السبت، يونيو 17، 2006

حاجة تحزن

-- مالك؟
-- ماليش..
-- لاء.. صوتك مش مريحنى.. انت متضايق من حاجة؟
-- حاجة؟! حاجات كتييير.. اولها قاعدتى هنا
-- مم.. انت بتدور على شغل بجد؟
-- اهو كل يوم بلف الصبح وأحط الـ C.V ف اى حتة اشوفها
-- طب ما تبدأ تعمل دراسات علية
-- قفلوها فى القسم عندنا
-- دا انت حظك..
-- مش حظ.. بس الدكاترة شبه عملين اضراب لان الكلية مش بتديهم بدل شغلهم مع طلاب الدراسات العلية..



بعدها مشى.. وأنا ماحبتش أعلق.. الكلام بيتكلم عن نفسه


سلاماتى
---------------------
حوار مع زميل خريج كلية هندسة ومخلص جيش

هناك 16 تعليقًا:

Dananeer يقول...

hya fe3lan 7aga t7azen ya blue

http://www.almasry-alyoum.com/article.aspx?ArticleID=19901

littilemo يقول...

يبقى احمد

Geddo Iskandar يقول...

صبريه شوية بس ...
انشاءالله حيلاقي حاجة قريب قوي ... وبعد شوية صغيرين حيلاقي حاجة كويسة قوي

رغم عدم رضائي عن الوضع اليومين دول بس بالأمانة فيه شغل للي فعلا عاوز يشتغل!

:)

Ahmad El-Saeed يقول...

Rabbena yetamennek

kalam يقول...

هو خريج قسم ايه؟؟

shaimaa يقول...

هوا دا مستقبل كل خريج هندسه

كلنا في الهوااااااااااا سوااا

Abdou Basha يقول...

مقال المصري اليوم ده صعب قوي
:(

عموما.. أنا مستنيكم في قاع النهر العظيم، مع الدفعات السابقة .

sherif gharib يقول...

قال و بيقولو البلد دية احسن من غيرها
دية مش حاجة تحزن دية حاجة تكسف
واللة ربنا يستر علينا جميعا على الوضع اللى بقينا فية
تحياتى

taty يقول...

بلو بمناسبة الكلية و الزمايل
هو مش واحد من الأخوة الإعداء من زمايلك أنا قريت عنده قبل كدة انك السبب في انه يعمل بلوج لو تعرفي عنه حاجة ياريت تطمنينا عليه عشان هو اختفى مرة واحدة

Mr-Biboooo يقول...

بصرة


بس و لا يهمنى

عادى جدااااااااااااااااا

Taher يقول...

كله كده والله
قوليله يحمد ربنا انه متدبسش دا فيه عالم بجد مش تمام فى مواضيع الشغل
حتى انا كتبت عن موضوع حصلى فى الليلة دى
www.u-r-1.blogspot.com
بجد كانت حاجة تخنق

بيلسان يقول...

أبتسم... أم أبكي؟
لست أدري يا صاحبي

إبقو زوروني

www.elderra.blogspot.com

Steliano Ponticos يقول...

blue with this sad(?) story I have to tell you I am travelling this week end, see you after. and you have been tagged by Jia and me

ody911 يقول...

على رأيك
ساعات أقوم الصبح قلبى حزين // أطل بره الباب ياخدنى الحنين // اللى لقيته ضاع واللى اشتريته انباع// واللى قابلته راح وفات الأنين // وارجع واقول لسه الطيور بتفنّ // والنحلايات بتطنّ // والطفل ضحكه يرنّ // مع انّ مش كل البشر فرحانين
وكمان مش شغالين !!!!!
تعالوا زرونا
باى باى
خريج تجارة
ولينا لقاء
أودى

ceolino يقول...

Ol? sou de Portugal

meho يقول...

ya gama3ah el sho3'l metshafer zay el world cup matches,zay 7agat kteer fe baladnah ,,,