الأربعاء، نوفمبر 22، 2006

!!إمسك حرامى

وقد تكون المشكلة في الظاهر شخصية ولكنها ليست كذلك مطلقا، فمعني هذا أن جهد كل المدوينين معرض للسرقة والاقتباس والنقل الحرفي دون ذكر أي مصدر.
ياريت لو تضامن معي كافة المدونين فإنها ليست مسألة أن صحفي قد سرق موضوع بل أكبر من ذلك، بكثييييييييييييييير
وما أريده فعلا هو أن يتكاتف جميع المدوينين لحماية إنتاجهم الشخصي من السرقة والنقل.
حد سامعني؟!



أنتابنى حالة من الفزع وأنا أقرأ هذه السطور من مدونة "حائر فى دنيا الله"!
هى ليست المرة الأولى التى تتعرض فيها مدونة الى الاقتباس دون الرجوع الى المدون الأصلى او باختصار (السرقة).. بل حدث قبل ذلك مع "غادة" ولسبب أجهله لم أتابع مجريات الأمور، بل ربما يحدث ذلك كل يوم ولكننا لم نعرف بعد!

أما تساؤلى الحالى.. بعد الفكرة العبثية لاخضاع المدونات تحت قانون رقابى جديد لحماية الدولة من الشائعات... هل ستتحرك الدولة يوما لحماية المدونات والمدونين؟؟
ولا هو نظام.. لينا بس، وليهم لاء؟!

سلاماتى

هناك 18 تعليقًا:

غير معرف يقول...

مش عارف يا بلو

شفت قبل كده كتير من المدونات مكتوب عليها كل ما في هذة المدونة يخضع لقانون الملكية الفكرية مش عارف إمكانية عمل ده إزاي
هاسألك أصحاب المدونات دي و أقول لك

غير معرف يقول...

شكرا يا لست أدري
وأنا عن نفسي لن أترك حقي أن شاء الله وبعد عدة ساعات كان هناك رد من رئيس التحرير الجريدة وتفاصيل أخرى سأذكرها مسبقا
ولكن الأهم مني الآن هو كيف نتكاتف جميعا بكل ميولنا واختلافاتنا ونحمي إنتاجانا الفكري
نحمي عقولنا وإنتاجها من السرقة

غير معرف يقول...

lasto adri:
bgad i was shocked when i read that post

and dunno el-7al eh :S

Mohammed Gamal يقول...

و الله يا جماعة أنا شايف ان الحل ان كل واحد يضع محتوى مدوناته تحت ترخيص واضح زي
FDL أو Creative Commons
أو حتى انه المدون يضع شروط الطبع و النسخ و الاقتباس الخاصة بيه علشان يبقى فيه سند قانوني يسمح له باللجوء لأي جهة معنية في حال تم الإخلال بالشروط دي من أي طرف.

Bella يقول...

السطو على ابداع الآخرين غير مقصور على المدونات

هناك الكثير من الابداعات التي تم السطو عليها ولم يكتشف احد او لم يتمكن احد من ملاحقة اللص

هناك في مدونة أحد من اقترح عمل مدونة لكشف السرقات

اعتقد انها فكرة جيدة وتحتاج للتنفيد خاصة بعد تفشي ظاهرة السرقة غير الأدبية

وفكرة عمل تدوينة بخصوص السرقة ممتازة وكل من يقرأ عنها يكتب في مدونته وبدلك يتم فضح اللص وفي هدا ردع لغيره ممن تسول لهم انفسهم السطو على ابداعات الآخرين

غير معرف يقول...

you can now register whatever you want in the smart village and after that you can forbid any one from using ur stuff or he will be under legal authority

Dananeer يقول...

بلو اعتقد ان موضوع ال
encoding
و حقوق الملكيه ده كويس
جنب ان اللى يحصل معاه كده ميسكتش

3rby يقول...

التعليق ده تالت مره اسيبهولك
الميوزك اللي حطاها ديه لازم تبقي علي النت ولا ممكن اعمل ابلود لميوزك من الكومبيوتر عندي في البلوج؟

اصلي عاوز احط ميوزك متأكد اني عمري ما هالاقيها علي النت

غجر...بربر...اللي هم بتوع المغرب دول بس نادرة جدا

3rby يقول...

بالنسبة للموضوع(ماتنفضيش للسؤال وتردي علي التعليق ده بس)

بيتهايئلي ان حكاية قوانين الملكية الفكرية ديه ممكن تفتح باب للتشريعات الخاصة بالمدونين وممكن يبقي فيه علينا حدود زي الصحافة الحرة...جرجس والنديم كانوا بيتكلموا عن الحكاية ديه في النيل الثقافية...ممكن في حالات زي ديه الواحد ياخد بعضه ويروح علي نقابة الصحفيين ويسيح للصحفي وده هايسببله حرج جامد وممكن يتفصل من الجريدة او النقابة

غير معرف يقول...

