الأحد، يناير 29، 2006

مصر هى أمى

النهاردة طول ما أنا ماشية فى الطريق وأعلام مصر متعلقة فى الشوارع وعلى المحلات وفى البلكونات وعلى العربيات، حسيت بإنتماء عجيب هجم عليا وعلى غير المتوقع وسط القرف اللى مالى العيشة على اللى عايشنها. ورغم إن ماليش فى الكورة، بس تابعت الماتش بإهتمام زائد مع والدتى ووالدى؛ أما أخويا فكان فى الماتش ذات نفسه. ومع أول وتانى وتالت جون كان البيت بيهتز بشدة، وصوت الفرح مالى العمارة والشارع والشوارع اللى ورانا واللى ورا ورانا.. وإسكندرية ودمياط ودمنهور وأسوان وسفاجا والسلوم ومنيا.. ويوووه.. حسيت إننا فعلا بلد واحدة، قلبنا على قلب بعض.. كل دا لما شفت الأعلام النهاردة..
فياريت يخلوا الأعلام متعلقة على طول كدة.. بدل ما بيجى علينا وقت ونتلخبط فين تبقى مصر!

أشوفكم الماتش الجاى
سلاماتى

هناك 24 تعليقًا:

Noha يقول...

3andek 7a2 ya benti, it's a nice idea to keep the flags hanging out of our windows to feel that we r all one, if we go up one step we go all and when we behave badly we affect us all as well.
Anyway, the strange feeling u're talking about made me buy a flag :)
This has been my dream for a while ... and finally I have my own Egyptian flag
Long Live Egypt 3ala ra2i Bush

انا الذي يمشي في الظلال يقول...

طبعا.. انا منساش بعد متش هولندا 90 ولا كاننا حررنا فلسطين
الناس (وانا منهم) بتحب الكوره و نفسها تفرح

صحيح ايه النيو لوك دي راح فين البلو يا بلو

Moia يقول...

انا مامتى حرمتنى من الماتش بعد الشوط الاول نزلتنى معاها غصبا نجيب حاجات هى محتاجاها بس الحمد لله حظى كان حلو اتفرجت على باقى الماتش فى المحل اللى جبنا منه الحاجات كان احساس جميل اوى فعلا بجد حسيت بالانتماء اللى بتقولى عليه كل الناس متكومه فى مكان واحد على تلفزيون واحد والفرحه فى عينيهم منوره .. عشان كده طول عمرى نفسى اتفرج على ماتش على قهوه :))

Ahmed Shokeir يقول...

إنتي جبتي من الآخر فعلا المشهد كان اكثر من رائع .. كان مرعب عند الإستاد من الصبح
عقبال عندك ساكن جنب الإستاد .. بسمع صوت الجمهور ساعة الجون قبل مابسمعه فى التليفزيون

GO EGYPT

Raed يقول...

أهل الكنانة لكم مني أعذب تحية, وخالص مودة وتقبلي تهنئتي على حلة المدونة الجديدة ذات الطابع النسائي و الأنثوي (ما تخافيش يعني حلو و شيك جداً) , وفوز مصر بمبارة الأمس على ساحل العاج. و عقبال الكأس...

sheryos يقول...

بصى, انا مقدرش غير أقولك إن الجو فى الإستاد حاجة تانية خاالص !!!


معندكيش فكرة عن الحماس و الصوت و لما الجون يخش و تنطى تحضنى أقرب واحد ليكى ولا لما تقعدى طول الماتش بتتكلمى مع واحد إنتى مش عارفاه بس عمالين تشتموا فى المدرب و بتقترحوا خطط من عندكم إنتم ;)

sara يقول...

egypt rox :D:D:D
we ba3deen eh ya sheryos da 3amal 2enta to7don fel nas keda? mesh bet2ol en el stad ba2a kolo banat? heeeeeesa ha ;)

Lasto-adri *Blue* يقول...

noha
hehe... i will buy a flag myself and keep it hanging in the balacony.. the idea itself is superb .. :)
YAY! VIVA EGYPTA

ظلال ظلال
احم ... البلو... والله استنى احكيلك الحكاية
أنا كنت بظبط التمبليت عشان اصحاب ليا وكدة..... واول ما مصر دخلت جون، لقيت البيت بترجرج جامد يعنى فبدل ما أدوس
preview
دست
publish!!!!
فبصيت لقيت اللى فات اتمسح ومضطرة اكمل مع الموف لحد ما تفرج من عند ربنا وألاقى شئ جديد يناسبنى... يلا محتاجين تجديد كل شوية عشان متزهاقوش معايا


Moia
وانا والله.. بقولهم من زمان ان نفسى اروح قهوة بس محدش راضى

Lasto-adri *Blue* يقول...

ahmed shokier
أكيييييد.. دا انا كنت بسمعه ذات نفسى!!!


raed
متشكرة على ذوقك


sheryos
ما انت عارف اللى فيها... ما بعكو كان هناك
وغير كدة واضح من حرارة كلامك شدة التأثر


Sara
يابنتى... اعملى نفسك مش واخدة بالك.... زمانه بيقول "أهو كله مصلحة"
:P :P
وهنيالك تدفى حد بردان
:PPPPPPPPPP

rubyeldaly يقول...

