الخميس، أغسطس 02، 2007

طب والله فكرة!

تحديث: يرجى قراءة "نادى افتراضى للكتاب -- وواقعى أيضا".. لاستكمال الفكرة ومناقشتها على نطاق اكبر
تحديث 2: برجاء قراءة التعليقات برضو.. لجل تحميل الكتاب والاشتراك بالافكار معانا :)



الأستاذ "حرا طليقا" كتب –مشكور- تعليق لطيف فى آخر الموضوع السابق، وقال:

كما أتمنى لو اتفقنا على كتاب موحد (رغم أننى أدرى أن الأمر صعب) ونناقشه مجتمعين فى آخر الصيف

ولمدى اعجابى بفكرته، قلت اعملها فى بوست مخصوص.. وليه لاء؟.. أهوه نشجع بعض على القراءة من على شاشة الكومبيوتر، بما انها شئ فى غاية الارهاق والملل لاغلبنا –على ما اعتقد- وأولهم أنا!

فى البوست السابق كان أغلب الكلام عن كتاب "جدد حياتك" للغزالى.. وهو فعلا متوفر pdf.. وعن نفسى بناء على اقتراح خاص من المدون العزيز "مختار العزيزى" بدأت أقرأ كتاب "التدين المنقوص" لفهمى هويدى...

معنديش مشاكل لو نتفق على كتاب من الكتب المذكورة فى البوست السابق (كبداية) ونقرر مثلا مناقشته فى آخر شهر أغسطس... ووقتها نكون اتفقنا على كتاب جديد لشهر سبتمبر وهلم جر....

ها؟ أنا فى شدة التحمس، وأظن أستاذ "حرا طليقا" كذلك.... هل فى حد معانا؟؟؟؟؟


بى اس: اتمنى نبدأ بكتاب "التدين المنقوص" لانه فعلا رائع... قرأت الفصل الأول منه وعجبنى اسلوب الكاتب –طبعا- وفكرته..

هناك 37 تعليقًا:

Less than perfect يقول...

فكرة هايلة يا بلو...أنا معاكم...كنت دايما بسأل نفسى اذا كان فيه
Book Club
فى مصر زى مابشوف فى الافلام الامريكانى...تبقى حلوة بجد

هخلص كتاب جلال أمين اللى فى ايدى و اروح اشترى كتاب فهمى هويدى...ربنا يسهل بأه

Lasto-adri *Blue* يقول...

استنى يا بنتى... لو عايزة تشترى الكتاب فطبعا الأمر يرجع لك.. لكن الفكرة اننا نشجع بعض على القراءة من على الكومبيوتر اصلا

ولا اعتقد ان مختار ممكن يكوت عنده اعتراض لو عملت لك
fwd
للكتاب

:)

ممكن لاى حد كمان عايز يشارك معانا.. ويكون نادى كتاب مفتوح

عدى النهار يقول...

if you can forward me the book that would be nice.. free is always good :)

Less than perfect يقول...

LOL..yea free is always good

I didn't know there's a soft copy of the book...it would be gr8 if u can fwd it...hope Mokhtar won't mind

Blue..I wasn't gonna buy the book right now...I'm still stuck in Gala Amin's book :)

freeSoul يقول...

Although i am too busy but i like the idea on one condition, to launch a civilized discussion about it after we finish it, this could really change our ideas

by the way, i would be grateful if you send me a link to the book you are talking about :
التدين المنقوص

عدى النهار يقول...

I hope that participating in this online book club isn't a condition to receive a copy of the book :)

walaaz يقول...

send it to me plz ya emy :)
argoky argoky :D

Blackroses يقول...

Hello.. i want to join the club!!
im new here.. but thats a very good idea.. i love it!!
ps i dont have the book too!!

Lasto-adri *Blue* يقول...

دا الكتاب اهوه للى عايز يقرأ معانا
http://www.4shared.com/file/21306077/c772a0aa/fahmy_hweidy_tedayyun.html


ويوم 29 أغسطس ان شاء الله نناقش الكتاب مع بعض ونفكر فى كتاب شهر سبتمبر
كل واحد يفكر فى كتاب جديد بقى عشان نبدأ من الشهر الجاى فعلا اختيار كتب من اللى هى
;)

abderrahman يقول...
أزال المؤلف هذا التعليق.
abderrahman يقول...

