الاثنين، مارس 19، 2007

لحظة...

دايما يوقفنى منظر إنسان قاعد ياكل فى مطعم وحده.
وما أعرف ساعتها بيصعب عليا منظره وهو وحده، ولا لما يهيأ لى نفسى مكانه بعد عشرة.. عشرين.. أو حتى تلاتين سنة؟!

هناك 29 تعليقًا:

Nouran يقول...

يااااه تصدقي برضه بفضل ابص عليهم وافكر بقى بياكلوا ليه لوحديهم مليون اجابة تنط ف دماغي
بس ليه كده بيتهيالك نفسك مكانه ما ممكن يكون كان مستني حد ومجاش وهو جعان وقعد ياكل :) فكرة برضه مش كده :))

Layal K يقول...

مش كل الناس بتبقى لوحدها أو مستنية حد...في ناس بتحب كدة
أصلي ساعات بحب أكل لوحدي في مطعم
الموضوع بيبقى حلو على فكرة...جربي يوم كدة

M.Sameer يقول...

متشكر على احساسك!

فيه ناس بتاكل لوحدها عشان مافيش حد تروح تاكل معاه

كده ببساطه

غير معرف يقول...

ياه ...أنا ساعات بتغدا وحدى فى وقت زنقه


مش شرط كل البيكلوا لوحدهم فى المطاعم وحدانين ...ممكن بيكونا بيقضوا حاجة فى السرييع

غير معرف يقول...

فعلا الأكل لوحدك في مطعم تجربة مش ظريفة
رغم إني حاجات كتير لوحدي لكن ماتذكرش إني كلت لوحدي في مطعم قبل كده

دينا فهمي يقول...

أنا كمان دايما المنظر ده بيلفت نظري
بحس إنه مشهد مؤلم جدا
ولما بحط نفسي مكانه بحزن على نفسي بجد
وبزعل من الدنيا أوي

abderrahman يقول...

ده على اساس انه اللي ياكل لوحده يزور
:)

الواحد ياكل لوحده أحسن، خصوصا لو في مطعم..بدل ما نقعد نتفرج على بعض واحنا بناكل .. بيبقى شكلنا وحش
خصوصا لو فيه ولاد مع بنات

محدش بيبقى واخد راحته

معلش أنا شكلي سطحت الموضوع مش كده?
:D

ody911 يقول...

تعرفى إن كل يوم ألمهم بيزيد

مع إنهم ممكن ميكوننوش عاوزين حاجة من الدنيا


وعادى بقة
أودى

الحياد لغة يقول...

هو مشهد حزين نوعا ما لانه بيوحي بالوحدة
بس الوحدة ليها جمالها ساعات كتير
مش لازم نحطها دايما في قفص الاتهام ونحكم عليها بالحزن والألم الابدي

في لعبة احلى
بصي للي قاعدين اتنين اتنين
واقعدي اتخيلي الحوار الي بينهم ويا ترى هو بيفكر بايه وهي بتفكر بايه
ومين بيضحك على التاني اكتر؟
جربيها على مسئوليتي

محمد عبد الغفار يقول...

مرهفه الحس انت ، هونى على نفسك عزيزى فليس كلهم بسبب الوحده وأتفق مع رأى نوران

Unknown يقول...

I hate to eat alone and I think I loose mt apetit.
I wish I won't have ever to eat alone because I won't enjoy it and may be I will stop eating at all.

3rby يقول...

طيب وانتي كنتي قاعدة ليه لوحدك

مانتي لو مع حد مش هاتركذي كده

بس عادي

يعني ساعات اكل البيت بيبقي مش عاجبني بانزل اكل لوحدي او بابقي راجع من درس وبتعجبني الريحة فبدخل اكل

karakib يقول...

لما كنت عايش وحدي لمدة خمس سنين في مدينة بعيدة عن القاهرة بعيدا عن أهلي في شقة مفروشة كنت بافتقد أهلي جدا و بافتكرهم في وقت الأكل فعلا
بس خلي بالك ... في جانب أيجابي للموضوع الوحدة بتخلق حاجات كتير أوي جوا الواحد لو ما عاش لوحدة ما كانش عرفها
و بيفضل مدين طول عمره للأيام اللي كان فيها غريب وحيد و بيقدر أوي قيمة الأهل و الأصدقاء اللي عنده و اللي بيكونهم في الأوقات دي بالذات

Aladdin يقول...

في الغالب لما باكل "بره" باكل لوحدي!! نحن نعيش في عالم ما بعد حداثي يا لست الكل فيه يأكلون وحدهم!!

السهروردى يقول...

