الأربعاء، يونيو 18، 2008

قهوتى الصباحية على طريقتى المكتبية

عندما كنت صغيرة، تمنيت إمتلاك مكتبة صغيرة. وكلما إمتد بى العمر، وأدركت صعوبة تحقيق الأمانى الصغيرة، إكتفيت بأمنية العمل فى أحد المكتبات العملاقة، كمكتبة مدبولى أو فروع دار الشروق بوسط البلد. أكاد أتخيلنى فى كل حلم وأنا أرتب الكتب صباحا، وأنفض الأتربة عن واحد تلو الآخر بلمسات أميرة باريسية.
لكنك تعلم -مثلى- يا عزيزى معنى الإنهماك بين رحى الحياة..


ولأن هذا الفضاء، فضاء حقيقى، يتسع حضنه للضال والشريد.. وجدت مكانى أخيرا بين الكتب.
أصبحت اليوم مكتَبِية فى مكتبةٍ إفتراضية.. أنفض غبارا إفتراضيا عن الرفوف وأصحح معلومات الكتب..
أشعر -كل يوم- صباحا بتجدد روحى يغمرنى، ويفاجئنى برغبة فى إكمال الحياة.

فأصبح كنزى هذا أفضل من قهوتى الصباحية

هناك 13 تعليقًا:

Omnia يقول...

أصعب حاجة أنى اكون أول حد يعلق
أنا كمان حلمت و انا صغيرة أكون مذيعة..ونسيت كتير أنى أصلا لدغة فى صوت ال ر
او كما فى دراستي الصوتية البحتة
the allophone \r\
بس دلوقتى ..عندى ورق كتير..فيه حوارات وأسئلة أنا الى كتباها.. في كل تجمع مع صديقاتي..

نسأل نفس الأسئلة..بإجابات مختلفة كلما مرت السنوات

فأنا أعرف من حولي..على طريقتى المذيعية :)
أسفة على الإطالة

صباح الخير يا مصر يقول...

لست ادرى
********
ربنا يسعد اوقاتك و يحققلك احلامك
واقول لكى شكرا..فالدال على الخير كفاعله...وخيركم من تعلم العلم وعلمه

اشكرك وتحياتى

Unknown يقول...

يا سلام لو الناس كلها بتحب الكتب و القراية كدة
كان زمان حال البلد ديه إختلف خالص

Dina El Hawary (dido's) يقول...

That's sweet ya Eman :) We meen 3aref yemken fee yoom tet7a2a2 el a7lam!
صباحك جميل ومنور

*,*AMY LEE*.* يقول...

يااااه
بجد حاجه جميله اوي انك تشتغلي ف المكتبه
وانا صغير ه برده كنت بحب الكتب جدا
بس دلوقت مشلاقيه ا وقت اقرا فيه اي حاجه
من ساعة مادخلت الكليه
دي

بس بابا تقريبا كان عنده امنيتك دي
وكنت اقعد ابص ع المكتبه الضخمه الي عندنا دي
وافكر انه ازاي قدر يقرا كل دا
وهل فيوم من الايام هقدر اقرأ كل دا انا كمان

بس نصيحت ياريت تستفيدي من مكان عملك
وتنسفي الكتب دي قرائه
دا فحد ذاته روعه

بوستك اجمل من رائع
تحياتي الحاره

AD sabry يقول...

very beautiful dream
yarab every dream for u come true
dont ever give up on ur dreams
dont ever forget ur dreams
have faith

Muna يقول...

رائع ..
كم تمنيت أنا أيضا أن يصبح لي مكتبة عظيمة ، فيها كل ما يمكن أتخيله من كتب ، أجل حلمي كان هو حلمك .. ومازال لدي هذا الحلم ..
وأختلف عنك في أنني مازلت رغم أني كبرت وصارت تحقيق أحلامي أكثر صعوبة مع الوقت .. إلا أن تفاؤلي وعزمي وإصراري يزدادان بقوة ..

قد يكون .. قد يتحقق الحلم ذات يوم ..
وحينها سأعزمك على فنجان قهوتي بجوار مكتبتي .. وربما تعزمينني أيضا
احلمي

لا تكفي عن الحلم

Unknown يقول...

وكأنك تصفين أفكاري الخاصة بالكتب والمكتبات..
لم أفهم فكرة الموقع بعد.. سآخذ جولة به، وربما اشترك فيه لو اعجبتني فكرته.ز كنت افضل توضيحا لهذه النقطة... شكرا على كل حال :)

غير معرف يقول...

حلمت بالحلم ده من زمان و تقريبا ً حققته بمكتبة مش ضخمة او كبيرة بس اهه مش بطالة جمعت كتبها طوال 7 سنوات من الكتب المستعملة من النبى دانيال فى الإسكندرية و من راجل طيب قوى بتعامل معاه
من 15 سنة من ايام ميكى و بطوط موجود فى كليوبترا و مكتبة الأسرة رغم كل ما بها من تراهات إلا اننى كنت أجد بها ما ينفع فى كثير من الأحيان

محمد ياسر بكر

حواديت

Lasto-adri *Blue* يقول...

@ Omnia,
وليه اصعب حاجة؟ مش يمكن أصدقهم؟
:)
طب ما أمال فهمى لادغة برضو.. ليه ما تجربيش يا أمنية؟

أكيد عندك حس افضل كتييير من المذيعات اللى شايفنهم بيتنططوا فى التلفزيون أو الراديو
جاربى



@ صباح الخير
ربنا يكرمك.. ويحققلك كل اللى بتتمناه



@ Tarek,
وتفتكر يا طارق ليه الناس مش بتحبها؟ ولو حبتها ح يفهموا حاجة؟

Lasto-adri *Blue* يقول...

@ Dina El Hawary (dido's)
ياريت يا دينا.. يا ريت..
صباحك أجمل ومنور أكتر
:P


@ Amy Lee
لا لا.. أنا مكان عملى أصلا مالوش علاقة بالكتب.. دا كله شاشات حمقاء نبحلق فيها طول اليوم لحد ما عينينا تورم
بس بحاول أستفيد أو أفيد من الموقع اللى إشتركت عليه قريب.. هو فعلا لذيذ
:)


@ AD Sabry
And every dream of yours come true too..
So sweet of you wallahi

Lasto-adri *Blue* يقول...

@ منى محمود
وأنا مستنية اليوم دا بفارغ الصبر يا منى
ياه.. لو ليا صديقة صاحبة مكتبة... لكانت الحياة أروع



@ Davinci
توضيح عن إيه بالظبط يا فنان عشان اقول لك.. ربنا قدرت أفيدك
;)


@ محمد ياسر بكر
ياسلااام.. إنت عندك مكتبة دلوقتى.. بجد بجد يعنى وبتبيع فيها وكدة؟
إحكيلى لو عندك تفاصيل
:)

غير معرف يقول...

مش ببيع حضرتك انا كونت عندى فى البيت مكتبة فيها حوالى 300 كتاب يمكن لسه ماخلصتش قرايتهم كلهم ... بس هما بيمثلوا أهم جزء فى حياتى

محمد ياسر بكر

حواديت