.jpg)
وقال لى صديقى الفيلسوف ذات ليلة ليلاء..
"اسمع ياصاحبى.. فى زماننا دا لازم تتعود على الإكتفاء الذاتى. يعنى لو فى يوم اشتقت تضحك.. بحلق فى أقرب مرايا وإضحك على منظرك براحتك. ولو حبيت تبكى.. بحلق فى نفس المرايا وابكى على حالك مع نفسك.
ولو فى مرة كان نفسك تحب أو تتحب.. إنزل لأقرب محل شيك، وإشترى بوكيه ورد أحمر، وكرت، وعلبة شوكولاتة.. وانت راجع انساهم قدام باب بيتكم.. تانى يوم الصبح تتفاجئ، وإبدأ بحثك عن العاشق المجهول!..
ولو فى ليلة احتجت صديق ومالقتشى.. ماتدورشى.. إقعد زى ما إنت قاعد كدة.. وإمسك ورقة وقلم وإنقشنى قدامك، بكلمك بأفكارك.. وإعمل نفسك مش واخد بالك.. قال يعنى كان مرة لك صاحب.. وقال ايه.. كان كمان فيلسوف.."
هناك 25 تعليقًا:
فعلا لازم عشان الناس تحبنا اننا نتعلم نحب نفسنا الأول
لازم نحب نفسنا ونقدرها ونسعدها ونفرحها مش نستنى ان حد تانى هو اللى يدينا السعادة
واللى يزعلنا يغور
بس يا ترى هنقدر؟
الموضوع على فكره مش موضوع اننا نحب نفسنا عشان الناس تحبنا..الموضوع اساسا اننا نحب نفسنا عشان قليل قوى لما تلقى حد بيحبك.
زى ما قال الفيلسوف صديق ايمان ..حب نفسك..صاحب نفسك ..لما تحتاج مكافئة كافئ نفسك ..لأن فعلا مش هتلاقى حد يعملك الحاجات دى
انا على فكرة بعمل الكلام ده مع نفسى
يعنى مثال بسيط ..(بس محدش يضحك عليه)..انى فى مرة فى عيد ميلادى كنت لوحدى ومحدش كان معايا ..يعنى ممكن تحصل..عشان كده قمت خارج وجايب هدية لنفسى..بجد كنت فرحان.
علاء
Lasto--
I believe that 7ob el-nas leeki, beyeegi elawel men 7ob rabena feeki, and then 7obbik le-nafsik. 7obbik lezatik is not selfishness. It is the key, by which you open people's hearts, gaining their love, respect and friendliness.
Ana mesh 3aref leih iftakkart this song by Whitney, w heya bet2oul, "The greatest love of all is happening to me-- learning to love yourself is the greatest love of all".
And dayman kont bas2al nafsi so2al, "why is it that sometimes I yearn to be in no one's company but myself?" Is it because I am a creepy loner. No. I know I am not. I have lots and lots of friends. Sa3at fe3lan el-insan bey7eb ye3od ma3 nafso. To ponder, and to reflect.
I truly believe that confiding in God and then your very self defines your attitude with life. if you hated yourself, you would hate the people surrounding you. wel3aks.
Learn to know yourself everybody, and watch for the outcome. It will be pleasant. I assure you!
--Mo3taz
جامده موت
مش عارف بتجيبى الحاجات الحلوه دى منين
انك تدحل اودتك تقفل الباب تفتح كتاب أو تليفزيون أو كمبيوتر
تقفله بقرف و غل
تحط ايدك على خدك و انت قاعد على الكورسى
تفكر
تتأمل
تنزل دمعه من عنيك
تحس بطعم الملح بين شفايفك
هوا ده الإحساس الأكثر شهره الوقتى
الوحده
تحياتى
خرجى.. خرجى يا بلو, باين عليكى بجد زهقتى منهم.
