الخميس، يونيو 15، 2006

حدّوته


أنا عندى يا ولاد الحلال حدّوته أنا والدى هو اللى عاشها. ولا حدّ قبلى نقشها فى حجر ولا مخطوط.
كان والدى بالطبع زيى أراجوز ولكن حزاينى وأنا كنت واد قطقوط.
الخالق الناطق دماغى دماغه، الخالق الناطق كما الشمّوط (*) كان صوته، الله يرحمه، صفاره وجسمه رايح جاى زى الفاره وعظمه يانجارين بيلق فى الزعبوط.
وفى يوم من الأيام.. خلى بالك معاى : هنا العقده، ندهه الملك وكان ملك أعظم من العهده وعيّنه مضحك ولى العهد وقال له
"يا ألعب من القرموط .
تضحك الولد أعلى مراتبك، تبكىّ الولد أقطع رقبتك .. افهم كلامى وامشى بالمضبوط".
والدى، الله يمسّيه بالخير، ماكنش ناقصه.. طلّع سلاح أبيضانى وقطع رقبته بنفسه... راح الولد فى البكا، وأنا والدى مات مبسوط.
أنا والدى مات مبسوط لأنه عكس أمر الملك أيام ما كان الملك ملك ومصروف الأمل مضغوط.
ومن ساعتها، وأنا عندى جيوب أنفيه وعينى كما الحنفيه والدمع منى وفىَّ بحر ماله شطوط...


فؤاد حدّاد

-------------------------
(*) اللى يعرف معناها يقول لى.. مش عارفاها
سلاماتى

هناك 17 تعليقًا:

Lasto-adri *Blue* يقول...

Steliano
hehe, for the E.. its masr after all ;)

YES Fouad 7adad is egyptian, one of the most famous 3amya poets of modern egypt.
and YES again, he wrote many songs.. his style is amazingly awsome.. you know it, simple , funny and direct to your heart..

you can check this one by wageh 3aziz, called "fanan fa2er" .. its not his best.. but the lyrics a hit definatly..
http://www.sendspace.com/file/edv6us

abderrahman يقول...

صعبة
:(

Dananeer يقول...

te3rafe ya blue ene mn zaman b7eb el se3r da m3rafsh leh
kont 3amlah kashkol as w laz2 wa 7ata feh 7agat b7ebaha
w ma3rafsh eh al shamot
bs feh 7aga belmes el wa7ed

Lasto-adri *Blue* يقول...

abdou basha
أمال انا بسأل عنها ليه؟
ساعات كتير مش بفهم كلام فؤاد حداد.. بحسه ابن بلد بجد


Dananeer
اه يابنتى.. حلو قوى
تعرفى اكتر حاجة بحبها فيه.. كلمها الحزين مع لحنها المفرح
ماليش فى فنون الشعر.. بس حاسة ان نهايتها ي "ط" تديكى احساس بالفرح والزقططة.. انما من جواها واحد بيبكى كما الحنفية
ياترا لو حد يعرف يقولى.. بدل ما أقلف
منورة دايما يا بيبووو

The Eyewitness يقول...

القصة ده فكرتني بخبر قراءئه النهارده على مدونة الهاوية
http://ma.poemeversion.com/
بيقول القبض عن شخص حاول يقتل يعني حتى أن الواحد يقتل معدش مسموح به ذي أيام الملك آلي بتحكي عنه.

محمد أبو زيد يقول...

فيه قصيدة جميلة جدا لفؤاد حداد بيقول فيها
بكيت .. مسحت دموعي
بمسح دموعي .. بكيت

السهروردى يقول...

حرقتيها عليا
عععععععععععععععا
كنت ناوى أنشرها فى سيف خشب
*عععععععععا
يالا مش مهم

القصيدة دى تعبير عن التمرد المعكوس يعنى بدل ما أقتل اللى بيخنقى أقتل نفسى أحسن و أنا لسه بكرامتى
هى دى العقدة

قرايتى باقى ديوان الأراجوز ؟

* عععععا صوت بكا بس من نوع عيالى شوية

Lasto-adri *Blue* يقول...

