الأربعاء، نوفمبر 29، 2006

وخلى قلبك خالى


وفى نص الطريق افتكرها لما وقفت فجأة وقالت:
"ولو كنت قوى ولا ضعيف، ناوى تصمد أو تنهزم... بتحاسب لها ولا على بساط الكريم.. نصيحة خدها ببساطة.. على مهلك.. ولا يهمك ابتسامة النهاردة الباهته، بكره ح تبقى ملونة.. خليك دايما مبسوط كدة... واضحك.. اضحك جواك قوى.. وسمع نفسك دايما... "الدنيا دى عبيطة قوى..""

لحظتها وقف فى مكانه، وعافر يشوف آخرة الطريق الطويل.. ولما تعب، رجع يمشى من تانى وفى نفسه بيقول...
"الدنيا دى فعلا.. عبيطة قوى.."


بى اس:
العنوان من أغنية "يادنيا يا غرامى" لمحمد عبد الوهاب


سلاماتى

هناك 26 تعليقًا:

Dananeer يقول...

عبيطه اوى اوى
و متعبه اوى اوى

دى اغنيه؟؟

islamz يقول...

عبيطة ... ههه .. عبيطة الدنيا ؟؟ احتمال .. بس ليه نففتكرها عبيطة وهى شايفانا وساكتة .. ممكن تكون حكيمة عشان ساكتة على عبطنا .. هى اكيد حكيمة شان قادرة على تدى كل واحد اللى هو عاوزه .. العبيط تستعبطله والعاقل ممكن تهبلة .. عبيطة طب وماله .. عبيطة عشان فيها العاقلين بقوا اسمهم عبط .. ولا الفلاسفة بقوا هبل .. عبيطة وست العبط مادام الكل واخد اللى عاوزة منها ... وهى ماشية زى ما هى .. لا بتبخل على حد ولا بتدى الواحد كل اللى هو عاوزه ...


معلش يا بلو طولت عليكى شوية بس فعلا
تدوينه رائعة .. نورتى دماغى يا بلو :]

islamz يقول...
أزال أحد مشرفي المدونة هذا التعليق.
غير معرف يقول...

وفضل يدور على ألوان الضحكة اللي قالت له عليها

ومن ساعتها بيقول (الدنيا دي عبيطة .. فين ألوان الضحكة؟ فين الضحك من أصله ..الدنيا دي عبيطة)

ويرجع تاني يدور

insideme يقول...

عبيط قوي!

3rby يقول...

release your innovations feel the rain on your skin...no one else can feel it for you...only you can let it in...no one else no one else can speak the words on your lips ....the rest is still unwritten

natasha beignfield
unwritten

غير معرف يقول...

مش عارف يا بلو الضحكة مش عايزة تبقى جوايا دايما ضحكة من الظاهر
رغم إني مقتنع إن الدنيا عبيطة

لكن هافضل أعافر أعافر أعافر
يمكن أتخرج
;)

Lasto-adri *Blue* يقول...

dananeer
لاء مش اغنية
بس فلسفتى الأخيره فى الحياة


islam
:)
بليل وانت على مخدتك... مهما كانت الأزمات فكر كدة انها عبيطة.. ح تلاقيها عبيطة قوى قوى


مصعب الخير
هو اكيد بيدور فى المكان الغلط
انصحه مايروحش برة قبل ما يتأكد انها مش جوة
وهو ح يلاقيها جوة بالتأكيد


me
:)


3rby
aywa, thats the talk ;)
no one else can feel it for you.
تسلم ايدك يا عربى ياخويا

Lasto-adri *Blue* يقول...

مصرى
بص. عافرت ماعفرتش ح تطول آخرة الطريق
المهم تعافر تخلى الطريق مش اكتر من طريق عبيط
:D
حاول تخليك دايما مبسوط.... معرفش ليه او ازاى

Nour يقول...

..جميلة قوي قوي يا بلو

Unknown يقول...

ana ba7eb eldonia 3ala 7alha , 3abita , habla bas zay el2amar we medala3ana.
etez3al men elly beyz3al menha we te7eb elly yesame7ha.

غير معرف يقول...

و بعج اما عافر ... عرف يلون ابتيامته الباهته الالوان ... لا اعتقد
ربما انا متشائم قليلا و لكن لا تتلون الابتسامات بسهوله ... الدنيا مش عبيطه يا لست ادري ... الدنيا قاسيه و قاسيه اوي ... عمرها ما كانت عبيطه ... و لا هتكون الدنيا هتفضل دنيا

انتوك

Lasto-adri *Blue* يقول...

karakib
الدنيا دى عبيطة فعلا.. واعبط مافيها احنا
شوف ايه اللى بيزعلك منها؟؟ بكرة ممكن يكون هو نفسه اللى بيفرحك.. وشوف اللى بيفرحك اصلا.. تلاقيه اشياء صغيرة قوى وعبيطة قوى
:)
اصل انت كدة ولا كدة راح تمشى فى الطريق..... خدها عبيطة عشان ترتاح
;)


heckok
:) YEAH! i feel you do ..
bas heya mesh mdala3ani awi :D enma wala yhmna,, e7na nas gamden awi ;)
wala eeeeeeh???


nour
ايه يابنتى فينك من زماااااااان؟
متشكرة يا فندم
:)
بس تانى مرة ما تحرميناش منك كتير كدة

radwa osama يقول...