أيوه فكرة حلوة جدا
(h5)
فكرتيني يوم 29 هيبقى عندي امتحان
صوري كده
:)
**
شكرا ليكي ولمختار
**
أتمننى ان شاء الله يكون فيه قبول للنقد بصدر رحب
ونشوف أراء متنوعة حوالين الكتاب المختار
**
تم تحميل الكتاب>>
انا رأيي انه نبدأ بكتاب شهير، وليس خاصا بقضية إسلامية عشان كل الفئات تشارك، مارأيكم؟
**
عموما أنا متحمس للفكرة وسواء كان الاختيار لهذا الكتاب أو حاجة تانية هعلن عندي في المدونة، عشان ناس كمان تشارك، ونبقى عاملين زي سيمنار كده بناقش كتاب واحد
:D

Lasto-adri *Blue* يقول...

انا معاك يا عبده انه يكون كتاب عام.. لكن فى حاجتين:

1. دى اول مرة اصلا وياعالم نجاحها او فشلها لا قدر الله.. والمرة القادمة يكون فى اختيار ادق للكتاب بناء على مشاركة جماعية

2. هو ايه المشكلة فى المشاركة فى كتاب اسلامى لكل الفئات؟ خصوصا وانه كتاب فكر اسلامى وليس شريعة او فقة... اظنه عادى.. زى ما عباس العبد اقترح عليا بعض الكتب المسيحية فى البوست السابق.. بالعكس اظنه تنوع فكرى اتمنى احظى به

والف شكر على الاعلان يا عبد الرحمن.. دايما كدة رافع معنوياتى
:)

غير معرف يقول...

بالنسبة لارسال نسخة من الكتاب ده أو غيره فأنا أصلا أشجع بافتراء يعني السلوك ده. أما بالنسبة للملكية الفكرية والبطيخ فأنا انسان فوضوي وراديكالي وباحرق أي حاجة بتيجي قدامي وابعتها لأصحابي، بلدوزر يعني بيدوس علي الهلس بتاع الملكية الفكرية. مش هاعرف أدخل في نقاش مع أي معارض للكلام ده دلوقتي لأني مشغول.

يسعدني أن اقرأ كتاب هويدي معاكم ولو في نقطة جدلية أو تعليق هاكتبه آخر الشهر زي ما قلتي يا بلو، بس هل أكتبه في مدونتي ولاّ يبقي التجمع كله هنا عندك في تدوينة بعنوان الكتاب؟

يستحسن ان الناس تشوف النسخة الالكترونية الأول قبل ما يقرروا يشتروه مطبوع عشان ياخدو فكرة كويسة قبل ما يدفعوا خماشر جنيه. صح؟

بالتوفيق انشاء الله، بالنسبة لموضوع نادي الكتاب أنا فعلا كنت باعمله مع مجموعة أصحابي علي مجموعة بريدية وكان ناجح وشجع ناس كتير وفتح موضوعات ساهمت في إثراء شخصية كل فرد فينا.

النقطة التانية بخصوص نادي الكتاب المزمع انشاءه هاقولك عليها في إيميل لاحقا.
في أمان الله

To a friend يقول...

فكرة جميلة اوي ... تسمحوا لي اشترك معاكم؟

غير معرف يقول...

فضفضة نور:
إمممممم ، سيبينا لحد آخر الشهر نفكر ونرد عليكي :)

دوسي يا نور والرابط الخاص بالكتاب هتلاقيه موجود

Lasto-adri *Blue* يقول...

نور
الدعوة عامة.. كل اللى نفسه يشترك.. يسمى ويدخل اهلا به وبها فى اى وقت


مختار العزيزى
والله ما عارفة يبقى كله عندى ولا كل واحد براحته ولا فى بلوج منفصل
الصراحة كل الاختيارات بالنسبة لي سيان.. لانى بطمح فى المنفعة العامة والتشجيع الشخصى، قبل الشهرة او اى شئ من هذا.. دا انا حتى معرفش ازاى اناقش كتاب
:D
فاللى الناس تتفق عليه معنديش اى موانع..