Slo
really? let them hurry then :P


the eye witness
نفسى افهم ازاى بيجيلهم قلب يقتلوا نفسهم؟


محمد ابو زيد
مم.. معرفهاش.. اصلى لسا ألف.. باء شعر



السهرودى
نانا*
صبقتك بقى.. حظى دايما فى رجليا
:P
اعتقد الديوان عندى
بس عارف.. ماعرفش آخد ديوان على بعضه
بحس باستمتاع اكتر لما اخده بالراحة


* صوت عيالى مقصود بيه غيظ اللى قدام
:P

karakib يقول...

فؤاد حداد و اه من فؤاد حداد
انتوك

maxxedout يقول...

this one is really nice

Lasto-adri *Blue* يقول...

محب
شكرا جدا يا فندم.. وجارى العمل على تصحيح الأخطاء
:)

عمرو يقول...

أتفق مع محب في تصحيحاته للنص. بس "شموط" مش نوع سمك.

الشموط نوع من أنواع البرتقال منتشر في فلسطين ومصر ويقال أن ثمرته بيضاوية قليلاً مما يجعلها أقرب إلى شكل رأس عروسة الأراجوز.

وربما يرجع اطلاق اسم الشموط على هذا النوع من البرتقال راجعا إلى عشيرة شموط العربية التي كانت تعيش في شمال الجزيرة العربية وربما قام بعضهم بزراعته فسمي على اسمهم.

والله أعلم! :)

سامية جاهين يقول...

طب وعارفين إيه هي الفارة في "جسمه رايح جاي زي الفارة"؟ أنا طول عمري كنت فاكراه قصده أنثى الفار وبعدين حد شرحلي إن الفارة كمان هي نوع من المناشير اللي بيستخدموها النجارين! اللي هي ليها إيد في كل طرف وبتتمسك من الطرفين وتروح وتيجي على الخشب عشان تقطعه
:)
وجسمه رايح جاى زى الفاره وعظمه يانجارين بيلُق فى الزعبوط

جميل فؤاد حداد

Lasto-adri *Blue* يقول...

عمرو
ياااه كل دة!
مم.. طلع برتقال فى الآخر

اكيد اول مرة اعرف.. متشكرة قوى


سامية
سامية.. منورة بجد
بس انا بقى كنت عارفة الفارة لانى كنت بحضر شغل خالى فى النجارة -كهواية بجانب عمله- وتقدرى تقولى كدة كنت الأسطى بلية الصغير بتاعه
:D
هى الشموط اللى تعبتنى وراها

عبد الحق يقول...

الشموط فى العامية الشامية ( السورية والبنانية والفلسطينية) هو مانسميه نحن فى مصر " كوز الدرة".اعتقد ان وجه الشبه واضح. كوز الدرة بقاعدته العريضة نسبيا والتى تضيق بالتدريج الى ان تنتهى بقمة مدببة أليس شبيها برأس الاراجوز التى تنتهى هى الأخرى بطرطور مدبب القمة؟ لفؤاد حداد قصيدة يصف فيها الأراجوز نفسه فيقول: كان عندى طاقية.. طاقية شقية من شقاوتها بقت طرطور. هل اتضحت الصورة؟
زيادة فى الايضاح اقول ان البرتقال الشموتى( كما نسميه فى مصر ) ينتهى ايضا برأس مسحوبة ومدببة وربما كان هذا سبب هذه التسمية. فى العراق يوجد ايضا نوع من الخبز يطلقون عليه اسم السموط( تبديل السين بالشين والعكس موجود فى كثير من المفردات العربية) وهو يشبه ايضا كوز الدرة : قاعدته عريضة ورأسه مدببة

مع تحيــاتى

عبد الحق يقول...

اضافة الى ما سبق ومنعا لأى لبس انقل لكم مايلى من قاموس محيط المحيط للمعلم بطرس البستانى: " الشموط عند العامة سنبلة الذرة وكبة الغزل او الحرير المستطيلة" انتهى الاقتباس. وعلينا الا ننسى ان شاعرنا العظيم فؤاد حداد من اصول لبنانية وانه زار لبنان فى طفولته وكتب شعرا بالعامية اللبنانية فى مقتبل حياته

Lasto-adri *Blue* يقول...

عبد الحق
احييك بجد من كل قلبى لاهتمامك بالامانة العلمية ونقلها بقل دقة.. اعتقد دلوقتى ان الصورة -او ع الأقل- المعنى لكلمة "شموط" اتضطحت
لك جزيل الشكر فعلا
ومنور البلوج