الجمعة، ديسمبر 16، 2005

من هنا يتقبل العزاء

من حوالى إسبوعين حكالى صديق عن عشق والدته للنظافة. للدرجة اللى ممكن تفسد بيها الأشياء من غير ما تاخد بالها.. وآخر مغامراتها كانت مع الغسالة لما فكرت فى إكتشافها من الداخل.. وقد كان..
ساعتها حمدت ربنا على النعمة اللى أنعم بيها عليا فى حياتى الهادئة والمستقرة..

إلا إنى صحيت النهاردة على صوت حد بيدعبس فى دولابى.. وللمفاجأة وجدتها والدتى وفى إديها بعض قطع من ملابسى ومنهم بلوفرى المفضل!..
-- "ماما إنت ح تعملى إيه بلبسى..؟!"
-- " ح غسله"
-- " شكرا.. ممم بس ممكن بلاش البلوفر دا.. إنت عارفة أنا بحبه قد إيه.. أنا ح بعته للدراى كلين"
-- " دراى كلين إيه.. متخفيش ح نضفه قوام قوام.."

وقمت.. إتوضأت وصليت وقعدت أذاكر شوية.. أصل بكرة عندى إمتحان microwaves والدنيا قلبت ضلمة خالص. وإذا بى ألاقى والدتى داخلة وفى إديها البلوفر المزعوم وبتسأل:
-- " عندك إستعداد تلبسى البلوفر دا ع البنطلون؟"
-- " إزاى يا ماما دا قصير.. وإنت عارفة إنى بلبسه على الجونلة.."
-- " لا.. ما هو طول.."

ومن ساعتها وأنا بفتكر كلام الصديق وهو بيحكى عن مغامرات والدته. أقف و أطل طلة على بلوفرى المدعى عليه –الله يرحمه- و تبقى الدمعة ح تفر من عينى.. لو كان بيفهم كنت قلت له قد إيه هو كان عزيز على قلبى..
يمكن دى أهم عيوبى... تعلقى الشديد بالأشخاص وبالأشياء اللى بقابلهم فى حياتى.. كل واحد وكل شئ له ركن خاص ومعزة خاصة فى قلبى..

دلوقتى كل إللى أقدر أعمله إنى أدعو للبلوفر بالمغفرة والرحمة... وأقول لوالدتى: "الله يسامحك ياماما.... مش عارفة اذاكر وعندى microwaves"


سلاماتى..

هناك 13 تعليقًا:

Eman M يقول...

ياااااه، أنا يوم ما الغسالة بتبوظلى حاجة من لبسى بأبقة متنرفزة أوىىىىىىىى، بس أكتر حاجة بتنرفزنى لما حاجة كتان تكش، بيبقى عليه العوض فى لبسها تانى

Eman M يقول...

لست أدرى، عايزة قطع تانية لمرسيل خليفة زى اللى إنتى حاطاها دى، دورت فى الموقع بتاعه/ ملقيتش، أرجوكى قوليلى عشان عاجبانى أوى أوى

freeSoul يقول...

Blue, how is matlab :D

you reminded me of the days i spent hitting my head in the monitor trying to make this stupid machine simulate :), I once made a mistake and created a 100000*100000 array in matlab and I was wondering, why he gives me a warning and is not running :)

so, about microwaves, I met 3 guys really in love with microwaves, I still need to see thim more to spot the problem in their minds, 2 of them are mo3edeen in the univ now, the third work with me :)

my niece is getting married!!!!!!!!!!!!!!!!!!!!!!! I will be the youngest uncle to attend such a thing ever i guess :)

انت تسال والكمبيوتر يجيب يقول...

استاذن لأقتباس بعض الأشياء من موقعك لأول برنامج عن النت لأتخاد الأذاعه والتيلفزيون فى ماسبيرو ولمعرفة كل شىء عن البرنامج رجاء زيارة موقعه
www.ahram0505.net/users/alcomputer
and
http://cairocomputer.tripod.com

انت تسال والكمبيوتر يجيب يقول...

واستاذن المعلقين لأستخدام تعليقاتهم
I request permission from posteres to cite their comments in my broadcast show
To learn more please visit my site
http://cairocomputer.tripod.com

Raed يقول...

سلام,

أنتي متأكدة أنه مارسيل مش عمر خيرت ؟

و ممكن رابط أو موقع ننزل منه الموسيقى إياها؟

Lasto-adri *Blue* يقول...

Eman M:
الفكرة إن البلوفر لو كان كش كنت لبسته بودى.. دلوقتى دا يلبس معايا إتنين!!د
بصى دا اللينك إللى جبت منه مارسيل..
http://www.marcelkhalife.com/httpdocs/htmls/music.html
وعندك اللى حطه سلو..
http://www.salmiya.net/
أى خدمة وعلى الله يعجبك


Slo:
i hate microwaves as well sloo ::@ like u can never imagine..
anyways i guess i did OK today "el7amd lelah :) "
thanks for the link.. downloading :)

Lasto-adri *Blue* يقول...

Free Soul:
i nearly did the same... i asked matlab to solve a higher order equation for 10000 points 5 times... w ana basta3gb el computer hang leh :D :D .. tala3t 3eni .. bas etrasmt ya Freeeee Hurrayz..

LOOLS.. mabrouk ya 3m... ew3a tetla3 mn el fara7 edak fadya ba2a ;)

w wareni youm fi ur microwaves lover friends dol :@ :@


Salah:
هو أولا شكرا إنت إفتكرت البلوج بتاعى عشان تاخد منه مقتطفات للبرنامج.. بس هو فى طلب.. لو ممكن يتعرض عليا ح يتاخد إيه الأول..
يعنى مش كل حاجة أحب تتقال من غير ما أعرف الأول.. يعنى أنا من أنصار الخصوصية

Lasto-adri *Blue* يقول...

Raed:
أه دا مارسيل فعلا... موسيقى لبنانى الأصل .. ومعظم أغانية كلمات محمود درويش..
ممكن تروح للموقع اللى أشرته فى ردى على إيمان
نورتنى تانى
:)

Ahmed:
بس كدة.. غنت جيت فى جمل يعنى.. عينية.. ح هريك أسئلة ف الماتلاب..
أنا أصلا عندى مشروع فى الأجازة وأجيد ح حتاج الخبرات اللى زيك كدة واللى زى
freeSoul in C++
هىهى

يلا دبستكم انتو الإتنين عشان محدش يزعل
:D :P ;)

Ahmed Shokeir يقول...

والله ست الحبايب برده شاطرة يابلو .. أنا أعرف إن فى الحالات دى البلوفر بيكش وبيكون زى مايكون طالع من بق كلب .. لكن هى طولتهولك .. جديدة بصراحة .. عموما مبروك عليكى

Eve يقول...

فكّرتيني لمّا أمي رمت بلوزتي المفضّلة من كذا سنة، من غير ما تقولي، بحجة أنها صارت قديمة وأكل الدهر عليها وشرب. أنا لسه بشعر بالغصّة لغاية دلوقت.

Lasto-adri *Blue* يقول...

Ahmed Shokier:
هو فى كلتا الحالتين الفلوفر عليه العوض ومنه العوض... فمش فارقة يعنى


Eve:
تفتكرى حكاية الحزن ع الأشياء أكتر عند البنات؟؟؟
أصل أخويا لما حصل له موقف مشابه ولا فرقت معاه أبدا!!!!

freeSoul يقول...

lasto,

your desire won't come true !! :(

in your vacation i will be in the desert, somewhere in egypt :)

if i take a vacation, i promise i will do the whole task for you in C++ if you want, now pray for me to take my first vacation :D