الاثنين، مارس 05، 2007

بصراحة يعنى..

وبعد كل مناقشة اشوفها له او مقالة أقرأها عنه، يظل مصطفى بكرى واحد من أكتر الشخصيات المثيرة للحيرة بالنسبة لى. فأوقات أحسده على حسه المصرى المتغلغل فى عروقه بغيرته الصيعيدية الاصيلة على بلاده، فاطمئن ان الدنيا لسا بخير طول ما فى ناس وطنيين مثله.. وأوقات أخرى، يأتينى شعور خفى يدفعنى الى الاقتناع ببراعته التمثيلية المفتعلة (وانه ناقصه بس حد يكتشفه).. وبين هذا وذاك.. لا أقدر على منع نفسى من مقارنته –فى مرات عدة- بدور "المعددة" فى الريف المصرى القديم (مع الاعتذار).. بس يكفينى طلبات احاطته الغير مبررة والمللة فى تكرارها على كل صغيرة وكبيرة و تقمصه دور الوطنى الوحيد فى المنطقة..
لاء والأدهى من ذلك الحوار المنقضى منذ دقائق على قناة المحور فى برنامج "90 دقيقة" بخصوص فيلم اذيع على قناة اسرائيلية عن الأسرى المصريين.
فى الأول شدنى طريقة حواره، وانفعالاته، وشدة تأثره.. بل وتكراره المطالبة باقالة الحكومة لمواقفها السلبية، ورخص الدم المصرى.. الى آخره من عبارات رنانة فى هلهلتها (أصله ماجبش حاجة جديدة.. ما انقطع نفس القنوات و الصحف مهاتية بنفس المبدأ).. ولكن ربما هذه المرة مصطفى بكرى (وربما غيره ايضا، لكنى أخصه الآن بالذكر) يلعب على وتر شديد الحساسية للمصريين. لانه تقريبا مافى بيت مصرى لم يذق الأمرين من الحرب الأخيرة مع أسرائيل.. الا انه سؤالى الموجه له.. أين كان الأخ الفاضل قبل الاذاعة حتى يعلى من طلباته ويعمل على تصعيد القضية الآن.. (لاء وايه... وهو لسا ماشفش الفيلم!!)

كل اللى أقدر اقوله حاليا جملة واحدة.. "كفاية بقى جنازات نشبع فيها لطم!!"

سلاماتى

بى اس: قبل عنوان "بصراحة يعنى.." كان فى نفسى كام عنوان كدة عجب.. بس رجعت وقلت يلا... الطيب أحسن..

هناك 20 تعليقًا:

غير معرف يقول...

I 'had' always (had=past tense) admired Mostafa El-Bakry, but then I liked to believe I had been mistaken.

He may be good and all, but like you said Blue- sometimes it really shows he is pretentious. What a loud voice that tends to turn tiny pebbles into big bricks. He thinks he is all that. He believes he has the right to try the whole world; attack whomever he wishes in the name of patriotism and nationalism.

I find it even strange how he calls Saddam a martyr, as though Saddam had not committed any crimes against his own people.


Some people -like Mostafa El-Bakry- were good. They spoke the truth. They expressed the voice of the people. But they soon liked their own voices. They liked their own image that appears on probably every space channel. They liked to be thought of as true patriots and spokemen of what is right. I think Mostafa El-Bakry thinks of himself as a star. To me, he is not.


This is my opinion. Just an opinion. But Mostafa El-Bakry is not at all my favourite type.
....not any more.

---Mo3taz.

karakib يقول...

هو ممثل مش شاطر و لا حاجه
ممثل مبتديء
بس كده
علشان اكتر من كده عيب

radwa osama يقول...

انا كمان بيحرني كون مصطفي بكرى ممثل محترف ولا مبتدىء

غير معرف يقول...