الحقوق لا تمنح بل تنتزع ...
تعالي نقوم بعمل ما ضد الصحفي ده .. نبعت لاي محرر في جريده اخري محترمه او نحتج كلنا ضد جريدته ... مش عارف ايه اللي ممكن يتعمل بس لازم نقف معاه بأي شكل انا مستعد اعمل اللي تتفقوا عليه ....
هاني جورج

Lasto-adri *Blue* يقول...

ايوة يا عربى
ابقى ابعت لى ايميل لمل تعوز سؤال افضل
لانى مش بفضى ارد على البلوج ساعات كتيير
المهم ايوة لازم يكون عندك الاغنية متحملة على مكان ما.. ولهل
direct link
لو عندك مساحة فاضة من موقع او حاجة يبقى قشطة


بتاعتى اصلا من على موقع مارسيل ذات نفسه فمحتجتش انى احملها فى اى مكان تانى

Lasto-adri *Blue* يقول...

انا نفسى بجد نفضح الصحفى و الجريدة عشان يكون عبرة لمن يعتبر
بس عندى تساؤل.... احنا كدة مش ح نعمل على الاعلان للجريدة؟
انا اساسا اول مرة اسمع عن الميدان دى من حائر
!!!

abderrahman يقول...

عادي
للأسف
فيه ناس بتفتكر الانترنت دي أرض مشاع
سواء في النقل دون ذكر المصدر على الانترنت، يعني تلاقي موضوعك أو خواطرك عمالة تلف ع المنتديات
أو من السرقة الصحفية زي دي .

مينفعش العمل يبقى على الانترنت بس لازم صاحب المشكلة يروح يقابل حد في الجريدة
هل ده تم...؟

كلمه يقول...

homa elbloggers dol 7alal fehom elser2a msln wla yahood byt3ml fehom 2y 7aga ?????

mna mesh fahem 2eh el7wra da y3ni .... ma7na mesh shwyet hafa2at 2y 7alof mesh la2y 7aga yektebha yefta7 2y blog w ya5od elkalam elly feh w zy elfol b2a
w e7na soktom boktom 3l 7wra

ma 3lena y3ni ....sorry 3la (el7am2a) bs el7wra fa2a3ny 25er 7aga esra7a :D

lazem neshof 7al ya ged3an

islamz يقول...

انا شايف ان احنا كلنا لازم نفضحهم على كل المدونات .. وبيتهيألى ده مش هيقي اعلان للجريدة بقدر ما هو تشهير بيها .. انا كمان عمرى ما سمعت عن الميدان دى .. بس لما سمعت خبر السرقة ده اتخنقت اوى .. وحبيت اساعد معاكم ولو بكلمة .. وعلا عملت موضوع عندى على السرقة دى ... ويا ريت الكل يحاول يساعد فى نشر الحكاية باللى يقدر يعمله ... وده عنوان الموضوع عندى http://khatwa.blogspot.com/2006/11/blog-post_25.html

واتمنى انى اكون وصلت صوتى ولو لواحد بس .. والسلام ختااام :]

غير معرف يقول...

موضوع حماية الملكية اللي قلت عليه يا بلو مدونة مدونة مصرية و مدونة رومانتيكا
و يتكتب شعرها على المدونات قالت

الذهاب لمصلحة الشهر العقاري بصورة من الموضوعات اللتي سيتم تسجيلها والبطاقه و ستدفع مبلغ زهيد عن كل ورق

ارقام مهمه لأي استفسار
جمعية المؤلفين و الناشرين 025795525
جمعية حماية حقوق الملكيه الفكرية 027942834
استعلامات وخدمة عملاء الشهر العقاري 025753671
025751268

غير معرف يقول...

ايه ده
حتى الحته اللى الواحد بيفضفض فيها بتتسرق
حسبى الله ونعم الوكيل
فعلا ياريت نعمل حاجة بخصوص الموضوه ده
علشان يبقى فى راع و كل واحد يحمى ممتلكاته اللى مستكترينها عليه

الأميره أوسه يقول...

أنا اللى حصل معايه نفس اللى حصل مع سوسه المفروسه
أن صحفى من جريدة الغد أخذ مواضيع ونشرها ثم تفضل مشكورآ بأعلامى بهذا النبأ السعيد
كمان حدد تاريخ النشر
لكن ده بعد ما أخذ المواضيع اللى ممكن تخدم قضيه معينه (سياسيه) بمعنى أستخدام كتابتنا بطريقه تخدم سياسة جريده بغض النظر عن رأى المدون صاحبها
لحسن الحظ ان معظم مواضيعى لا ترقى لمستوى النشر
أن يدوب أنشر قميص أو تشيرت
تحياتشى لست ادرى الجميله