الثلاثاء، مارس 27، 2007

..إمبارح كان أجمل يوم



أسعد صباح لأحلى كلمتين وأكبر إبتسامة وصلونى من "غادة" و"دعاء" و"محمد"...
والله إنتم أجمل ناس.. وممنونة –قبل أى شئ تانى- لمعرفتكم...

بى إس:
بالإضافة لأسباب أخرى.. هو فعلاً كان أجمل يوم.. وربنا يديمها نعمة..

هناك 27 تعليقًا:

karakib يقول...

يا رب دايما في فرح وسعادة
مبروك

محمد عبد الغفار يقول...

أسعد الله كل اوقاتك

بنت مصرية يقول...

ايمان
انا قريتها فعلا اول امبارح فى العربي، وشكيت بصراحة، بس ماجش فى بالى اتأكد واقولك هو ايمان دى هى ايمان انتى :))

انا انتعشت لما قريته جدا
بجد انتى هايلة

Unknown يقول...

الله عليكى يا ايمان :)
ربنا يسعد ايامك كلها يا رب :))

غير معرف يقول...

سلام
مبسوط جدا
لأني كنت أعرفك باسم "لست أدري"
واليوع عرفت اسمك
عرفت اسمك مقترنا بالابداع

حقيقي مبسوط
وانا حاسس بالفرحة تتقافز بين حروفك

عندك قدرة رائعة على نقل مشاعرك

وفقك الله

أمير الفردوس المفقود

غير معرف يقول...

الف مبروك يا ايمان
ولا خليها يا لست ادرى :)

انا كمان متابع العربى دايما وبالذات صفحه قصة فى صفحة بتشدنى اوى.

بجد كلامك جميل وان شاء الله قريب نشوفلك اعمال اكتر واكتر واسمك فى كل الجرايد والمجلات

ربنا يوفقك

كلمه يقول...

Alf mabrook ya basha

howa kan nezel fe eih bas 3shan elgahl ne3ma :D

maxxedout يقول...

That's a beautiful article...
Congrats!

islam yusuf يقول...

أستاذه ايمان
مش معقول
أنا الأول أحب أباركلك على نشرك العمل فى العربى
و ده أنجاز كبير
أنا لسه قارى العمل النهارده
و أول ما شوفت ايمان عبد الرحمن
عرفت ان انت مافيش شك
لأنى أول كنت قريت لكى عمل فى الدستور بالإسم ده
و كان مكتوب تحته عنوان مدونة لست أدرى
و ثانيا لأنى أعتقد انى قريتلك القصه دى قبل كده
فى بص و طل
أنا بحييكى على الانجاز ده و اتمنى لك النجاح و تبقى اديبه اد الدنيا
بس مش عارف أحيلك عن شعورى الوقتى
أنا النار مولعه فى جتتى
نفسى بتنهش فى نفسى
ممكن يكون غيره منك على الكتابه والنشر
رغم انى نشرت برضه
فى الهلال و الشاهد اللبنانيه و آفاق عربيه
و ناوى أنشر فى أخبار الأدب قريب
انتى حفزتينى
ممكن أكون كنت مهمل فى الكتابه الفتره اللى فاتت علشان هيا فترة جيش
لكن أنا خلصت خلاص
و بيتهيألى جه الوقت للرجوع للكتابه
و مزاولة النشاط الأساسى فى حياتى
زى الميه و الهوا بالضبط

اتمنى لكى كل التقدم و الإزدهار

اسلام يوسف

غير معرف يقول...

Lasto--

I cannot be more proud. I can claim: I watched you grow. I watched you prosper into such a fruitful writer.

I also feel special. I remember you sent me this very text seconds after you had finished it. Of all these people, I was the first one to read it :) before it found its way to Bos or Tol or to Al-Arabi.

This upcoming bit will sound strange. I find pride in you. The same pride that a father feels when he sees his daughter growing.

....and so I will keep on watching. I will watch you grow and I will watch you prosper.

You know who I am.

Dananeer يقول...

لول
مبرووووك يا بلو
و عقبال منشوف اسمك دايما على الصفحات يافندم
و الاهم تلمسينا بالحروف

غير معرف يقول...

بلو معلش إتأخر في
إني أبارك بس النت فاصل من يوم الحد
:S

بس ألف ألف ألف ألف
مبروك
و يا رب يسعد أيامك كلها

ody911 يقول...

أسمحيلى أقولك يا إيمان

لانى عرفت أسمك

وعرفت فرحك

ويارب تفضلى كدة على طووول


يارب

إيمان أنا مش هقولك غنتى موهوبة

لأنك بجد مش محتاجة شهادة منى

إنتى أعلى من الشهادة دى

وعادى بقة
أودى

Unknown يقول...

More than my happy feelings with your article I can not hide my admiration for the article itself your arabic flows like a musical river of worlds.
Very very very happy for you , you deserve it.

Lasto-adri *Blue* يقول...

