الثلاثاء، أكتوبر 31، 2006

لما اتكلمت

السطور القادمة بقلم صديقة عزيزة.. رفضت ذكر اسمها.. واظن من حقها

اول مره اتعرض فيها لتحرش كنت معدتش عشره حداشر سنه
كنت مع خالو راكبين اتوبيس و الدنيا زحمه نوعا ما، فجاه خالو طلع قدام و هو بيقولى تعالى عشان فيه مكان فضى، لقيت واحد مسكنى جامد و مسك ايدى و حطها على بنطلونه. قعدت احاول اشدها و انا مرعوبه و مستغربه من الراجل ده وجريت ناحيه خالو و قعد و خدنى على حجره، بعد شويه فضى المكان اللى جنبنا و مين قعد..
الراجل الغريب..فضلت طول الطريق لازقه فى الشباك و مرعوبه لحد ما نزلنا

و تمر السنين و تكبر و تفهم و تتوجع و تتخدش مش بس من بره
تعلم فيك اوى من جوه
من ابن قريب بيعاملك حلو و تلعبوا وسط العيال و فجاءه تلاقيه لما تحطكوا الظروف بيعمل فيك حاجات فكرتك بالراجل الغريب. مش بس كده ده بيقدر يوصلك مره و اتنين، حتى و انت نايم و تصحى فجاه تلاقيك بيحسس على جسمك واعضائك
تترعب اكتر تفضل عامل نايم
و لما يزول الخطر تحس من جواك بذنب فظيع و خوف تشتكى تطلع غلطان او كداب
لصاحب محل عجوز عرفه و عارفينوا اهلك و ياما ساعدوه، بستفرد بيك و يبوسك فى مدخل العماره
لسيل مخلصش كل ما سنين عمركك بتزيد و تحركاتك بتزيد
وانت....
طلعت مؤدب ساكت خواف
مش عارف ايه حتقول
اخت مامتك الكبيره اللى مكملتش تعليم كانت طول الوقت بتضربك و تقولك ياويلك لو لعبتى مع ولاد، ياويلك لو كلمتى ولاد، مع ان كلنا ولاد و بنات كنا سوا
اتربينا سوا كبرنا سوا، اهلنا مقلولناش كده
بس عشان انت صغير خفت و عيطت
يمكن عشان كده كنت مرعوب تتكلم
يمكن عشان كده لحد دلوقتى بتكرهها و تكره جهلها
و القدر اللى خلاها موجوده فى مساحه كبيره من طفولتك

مع الوقت اتعلمت تكره و تهرب و انت اخرس، لكن جواك صريخ و غضب و ألم
جواك احساس انك مذنب و انك مكسوف من نفسك و من جسمك و حاسس بالقرف
و يفضل معاك الاحساس و الذكريات لا قادر تدفنها و لا قادر تخبيها
بتنط كل مره تتعرض لخدش جديد و انتهاك جديد
ايدين بتحسس ..ايدين بتنهشك و تجرى
عيون كرهتها ..كلام زى السيوف يتغرز فى ودانك
و تكره جسمك و احساسك بالضعف و النقص
و تكره الرجاله اللى بينهشوا
و تحس من جواك ان كتيير منهم حيوانات مستخبين فى كل توب..عيل راجل و شيخ عجوز

مع الوقت كرهت سكوتك و عياطك و صريخك جواك و هروبك اللى مكنتش بتعرف تعمل حاجه غيره
انت فيه وقت عدى عليك فكرت تتنقب او تشيل مطواه تحمى نفسك بيهاز بفيت بتحاول تكون شجاع و تتكلم، بطلت تعيط و تفتكر، بقيت بتحاول تتكلم و متسكتش لما تنتهك. و بقيت حذر جدا جدا سواء فى المواصلات او فى علاقاتك، خصوصا الشارع و المواصلات، بتاخد بالك لو قعدت جمب حد..
بتعتبره مذنب لحد برائته ما تبان..

