الاثنين، أكتوبر 09، 2006

اختلفت الأشكال.. و"هى" واحدة

أما المرأة فهى ظل الرجل طالما هو أمامها. تتقلص سلطاتها تلقائيا لتصبح أوضح خادم فى بيته. أما حين يغادر، فكأنه نسى او ترك لها سلطات الأمر والنهى فهى فى هذا المكان المحاط بالجدران تدير كل لوازم الحياة من رحَى وغربلة وعجن وخبز، الى الاعتناء بالمواشى: طعامها وروثها الى جانب الاعتناء بالطيور وملء الماء من النهر، وطوال هذا لا تنسى تنصح او تزجر الصغيرات اللاتى سوف يتخرجن غدا نسوة يعمرن (بيت العَدَل) هذا الى جانب مساعدتها لجاراتها فى المناسبات، وتتساوى فى ذلك امرأة الفقير والفقير جدا، فقط تكبر المهمات او تقل تبعا لحجم المنزل اجتماعيا واقتصاديا.

ومن العدل ان نقول إن المرأة ليست سعيدة بذلك. هى فقط تلعب هنا دورا اجتماعيا متفقا عليه. حقيقة هى تحب زوجها وتحترمه وتهابُه. هو المحور الذى تدور حوله حياتها ولا معنى لوجودها بدونه، لأنها –حين يموت- تقع من قمة الجبل الى سفحه. من الانتماء الكبير للدوران فى الفراغ التعيس. من قمة الوجود الى حضيض الانسحاق والنفى.
[...]

لكن من العدل ان نقول ان المرأة هناك ليست سعيدة بهذا الدور: "دور الظل" وأنها تحمل فى سرها العميق عالما كاملا مهيبا رهيبا خاصا بها تخفيه عن عيون رجلها. الرجل يريد منها ان تفى بحاجاته وهى تفعل ذلك على خير وجه فيرضى، ويحس أنه يمتلكها الامتلاك الكامل.

لما قالولى ولد..
إتشد ضهرى و اتسند
لما قالولى غلام
اتشد ضهرى واستقام
وكلونى البيض مقشر
وعليه السمن عام
..
لما قالولى بنية
الحيطان مالت عليا
وكلونى البيض بقشره
وبدال السمن.. مَيَة..



من فصل "أغانى النساء" فى كتاب "أيامى الحلوة" لذكريات الأبنودى فى الصعيد المصرى
بتصرف


سلاماتى

هناك 10 تعليقات:

Mr-Biboooo يقول...

وأنها تحمل فى سرها العميق عالما كاملا مهيبا رهيبا خاصا
تخفيه عن عيون رجلها.

هذا ما يؤرق الرجل فيظل يجتهد لينفيه

3rby يقول...

البلوج احلي بالموسيقي...كويس انك حاطتيها تاني(لو كنتي شيلتيها والكومبيوتر بتاعي مش بيهرتل)
بس انا عاوز اقلك علي حاجة...الست في القري مش بتحس باللي بتقولي عليه ده...حكاية تعود وتقاليد...عنده هي ديه وظيفتها


الا قوليلي يا بلو انتي هندسة قسم ايه؟

Lasto-adri *Blue* يقول...

انا اتصلات يا عربى

بس على فكرة.. انا اعرف الست اللى فى القرى... وعلى فكرة هى فعلا متضايقة
وخصوصا اللى بتشتغل منهم... يمكن اكتر من عندنا فى القاهرة

وعلى فكرة... اه.. فى ستات فى القرى بتشتغل زى ما فى رجالة كمان شغالين فى الفلاحة بعد الضهر.. والصبح شغل ميرى
:)
الحياة بقت صعبة قوى قوى
ولو انى عايشة وسطهم وفاهمة الابنودى يقصد ايه.. ماكنتش جبت الفقرة دى


ثم انما تعالى هنا يا سى عربى.. موسيقى ايه اللى اتشالت؟
انا قلت مش ح شيلها خلاص بقى
اصلها كانت هنا لفترة طويلة وبعدين شلتها... بس وحشتنى فارجعتها

واه عشان ما تقولش انى بقلبك.. بس معتقدش ينفعنى خروجات تانى بقى خلاص.... عقبال عندك بكالريوس دخلت فى المعمعة

Captain L.J.Silver يقول...

sara7a ya Blue ana mesh ba7terem "el2abnoody" dah 7`ales ..ba7ess enno beymassel awii....

