.jpg)
لما كنت صغير
كنت اتمنى الدنيا تمطر
أضحك معاها و أجرى
و كإنها بنت قدى...
ياما لعبت تحت المطر
عمرى ما بردت
عمرى ما تعبت
و كإنه كان بركان جوايا..
و لما كبرت
طعم المطر عندى اتغير
أشوفه و يبقى نفسى ابكى
و أبكى و أبكى
زى المطر...
تبقى الدنيا برة بتشتى
و جوايا بتشتى اكتر..
هناك 36 تعليقًا:
دا كان اول شئ اكتبه بالعامى، وصادفت ان دكتورة سحر الموجى ناقشته على الهوا فى برنامجها مع غادة مع نفسى.. الحقيقة دى كانت اول مرة اتعرف فيها على غادة.
ورغم حبهم لهذا الشئ المكتوب أعلى.. الا ملاحظتهم كانت على آخر "أربع أسطر" فى النسخة الأصلية.. ولانى بعد مرور اكتر من سنة و نص، اعادت النظر فى تشبثى بآخر أربع أسطر.. فمسحتهم لانهم فعلا مش بيقدوا اى شئ جديد.
على العموم، رغم بساطة معانيها الا انى حساها قوى اليومين دول، فقلت اشرككم معايا
:)
يا بلو
بصفتي محب للشعر بكل أنواعه عامية و فصحى
وقديم و حداثي وما بعد الحداثة
أحب أقولك اللي مكتوب جميل جدا
و أرجوكي كملي و نمي موهبتك
ويا ريت لو كتبتي حاجة تانية تنشريها
مصرى.. متشكرة على المجاملة الجميلة دى بجد
دلوقتى اقدر اذاكر
communications
مرتاحة الضمير
;)
حلوة بجد
مع إني بحس إحساس مختلف تماما تجاه المطر دلوقتي بس تعبيرك عن اللي جواكي رائع بجد
خليكي مبسوطة
ممم الكتابة بصيغة "المذكر"؟! دي عايزة سؤال!
"الدنيا بره بتشتي" ... انتي اسكندرانية؟!
"آخر أربع أسطر"؟ مالهم زي الفل! "))
انتي ايه دخلك الهندسة أساساً!
mido
:) :)
اجمل امنية سمعتها فى الوقت القريب دا
"خليكى مبسوطة"
وانت كمان
"خليك مبسوط"
alladin
المذكر دانت ملاحظة غادة و دكتورة سحر التانية
ومش عارفة، اوقات بحس لغة المذكر اقرب لى من المؤنث
مش عارفة ليه
لاء انا مش اسكندرنية، مع انى بقول بتشتى، وبقول قوطة و فلافل
لاء ما آخر اربع اسطر مسحتهم.. ما انشرتهمش هنا... اللى قدامك اللى محدش اعترض عليه
الا بالحق.. ايه اللى دخلنى هندسة؟
اللي دخلك هندسه :) ممكن لو عرفتيه تبقي تقولي لي ؟؟
انا كمان بادور عليه
______________
المطر ... زيه زي اي شيء اخر زيه زي البرد بنسقط عليه احساسنا الداخلي لعبه الاحساس ممكن ناس تقول عالبرد نشوه و انتعاش ... و ممكن نقول انكماش و غربه ...
و يبقي الانسان هو الذي يعطي للجماد من روحه دائما
--------------------
هاني جورج
انتوك
شعر أكتر من رائع بجد
عجبنى إحساسك يا بلو...
المطر ...
مش عارف !!!
شكراً ;)
جميل أوى أوى يا بيلا .. و إن شاء الله تكونى على طول "مبسوطة" يارب :)
and yes! I remember it!
عملت نفسي فالحة وقلت آجي أفكرك إن النص ده كان سبب معرفتي بيكي لقيتك سبقتيني! :)
بأكرر إنه نص جميل.. مش مستغربة إني اخترته لما سحر قالتلي اختري مادة الحلقة من الموقع..
خزني شوية دفا للشتا الجاي يا بلو.. خليكي نفسك :)
عمرى ما بردت
عمرى ما تعبت
ده هو بالظبط إحساس الاطفال
فرحتهم بالمطر ، لعبهم معاه
الجزء التاني عجبني ، عجبني فيه إن المطرة بقت بتمطر من جوانا ، لكن بتمطر إيه ، حزن.. ممكن ، ألم .. يجوز ، حنين للطفولة .. أكيد
حلو التامل شي لذيذ جدا متعة من متع الحياة ان الانسان يقعد يفتكر و يفكر و يبداء يربط انهاردة بامبارح
...
جميل
مش عارف أشكرك إزاى
بجد كلامك وجعنى
وأنا اليومين دول مش ليا مزاج خالص للكتابة
بس لو كنت كتبت
مكنتش هعرف أكتب أكتر من كدة
شكرا ليكى
ياترى هيجي اليوم آلي نشوف فيه المطر ونلعب تاني...لست أدري...لكن عندي إيمان...