انا مبسوطة اوى من البلوجز داة علشان حسييت اد اية فى ناس بتحس بالانتماء لمصر بالشكل داة
اسجل اعجابى

EddEEb يقول...

سلام عليكم
بجد كل حاجة بتحاصرني بمصر
نسمة و إبراهيم الفقي و الماتش و إنتي يا لست أدري
حتى أنا شخصيا بأحاصرني بمصر
زي ما يكون عقلي صدق إني ما بأحبش مصر
و الله يا عقلي الباطن أنا بموت في مصر
بأعشق تراب مصر
أنا عارف هوا بيعمل كده ليه
هو عرف بخبثه المعهود إنه جه على بالي أسيب مصر
فعلا ده خطر على بالي
لكن أنا كنت بس عايز أسيب مصر علشان أعرف أعيش تاني فيها
. . . . . . . . . . . . . . . . . . . . . . . . . . . . . . . .
الغريب إني أقتنع في لحظات إن فكرة ترك مصر غير واردة أساسا
و بعد ما دخلت هنا بالصدفة لصديقة قديمة اسمها لست أدري
لأرى سطور من اروع ما كتبت عن مصر
و بعد أن تكلم إبراهيم الفقي عن مصر كما لم يفعل من قبل
و بعد أن صدمت نسمة حينما أدركت أنني أفكر في السفر
بعد هذا كله
أحب أن أقول لله سبحانه و تعالى
وصلت الرسالة

يللا بقى
مش سايبك يا مصر
بأحبك يا مصر
بأحبك يا مصر
بأحبك يا مصر
. . . . . . . .

DareDevil يقول...

nice post

tee el mazhool يقول...

m3lsh b2a, ana 3omry ma ro7t Stad fi 7yaty, w kan awel marra yom morocco,
they told me:"a aktar tagammo3 shofto fi 7yatek?" - "y3ni 2,000 - 3,000" -"ra7o da7keen lba3d w 2alo tb esta3ed lel mofag2a b2a"
w ask Sheryos 3la el wesh elly ana edito lamma shoft el stadium!!!:|
dana dahant weshy wana elly kont tool 3omry mestatfeh el 7araka di:$
w manensash:
or2os....ya 7adary
p.s: shokran ya Blue 3la ennek a3adty m3aya sa3et el match wla akeny m3 es7aby! :$

عشقك ندي يقول...

الناس بتحاول تخلق فرحة من وسط العتمة ولسان حالهم بيقول علي رأي منير أنا لسه قادر في الحزن أفرح وفي وسط حالة التوهة اللي الناس عايشاها طبيعي يحاولوا يدوروا علي شيء يتجمعوا حواليه وأهم حاجة ممكن تعمل ده الكرة بس سيبك انت ايه رأيك في حسام امبارح كان معلم
يا رب يكمل أفراح البلد دي في الكرة وفي حاجات تانية كتير بس يصحوا هما من النوم

cloudsman يقول...

واضح يا لست ان البلوج بتاعك يزداد شعبية يما بعد يوم وده شجعنى انى اتلكك مادام الحديث عن مصر و انشر من باب الاعلان مساهمة مصرية من البلوج بتاعى و أرجو انها ما تكونش تلقيح جتت منى:

فى الشارع الواصل بين الترام و شارع البحر فى كليوباترا فى اسكندرية اللى هى مرية وترابها زعفران على رأى عمنا أحمد فؤاد نجم كنت اتصعلك واتفرج على الفتارين واذا بى"أضبط" أذنى تستمع مستمتعة بغناء ات من سماعات محل الخردوات...تلفت يمينا ويسارا أحسن يكون حد شايفنى ةو انا بسمع الاغنية دى... بقى انا المتهم بأننى مثقف و بعد العمر ده كله أسمع الاغانى دى؟ يععععععععععععع
أنا العبد لله السكرمنت الدرمنت كعب الوز اللى مفيش منه فى الجمهورية الا اتنين و احد مات و الدور عليه هو اسمع الاغانى دى؟ اخيييييييييه
وفجأة انتابتنى موجة شجاعة وصرخت داخليا مطلقا أشهر لفظ اعتراض مصرى يتكون من ثلاثة حروف اولها الالف وهو لفظ اعتراض أبيح ولكن أصله ليس كذلك فأصله و العهدة على الراوى انه عند تنحى الرئيس جمال عبد الناصر عن الحكم بعد هزيمة 67 قام بعض " الحنجوريين" بتأليف شعار به سجع لثنيه عن التنحى فقالوا" أ.. لا تتنحى"
ومع الوقت أصبحت اللفظة هى اشهر لفظ اعتراض و اصبحت الكلمة أبيحة
المهم كانت الاغنية من نوعية الاغانى اللى تسمعها عند الفكهانية و بتوع العصير الصعايدة وكانت لمطرب عرفت بعد كده ان اسمه( حفنى احمد
كان يغنى و يحكى قصة شفيقة ومتولى بطريقة سلسة وبسجع و تركيب عبقرى للكلمات .... اشتريت الشريط فورا و بدات أسمعه بتمهل و أفسر بعض كلمات الصعيد الجوانى فيه فأنا و ان كنت صعيديا و لكننى مش -دوانى
القصة حقيقية حدثت فى جرجا فى سوهاج و الجرجاوييون اذا عايرتهم بشفيقة ردوا بفخر بأن متولى أخذ بثأرهم
المهم الشريط ادمنته و ادمنه كل أصحابى بعضهم بدأ بسماعه من باب الروشنة زى ما تسمع شعبولا لاول مرة و لكن بعد فترة ستكتشف عبقرية المطرب و عفويته فهو المؤلف و الملحن و من يومها أصبحت من المعجبين ب حفنى أحمد
ويجعله عامر
05 JAN 2006