غير معرف يقول...

طيب جميل كده، أنا عن نفسي هابقي أكتب في مدونتي عشان آخد راحتي وأرحرح في الكلام، وعلي رأي المثل: البيت بيت أبونا والغُرب بييجوا يزورونا. ولاّ إيه؟

حرا طليقا يقول...

يسعد الصباح

أشكرك لتقبلك للفكرة ..وصراحة أنا تفاجئت لما وجدت اسمي

أما بعد

أكيد معكم ولقد تم تحميل الكتاب

لكنني أتمنى أن نفتح باب المداولة في الكتاب المختار

لعدة اعتبارات منها موضوعه الموجه لفئة معينة(سنخسر مشاركة غيرهم) بالاضافة إلى أنه كتاب ضخم على القراءة الالكترونية (أكثر من 300 صفحة)(وأتمنى على ممتلكي الشاشات المريحة المراعاة لأصحاب الشاشات المريعة)

لذا
فأنا أقترح كتاب ااخر
وهو رواية زوربا لأنها حقيقة رائعة
وبها نجمع عدد أكبر
ولعله يصبح نادي..ثم صفحاتها أقل من الكتاب المقترح


تهلاو في ريوسكم

walaaz يقول...

29 بدرى :s


الكتاب لو مطبوع كنت هقولك نناقشه بعد بكرة

بس القراية ل 300 صفحة ع الكمبيوتر مش متعب بس
صحيا هيبوظ عين الناس

ألا بقى لو كان نادى الكتاب ناوى يتعاقد مع دكتور عيون وبيظبطله شغل :p

أنا فريت الكتاب كدا .. مواضيعه ثرية جدا وهيكون مادة جميلة للنقاش

بس الفكرة انى لما بقرأ لفهمى هويدى مش بلاقى كلام أقوله بعده .. الراجل الصراحة بيغطى كل جوانب القضايا اللى بيطرحها بطريقة منظمة بأتقان

بالنسبة للمناقشة
فى حل من تلاتة
يأما فى موضوع واحد فى مدونة واحدة هنا مثلا

أو كل واحد فى مدونته ويحط تنويه عن باقى المدونات اللى ناقشت الكتاب

الحل التانى دا هيكون جميل فى أن كل واحد هيقول كل اللى عايزه فى تدوينة كاملة بدون مقاطعة
لكن عيبه انه هيفقد القيمة النقاشية للفكرة
الأخد والعطا زى ما بيقولوا

الحل الثالث ودا مميزاته أكتر من عيوبه بس أقترح التأنى فى اتخاذه
هو مدونة مستقلة
book club

يطرح فيها اسم الكتاب كل مرة فى تدوينة
وفى تدوينة جديدة يبدأ النقاش عن طريق (التعليقات )بشكل رئيسى لكل الناس زى بعض
بشوية شروط بسيطة زى أن المناقشة متبدأش غير بعد المعاد المحدد
ويكون فى poll
لأختيار الكتب

التأنى عشان نشوف الأول الموضوع هيمشى ولا الناس هتتشغل .. عشان متبقاش فرقعة ومنكملش


ايه كل الشين دى !

غير معرف يقول...

i am soooooooooooo into this...

غير معرف يقول...

فكرة ظريفة، نزلت الكتاب وجارى تصفحه ولو عجبنى هأقراه ولو معجبنيش هأستنى كتاب الشهر اللى جاى.

غير معرف يقول...

إممممم ، طيب احتراما لرأي حرا طليقا أعتقد إني هاحاول بعد كده أختار لنفسي كتاب وأعمل له عرض في مدونتي لأن بصراحة مش شايف إن هيكون في أغلبية تتفق علي كتاب ما، وأنا بطبعي بحب الفردية والاستقلال لأن الفردية ملازمة للانتاج والابداع في رأيي.

أنا عن نفسي بدأت إمبارح في التدين المنقوص وخلاص حددت موضوع رئيسي هتكلم فيه علي آخر الشهر في مدونتي.

