الخميس، ديسمبر 01، 2005

قررت أكون


طول الطريق وأنا بفكر فى بوست كتبته مرة زمان عن واحد "كان عايز يكتب". حالة م الإحباط كانت معتمة على كاتبى المغمور للدرجة إنه فقد معنى الكلام وطعم الحياة. كل شئ أصبح عنده بسرعة واحدة وحركة فى نفس الإتجاه . تعاطفت معاه أكتر الأوقات خصوصا لما كنت بحس إنه أنا. لكن يرجّعنى اللوم فأفقد إهتمامى لأنه ضعيف أمام نفسه. ترك دخان فنجان قهوته يسرق منه عمره وهو بيهرب بين أفكاره البعيدة وأوراقه الوحيدة. كان ممكن يحطم جزور الصمت عن أحلامه البسيطة ويكسر جسور العجز عن جناحاته الضعيفة؛ ينفض غبار اليأس ويبدأ من أول السطر.

ولقتنى طول الطريق، وأنا بتطلع لبرة الشباك، كإنى بشوف نفسى لأول مرة الفترة اللى فاتت. وعلى لسانى بكرر بيتين شعر عرفتهم عن عمى جاهين –رحمة الله عليه-. فكرتنى يعنى إيه أعافر عشان أشب لجل أطول نجومى، أخطفهم من بين ضلمة همومى وأجرى لبعيد قوى.

دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!
سلاماتى

هناك 10 تعليقات:

Sameh يقول...

أعافر عشان أشب لجل أطول نجومى، أخطفهم من بين ضلمة همومى وأجرى لبعيد قوى

النجوم تستاهل التعب، رغم عتمة الهموم، وغصبن عنها. حلو البوست.

انا الذي يمشي في الظلال يقول...

المزيكا هايله و مناسبه للبوست
تحياتي

Ahmad El-Saeed يقول...

how are you lasto ?? i wish you are fine & in best case .. i just was asking about you .. how is communication with you ?

3ala fekra ana asef geddan 3ashan konty ba3atty comment 3ala el blog beta3y we maraddetsh 3aleky ... ana aslan mish 3aref el beta3 da tel3e3 menen .. ana aslan deleted my blog we 7atta mish mawgood fe el profile beta3y .. 7atta shofy ..

http://www.blogger.com/profile/5302422

there may be another one who made a blog with the same name !!!

Mr-Biboooo يقول...

واضح انك بتمرى بحالة خاصة فى حياتك

اتمنى تكون حالة سعيدة

Doaa Samir يقول...

السر في الحاجات اللي بترفض تموت. أعتقد إنها هي اللي بتخلي للكلام معنى، وللقلب نبض، ولليعن نور، وللحياة روح.. بس احنا مش واخدين بالنا!!د

Lasto-adri *Blue* يقول...

Sameh:
المهم يكون البلوج طلع خفيف عليك... نورته

أنا الذى يمشى ف الظلال
دى بتاعة م ارسيل خليفة على فكرة..

Ahmed
غريبة فعلا الحكاية دى.. بس إنت إزاى أخبارك؟
روحت فين؟

Mr-BiBooo
والله هو ممكن تقول كدة حالة خاصة.. لكن مفتكرش إنها سعيدة قوى يعنى

Doaa
بظبط كدة فعلا.. حياتنا فبها حاجات كتيرة حلوة بس مش عارفة ليه بنمشى مغمضين!

Ghada يقول...

جميل البوست ده يا لست يا بنتي.. والروح اللي وراه هي الأجمل
:)
يا رب تفضلي محافظة عليها كده دايما.. قولي آمين!

Lasto-adri *Blue* يقول...

Amen
شكرا يا غادة ع الزيارة :)

free soul يقول...

Lasto, how are you?

you know how much I loved this text and I still love it and for sure you know why I loved it :)

I am fine lasto, did you know that I will be in the army soon? I know we talked before about that but I want to tell you something, I am not sad at all now, I am already learning things, to learn from life you have to live it good and bad, the bad things teach you more than the good things

I feel much peace with my heart now, I know more about life and feel so close from its heart

I hope you will do well in your exams

Freesoul

غير معرف يقول...

Best regards from NY!
» »