بس
مبتقدرتش تنكر ان فيه صدع معرفتش ترممه، حتى لما بصعوبه قبلت تقرب من انسان، دايما كنت خايف و فيه سور، مينتعرفش حتى تتكلم و خايف تكتشف ان اللى قدامك وحش
و لما اتغلبت على كتير
و بقى عندك استعداد مش بس تحب و تتحب، لا تتجوز و يكون ليك شريك
كنت مرعوب و مقدرتش تتغلب على فكره ان حد يقرب منك و يلمسك
لدرجه انك لجأت لمساعده

هناك 17 تعليقًا:

foxamr يقول...

لست ادري ارجو التوقف عن سرد قصص التحرش هذة لانها احيانا تثير النفس و الشهوة لدي البعض و سوف تخلق نوعا من الجنس القصصي
ثم ما يتم سرده هنا ليس تحرشا كالذي نراه في الشارع انما مجرد لعب عيال دون الثالثة عشر
سرد القصص يس هو الحل علي ما اعتقد
ابحثوا عن حل اخر

قطر الندى يقول...

foxamr:بجد أنا مش مصدقة اللي أنت بتقوله!هو ايه اللي جنس قصصي؟و مين اللي بيثار شهوته من الحجات دي؟أنت مبتحسش؟بجد واللاهي حرام روحوا أتعاجوا بقى بعيد عننا, و بعدين أنت مين أصلاً عشان تقولنا هو ايه الحل, و أنت مالك؟ ولا مش قادر تسمع قصص يمكن بتخليك تفكر شوية!!أرجوك روح أتعالج

مصرى يقول...

foxamr يا أستاذ
أنا مش فاهم المنطق اللي إنت بتتكلم بيه دلوقتي إحنا بنتكلم عن شخصية هاتفضل متأثرة بالأحداث دي طول حياتها عايفضل الشرخ موجود و إنت بتقول لعب عيال
و الموضوع مايثيرش غير الحزن

مختار العزيزي يقول...

قطر الندي: هذا الغضب لن يثمر عن حوار. الناس مختلفة يا ندي، والخيالات الجنسية تختلف عند الرجل والمرأة، وتختلف من رجل الي رجل، وبالتأكيد التفاصيل تشكل صورة ذهنية عند القارئ وقد يسثار بها شخص دون اخر علي حسب حالته المزاجية واستقباله للموضوع. أرجو الهدوء حتي يصل صوت المرأة لكل المجتمع.
----
foxamr:
هذا ليس موقعا جنسيا أولا وصاحبته لا تكتب عن الجنس بصفة عامة ثانيا، واذا كتبت موضوعا يتعلق بالجنس كهذا الموضوع فليس غرضه الاثارة بل غرضه فضح ما يحدث حتي نعالج أنفسنا كمجتمع وكذكور إذا ما وجدنا في أنفسنا هذه العيوب الخطيرة. لكل هذه الأسباب فمن يدخل الي موقع هذه المدونة المحترمة لا يمكن أن يذهب عقله الي الاستثارة بل سيشعر أن هناك انسانة يتم الاعتداء عليها وأنه عليه أن يفكر في هذه الكارثة بإيجابية

اللي بتتكلم دي واحدة بيعتدي عليها في الماضي أو الحاضر مش واحدة بتمارس الجنس طواعية، تفتكر ده شئ يثير الشهوة؟
------------
لست أدري: إيه رأيك تجمعي كل اللينكات الخاصة بالموضوع سواء من مدونات أو مواقع اخبارية مهما اختلفت الآراء وتضيفيها الي كلنا ليلي تحت عنوان خاص؟ شكرا لك وتحياتي

أنـــا حـــــــــرة يقول...