1:04 PM

wa7d mn el e5wat يقول...

المشكلة يا لستو ان اغلبنا يفضل يشتم فى البلد و يدعى عليها و يبقى مش طايقها , بس كل ده من ورا قلوبنا , بدليل ان اول ما مصر فى اى مجال تنجح فيه نبقى فرحانين و الدنيا مش سايعانا , و طبعا مش حفكرك باتينا و الامال على فريق كرة اليد و الخيبة اللى كانوا فيها و فجاءة سمعنا عى ابطالنا الصريين اللى بداوا يحصدوا الميداليات كانت حاجة تفرح

البلد دى احنا بتحبها اوى عشان كده لازم نحارب اللى يخلينا نكرهها او نحس باى كره نحيتها

Arabian Princess يقول...

مصر عرفت كيف تضم كل الشعوب العربية إليها .. كانت الأم الحنون عندما كانت هي في أمس الحاجة للحنان .. فعلاً مصر ما زالت أم الدنيا

مبروك عليكم الفوز ولو أني لم أتابع المبارة بس أكيد تستاهلوه :)

Arabian Princess يقول...

aqool I would like to know how did you put this beatiful music in the background? any code that you added?

Arabian Princess يقول...

Dear, this is my e-mail as requested:
arbprnces[at]hotmail[dot]com

Lasto-adri *Blue* يقول...

ruby
يابنتى كلنا بنحب مصر.. بس مش بيبان.. مش عارفة ليه!


edeeb
أتمنى يكون وصلك ردى يا أحمد.... وخليك معانا هنا دايما


tee
it was my pleasure.... i even enjoyed the match as much as u did and may be ever more..


عشقك ندى
لاء كدة سورى معلش يعنى.... انا ابص لحسام دة اصلا!!
معلش يعنى أبو تريكة وعماد
:D :D :D


cloudsman
اهلها بيك أولا... وشكرا ع المشاركة.. وماتخفش مفيش تلقيح جتت ولا حاجة


wa7d ml e5wat
كلام جميل طبعا


arabian princess
الله يبارك فيكى.. وشكرا ع الكلام الجميل... وحاضر ثوانى وتلاقى الكود مبعوت للايميل ان شاء الله

kalam يقول...

لاول مره اشوف منتخب مصر عنده روح وهو بيلعب
المنتخب حالته مش كويسه فنيا ولا متمرنين كتير ولا حاجه
حسن شحاته اللى قدر يعمله فعلين انه صحى فيهم الروح سواء بقى روح الفوز او روح الخوف من الهزيمه اهى اى روح والسلام
مصر الحقيقه ما عدش فيها روح خالص فى حتت كتير
البلد بقت ماسخه وعايشه والسلام
عشان كده لما الناس بتشوف جزء من البلد بتظهر فيه روح بتفرح
يلا
عقبال الكاس ان شاء الله
على فكره المدونه بتاعتك من الحتت القليله اللى بالاقى فيها روح

Ammouna يقول...

Nice name "Um el donia" :)
CAN 2006 .. may the best win ;)

by the way, you have excellent judo team, i dont talk about it 3ala mostawa el play, but the nationnal egyptian team was here last year.. polite, correct, very funny.. what else? They loved romania :)) (who doesnt LoL)
Bye :)

غير معرف يقول...

Excellent, love it!
pamela anderson news Free hardcore teen blowjob Growth of personal debt in america windows 98 boot image Tatoo removal clinics portsmouth Usato kia sorento http://www.consumerdebtproblem.info/Amount-of-debt-in-the-czech-republic.html loan mortgage debt consolidation finance bank

غير معرف يقول...

سلامتنا كلنا
وموقعنا الجديد هى كدةةةةةةةةةةةةة
http://www.hyakada.com
قول الى فى نفسك تجيبها كدة تجيلها كدة هى كدة