.jpg)
لحظة أستجمع افكارى.. استجمع نفسى كدة واروق حبة..
اليوم الأول لليلى قارب على الانتهاء تقريبا، وايه بقى مش مصدقة لحد دلوقتى أى شئ حصل بالمرة.. بداية من اعلان "ساعة الصفر" للبنات المشاركات للبدء فى بعت المواضيع.. انتهاء بدلوقتى من ساعة بالتمام لما لقيت اتنين على الأقل كانوا رافضين الفكرة من الأصل، تحمسوا وعرضوا الاشتراك تحت مظلة ليلى!!! وردود الأفعال اللى بدأت تتوافد على ايميلاتنا و التعليقات سواء مع أو ضد.. الفكرة ان المجتمع يبدأ يلاحظ ان فى شئ جارى "لليلى" ايا كانت مش راضية عنه و بتقول "لحظة تمهل لو سمحت"
انما كله كوم واللى سمعته النهاردة كوم تانى خالص...
كنت فى زيارة عاجلة لخالى المريض.. وجت السيرة فافتح موضوع ليلى.. وقد كانت هول الصدمة على العائلة.. وأول رد اسمعه –من مرات خالى على فكرة- "عاملة نفسك زعيمة نسائية.. ياختى ح توقفى سوقك"!! أتنح أنا بقى لفترة قبل ما أبدأ فى الرد...
"سوقى؟! ح وقف سوقى؟!"... طب سؤال! سوق ايه اللى ح وقفه؟ هو أنا عربية.. ولا حتتة أنتيكة؟ ولا معلش بس انا مهندسة و احب أعرف الاشياء بدقه.. من هو ذلك السوق و كيف و لما ولماذا و ليه!!! ثم و ايه دخل "زعيمة حركة نسائية" فى ذلك "السوق" المزعوم؟
وياترى الأهم –بتباع- جملة ولا قطاعى؟!!
سلاماتى للفاصل...
http://laila-eg.blogspot.com
اليوم الأول لليلى قارب على الانتهاء تقريبا، وايه بقى مش مصدقة لحد دلوقتى أى شئ حصل بالمرة.. بداية من اعلان "ساعة الصفر" للبنات المشاركات للبدء فى بعت المواضيع.. انتهاء بدلوقتى من ساعة بالتمام لما لقيت اتنين على الأقل كانوا رافضين الفكرة من الأصل، تحمسوا وعرضوا الاشتراك تحت مظلة ليلى!!! وردود الأفعال اللى بدأت تتوافد على ايميلاتنا و التعليقات سواء مع أو ضد.. الفكرة ان المجتمع يبدأ يلاحظ ان فى شئ جارى "لليلى" ايا كانت مش راضية عنه و بتقول "لحظة تمهل لو سمحت"
انما كله كوم واللى سمعته النهاردة كوم تانى خالص...
كنت فى زيارة عاجلة لخالى المريض.. وجت السيرة فافتح موضوع ليلى.. وقد كانت هول الصدمة على العائلة.. وأول رد اسمعه –من مرات خالى على فكرة- "عاملة نفسك زعيمة نسائية.. ياختى ح توقفى سوقك"!! أتنح أنا بقى لفترة قبل ما أبدأ فى الرد...
"سوقى؟! ح وقف سوقى؟!"... طب سؤال! سوق ايه اللى ح وقفه؟ هو أنا عربية.. ولا حتتة أنتيكة؟ ولا معلش بس انا مهندسة و احب أعرف الاشياء بدقه.. من هو ذلك السوق و كيف و لما ولماذا و ليه!!! ثم و ايه دخل "زعيمة حركة نسائية" فى ذلك "السوق" المزعوم؟
وياترى الأهم –بتباع- جملة ولا قطاعى؟!!