لست أدرى

اقدر استوعب ليه صاحبة الموضوع مكتبتش اسمها
لاننا لسه مجتمع متخلف بيخللى الضحية هو اللى يشرب من كاس القرف اللى اتعمل فيه

المضكلة هنا هى ان الجرح ده هيفضل موجود و كون الموضوع سرى والبنت ما اتكلمتش مع حد هيفضل احساسها بالذنب فوق ما تتحمل

عارفة لو البنت دى راحت لدكتور نفسانى مثلا او اتكلمت مع حد بيفهم و قالها انك ماكنتيش غلطانه او ان الموقف ده اكيد حصل مع كتير غيرك او او
صوت تانى تسمعه غير صوتها يمكن يفرق و تبدأ تحس ان الموضوع مش بسيط لكنه مش هو الحاجه اللى تفضل فاكراها لنفسها
لان ده لا اراديا هيأثر على اسلوب حياتها طول عمرها

و اكيد عندها حق فى ده

انا فاكرة كنت كتبت فى منتدى قبل كده البنت اللى حد يتحرش بيها تعمل ايه ؟ و نظرة اللى حواليها ايه

و كانت الاراء متضاربه و ان كانت معظم اراء الولاد مع البنات


المشكلة دى جذورها كبيرة قوى
يعنى من شباب عاطل و عيال محدش بيربيها و رغبة مش عارفين يعملوا بيها ايه و حكومة بتعلم ازاى تخطف و تجرى
لحاجات تانية كتير
طبعا محدش بيدى مبررات للحيوانات اللى بيعملوا كده
لكن لازم نقول انهم مرضى نفسيين و ده اشرفلهم من انهم يبقوا طبيعيين و بيعملوا كده

البنت فى معظم الاحوال هى الضحية مش لانها ملهاش ذنب لكن كمان لان المجتمع بيخليها تدفع تمن غلطة هى مارتكبتهاش

المجتمع ده عايز يتفوّر بجد
و اعتقد ان حدث زى بتاع وسط البلد
يخللى واحد زىfoxamr
يحاول يفكر شوية قبل ما يكون همه ان الكلام ده بيعمل اثارة

اثارة مين بس خلينا فى سياسة النعامة لحد ماحتى القفا اللى الشعب بينضرب عليه هيتسحب منه


حسبى الله و نعم الوكيل

اخر حاجه عايزة اقولها للبنت
انا مش جاية اقول ياحرام و للا صعبانه عليا

لكن انتى بجد اشرف بكتير من اى حد فكر حتى يلمسك
و ماتخليش حيوانات تنتمى زورا لجنس البشر تخدش صورتك جواكى

وبرضه لازم تعرفى ان مش كل الناس كده
بس للاسف ولاد الحرام ماخلوش لولاد الحلال حاجة

foxamr يقول...

ايه يا جماعة بس الهجوم العشوائي ده علي كلامي ارجوكوا تفهموا قصدي كويس انا مش متخلف ولا انسان ماحسش باللي حصل بالعكس و الله انا قعد تلات ايام العيد مش بخرج من البيت و خايف كمان اروح وسط البلد ده انا كمان وصلت الموضوع ده لناس كتير في الشغل عندي وحذرت كل البنات بس اننا نقعد نتكلم عن حاجات حصلت كده و الفاظ مش لطيفة
ده بيفكرني لما نروح نعزي واحد او واحدة في حد ماتلهم نقعد نجيب سيرة المرحوم و هو مات ليه و من ايه و ازاي و كلام مالوش لازمة المفروض ان احنا نتكلم طب و انت هاتعملي ايه بعديه دلوقتي و المعاش
الكلام اللي بعد الحدث مش نقعد نجيب اللي فات ,, الموضوع مش حكاية او قصة نقولها يا جماعة افهموني اصل التعليقات اللي انا شوفتها عند مالك و شوية الشباب اللي قالوا تعليقت فيها شتيمة و الفاظ خلتني اخاف ان الموضوع يتحول لقصص جنسي انا مش قصدي ان الاستاذة لست ادري انها هاتحول المدونة لقصص جنسي بس انا مش عايز نقعد نسرد في حاجات احنا فعلا عارفين انها بتحصل
ارجو من الاستاذة قطر الندي انها تفهم كلامي بمنطق تاني خالص غير اني عايز اتعالج من اللي انا فيه انا الحمد لله كويس مش محتاج اتعالج بس احنا لازم نتوقف قليلا عن سرد مثل هذة الحكايات
ارجو ان تتفهموا قصدي في هذا التعليق

foxamr يقول...