كراكيب
متشكرة قوى يا هانى


محمد
اسعد أوقاتك أنت أيضا استاذ جعفر


بنت مصرية
يااه... زينب
:)
اظنك عارفة اللى فى القلب ليكى



moia
ويسعد ايامك يا بنوتة وينولك اللى فى بالك قادر يا كريم


أمير الفردوس المفقود
متشكرة والله... انا بسعد قوى بتعليقاتكم


علاء
هى فعلا صفحة رائعة قوى..
متشكرة لك كمان يا علاء.. ومنور اول زيارة


كلمة
ازاى ماتعرفش يا اخ كلمة
عدد أبريل من العربى الكويتى للسنة دى
روح عند بتاع الجرايد على ناصية الكلية واشترى واحدة بطل بخل

Lasto-adri *Blue* يقول...

maxxed'out
thank you loads :)


إسلام يوسف
استاذة ايه بس وبتاع ايه ونبى يا اسلام
امال انت اللى كتبت فى الهلال وآفاق عربية.. الخ الخ.. اقول لحضرتك ايه
!!
لاء مافيناش من القاب عشان بتخنق منهم الصراحة
وياريت تتشجع وتنشر بقى... وقبلها تقول عشان اشترى مقالاتك طبعا


To the anon I know
You know what, out of all the people, if I haden't seen your comment, kont 7az3al.
You've always been a good help to me ya mizo, and wish to have you always as my older brother (mesh father ba2a :P) as u are keda..


Dananeer
يابنتى انتى اسمك كفاية يخلينى ابتسم على طوووول
وأبقى مش عارفة اقول لك ايه بس


مصرى
الله يبارك فيك يا مصرى
:)


أودى
أعلى من الشاهدة ايه بس يا اودى
محسسينى انى طلعت المريخ
:D
انا لست ادرى.... ايمان.. عادى يعنى
;)


Hechkok
My O My! Happy to know you liked it Hicham awi wallahi..

أبو ضحى يقول...

ألف مبروك يا ايمان أنا قريتها النهارده
و دايما فى اقدم مستمر

محمود عزت يقول...

مبروك يا إيمان :))
أنا إشتريت العربي و حقراها
بس كان المفروض يكتبوا البلوجر لست أدري !
كنت عايز أعرف بتبعتيلهم إزاي ؟
عن طريق الميل ولا بالبريد
نفسي أبعتلهم حاجة
ألف مبروك

Aladdin يقول...

ألف ألف مبروك يا إيمان، شفتى بقى خير البلوجات عليكي مش أحسن من "الهندسة" برده!!

حسام يقول...

مبروك :)

أنا مكنتش أعرف اسمك بس لما قريتها حسيتها حد مننا وبعدين شفت البوست فرحت لك جدا والقصة جميلة فعلا

على فكرة أنا متابع البلوج بتاعك من فترة، بس دي تقريبا أول مرة أعلق.

بالتوفيق دايما إن شاء الله

Lasto-adri *Blue* يقول...

متشكرة لك قوى يا أبو ضحى


محمود عزت
لاء عشان العربى ماتعرفش انى بلوجر اصلا
انت بس ابعت لهم وهمه ح يكرموك ان شاء الله
:)


aladdin
لاء لاء لاء.. كله الا الذات الهندسية يا علااء
:P


حسام
الله يبارك فيك
انا كمان بتابع البلوج بتاعك من ايام ما كنت بتكتب عند نيرو.. اسلوبك راقى قوى
ومتشكرة لك عن جد
:)

محمود عزت يقول...

إنت طيبة أوي يا إيمان !
ما أكيد أنا بهزر ! :))
بس والله حيبقى شئ جميل لو مثلا حطوا لنك للمدونة !

برضه..بتبعتي عن طريق الميل ولا لازم بريد عادي ؟
انا قريت القصة و جميلة فعلا يا إيمان...واصلي الإبداع

محمود عزت يقول...
أزال المؤلف هذا التعليق.
abderrahman يقول...

إيه ده أنا فاكر اني سجلت تعليق هنا
:(
لو سمحت اللي أخد التعليق بتاعي يرجعه
**

فرحت جدا من البوست ده، ومش عارف أبارك لك ازاي، مش عارف انا حاسس انه العربي تنشر قصة لحد ده انجاز.
أرجوكي تابعي، وكمان شدي حيلك في الدراسة
معلش لازم أفكرك بالنكد
:D

Lasto-adri *Blue* يقول...

محمود عزت.. كدة برضو.. طيب معلش المسامح كريم
ايميل



عبد الرحمب
ياخبر ابيض بس دا يجلنا الشرف انه اتمسح تعليقك اللى فات عشان تعلق تانى
:P
النكد اياه ورانا ورانا.... لا بيتفات ولا يتنسى

إبـراهيم ... يقول...

الف ألف ألف مبروووك يا إيمـان لسـت أدري :) ، وأهو كده الواحد يبقى يكتب إيمان ليست تدري ....


.
.
بس القصـة حلوة ولا إيه ؟؟؟


هقراها ، وابقى أقول لك

تحياااااااتي

روز يقول...

ماشاء الله عليكي يا إيمان , الف مبروك النشر , و عقبال ام يبقى ليكي كتاب لوحدك
أنا قرأت القصة , عجبتني جدا جدا , و ما شاء الله لغتها عالية كتير و شعرية إلى حدما , دخلت دماغي جدا
...
أيضاً نقطة التنوير , أي ( توضيح لماذا كتبت القصة , أو التوضيح عن القصة ) قوية جدا, عجبني جدا ( لكنك أنت لا تُعرف..و لا تُرى..), قوية للغاية , خاصة أنها جاءت في النهاية تماماً , و زاد من جمالها أنك كنتِ تتحدثين كل هذا الوقت عن صديق افتراضي , خيالي يعني ..أعتقده كده أفضل من واقعي , يعني .. لست أدري على التحديد لماذا لكني أحبه هكذا
:)
اوعي تنسي أو تطنشي حاجة انتى بتحبيها , انتى كده أفضل , خليكي دايما تعملي كل اللى انتى عايزاه , و ربنا يوفقك
:) سلام يا بيضا