على فكرة انا كتب لست أدري وإيمان وبعد مكاتبتهم أخدت بالي أنهم الأتنين بيعكسوا حاجة عنك...يمكن ده ليه معنى ويمكن ملهوش آي معنى...أحنا آلي ممكن نديله معنى.
على فكرة عجبتني جداً، عجبني أد أه هي بسيطة وفي ذات الوقت عميقة جداً.
karakib
و يبقي الانسان هو الذي يعطي للجماد من روحه دائما
أه عند حق..
وحتى انقى الاشياء ممكن فى نظر البعض تصبه شبب كل الشرور فى الدنيا
anawafkary
عمرو فينك من زمان
:)
متشكرة ليك كالعادة
ikhnaton2
أستاذ شكرا
:)
ياااه.. اخيرا حللت أهلا ونزلت مكانا سهلا فى قلوبنا
انا اللى شكرا
;)
me
وانتى مبسوطة اكتر و اكتر
:)
ghada
كانت اجمل صدفة بجد...
لو ان الدفا بيتخزن.. ماكنش حد تعب
:)
الدفا من القلب.. ولو القلب فاضى، ح تلاقى البرد بيتردد برده ولا بيعرف دفا
محمد ابو زيد
فى الجزء اللى اتمسح كان فيه شبه اسقاط للحنين.. بس التوضيح اوقات مش فى صاح الكاتب.. واظن دا السبب اللى خلانى اعيد نظر ومسحتهم
:)
كل واحد يشوف ح يبكى مطره على ايه بقى
;)
mongey
نهارك سعيد يا منجى
:)
ody
ليه بس يا اودى؟؟؟ كفى الله الشر..
eyewitness
لا هو ليه معنى لانى مقتنعة ان كل انسان له نصيب من اسمه.. ويمكن حظى ان عندى نصيب من كل اسمائى
:D
بس ياريت فعلا اقدر امنى نفسى نرجع تانى نقول
"عمرى ما بدرت... وعمرى ما تعبت تحت المطر"
حلوه يابلو
حزينه و حلوه زى الشتا تمام
عندك حق
بيبو، اخيرا فى حد وافقنى ان الشتا حزين
الشتا جميل ....مطر ..برد ..ملابس ثقيلة ..أجد نفسى هادئ فيه ..مناسب أكثر للنشاط الهادئ ..أن جاز هذا التعبير ...ذى " الفوضى الخلاقة " يعنى واللا عشان احنا غلابة ...المهم ..بأكون فى الشتا مرتاح قوى ...وزى فيروز ما قالت .." وبحضور الخوف والأمطار والعناصر ...أعلن حبى لك وإتحادى بحزن عينيك " ....الحالة جميلة يمكن الشتا أكثر مناسبة للتأمل علشان بيشجع أكثر على القعاد فى البيت ...مما جعله مرادف للهدوء والتأمل مما قد يودى للحزن ...ع العموم ..كل سنة وانتم طيبيبين .....
eih da eih da????? danty betekteby she3r kaman :D ...y3ni mesh kefaya enk -ma sha allah- btekteby gamed teneeeen ...w kaman she3r To7fa :D ....
loool ...lw fedelty tekteby bel shakl da ...elly zayee hay23odo fe byot.hom :) lool .
e7sasha 7elw 2wyyyyyyyy ..nice work bgd ... wtg
رجل من غمار المولى
يمكن الشتا أكثر مناسبة للتأمل علشان بيشجع أكثر على القعاد فى البيت ...مما جعله مرادف للهدوء والتأمل مما قد يودى للحزن
مع انى فى الشتا بخرج اكتر من الصيف، بس يمكن عشان بروح الكلية اللظيظة بتاعتنا
:S
بس تعرف برضو.. ساعات الشتا بيقى دافى... اكتر من الصيف
كلمة
قال شعر و بتاع، استر عليا يستر عليك ربنا
ايه الحلاوة ديه
حاسس بدفء الكلمات
لدرجة ان المطرة قربت تتبخر ههه
رغم إني أقدر ألاقي لمحة حزن في أي حاجة إيمانا مني بأن الإنسان بال حزن ذكرى إنسان لكن حزن الشتا بالتحديد ليه شكل خاص غير أي حاجة تانية
مثلا الربيع و الصيف ( على إفتراض إن اللي عندنا في مصر ده ربيع )ممكن يكونوا مملين أكتر منهم حزينين
الشتا دايما مرتبط بأغاني فيروز لدرجة بحس بالتوحد بين صوت فيروز و الشتا
مساء الخير اولا يشرفني اني بشارك معاكي
و لما كبرت
طعم المطر عندى اتغير
أشوفه و يبقى نفسى ابكى
و أبكى و أبكى
زى المطر...