في مصطلح ينطبق على مصطفى بكري
إسمه الحنجوري يعني تاخد منه صوت عالي وشعارات مالهومش حل و الغريب إن جرنان الأسبوع مافيهوش حاجة جديدة يعني إنت بتقول الكلام اللي باسمعه و أنا ع القهوة الكلام اللي الناس بتقوله اللي لو واحد لا هو دارس و لا يفترض إنه صحفي
يقوله

و أعتقد فعلا إنه ممثل فاشل

الغريب إن مصطفى بكري بيقول على نفسه قومي مع إنه بيسيء للقوميين اللي منهم أساتذتنا
محمد عودة و كامل الزهيري و محمد حسنين هيكل اللي عمري ما شفتهم بيزعقوا زي بكري

wa7ed mn masr يقول...

يا ست لست أدرى : مصطفى بكرى أمن و كل ده تمثيل

Abd El Rahman Magdy يقول...

الحقيقة أنا من الأول الراجل ده ما بارتاحلوش
أما بقى حكاية ممثل ولا وطني فعلا فدي يعرفها ربي وربك
..............
mesharef.blogspot.com

غير معرف يقول...

مصطفى بقرى.. ولا مؤاخذة.. جعجعة ولا طحن

Unknown يقول...

مصطفى بكري = زكريا عزمي

على رأي الفيلم بتاع إسبرطة

They will dine in hell.

Lasto-adri *Blue* يقول...

@ Mizo
Long time no hear.. I always enjoy your comments by the way.
Anyways, Mr. Bakry is no longer a star to many, not just you or me or even the rest of commentators. He lost his popularity as soon as he thought he is "something". he might have been something before entering the parliament or being editor in chef. Now.. I can't help myself but switching any channel i find him "byga3ga3" in it.

@ Karakib
همم.. بالنسبة لى ممثل شاطر.. لانى بصدقه.. ممكن اكون انا اللى متفرجة خيبة.. وتبقى مشكلة لو انى مش لوحدى اللى كدة

@Radwa
واضح انى مش لوحدى فعلا
!!

@ masry
بالظبط.. حنجورى.. بكرى شخصية حنجورية مصرية صميمة
بس عارف.. انا مش عارفة لحد دلوقتى يعنى ايه قومى.. وقومية.. واى حاجة من مشتقات الكلمة دى

@ wa7ed mn masr
يااه.. عاش من شافك
أمن أو مش أمن... معرفش الحقيقة.. أو يمكن ما يهمنيش.. ودا اللى خلانى اتكلم.. يعنى ممكن تقول انى بتكلم بمنطق ست البيت او الموظف فى الشغل.. بيتفرج على الحاجات من برة ومايهموش التفاصيل
بس اكيد بالفطرة اى حد ح يكتشف انه ايا كان.. فهو فى الآخر تمثيل

@عبوود
هو اكيد يعرف ربنا كلنا.. انما فى اشياء مش محتاجة دليل ادانة.. انما ممكن من جوانا تتحس

@IRC
ع الأقل زكريا مابيطلعش فى التى فى زى بكرى كدة

غير معرف يقول...

بصي ... اصلا انا مكنتش بحب الراجل ده اصل انا عندي هالة لمعرفة الناس وهالتى بصراحة مبتتفقش مع الراجل ده
وهالتى وهالتك واتفرقوا الهالات :):)

المهم انى كنت اعرف الشخصية دي ايام ما كنت في ثنوي بس مكنتش اعرف ان اسمه مصطفى بكرى وكنت بحتار جدا لما يجوا في برامج ويستضيفوه ويوقلو فلان الفلانى الذي نذر نفسه لخدمة الوطن
وطن ايه يا اولاد ال .... المهم انا الراجل مبرتجلوش ولا بفكر حتى اسمعله ودايما اتجادل مع والدتى في مدى نفع او جدية جريدة الاسبوع

سلامي

سامية جاهين يقول...

إنتي رجعتي! طيب مش تقولي يا شيخة! لما اروح بقى اشوف اللي فاتني :))

حمد الله على السلامة

أسوور يقول...

تعرفى هو فعلا ممثل شاطر وأنا أعرفه شخصيا لنه كان ماسك جريدة الأحرار وأعرفه من ايام الحزب ما كان قائم

بس عاوزة اقولك حاجة برضه
كل الساسة والصحفيين والدعاة ممثلين وآراءهم الشخصية وسلوكياتهم ممكن تكون مختلفة لكن فى النهاية هم مهنتهم كدة

هم بياكلوا عيش من الكلام دة
وعجبى

قلم جاف يقول...