سلاماتى للفاصل...
http://laila-eg.blogspot.com
هناك 12 تعليقًا:
تحياتى لك يا لست أدرى و مبروك على كل ليلى انطلاقها
و بالمناسبة دى أنا بهدى لكل ليلى السطور اللى جاية:
ليلى اكتبى..اصرخى
خلى صوتك يوصل ليا و اهتفى
ليلى اصمدى..و لاترضخى
شمس النهار بكرة تطلع و لا تنطفى
الله يبارك فيكى يا رانيا
وكلامك رائع اصلا عجبنى جدا
مبروك اول يوم وبنجاح كمان
سوق الحريم
فيها الرجل عاوز ست خرسا منافقه لكن الرجل من هذا النوع مش راجل حق
رجل يحتاج لمداهنة الجواري أو المحظيات ليشعر أنه رجل
العلاقه بين الرجل و المرأه مفيهاش بيع و شرا
و اللي شايفها سويقه مش عاوزينه
أهنئك على تلك الحركه
و شكرا انك وثقتي في و دعو تيني
بس ردود الفعل مستفزاني
لكنها كانت متوقعه
من الحاجات اللي بتلفت نظري في وضع المرأة استخدام ألفاظ معينة وكنت قد تحدثت من قبل عن تشبيه الست الجدعة بمئة رجل. نعم اللغة لها علاقة كبيرة بالتفكير ولكن كلمة هاتوقفي سوقك دي بتتقال باردوا للرجال في مصر.. يعني لما مثلا شاب مش مرتبط ونلاقيه لابس دبلة بنقوله ليه كده هاتوقف سوقك يابني... أو علي سبيل التهكم لما واحد صاحبنا يصاب في لعبة عنيفة مثلا بنقوله كده سوقك تقريبا هيقف لو اصاباتك اتكررت. ده بس كان للتوضيح لكن الأهم من كل الكلمة اللي انا قلته ده إننا نؤكد علي فكرة أن الجواز ليس هو أعظم إنجاز تسعي البنت اليه أو هكذا يجب أن تفكر البنت
ايه الحكاية البلوج كلو قلب ليلي ولا ايه
انا اغيب يومين ارجع الاقي الكل بيصرخ وبيقول كلنا ليلي
قالت رانية
ليلى اكتبى..اصرخى
خلى صوتك يوصل ليا و اهتفى
ليلى اصمدى..و لاترضخى
شمس النهار بكرة تطلع و لا تنطفى
ردت لست أدري
كلامك رائع اصلا عجبنى جدا
يعني إيه ؟؟ والنبي تفهموني ؟؟ا
بذمتك يا لست أدري الكلام ده رائع أصلا وعجبك ؟ا
بتتكلمي جد ؟؟ا
أنا ابتديت أرتب لحملة أسمها كلنا عصمت . من يريد أن ينضم إلي من البنات عليها بإعلان رغبتها وكذلك من الشباب ، حيث أن عصمت أسم يصلح للجنسين !!ا
ربنا مع ليلات مصر كلهم ومبروووك
يا بنتى اقراى العقد اللى كاتباه وانت تعرفى اى سوق بيتكلموا عنه
سوق تباع فيه كل ليلى لمن يدفع وليس لمن تحب وترضى
والمصيبة ان يأتى هذا الكلام من ليلى كبيرة فى العيلة، لان دة معناه ان ليلى مش بتوجه كلامها لآدم فقط لكن لموروثات واعراف تفرض سيطرتها بمنتهى العنف على الجميع
حلو التفكير والفعل الايجابي اللي قمتوا بيه
ربنا معاكم
انتوك
الكلمة تقيلة فعلا ...
تعرفي..؟
حتى الست المتزوجة، لو فرض انها مأنجبتش ممكن تتعرض لكلمات من النوعية دي .
**
والدتي الله يرحمها، كانت مريضة مرض خطير قبل وفاتها .
احداهن كانت في زيارتها، قالت لها بالحرف الواحد في عدم مراعاة للموقف .. جوزك حيتجوز عليكي (انتقام واستفزاز في صورة هزار) ردت والدتي: براحته الشرع يجيزله أربعة.
والدتي حتى يوم وفاتها كانت في أعيننا نرعاها بإخلاص .
**
حتى المرض يا ايمان (رجل أو امرأة) ممكن يجعل الإنسان سلعة خربانة في نظر البعض .
lama sme3t el kelma di men yomein kunt 3aiza amawet elli alhali!
ana mesh sel3a w mesh lel bei3 weli shiayefni keda mayenfa3sh aslan
w ba3dein?
w ba3dein?
emta el nas tshuf elensana elli gowaya?
emata yshufu????
emta y7esu?
إرسال تعليق