.jpg)
من قد ايه وانا فاكرة ان وظيفة الجزمجى انقرضت من الشارع المصرى.. لحد النهاردة، لما لقيت اكتر من خمسة قاعدين جانب بعض –ع الارض- فى حتة شارع مايزيد طوله عن عشرة متر.. كان نفسى اروح اعيش التجربة مرة، واسأل حد منهم عن سر الاختفاء والعودة.. انما لقيت الهدة اللى فيها، وقرف المواصلات المعتاد وتقل الشيل اللى فى ايدى جاوبونى من غير كلام..
هناك 15 تعليقًا:
الشغل كله خلص
اكيد الشغل القديم هايبدا يظهر
يعني الجزمجية مع ان فيه ورنيش
ممكن تلاقي سقا كمان
بي اس:
عاوز اسمع رايك
والله ساعة انقطاع المية العام اللى حصل من كام اسبوع دا. وانا كنت بفكر بشدة فى مهنة السقا
كانت فرصة عظيمة على ما اتخيل
الجزمجيه طول عمرهم موجودين وعمرهم ما إنقرصوا إقعدي في أي قهوة بلدي في إسكندرية أو وسط البلد في القاهرة أو السيدة زينب وإنتي تلاقيهم
إنتي بس مش بتنزلي الأماكن دي ياما
ع الاقل بقوا مش بس فى الاماكن "دى" اللى انت بتقول عليها يا مالك...
بس انا ماحستهمش انقرضوا, جايز عشان انا باتحرك فى "الاماكن دى" على راىمالك
ده حتة ظهروا فى حتت غريبة جدا
انا بقيت بالاقى جزمجى بيتمشى فى الجامعة عندنا
:)
كتروا.. بس مش اختفوا ورجعوا
:)
ولا انقرضو ولا نيله
زي ما مالك قالك كده هتلاقيهم في وسط البلد مثلا ويسلام لو نزلتي ميدان الجيزه عند السنترال كده هتلاقيهم مرصصين جنب بعض بالطابور
اعذرونى لجهلى.. بس هو كان حقيقى احساس داخلى انهم خلاص مالهمش وجود بعد الكيوى والورنيش المنزلى
بس واضح ان معلوماتى كانت غلط
موجودين ... و كتير بما أني مواطن شبراوي فأنا باشوفهم و اعرف منهم ناس بالاسم
الناس دي بتبقي بتلف في مناطق معينة و الصندوق اللي فيه الورنيش ده بيتأجر باليوم و لهم معلم كل يوم الصبح يوزع الصناديق عليهم و أخر النهار يرجعوها له و ياخد فلوس منهم
و هما درجات برضه
يعني في منهم القديم اللي له اربع أو خمس قهاوي غير الشوارع اللي بيلف فيها زي راجل صعيدي أسمه عم حمدان بييجي يقعد في قهوتين باقعد فيهم ... و الغريب أنه مش بيقعد علي كراسي أبدا بيقعد علي كرسي خشب قصير أوي بيبقي معاه
و في منهم معاه سبرتو لتنضيف الجزم الشامواه و في منهم ما بيشتريش سبرتو لأنه غالي و أجرة التنضيف بيه عالاقل جنيه .. أما التنضيف بالفرشة و الورنيش العادي فده تمنه نصف جنيه
و في منهم السريحة اللي مالهمش منطقة و لا معلم و دول التانيين بيحاربوهم و الناس ما بتبقاش عارفاهم
و من كام شهر في اتنين منهم سرقوا اربع جزم من أربع أفراد و قعدوهم حافيين الكرتونة تحت رجليهم و خلعوا
و لو نزلتي المطرية في سوق هناك بيتباع فيه الجزم المسروقة المستعملة دي
و بيقعدوا يبصوا علي جزم الناس اللي موجودة و لو لقوا واحد لابس جزمة كوتشي بيتخنقوا شوية و يبعدوا بنظرهم عنه
و عادة بيكونوا مش من القاهرة و ده بيبان من لهجتهم و لبسهم و شباشبهم الجلد
و في منهم في رمسيس و الزاوية و وسط البلد و فالمطرية و الحلمية و أماكن كتير فالقاهرة
-------------------
الاشغال الهامشية دي موجودة كتير و ما أنقرضتش أبدا زي بياعين الاتوبيسات السريحه و بتوع الورنيش و السميط والجبنة و الترمس و الفل
و الجبنه القريش
و كلهم تقريبا مشتركين في أنهم مش من القاهرة
لأ تلاقيكي بس مش بتقعدي على قهاوي بيبقوا هناك كتير
و في كتير اوي أوي أوي في محطة مصر
و المصالح الحكومية
بيبقوا متفقين مع الموظفين على مبلغ معين في الشهر بحيث إنه يروح يلمع هناك تلات مرات في الأسبوع
ماجتيش ليه مش قلتلك عاوز اسمع رايك
غير القهاوى موطنهم الاصلى امام المساجد يستلم منك حتة الشغل وانت داخل ويسلمها لك بعد ماتصلى السنن على طول
لأ منقرضتش
حتى بقى فيه ستات دلوقت بيمارسوها
ana 2a3raf wa7ed fe makram 3beed (makan gdeed malek ma2alsh 3leh )
w beo2af 3and elsallab 3adatan
bs take care 3ashan da fel 2asl mesh gazmagy wla 7aga
da mo5ber :D
اول مرة ليا هنا...اسلوبك جميل
وموضوعاتك اجمل
اول مرة..واكيد مش اخر مرة
إرسال تعليق