التعديد صنعة ..

وليس بكرورتي هو الذي يلعب تلك اللعبة الغبية ، حمودة أيضاً ..

فبعد تعديده على المعذبين في سجون وأقسام بوليس مصر كما لو كان المصريون لا يعذبون خارجها ، خرج علينا بمانشيت عن إهانة إسرائيلية للدين الإسلامي..

هل أتوقع كقارئ أن تسبح إسرائيل بحمدنا مثلاً؟ أم أن البيه ما وراهوش ولا أدامه حاجة يعملها فقال في عقل باله يا أعمل طيارة ورق يا أكتب عن الإساءات الإسرائيلية للدين الإسلامي؟

بلد صحفيين صحيح..

salateenoo يقول...

انا بصراحة بحسه بيمثل .. زيه زي كتير من المعارضين اللي بيطلعوا في الفضائيات

Abdallah kamal يقول...

مصطفى بكرى مثال للصحفى الوصولى اللى بياكل على كل الموائد
يعنى عمل حملة على يوسف والى بعد اما ساب الوزارة فى حين ان جريدة الشعب لما عملت حملة على نفس الوزير وهو فى الوزارة اتقفلت وحزب العمل اجمد
هو طبعا مرونة مبادئة بتساعده جدا وبتخليه فى السيف سايد
برضع عمل حملة على سمير رجب لما ساب منصبه

انا فاكر ايام انتخابات نقيب الصحفيين كان مرشح نفسه ولما روحت مع ابويا اليوم ده كانو بيوزعو ورق فيه كل الحاجات اللى عملها الأخوان بكرى

سمعته زى الزفت فى اوساط الصحفيين بس هو بيتاجر بالجرنان الأهبل بتاعه

لما معارض يطلع فى التلفزيون المصرى ويسافر فى طيارة الرئاسه
يبقى صباح الفل

Unknown يقول...

kadaaaaaaaaaaaaaaaaaaaaaaab we awantagy

sydalany-وش مكرمش يقول...

هو من زمان باين طريقته

و اللي زيه ..تعرفي مين
مش حتصدقي

عمرو أديب
لكن عمرو أديب متميز جدا في إنه ممثل عبقري بأدي الدور المنوط بيه بمهارة

islam yusuf يقول...

ليه بس يا جماعه التطاول الكبير ده على مصطفى بكرى
هو امش تابو من التابوهات
اننا من قربلوش
لكن مت الخطأ اننا نقول عليه ممثل
هو ااحسن من غيره
المشكله ان الصحفيين كلهم ممثلين
لكن ده ماقدرش يحبكها صح
و ده ممكن نقول عليه غلبان
لأن الكبير كبير
و النص نص و الصغير مانعرفوش

Eman M يقول...

انا كمان عمرى ما ارتاحت للرجل دة ابداً .. تمثيل مش تمثيل، بتحسى انه مش صادق مع كل انفعالاته فى الكلام

Ana mosh sa3eed. يقول...

yvfgqfzYaaaah ya Blue, your post took me back to 1990 , the first time I heard the voice of Mostafa bakry , as he was the reporter of Radio Monte Carlo - RMC- during the gulf war , he used to have reporters about the Egyptian ppl. and the American attack on Iraq - Operation desert storm - as they called it. he was really Very active in reprsenting the REAL thing...I admired that guy that much as the official point view of the whole thing wasn't really matching what he used to report.

elmohem I'll never forget that moment...it was around late January 1991 when the BIG GUY was having an interview with journalists before his trip to Saudi Arabia for supporting , and they started asking Q , suddenly I heard that voice of Mostafa Bakry asking a real Tough Q to the guy......I'll never forget that look upon his face.....and then he gave him that look and said.....NO...I'll answer the Q of alahram first......and looked at Ibrahim Nafe3....shokran seyadet elra2ees...bla bla bla....

Just then..I knew that h had 2 options...to just carry on on the same path...or......... and I think he did choose or......... I could be wrong but lately I noticed that you may criticize the Gov....BUT never criticize the BIG guy !!!

sorry for the long comment..but I just wanted to spit it out :)

Ana Mosh Sa3eed