ياااه يا بلو
لو إقترحت إيم هاسميه مراية النفس وقت مانكون متخيلين إننا لوحدنا فعلا مابنبقاش لوحدنا
الوحدة مش مطلقة ممكن نكون وسط ناس و حاسين بالوحدة و ممكن نكون لوحدنا و ف نفس الوقت نحس بالونس
تحياتي يا بلو
جميل :)
قول كمان يا فيلسوف
تفتكرى ده ممكن
و لو كان ممكن لما احتاج الواحد منا إلى غيره من البشر و لاستطاع الإنسان أن يعيش منعزلا بعيدا عن الاخرين..الحقيقة ان صاحبك نفسه بيناقض نفسه فلولا وجوده معك و وقوفه بجانبك لما استطعت أن تدركين حكمته الخيالية
تعرفى يا إيمان أنا كنت فعلا مكتفى بنفسى و بعملها كل شئ عايزاه و لوحدى، لكن الوحده حقيقى صعبو و مش بس صعبة دى قاتلة..و كأنى فى قبرى أتحلل و أتحول إلى كومة من التراب
إن لم يكن هناك من يهتم بوجودك فى تلك الحياة..فو اسفاه
ايوة دلع نفسك مع شيكولاته جالاكسى.
نفسك دى اللى باقيالك من بعد الناس كلها ماتديك صابونه.
ولازم تكسب نفسك لصفك علشان تكون افضل صديق ليك لانها قدرك ياولدى ولامفر منها.
مدونتك رقيقه زيك يابلو وانا سعيده انى عرفتها.
تحياتى
إيمان
كلامك جميل وله معنى
على فكرة إنتى صاحبك فيلسوف فعلا
;)
وعادى بقة
أودى
و الله فكرة حلوة الاكتفاء الذاتى دى، بس مش عارفة عمليا هتنفع و لا هتضايق أكتر :S
مش موافق علي الكلام ده نهائيا
الانسان مخلوق أجتماعي بطبعه و مهما حاول أنه يرفض الطبيعه دي مش هيقدر يلغيها
أني أبص فالمرايا و أضحك أو أعيط هو شيء أحتاج له من وقت لأخر لكن أكيد محتاج أني كل يوم الصبح أشوف وجه يبتسم لي و يقول صباح الخير ... ينور لي يومي و ابتسامته تشع سعادة في روحي و قلبي ... كمان لو في يوم أحتجت صديق و مالقيتشي لازم أدور ... لأني لو نقشت صديق قدامي عالورق يبقي مش صديق حقيقي ده أبن أفكاري أنا يعني مني أو بمعني أصح ده أنا بس عامل نفسي مش أنا و بادور علي واحد مختلف بس مش لاقيه
الاكتفاء الذاتي ده شيء مش موجود ... كنت لسه كاتبه تدوينة عن اللي قاعد بياكل لوحده فمطعم ... شكله بيضايقك
ممكن يكون قاعد بيكلم الطبق و الشوكة و السكينة أو حتي كوباية الميه اللي قدامه بس كل دول مش بشريين زيه يمكن بيصبغ عليهم صفات بشرية للضرورة لكن يظلوا في الحقيقة غير بشريين
و علشان كده أنا معترض علي كلامك لأني حاسس أنه مسكن مش دوا
يمكن رأيي غلط في وجهة نظر كثيرين
يمكن كلامي واقعي بشكل مستفز
بس هو ده اللي أنا شايفه يا بلو
كان لى صديقاً فيلسوف بأقوال العلماء شغوف قلت له يوما "فيلسوف؟" "نعم يا بنيتى!"
معلش يا بلو أصلك فكرتينى بالبرنامج إياها اللى بيجى على البرنامج العام
حلو قوى الكلام ده عشان ينقلوكى السرايه الصفرا متلبسة بالكلام مع نفسك والضحك معاها فى الشارع
مع إنى البلد كلها ماشيه بتكلم روحها
فى ليلة ليلاء
والنونو بيقول واء
وهيييييييه
:)
تعرفي صديقي حكيم الزمان قدس الله سره زارني لكن لسه مش عندي الجرأة اني أكتب الحوار اللي دار بيني وبينه، يمكن البوست القادم .