ياااه عارفه الاغنية ده قعدت في يوم ساعتين ادور عليها وبرضه ما لقيتهاش ..ده اجمل هدية ممكن اتقبلها الصبح ..شكرا جدا ..حالتي المزاجية هتبقي احسن كتير ..بجد شكرا

sara86 يقول...

والله مانا عارفه احنا اللى عبط ولا الدنيا
نعيب زماننا والعيب فينا ومالزماننا عيب سوانا
بوست جامد
ابقى بصى كده على بداياتى
هههههههههه
http://7aagat.blogspot.com

غير معرف يقول...

عبيطه قوي واحنا اللي بنديلها اكبر من حجمها

غير معرف يقول...

الله يسعدك يا إيمان
كنت دايخ على لينك للأغنية دي!

كلمه يقول...

ابتسامة النهاردة الباهته، بكره ح تبقى ملونة..

خليك دايما مبسوط كدة... واضحك

gamil 2wy elkalam da .... 2na mashy keda elyomeen dol
mafeesh 7aga mestahla
da 3`eer en takbeer eldema3` men el7agat elfadya mofeed nesbyan :D

Unknown يقول...

am good .. am fine .. am on the top of the world ..da ely ba2et a2oloh le nafsy fel yom 100 mara coz aloen my smile .. kol ma a7es be 7aga 7trmy 3lya delaha ab3ed w a2ol le nafsy keda :)
el donya 3abeta awe awe w a7ena 3obt awe awe awe 3ashn bn7'leha td7ak 3lena :))

Ahmed Rashwan يقول...

المهم فعلا نسمع نفسنا دايما
وبعدين نبقى نسمع التانيين
هي يمكن ينطبق عليها وصف عبيطة ، بس ينطبق عليها أكتر وصف أنها مغامرة مضطرين نعيشها
تحياتي

Lasto-adri *Blue* يقول...

radwa
يارب دايما كدة
:)


sara86
منورة يا سارة
وأه.. العيب فينا


bosbos
مبروووك الأول
وفعلا.... هى ماتستاهلش اى حاجة


كلمة
انا ماشية كدة من زماااااان
كبر دماغك وعيش مرتاح
مافيش شئ مستاهل
:D


moia
Good girl (Y)
خلينا احنا اللى نضحك عليها
:D


film69
ماهو انت ممكن تكون طويل وفى نفس الوقت اسمر
وانك اسمر مش تنفى انك طويل
فاهمنى؟
هى ممكن تكون مغامرة.. بس مغامرتها ما تنفيش انها عبيطة
:D
عبيطة قوى قوى

غير معرف يقول...

فعلا يا عزيزتى
مفيش اعبط من الدنيا
تيجلها يمين
تروحلك شمال
تنطى لها شمال
تتزحلق يمين

يبقا سبيها وهى تجرى وراكى لوحدها
اصطباحتك تفاح

محمد أبو زيد يقول...

عارفة ، حسيت إني بقرا جزء من سيناريو ساحر للمبدع داود عبد السيد ، ده أول حاجة جات في دماغي ونا بقرا ، يمكن افتكرت أكتر جزء من حواربين يحي الفخراني وفاتن حمامة في ارض الاحلام

مش هعلق على النص ، لكن هعلق على طريقة الكتابة الجميلة ، جميل إننا نكتب بالعامية ، بالطريقة اللي تخلينا نرتقي بيها
فيه محمد ناصر له مجموعة قصصية اسمها اولى اول كانت طالعة من المجلس الاعلى للثقافة وكلها بالعامية
هنا ي النص ده ، التماس الجميل بين السرد ، واللغة الفلسفية ، الجملة اللي قالها البطل هنا ، بتحمل لي كما من الادهاش رغم انها مكررة ، ولم تضف جديدا
هل هوه ده الفن ؟

Lasto-adri *Blue* يقول...

شهروزة
لوووووووول.. فعلا
اصطباحتك جوز الهند

محمد أبو زيد
والله علمى علمك... لا اعرف معنى الفن الى الآن سوى انه شئ، اى شئ.. ربما نسمة فنانة.. لكنها تستطيع ان تخترق روحك دون ان تعرف كيف، ودون ان تحدد ملامحها بدقة
فان كان نصى المتواضع فعل نفس الشئ بك
لما لا؟! ربما هو فعلا فن
:)
بس دايما كدة تفرح يومى بتعليقاتك الجميلة يا استاذ محمد

Fadi George يقول...

فعلاً الحياة دي ولا حاجة وكل حاجة

abderrahman يقول...

اللي بيخلي الإنسان ينجذب للدنيا احساسه انه مش عايز يخسر المعركة ويكون المنتصر

تقريبا كده

:)