ايه يا جماعة بس الهجوم العشوائي ده علي كلامي ارجوكوا تفهموا قصدي كويس انا مش متخلف ولا انسان ماحسش باللي حصل بالعكس و الله انا قعد تلات ايام العيد مش بخرج من البيت و خايف كمان اروح وسط البلد ده انا كمان وصلت الموضوع ده لناس كتير في الشغل عندي وحذرت كل البنات بس اننا نقعد نتكلم عن حاجات حصلت كده و الفاظ مش لطيفة
ده بيفكرني لما نروح نعزي واحد او واحدة في حد ماتلهم نقعد نجيب سيرة المرحوم و هو مات ليه و من ايه و ازاي و كلام مالوش لازمة المفروض ان احنا نتكلم طب و انت هاتعملي ايه بعديه دلوقتي و المعاش
الكلام اللي بعد الحدث مش نقعد نجيب اللي فات ,, الموضوع مش حكاية او قصة نقولها يا جماعة افهموني اصل التعليقات اللي انا شوفتها عند مالك و شوية الشباب اللي قالوا تعليقت فيها شتيمة و الفاظ خلتني اخاف ان الموضوع يتحول لقصص جنسي انا مش قصدي ان الاستاذة لست ادري انها هاتحول المدونة لقصص جنسي بس انا مش عايز نقعد نسرد في حاجات احنا فعلا عارفين انها بتحصل
ارجو من الاستاذة قطر الندي انها تفهم كلامي بمنطق تاني خالص غير اني عايز اتعالج من اللي انا فيه انا الحمد لله كويس مش محتاج اتعالج بس احنا لازم نتوقف قليلا عن سرد مثل هذة الحكايات
ارجو ان تتفهموا قصدي في هذا التعليق
و ممكن تزوري المدونة بتاعتي و انت تعرفي و تعرفي انا ازاي كتبت عن الموضوع بابعاد تانية اننا ازاي نتكلم عن الموضوع من اتجاه اخر و هو كشف المستور و ابداء النصح و الارشاد

Nilethought يقول...

Speaking about female sexual harrassment is the only way, awareness could be spread in this country. I could swear that males in Egypt have consistently downplayed and tremendously underestimated the magntitude of sexual harrassment in Egypt. I myself am only starting to realize the full size of it from the different female blogs which are just absolutely great. Awareness it the first step to control it.
Keep it going.

3rby يقول...
أزال أحد مشرفي المدونة هذا التعليق.
3rby يقول...

قصة صاحبتك ديه قصة بنات كتير في البلد
بره الجنس متاح للجميع
بس مافيش حد يبص بصة شهوة لقريبته او جارته
البلد ديه محتاجة يا امة ديكتاتور زي هتلر يا اما علمانية زي تركيا كده
لكن الوضع اللي احنا فيه ده ماينفعش(وضع سمسرة)



بي اس:
:)
انا اسف كنت قلتلك ان تعليقي ماتنشرش وانا ماكنتش فاهم خريطة الموقع عند مالك

مصرى يقول...