تبقى الدنيا برة بتشتى
و جوايا بتشتى اكتر
احساس اكثر من رائع بلو بالتوفيق
beteshty :) ahlan be eskenderia we sheta eskenderia :) shoufty a7'er 4 setor moheem bardo 3alshan ne3raf add aih sheta eskenderia we kaman belil (dee light effects min 3andy) we enty mashya 3ala el kournish (wee dee location selection bardo min 3andy) gamed we mou2aser :)
أنا باحب أبكي تحت المطر
علشان ماحدش ينتبه
إني بابكي
كتير زيك يا إيمان، مش انتي لوحدك اللي اتغيرت نظرته للحياة مع الزمن.
جميل الكلام والفكرة
:)
انتي في رابعة كلية
ارحمي نفسك من الدح شوية وردي عليا مره كده وفرحيني
عربى
كومنت كاملة ليك لوحدك اهوه
ها بقى عايز ايه؟؟؟
ودح ايه اللى انت جاى تقول عليه
!!!
ميزة رابعة يا عربى "واكيد اخوك ح يثبت لك لما يوصل رابعة ان شاء الله" ان مافيش وقت لاى حاجة فى الدنيا
لا وقت للمشروع ولا للمذاكرة ولا المحاضرات ولا الريبورتات ولا الابحاث، وشوية بشوية مش ح تلاقى وقت للنوم حتى
:D
بس يا عربى يا اخويا انا مش برد بس عشان مش بلاقى حاجة ارد بها..... فبقول اقعد ساكتة افضل من انى اتكلم فى حاجة ملهاش لزمة
!!!
على الله تفهم انا بقول ايه ،، وتخف عليا شوية
ها!! خف يا عربى وروح ذاكر عربى
:PPPP
abd al rahman
متشكرة ليك اكتر.. ومتشكرة ع الزيارة اكتر و اكتر
2b
بس انا مش اسكندرية
:D
افتخر -مش قوى يعنى- انى قاهرية
;)
zara
فعلا؟
ما فكرتش فيها كدة قبل دلوقتى
abdou
:)
عودُ أحمد
اللـــــــــــــه
معبر قوي
فعلا اية اللي خلاني و انا صغيرة احب المطر و دلوقت اقلق و احزن منه؟
يمكن تجاربي مع المطر؟
كنت انزل تحته و بعد كده اعيا!يمكن بخاف علي اولادي يبردوا؟
المسؤولية يا عزيزتي هي اللي زادت علينا
كنا زمان بنفرح و منشيلش هم
لكن دلوقت الهم نسانا الفرح
بجد روعة الي الامام دايما
امال الوقت يبقي لايه بقه؟
لا وقت للمشروع ولا للمذاكرة ولا المحاضرات ولا الريبورتات ولا الابحاث، وشوية بشوية مش ح تلاقى وقت للنوم حتى
علي فكرة من دلوقتي انا كرهت هندسة...ده فيه ايام بيقعد 12 ساعة في الكلية
ليه كده مش عارف
وفي الاخر يبقي اسمه مهندس كومبيوتر ويروح يفتح نت كافيه
علي ايه وجع الدماغ
انا اصلا بجد يا بلو نفسي اصرخ
المواد كبيرة ومش عارف ايه اللي يضمنلي اني لما اذاكر ماتظلمش في اربع درجات في المية زي السنة اللي فاتت
والله ساعتها هاولع في نفسي في وسط ميدان التحرير...وبكده مصر تتحرر زي جورجيا علي فحم ابنائها
ماتخديش في بالك
بصفتك انسة الكترونيكس
الميوزك اللي حطاها ديه لازم تبقي علي النت ولا ممكن اعمل ابلود لميوزك من الكومبيوتر عندي في البلوج؟
اصلي عاوز احط ميوزك متأكد اني عمري ما هالاقيها علي النت
غجر...بربر...اللي هم بتوع المغرب دول بس نادرة جدا
الشتا بالنسبه ليا رمز
مش عارف ...بحس اكتر فيه بالصفاء و الحاله النفسيه بيبقى الرزليوشن بتاعها عالى
الشتا عندى يعنى الدفا فى المشاعر الانسانيه و اكتر ايحاء للافكار الجميله الشاعريه
النزعه للتامل بتزيد عندى فى الشتا
ممكن الشتا يكون له اشكال بتنطبع فى نفسى يعنى بتخلى نفسى اكتر امتلاء من حيث المشاعر .. الافكار...
ممكن يكون الشتا جاى و معاه امطار حامضيه او سحابه سودا
او سيول او شمس منوره بس مش حارقه
شمس رايقه ما بتغتتش على الواحد بتسعى انها تصاحبك
تعمل معاك صحوبيه
ممكن ييجى فى سنه الدنيا ما تمطرش ما ازعلش كفايه الاحساس انى فى الشتا
الشتا يعنى المدرسه الصحاب القلم و الورقه و الالوان و الرسم
و المرواح و المجى على سكه واحده
و نشيد بننشده فى صوت جماعى فى المدرسه
كورال البطله بتاعته هيا الطبيعه
و احنااااااااااااا
Your words are simple and touching.. i liked it all and i liked the last 4 lines as well, i felt they were different..
إرسال تعليق