الجمعة، سبتمبر 09، 2005

معنديش عنوان

بقى لى مدة بعيدة عن البلوجز والمبلوجين.. وكل ما أحاول أرجع ، أقول لنفسى ميت عذر وعذر عشان أبعد.. وأبعد بعيد عن هنا.

- "إنتِ ناويتى تبطلى تكتبى؟"
- "أكيد لاء.. إنتَ مش عارف الكتابة فى دمى!"

لكنى شبه وقفت أكتب.. إتحججت بإنشغالى فى أعمال طارئة .. وإتحججت بعدم رغبتى بالكلام فى الأمور الجارية على الساحة.. وآخر ما غلبت إتحججت بإنى خلصت الكلام.
وأنا عمرى ما خلصت الكلام..
لكن حاسة إنى مخنوقة والكلام بيهرب منى رغم كتره.

- "بس أنا نفسى أشوفك مرة بتبكى.. طول عمرك بتضحكى.."
- "لأنك عمرك ما شفتنى.."

لاء أنا مش مخنوقة.. ولا الكلام بيهرب منى.. بس أنا بعيش حالة جديدة عليا.
إمبارح قبل ما أنام كنت بفكر "وإيه ممكن أشيله معايا من ذكريات دلوقتى للمستقبل؟" ..
بتمر سنينى منى وبتتسلل زى نقط المية من كف طفل صغير وأنا زى ما أنا.. لا إتقدمت خطوة فخورة بيها ولا عينيا فتحت على ضوء آخر الطريق. حياة رتيبة ومملة. إللى نبات فيه نصبح فيه.. حتى لحظات نقاء القلب بقت قليلة..

- "إنتِ وشك عامل كدة ليه النهاردة..؟"
- "أنا حاسة إنى عجزت وفى ميت سنة طلعولى فجأة.."

سلاماتى

هناك 10 تعليقات:

Tara يقول...

بتمر سنينى منى وبتتسلل زى نقط المية من كف طفل صغير وأنا زى ما أنا.. لا إتقدمت خطوة فخورة بيها ولا عينيا فتحت على ضوء آخر الطريق. حياة رتيبة ومملة. إللى نبات فيه نصبح فيه.. حتى لحظات نقاء القلب بقت قليلة

اسمعي يا لست كل اللي قلتيه صح
و مع ذلك اقول لك قومي اغسلي وجهك وصلّي
و بعدين
بصي على روحك بالمراية وقولي انا راح اقاوم واستمر
وربنا معك

غير معرف يقول...

kolena bnmor b fatarat zay dee ya blue..
bas lazem no7'rog menha 3ashan ne3raf nkaml..
remember ur dreams..& don't give up

e7na 3omrena osayar..7ayatna fel dony adee kam yom..matdaya3eesh el kam yom dol..fel tafkeer enny kebert w 3agezt..
u know our prophet (PBUH)bada2 el resala w howa 40 sana..w bada2 el resala wel islam..w kol el 7ayah dee..ya3ni bgad 7atta law kona 3agezna..mesh ma3naweyan ya3ni..la2a lama n3agez bgad..7ayefdal kol d2ee2a fee 7ayatna leeha ahameya..w mesh lazem nedaya3ha..
ensy el malal w ay 7aga tanya..w go on keda bekowa..w rabena 7aywafa2ek akeed..take care dear

Ahmed Shokeir يقول...

إيه ياجماعه .. فيه إيه إنتوا قلبتوها نكد كده ليه .. !!؟

Unknown يقول...

احساس مخيف بحاول اقاومه بس مش قادره

Haitham يقول...

بطلي تقري جرايد..سافري ..توهي نفسك مع برامج الأطفال والأفلام

بنت مصرية يقول...

سلاماتك يا لستُ

الحالة دى -رغم إنها بتظهر إنها سيئة ومؤلمة- لكنها دافع للتغيير.. المهم الحالة ماتطولش عشان ماتوهيش

Lasto-adri *Blue* يقول...

tare & ma-memoire:
شكرا على أغلى نصيحة بجد.. شكرا من كل قلبى

bavalova:
إنت اللى فاهمانى يابنتى..
ح أقول إيه يا صديقة الكفاح..
المهم بس متفلسعيناش قبل الآخر بشوية
!!!

ahmed:
هى نكد أصلا مش إحنا اللى قلبناها

m..:
وأنا كمان

haitham:
أنا مبقرأش جرايد أصلا من أكتر من 3 شهور.. ومبحبش الأفلام.. طب أعمل إيه؟

bent masrya:
أنا عمرى ما بطلتها..
بس بدأت تظهر تانى على السطح

zeinab يقول...

وآخر ما غلبت إتحججت بإنى خلصت الكلام.
وأنا عمرى ما خلصت الكلام..
لكن حاسة إنى مخنوقة والكلام بيهرب منى رغم كتره

thats exactly how it feels. and u reminded me of this poem, i dont know who wrote it, but ive always loved it:
و هل يقدر الناي أن ينحتي
و ينأى عن الريح حتى تفوت
إذا كممتني يد منكمو
تموتون لكنني لا أموت
أتا عالمي كله داخلي
فعطر و لحن و ماء و قوت
فلا تنسجوا حوله سجنكم
فتصطاد في نسجها العنكبوت
دعوني و حريتي و احزروا
فقد يعلن الرفض لحن صموت
بماذا يهددني سيفكم
إذا كنت هددتكم بالسكوت
anonymous

admin يقول...

اوعى تبطلى تكتبى

اكتبى لو اى حاجة
لو تمسكى قلم وتشغبطى
همة نفسهم يخلونا نبطل
لكن على مين

غير معرف يقول...

Wonderful and informative web site. I used information from that site its great. »