ده مش معناه إني مش هشارك في أي نقاش دائر عند الآخرين أو حتي في المدونة التي قد يتم تخصيصها لنادي افتراضي للكتاب

هو الغرض الأساسي من اللي احنا بنعمله التشجيع، وتبادل عناوين الكتب، والكتب نفسها طبعا، والاشتراك في النقاش وأنا شايف إن الهدف ده أهم بكتير من أننا نسعي "لتوحيد" الاختيار أو لتثبيت "إطار" يجمعنا مع بعض. يعني باردو ضروري ميكونش سقف آمالنا عالي قوي عشان ميجيش إحباط، وكمان ياريت كل واحد يفكر في مسألة التفرد في اختيار كتابه بغض النظر عن وجود أغلبية أو حتي إجماع من عدمه.

القراءة هي الهدف، مش التجمع تحت أي مظلة أو مجموعة أو الاتفاق بإجماع أو بأغلبية علي كتاب.
اقرأوا وطاب مسعاكم أيها الأخوة والأخوات

سلام بقي عشان عايز أفطر:)

Ibn Barhoma يقول...

This is a pretty good idea !! I'd love to join, if u don't mind. I was really searching for such a Book club, but couldn't find an interesting one. Most of them are discussing fiction, I prefer non-fiction. And I guess the book by Fahmy Huwedy is indeed a good choice.

By the way, here's a link to an online e-book library, where you can find many arabic e-books

http://www.al-mostafa.com/

غير معرف يقول...

ibn barhoma: thanks for referring to the valuable library of almostafa!

Lasto-adri *Blue* يقول...

حرا طليقا
انا اللى بشكرك على فكرتك الجميلة
بس بخصوص موضوع الكتاب.. اولا زى ما قلت فى تعليق سابق، ليه ما نعتبرهاش دعوة للحوار؟
والفكرة اننا نعين بعض على قراءة الملفات من على الكومبيوتر فى الاساس لصعوبتها... وعلى اى حال.. اقرأ اللى تقدر عليه وادخل معانا فى المناقشة برضو
:)
ماتحملشى نفسك فوق طاقتها
وبخصوص زوربا.. لو تسمح لى فى شئ.. بس بالاصل كان نفسى فى كتاب.. مش رواية.. كتاب فكرى فى اى مجال...
والمرة الجاية نعمل استفتاء ع الكتاب بقى



walaaz
اقرى اللى تقدرى عليه يا بنت وبلاش لكاعة امال
:P
ان شاء الله تلاقيكى بتجرى هوا بين الصفحات
وزى ما قلت لك انى متفقة مع كل كلامك بلا اى استثناءات... بس خليها لما تمشى اول شهر كدة ونشوف الجو العام ونقرر
;)



Daisy & Ikhnaton2
طب تمام كدة...
the more the merrier



مختار العزيزى
وليه بس الانشقاق على الجماعة من اولها؟ دا انت عضو عامل مهم يعنى
;)
وخليها.. مالكشى دعوة.... النهاردة كان سوبيط... بكرة سمك ان شاء الله
و مالكشى دعوة بموضوع الاتفاق على كتاب.. ح ظبطها ان شاء الله

الدعوة للقراءة هى الهدف صحيح.. بس روح المشاركة تخليها اروع
;)
طول بالك علينا بس



ibn barhoma
طبعا تآنس وتنور
ودا شئ عظيم والله انك انت كمان عايز كتب فكرية مش مجرد روايات
:)
يلا.. مستنينك يوم 29

حرا طليقا يقول...

اتفقنا اذن

سأقدم الكتاب في قائمتي

وأعدكم بنقاش مزلزل
:)

موفقين جميعا



استعطاف خارج الموضوع بعد استسماح صاحبة البيت

أنا مبتدأ في التدوين وأمي تصاميم وفي أشياء أخرى عن التدوين

والنبي لو بينكم استشهادي يود أن يجيب على أسئلتي لأن الموضوع يعجزني على الكتابة من الأصل

يتكرم ويضيف عنده هذا البريد
dr_7or@hotmail.com

م يقول...

السلام عليكم
الفكره كويسه جدا
وكويس كمان ان البدايه بكتاب لاستاذى فهمى هويدى
تسمحولى اكون معاكم

غير معرف يقول...

