتها .. والأنقح السواق الكشر اللى كان ماسك التذاكر... !!! ياعالم... حد يصحى بالوش دة وكمان يوريه للخلق اول ما يفتحوا عينهم الصبح!!

غريب ان الحاجات الصغيرة اللى بتفرحنا... احنا أول مين بيخنقها !!
اقول لكم ايه... !
سلاماتى