أستاذ عربي حضرتك طرحت حل الديكتاتورية (الحل الفاشستي ) لكن ده مش حل لأنه سيؤدي إلى المزيد من المشاكل لأن الهدف الوحيد للديكتاتور هو البقاء في الحكم و تكريس سلطته لذلك لن يسعى إلى حل المشاكل يكفيه إنكارها و أو التشويش عليها بإستخدام وسائل الإعلام التابعة له و بعض الديكتاتوريات تسعى إلى المزيد من الإنفلات أو إثارة المشاكل أتذكر كنت قريت نوري السعيد ( ديكتاتور عراقي )كان بيهتم دايما بعدد البارات في العراق و قول كل ما تزيد بيطمن على نظام حكمه برضه
أو إن الأمن في ظل النظام الديكتاتوري بيكون مكرس بس لحماية طبقة معينة على حساب باقي الطبقات و ده بيؤدي إلى مجموعة من الحوادث

Lasto-adri *Blue* يقول...

استاذ
foxamr

انا الى حد ما مقتنعة بمنطقك.. بالاضافة الى ان الكلام عن تلك الحكايات لن "يودى ولا يجيب" الى ان عرفت مصادفة ان بعض الاصدقاء المقربين كانوا معتقدين ان هذه الحوادث ما هى الا "دلع بنات"
محدش كان مصدق موضوع التحرشات، او انه بيحصل بس مش باليد و كدة

الى ان بدؤوا يقرأوا و اتضح لهم العكس


اما موضوع الخيالات الجنسية... فذلك الشخص اللى قد يقرأ كلام مثل المنشور فى مدونتى و يتخيل هذا الهراء، فاعذرنى، هو شخص مريض، ويحق له العلاج..
لانى لا اجد اى لفظ مكتوب هنا به اى نوع من خدش الحياء او الايحاءات او حتى التلميح من قريب او بعيد عن اى فكرة جنسية بالمعنى المتعارف عليه
بل هى شكوى صامتة لفتاه فوضت امرها الى الله


ولن اقول بعد كلام مختار العزيزى اى شئ الحقيقة

Lasto-adri *Blue* يقول...

قطر الندى وانا حرة.. معلش يا بنتى.. الناس بتكون مصدومة فى الاول، وحبة حبة بتتأقلم و بتفهم
وبشكركم من كل قلبى على مشاركتكم يا بنات
:)



مصرى، للاسف ماعنديش الاوربت.. انا ح موت و اشوف اى حلقة لعمرو اديب.. بس مش عارفة ازاى
ياريت حد ينزلها على
youtube

Lasto-adri *Blue* يقول...

nile thought
thanks for passing by. YES! i discovered thats the case with almost hell of people i know..
girls should never stop..


3rby
الفكرة يا ع ربى انه لازم يطلع من جوانا مش حد يفرضه علينا
لو جه بالفرض ح يبقى مجرد تمثيل مالوش اى لزمة
انما لو كل واحد عرف ان اللى فى الشرع دى اخته و امه و مراته...... ولو كان النظام مين.. مش ح تفرق معاه
لانها ح تصبح "مسألة مبدأ"

مصرى يقول...

مركز الجنوب لحقوق الإنسان يطالب بالتحقيق في موقف الأمن

http://www.rezgar.com/debat/show.art.asp?aid=79447

Web Design Company يقول...

Web Design Company | Web Design India | TheWebMento is a leading Web Site Design Company from India providing Website Design | Web Development Services, E-commerce - provider , Multimedia Presentations, SEO, Web Page Design, Software Development, Flash/3D Animations, Search Engine Optimization ,Web Promotion and Logo Designing. TheWebMento is based at Lucknow, India

لن يقول...

قصص التحرش الجنسي بالاطفال موجودة منذ وجد الزمان. أجد أن دور الأهل هو الأهم في هذه الناحية: توعية الأطفال و حثهم على الكلام وقول لا إن شعروا أن هناك شيئا ما يحصل خطأ في محيط أجسادهم الصغيرة البريئة، والانتباه إلى تحركاتهم و عدم الثقة بتركهم عند أي يكن مهما كان قريبا ولو للحظات
الكلام هو الحلّ
أما بالنسبة للسيد فوكس مش ارفه ايه فباعتقادي أنه يجب تطبيق عليه القوانين التي تطبق على المتحرشين جنسيا في كندا و ألمانيا: الإخصاء
والسلام