ماشي يا بلو، بس هاكتب في مدونتي، وأنا مكنتش أقصد انشقاق بس بصراحة أنا كنت واخد قرار من سنتين كده اني مادخلش في أي شئ جماعي طالما أنا جوه مصر ومع مصريين، طبعا أنا منظري كده كأني من سنغافورة أو أيسلندا:)) بس بجد يعني في كذا حاجة حاولت أعملها في جماعة وكان سبب الفشل هو التضارب وتثبيط الهمم بشكل مأسوي والتكاسل الرهيب وكأن الواحد بيؤدي عمل عبثي، فقررت القرار ده.

بس لما جه موضوع الكتاب الافتراضي والنادي وكده لقيت نفسي منساق ومنصاع ومنكب ومنشغل بالفكرة لدرجة اني نسيت قراري القديم. ايه الرغي اللي أنا باقوله ده. عموما أنا شغال أهو وربنا يسهل .

تعرفي يا بلو لو مطلعناش من الليلة دي كلها غير بتقديم أسماء كتب لبعض والله باردو هتبقي غنيمة. أصل أنا مش بحب أهون وأحقر الجهد الإنساني. يللا روحي خلصي كتابك بقي وطلعي ملاحظاتك علي جنب

وممكن يا بلو المدونين المهتمين بالقراءة يوجهوا دعوة من داخل مدوناتهم لكل الآخرين أنهم يعملوا قائمة بالكتب اللي يرشحوها لزوار مدوناتهم. مجرد ذكر أسماء الكتب والمؤلفين في قائمة علي جانب الصفحة الأولي.

غير معرف يقول...

hi all, i am so into the idea. I started reading the book and i find it really good till now.

I just wanted to support the idea of en e7na n discuss the book in one blog (either here aw zy ma walaaz said to have a separate "book club"blog to discuss the book). this will make the discussion more fruitful i guess.

anyways, c u on the 29th :))

goodman يقول...

لا اظن انى استطيع القراة من الكمبيوتر حيث ان هذا مرهق ومضر جدا
قرات للغزالى قبل ذلك ولم يعجبنى
عموما انها مسالة اذواق
عندما اريد ان استمتع اقرا لاحمد خالد
وعندما اريد ان افكر اقرا لنجيب محفوظ
وعندما اريد ان احزن اقرا لفيكتور هوجو

Salma يقول...

أيوه كده هوه ده الكلااام, والله من زمان و نفسي حد يتبنى الفكره ديه...أنا معاكم و ان شاء الله يوم 29 هكون جاهزه لمناقشه الكتاب .

3rby يقول...

انا معاكو
والكومبيوتر اتصلح
بس مابحبش البي دي اف فلو ينفع تقوليلي الكتب ديه بتتباع في دور ايه(بس الاول ربنا يوفقني في التدوير في مكتبة ابويا)
اصل القراية ديه حاجة تحفة

غير معرف يقول...

عربي:
بص يا برنس، خد فكرة الأول عن الكتاب من الملف الإلكتروني وبعدين شوف إذا كان يستاهل تدفع فيه فلوس ولا لأ.

النسخة المطبوعة اللي معايا من إصدار مركز الأهرام للترجمة والنشر من سنة 1987

وبعد كده دار الشروق طبعت الكتاب في
1994

إبقي روح دار الشروق كده وشوفه هناك لو مش موجود في مكتبة السيد الوالد.

3rby يقول...

اشطه عليك

Amira يقول...

فكره جميله فعلا

و كالعاده بحب ايجابيتك
حقرا الكتاب
ان شاء الله

و لو ان موضوع القراءه من على الكمبيوتر متعبه لي شويه
بس ربنا يسهل
بحييكي
و احيي الاستاذ مختار

Ibn Barhoma يقول...

I wounder if you all remember that we ought to discuss Hwaidy's book today? However, I donnu where should we write our comments and discuss them? Did anybody already come up with an idea that I missed?

ياسمين حميد يقول...

فكرة جميلة
هل تسمحون لي بالاشتراك معكم في النادي الافتراضي؟
ماهو كتاب شهر سبتمبر؟