السبت، ديسمبر 31، 2005

06 .. !!

الحقيقة اللى لازلت أجهلها هى سر السعادة لما يتغير آخر رقم فى السنة! كل ما سنة تخلص وتبدأ التانية تلاقى هيصة وزيطة وفى كل حتة يقولولك "هابى نيو ير".. على الفاتارين وشاشة التلفزيون والإعلانات والجرايد والمجلات.. يوووه متعدش! ولما يبدأ العد التنازلى بقى، ساعات كتير بسمع صوت (صويـــت) عالى كدة أول ما تدق إتناشر، ولا كإن مصر دخلت جون فى نهائى كاس العالم –مع العلم إننا عيشين فى حى هادئ جداً-
عن نفسى مش شايفة أى شئ جديد، دا حتى ملل إننا ح نعيد الشهور م الأول تانى.. يعنى لو كانوا يكملوها سنة ما تنتهى بأسماء شهور جديدة ومفتكسة كدة أظن كانت ح تكون أجمد. كل ست شهور يجتمع العالم يفكر فى أسماء ست شهور جايين.. وتفضل سنة ممتدة إلى ما شاء الله.

الشئ الوحيد اللى بنتظر السنة الجديدة عشانه هو برنامج بيذاع على إذاعة "البرنامج الأوربى" آخر ساعتين فى كل سنة ويمتد لأول ساعتين م السنة الجديدة “New year’s eve special” مع أكتر مذيعين بحبهم .. "أشرف الجندى وأسامة كمال"..
أقعد أعد الشهور عشان الأربع ساعات دول.. وكالعادة –اللى تعودتها من مدة- انى لازم كل مرة أكلمهم شوية، نضحك فيها م القلب ونهيص فى حاجة كدة على ماقسم –بما اننا مشردين م الحفلات-
إلا ان السنة دى بقى ربنا رزقنى بعطل فنى، نوعه: امتحان ديجيتال صباحية السنة الجديدة.. يعنى م الآخر: سنة باينة من أولها؛ لأنها ح تكون أول مرة ليا من سنيـــــــن كتير جدا أنقطع عن سماع أهم أحداث السنة –فى أجندتى- عشان ح ضطر أنام بدرى استعدادا لمهابة الإمتحان.. وثانيا بقى ربنا يستر بكرة لأنهم بيقولوا دكتور المدة دى حاجة صعبة خالص!!
وغير كدة أو كدة.. عمريش قلت إنى ما بحب الأرقام الزوجية!.. بتبعث على الكأبة فى نفسيتى المرهفة

عموما عشان أروح أكمل اللى ورايا وعطلكمش اكتر من كدة.. يالا "هابى نيو ير" جميعا إن شاء الله.. ويجعله عامر
قولوا آمين!

سلاماتى

هناك 15 تعليقًا:

sheryos يقول...

يا ستى يعنى هيه جت على الدكتور ده بس اللى عندكم صعب شوية؟؟ ما انتم عندكم بلاوى فى القسم كله :D

يلا كل سنة و سعادتك طيبة يا لست... و إستعدى كده للميكروافز ;) :P

ربنا يعينك إن شاء الله

Nour يقول...

آآآآآآآآآآآآآآآآآآآآمين يا لستٌ

;)

Aladdin يقول...

Happy New Year to you, lasto! By the way, your choice of Marcel's 'Qanun piece is just brilliant.. May you please forward it to my email (Yahoo accout), you'll find it in my blog's profile.

Haitham يقول...

هابي نيو يير لست أدرى .. شدي حيلك في الامتحانات .. الدستور نورت بيكي عاوزين كدة كل عدد

Raed يقول...

can you please forward me the clip please .. jareeer@msn.com

بالنسبة للموضوع :

كنت أحدث أحدهم بذا فأقول هب أن رجلاً قبع و حلس أمام عداد الكهرباء وقبل ألا يصفر العداد -بمعني يقلب أصفاراً - يتوقف أهل الحارة والكل يصوت ويزمر ولما يقلب يصرخ أهل الحي فرحاً ثم يعود كل منهم إلى شأنه فالنساء إلى طبيخ والبنات إلى الجامعة والشباب "برضو " ألا تقول أنها حارة مجانين ؟

بل الأدهى والأمر ذكرى تسونامي .. هل نحتفل بأعياد نكد؟ لا أدري إذا عرفتي أخية فأخبريني

tamer يقول...

انا شايف ان الفرح لقدوم سنة وزهاب اخرى

يرجع فى الامل على ان تكون افضل من السابقة

تسلمى ومشكوووووووورةى على المشاركة القيمة

وفقنا الله لما فية الخير

مع خالص تحياتى

wa7d mn el e5wat يقول...

WALLAHY ya lasto ana shayef en lamma sana el gedida bteegy bteb2a new start
zay el computer lama benseboh wa2t taweel beyhanneg flazem ne3mel restart!!!
we bsar7a e7na benhaneg kteer :D

anyway be brave da el microwave
sheddy 7eilek we RABENA m3akky

kalam يقول...

بدايه السنه بتدى الاحساس بالبدايات الجديده بس
انتى عارفه نفس الشعور لما تسيبى شغلك وتروحى شغل جديد
او تعزلى او تسافرى
بتسيبى وراكى مشاكل متراكمه كنتى زهقتى من حلها
طبعا راس السنه مش بتعمل كده فعلا
يعنى مشاكل السنه اللى فاتت والحمد لله تم نقلها بالكامل للسنه الجديده
بس راس السنه دايما فيه الاحساس ده بس على الاقل

وعموما
ااااااااااااااااميــــــــن

littilemo يقول...

ربنا يسهل

BaVaLoVa يقول...

آآآآآآآمييين
بس مادام بدأناها بالديجيتال فأنا مش متفألة خير

Ahmed Shokeir يقول...

Lasto
whenever you talk to Osama Kamal again
pass for him my best regards we are firends from more than 15 years
but you should say Ahmed Shokeir From Mansoura
i was known by that nick

Good luck in your Exams

Lasto-adri *Blue* يقول...

Aladdin & Raed check your mails ;) E.N.J.O.Y


Haitham
إنت فين؟؟؟ بقالك مدة مختفى


Raed
غحنا لو ح نقعد نفتكر فى ذكريات الأحزان مش ح نخلص... تقريبا كل يوم فى ذكرى لوفاة إنسان... لكن هى الدنيا تلاهى كدة.. ولازم فى يوم نفرح.. بس الفكرة نفرح لإيه!!


Tamer
خالص تحياتى ليك

Lasto-adri *Blue* يقول...

wa7d ml e5wat
a5eran hena.... la2 bgad el blog nawar bek ;)


Kalam
مقدرش أعترض على كلامك الصراحة..
عموما أهلا وسهل بيك أول مرة هنا ;)


Ahmed shokier
U know Ossama :D :D
كل يوم بيزداد ايمانى ان الأرض كروية صحيح
ع العموم حاضر عينى


Nour , Bavalova & little mo
Happy new year to all of You ...

تييي يقول...

يتهيألي إن الامتحان جه سهل، ربنا بس يستر معاكم فاللي جاي...
خدي بالك بقي إنت محطوطة تحت العدسة من هنا و رايح ;)

ربنا معاكي و ما تنسيش اظبطي المنبه صح!!!

Steliano Ponticos يقول...

But still happy new year. And best wishes for '06.