ممكن توضحى أنهى مطعم بالظبط
لأنه لو كان بياكل فى مطعم فول وطعميه أو مطعم كشرى يبقى ده عادى جدا
لو كان مطعم فخم بقى وكده يبقى هو فعلا إنسان وحيد ودى مش حاجه سيئه جدا جدا
وبعدين ليه تتهيأى الأسؤ او اللى معتقدة إنه الأسؤ فى العشر سنين الجايه
حاسبى عشان دى ممكن تكون عوارض إكتئاب

غير معرف يقول...

you know..in that song by mary Hopkins.. Those were days my friends.. she says that part
:

Just tonight, I stood before the tavern
Nothing seemed the way it used to be
In the glass, I saw a strange reflection
Was that lonely woman really me?


:(

Lasto-adri *Blue* يقول...

هو بالنسبة لى منظر محزن.. لأن الأكل عندى نظام حياتى انسانى بحت
وكون ان انسان يقعد ياكل لوحده.. ممكن فعلا زى ما بعضكم قال رغبة شخصية.. انما فى نظرى نوع فريد من الوحدة.. يجرك انك مش لاقى حد تاكل معاه.. او انك حتى مش عايز حد معاك

وفى اى حالة من دول... اظننى حبقى فى قمة اكتئابى لو انى اضطريت فى يوم آكل لوحدى
ودا اللى حاسة انه احتام مايكنش بعيد

غير معرف يقول...

الوحده في اي موقف او وضع شعور رهيب
ولكن الوحده في نظري ليس ان يجلس الأنسان وحيدفلربما يحاط الإنسان بالعديد من البشر ولكن ييبقى وحيدا وقد يكون منفرد بذاته ولكنه لا يشعر بالوحده
فالوحده تنبع من الداخل

3rby يقول...

مش اوي كده يا بلو
ده حتي الواحد بيشبع اكتر
يعني لو الواحد راح ياككل مع واحد وزنه بيتعد ب
3digits
هايبقي معاه واحد بس مش هايبقي بياكل

يبقي الاكل في وحدة احسن من الفرجة علي وحش بياكل

dandana يقول...

اعتقد انه ببساطة منتهى التحدى....
منتهى التحدة للوحدة....
ولنظرة العطف او الشفقة اللى اجتمع عليها معظم اللى علقوا....

سواء دلوقتى او بعد 20 سنة.....

zambarota يقول...

مفهاش حاجة يعني هي مسئلة تعود في ناس متأدرش تعيش لوحدها و ناس بتستمتع بالحياه لوحدها فهي مش أكل بس ده أسلوب حياه

maxxedout يقول...

أنا بحب اكل لوحدى بمزاجى
:S

Just Me يقول...

انتى مش شايفه غير جانب واحد من الموضوع
ممكن يكونوا هما مبسوطين كده :P

Just Me يقول...

انتى مش شايفه غير جانب واحد من الموضوع
ممكن يكونوا هما مبسوطين كده :P

Dananeer يقول...

ولا لما يهيأ لى نفسى مكانه بعد عشرة.. عشرين.. أو حتى تلاتين سنة؟

معرفتش اعلق اول ما قريتها
بتوجع

رغم ان دايما فى بيتنا قليل ما بناكل سوا
و اتصدمت فى بيت العيله بطقوس تانيه
بطعم تانى

غير معرف يقول...


متشكر على احساسك!

فيه ناس بتاكل لوحدها عشان مافيش حد تروح تاكل معاه

كده ببساطه



بالظبط كده ... و بعدين أنا بقالى سنين باكل لوحدى فى مطاعم و الموضوع مفيخوش اى نوع من أنواع المشاكل خالص

على باب الله يقول...

فعلاً المطعم و السينما أماكن إجتماعية

ما ينفعش الواحد يروحها لوحده

Mountaineer™ يقول...

أنا كمان عمري ما كنت أتخيل إني أقعد أكل لوحدي في مطعم لحد ما قررت إني أسافر لوحدي عشان كان نفسي أروح سفاجا وأشوف عاملة إزاي البلد دية.

طبعاً بما إني كنت لوحدي فأنا كنت باكل لوحدي كل الوجبات سواء جوه الأوتيل أو بره، بس أنا إكتشفت طريقة لذيذة للتغلب على وحشة الأكل لوحدي، هو إني أجيب كتاب أقرأه وأنا باكل.

جربي كده وقوليلي

غير معرف يقول...

so what ?
i tried it many times before.
lonliness doenst kill.
---
can u imagin some one to go to the cinima alone?
i saw some one did this before!!!
and asked the woman on the tickets to choose any movie for him, it makes no difference to him !!!
---
comment on this !