BTW :
ana mab2olsh 3`ir el do3a22 dah men awwel ramdan ..elly enty 3amalty comment 3elh ... rabbena yefregha 3lena kollena

Gid-Do - جدو يقول...

حفيدتى بلو
كلامك صح بس حقولك على الجديد ـ هو مش جديد قوى لانه بيطبق هنا فى امريكا من سنوات ويمكن يكون فى مصر حاليا ـ فية اسر دلوقت بيكون فيها دخل الزوجة اكبر من دخل الزوج فمجرد ما يشرف اول طفل لهذه الاسر يسيب الزوج شغلة ويقعد فى البيت ياخد بالة من الطفل لانهم مش عاوزين مربية ـ اعتقد ان تعليم الاناث شئ مهم وواجب وفى نفس الوقت تربية الذكور خاصة فى مجتمعتنا محتاج اعادة نظر يعنى الام لازم تربى الولد على انه زى البنت يتعلم خدمة نفسة ومينتظرش ان امة او اختة تخدمة يعنى مرة اخرى يتعلم غسيل ملابسة فى الغسالة وتحضير وجباتة وغسيل الصحون وتخريج اكياس الزبالة وكل دة بيعملوة الولاد والبنات هنا وشئ عادى جدا فلية ميتعملش فى كل الدنيا؟
وزى الاغنية البنت زى الولد مهش كمالة عدد ـ البنت والولد زى بعض ومهمتهم فى الحياة انهم يكملوا بعض مش ضد بعض ـ تحياتى مع اهدائك اغنية سعاد حسنى البنات البنات اللى كتبها صلاح جاهين فى رائعة سناء البيسى هو وهى

3rby يقول...

طيب هو صحيح في قسم بيلدنج هايفتح بمجموع لوحده...والنبي استفسريلي علشان اخويا بيقلبني...اصلنا ندلة مع بعض اوي:)

كلمه يقول...

nice work wlahy .... m3 e7tramy le captain silver bs elabnoudy daa ragel 100 100 :D ...sebak eno by2lesh keteer ...bs efteker sala7 jaheen lma 2al ( zozo elnozo kwanozo ) kolohm by2lesho w bymaselo sa3at

Lasto-adri *Blue* يقول...

اجابة فى السريع بس قبل ما انزل، وبعدين اكمل باقى الرد




يا عربى، انا فى بكلريوس، يعنى مش مطالبة افهم اه اللى فى اعدادى حتى لو ان اخويا هناك
قول لاخوك يروح يسال فى شؤون الطلبة

Dananeer يقول...

اكتر حاجه اثرت فيا قعلا فاطمه قنديل و هى بتحكى عن طفولتها و جوازها و هى طفله و هروبها
بجد الابنودى كاتب حاجات تستاهل القرايه

Lasto-adri *Blue* يقول...

Dananeer
اه يا بنتى.. كان اول مقالة فى الكتاب و بجد قلبى انخلع.... كتاب رائع ومؤثر بجد


giddo
تمام كلامك بجد.. بس تقول ايه... مافيش حد بيسمع
ماعشان كدة اتعمل يوم ليلى...
كان نفسى اقول للناس ان الاتنين واحد .. فى الآخر واحد بجد
املى فى يوم ما.. اربى اولادى مش كدة
:)


captin
مش عارفة
انا مليش علاقة وطيدة بالابنودى.. يعنى مش اللى بقرأله باستمرار وحتى الكتاب دة لقيته فى خن فى الازبكية بالصدفة الباحتة، ولانه تخين و سعره متهاود اشتريته
:D
شفت نظرتى للكتب بتتقاس ازاى؟
بس طلع حلو بجد ورائع... ويمكن دا اللى حببنى اتفرج على حوارات اتعملت مع الابنودى ومش قادرة اقول لك قد ايه انا حبيت الرجل دة


kelma
هههههه
مش فاهمة بجد ايه قصدكم بالألش؟
هو الرجل عملكم ايه يا جماعة؟
:D