الأحد، نوفمبر 19، 2006

إوعى تبات ليلك حيران

ربما دعوة شخصية للخروج من تأثيرات الإمتحانات.. ربما رغبة ملحة لاحساس جديد، لذيذ.. مختلف.. أبدا أحلق كلما سمعت أنغام بدفئ صوتها، تشدو هذه الكلمات.. عزف الجيتار مع المعانى بين الأسطر، هارمونية خفية رائعة... بل وأكثر من رائعة..
وربما.. ربما هى مجرد أمنية بسيطة للابتسام والحب والرقص والغناء وصفاء البال... قف الآن واستسلم لهذه التركيبة من الأحاسيس.. فقط لو حسيت

لو حسيت انك عطشان
قوم لهوايا افتح له بيبان
ضم الهوا فى القلب الطاير
اوعى تبات ليلك حيران

لو حسيت انك حبيت
ماتخبيش ان انت هويت
ياللى مليت قلبى و خليت
لون الكون أحلى الألوان
أمم.. أحلى الألوان

لو حسيت انك مشتاق
ادخل جنة العشاق
حب ودوب واعشق واشتاق
يطرح عشقك ع الأغصان
أه.. ع الأغصان

لو حسيت انك مجروح
هات الروح تسكن ف الروح
كل جراح الدنيا تروح
والأفراح يبقى لها مكان
أمم.. يبقى لها مكان


سلاماتى

هناك 17 تعليقًا:

zara يقول...

لو حسيت انك مجروح
هات الروح تسكن ف الروح
كل جراح الدنيا تروح


لو نقدر نستقبل بعض بجروحنا
لو نقدر نحب بعض زي ماحنا
لو كنا نقدر نبقى طول الآبدية متعانقين

غير معرف يقول...

إمتحانات مين ماخلاص أنا فاض بي و مليت
الله جاب الله خد الله عليه العوض

بس بجد كلمات جميلة

لو حسيت انك مجروح
هات الروح تسكن ف الروح
كل جراح الدنيا تروح
والأفراح يبقى لها مكان
أمم.. يبقى لها مكان

ماتعرفيش مين اللي كاتب الكلمات

آه صحيح
عاملة إيه في الإمتحانات يا بلو

غير معرف يقول...

أنا.. الحمد لله ..خلصت دراسة ...
هو لسه فيه تلمذة فى الدنيا ؟
....
الحب الحقيقى ..موجود ؟ ..أشك ..
الحب الحقيقى يكون إجبارى بلا سبب واحد
لو كان الحب له سبب لا يكون حب حقيقى
أن تحب الجميل ..أنت تحب حقيقة جماله
أن تحب الغنى ..فأنت تحب ماله
أن تحب الطيب ..فأنت تحب طيبته وأخلاقه ..
الحب الحقيقى ..أن تكون مجبر عليه
وكما قال عمر بن الفارض
ما الهوى سهل ..فما أختاره مضنى به ..وله عقل ...

Abdou Basha يقول...

شدي حيلك يا باشمهندسة
السنة دي اهم سنة
;)

غير معرف يقول...

ربنا يوفقك و تبقى باش مهندسه اد الدنيا

Lasto-adri *Blue* يقول...

zara
:)
اعتقد -عن نفسى- كنت زهقت من كتر الحب


مصرى
ايوة.. بعد شرف اليوم.. يبقى الله جاب الله خد الله عليه العوض فعلا
:D
شفت الرجل عمل ايه؟
لا والله معرفش مين اللى كتب


رجل فى غمار المولى
انا كمان اشك فى وجود الحب بالمعنى المتدارك بين الناس
انما ليه ما نبجلش المعنى فى اسمى صوره بين الناس
:)
صباحك سعيد



عبد الرحمن و اسلام

الله يكرمك.... اه كتروا من الدعوات دى ايام الامتحانات
وعليا ادعى لاولدكم ان شاء الله لو كان فينا عمر
;) :P

غير معرف يقول...

ههههه
احساس حلو فى زمن وحش
وعادى بقة
اودى

Hechkok يقول...

thank you for this lovely song, it left me with a great feeling.

NoOR يقول...

فكرتيني ليه بالميد تيرم ده انا لسه السبت الجاي وبسم الله ماشاء الله ابيض مالصيني قبل غسيله

ربنا يوفقك في امتحناتك و ادعيلي ربنا يكرمني و اعرف اذاكر


الغنوه حكاااااااااااااايه

Aladdin يقول...

الاغنية دي ممكن تكون المرادف العربي لأغنية الجميل لويس آرمسترونج "يا له من عالم رائع"!! فكري فيها شوية!

واوعي بتاتي الليل "حيرانة" من مسائل الرياضيات والفيزياء العويصة!!

Lasto-adri *Blue* يقول...

ody
:)
وحشت الزمن ليه بس يا اودى كفى الله الشر


heckok
HAPPYYY to hear that :)


noor
ربنا يستر عليك وعليا يابنى
بس سيبك، كل ما تضايق اسمع الغنيوة و انسى
;)


alaa
تصدق انها ممكن
بس انا اللى عاجبنى فيها اكتر الاقاع الراقص.. يحسسك بالانتعاش لو نسيت كل اللى فايدك و نكشت شعرك وقعدت تتنطط فى اوضتك بعيد عن كل الناس
:)
ياه يا علاء.... صدقنى ح تقعد طول الليلة تضحك قوى

karakib يقول...

عالم رايحه و جايه و انا مين و فين مكاني ؟ايه اخر الحكايه ؟و ايه اللي رماني ؟ .. يا خطاويه الغريبه دنيا و لا متاهه؟دايره و بندور وراها ... في صبحها و مساها اهه وراها أهه يا خطاويه الغريبه

-----------------
معلش بقي !! ان امتحاناتي لسه ما خلصتش
هاني

غير معرف يقول...

al song hayla, bas al la7n meta7'ed min 7etta tanya bas mesh 2ader now agama3ha, bas ana akeed it's not original :) gayez ba2a 3alshan te7alely al na2l we enty da7'la al imte7anat :P

3rby يقول...

الميوزك اللي حطاها ديه لازم تبقي علي النت ولا ممكن اعمل ابلود لميوزك من الكومبيوتر عندي في البلوج؟

اصلي عاوز احط ميوزك متأكد اني عمري ما هالاقيها علي النت

غجر...بربر...اللي هم بتوع المغرب دول بس نادرة جدا

Dido's^^^ يقول...

:):):)
أنا بحب الأغنية دي قوي قوي يا لست أدري .. فكرتيني بيها
اختيار جميل
Thanks a mil -

islamz يقول...

الله الله الله ... جيتى على الوتر يا بلو .. اغنية روعة .. احساس دافىء وجميل .. اخر مرة سمعت الاغنية دى من سنة تقريبا .. بس افتكرت صوت انغام ولحن الاغنية اللى لا يمكن انساه ... احساس جميل جدا جالى .. ياااااااااه .. والله الاغنية دى حلوة اوى .. وواضح انك ذوقك عالى فى الاغانى والموسيقى ..
تحياتى لكى .. واتمنى تزورينى .. :]

غير معرف يقول...

الله عليكى

أنغام يعنى حبة احساس بقى و سيبى ايدك و طيرى