ممكن نعتبر دا من باب فلسفة "جبر الخواطر" وبما أن مفيش أكتر من مكسوري الخاطر فأكيد فلسفة زي دي هايكون ليها أتباع ومريدين كثير وهايكون ليها وزنها في السوق!!!
عموماً في حل تاني وهو أننا نقلد توم هانكس في فيلم Castaway متهأيلي الحياة هاتكون أفضل!!
u know i do not comment a lot, unless i really, deeply like it, it was realy ... but i wonder how can u feel it so when u r this young... omal hat3mly aih ba3d keda...
ايه التشاؤم دا يا جماعة
بقراءة سريعة لمعظم التعليقات حاحس ان الناس عايشة لنفسها
انا اعرف فيلسوف تانى قال كلمتين عجبونى
ما استحق ان يولد من عاش لنفسة
الموضوع ده شدنى فحبيت انى اعلق ان امكن!! انا بحس ان الناس انواع فى منها الى ممكن يكون عنده اكتفاء ذاتى و فى الى ميقدرش انه يعيش لوحده. فالانسان مخلوق اجتماعى غالبا يحب انه يحب و يتحب و يساعد الناس وهم يساعدوه. لكن المهم انه لو حصل و فوقت من الاوقات ملقتش الى يقف جنبك و يحبك هنا لازم يبقى فى ثبات و اكتفاء ذاتى حتى لا ينهار الانسان او يقلب مساره فى الحياة.
و إن مفضلش معاك غير قلبك
اوعى تخاف مش حتموت حتعيش
splendid post as usual ...we can't expect less than that from u,,light posts and touch our hearts!!
حقيقي جميلة يا ايمان
وخلتني افكر
فمن لا يجد من يحبة فليحب نفسة
إزيك يا بلو، أنا جيت متأخر بس مش مشكلة. أنا مقتنع تماما بهذه الفلسفة وأعيشها كطريقة حياة حتي من قبل أن أفهمها أو أطورها. وذات مرة سألتني صديقة: هل تشعر بالوحدة؟ فقلت لها أن هذا المفهوم غير وارد في معجمي نهائيا ولا يمكنني أن أتكلم عن الوحدة لأنني لم أجربها ولا لدقيقة واحدة في حياتي.
وعندما كنت في العشرين من عمري أظن أنها كانت أول مرة لي أقع علي كلمات الأديبة الانجليزية إميل برونتي وهي
"I am now quite cured of seeking pleasure in society, be it country or town. A sensible man ought to find sufficient company in himself."
تدوينة متميزة يا بلو وعلي من يشعرون بالوحدة أن يتفكروا في معني كلامك. تدوينة دوا وشفا يا أميرة، يارب أشوفك دكتورة كبيرة:)
اولا .. البوست اكثر من رائع
في الفكرة
وفي الاسلوب
.
.
تعرفي لو الجمل اللي كاتباه بفواصل نقط دي .. اتكتبت جمل كل جمله في سطر
.
.
تتحول قصيدة شعر
.
.
اصلا الماعني اللي فيها حلوة قوي قوي
.
.
شدني اكتر شيء اني اروح اجيب بوكيه ورد وعلبة شيكولاته وانساهم ادام باب البيت
.
.
توقعتك هتولي عشان حد ياخدهم واقعد انا بقي ادور مين
هههههههه
.
.
اتاريني هلاقيهم تاني يوم بس احاول اقنع نفسي ان فيه واحد بيحبني ساب هم لي
.
.
وبعدين ادور مين برده
.
.
بصراحه بوست تحفه
تحياتي ليكي والسلام
جميلة :)
Reminded me with this:rotol
http://emanm.blogspot.com/2006/02/blog-post_21.html
إرسال تعليق