الخميس، يونيو 29، 2006

1.. 2..3

قول ورايا
يلا

تحيا زينات صدقى سيدة الشاشة الفضية
-- زينات يا تعيش

يحيا عبد الفتاح القصرى حفظه الله
-- القصرى يا يعيش

يحيا محطم قلوب العذارى عبد السلام النبلسى
-- عبد السلام يا يعيش

يحيا بق اسماعيل بن يس
-- يس يا يعيش

يحيا يوسف وهبى
-- ياللهول يا يعيش

تسقط سينما اليومين دول
-- سينما يومين دول تا تسقط

يسقط منتجين شبابيك التذاكر
-- يسقطوا والى الجحيم

يسقط ممثلين فشنك بتوع دلوقتى
-- بعيدا جميعا وبلا قرف

نفسى انقطع.. أكمل بعدين او الى اشعار آخر

اه افتكرت..
يحيا أمين هنيدى
-- هنيدى (القديم بس) يا يعيش

سلاماتى

هناك 13 تعليقًا:

محمد أبو زيد يقول...

فيه قصيدة قديمة لأمين حداد كان بيقول فيها ،
كان اسماعيل ياسين
اسمه اسماعين ياسين
وكناصغيرين
نقعد مترصصين
في الشاشة مبحلقين
ونضحك لما نفطس
والاوضة بينا تغطس
ولما الفيلم يخلص
نقوم قدام ونجري
وادينا مدلدلين
يارب يا معين
اديني بق زيه
واضحك جيش بزيه
واضحك الملل
واتنطط ع الحلل
واخلى البحر موجه
يغني مونولوجه
لما خبز الفطيرة
على مكتب المديرة
دي كل الناس فقيرة
وكا الناس جعانة
مستنيينه بره
سواق اتوبيس مسرة
والقصري ع الحصيرة
وزينات صدقي تزغرت
وترد الزغاريد
عالم عبيط عبيط
عبيط عبيط عبيط
عبيط عبيط وماله
ماهو ده جماله
يغور الكون بحاله
ويعيش اسماعيل ياسين

ody911 يقول...

leave all egyptian movies and actors , they all silly
and try to watch Amirican movies it's had anew style
new vision
new thoughts
see you
ody

Lasto-adri *Blue* يقول...

محمد ابو زيد
اللــــه
سقفة كبيرة على القصيدة دى.. اول مرة اسمعها
بس للقلب قوى
متشكرة جدا


ody
هو انا رجعت لسنسن ونبلسى وزيزى الا لما زهقت من كليشيهات الامريكانى
قرفت منه وحياتك ولقيت ان البلدى يوكل ولو بايت

Islam يقول...

بصراحة .....

كل الممثلين اللي إنت قلتي عليهم دول أنا مبحبهمش !!
بإستثناء فيلمين تلاتة لإسماعيل يس اللي هما كانوا بطولته .. مش عارف إسماعيل يس في إيه .. و التاني إسماعيل يس في حاجة تانية .. و يوسف وهبي

كل الباقيين بحس إن هما بيستزرفوا بإفيهات جسدية لو بصيتي على الأطفال تلاقيهم بيعملوها قبل حتى ميتفرجوا عليهم ... يعني مبتحترمش عقل المشاهد

دلوقتي .. إنت عندك حق .. فيه أفلام أسوأ من القديمة .. وخصوصا الأفلام الكوميدية .. بس في أفلام نزلت في الأواخر تدي أمل .. بداية من "سهر الليالي" .. والسنة ده "ويجا" و "ملك وكتابة" و أخيرا "عمارة يعقوبيان" .. و كان قبل كده "السلم والتعبان" .. ولسه الصيف ده في أفلام كتير نزلة مش كوميدية هتلاقيها كلها حلوة

عايزين ياأخواننا نحاول نبص على نص الكوباية المليان !؟

ahmad يقول...

مش بس الممثلين:

عاش عاطف الطيب ... ببساطتة ، و أكله للكشري ع الرصيف

عاش كمال الشيخ ، بهدوء و طيبة ، و مات غلبان

عاش توفيق صالح ، بمباديء لا تقبل الفصال

عاش شادي عبد السلام ، بتفاني ، و عشق ، غريب، و نفس النظارة

عاش عز الدين ذو الفقار.. علم الناس ، و ماكانش بيطلع في روتانا

عاشت آسيا . توجو مزراحي ،كمال سليم ، و ناس تانية رميناهم من ذاكرتنا...


عاشت مصر من 50 سنه .. ايا ما كانت كل حاجة احلى و اصدق

Ahmed Rashwan يقول...

عاشت سعاد حسني
عاش أحمد زكي في بعض أدواره
عاش محمد خان وداود عبد السيد
عاش يسري نصرالله صاحب الرؤية الثاقبة
عاش رضوان الكاشف وأسامة فوزي
عاش مخرجي السينما التسجيلية والقصيرة المستقلة الذين ينفقون قروشهم القليلة من أجل صنع أفلام يعبرون بها عن أنفسهم

الافغانى يقول...

علي فكرة انا بقول يسقط النظام الحالي والنظام الاستغلالي

غير معرف يقول...

السلام عليكم انا اولا معرفكيش نهائيا لكن بجد حبيت ابعتلك الكومينت دى عشان حاجتين اول شىء انى قريت المقالة الصغيرة الجميلة بتاعتك على جريدة الدستور امبارح وبجد حبيت اهنيكى على مشاعرك الصادقة الجميلة دى ربنا يحميكى تانى شىء لان اسم البلوج بتاعتك لست ادرى ويبين انك من عشاق عبد الحليم حافظ زيى يعنى ويارب متكنش رسالتى دى ازعجتك واتمنالك كل الخير والتوفيق عمار http://www.2ARAR7OR.BLOGSPOT.COM/ ودى البلوج بتاعتى ياريت تبصى عليها كدا وتسيبى تعقيب مع الف سلامه

إبراهيم السيد يقول...

ya3eeesh ya ya3eesh

we neseety KOLOH YEDALA3 NAFSOH (nasy ismoh)
walla so3ad hosny,
walla elde2en
walla
walla
walla
ya ya ya3eesh usma3eel yaseen

Lasto-adri *Blue* يقول...

epitaph
تعيش ابيتاف يا تعيييييش


islam
اظن الرد وصلك هناااك
ومنور هنا
:P


Ahmed
أه والله
كان نفسى اكون ايام زمااان


film
عاش كل من عاش نفسه


الافغانى
احم احم
المدونة غير سياسية
:D
بيقولوا فيه لجنة بتقفش المدونين


Anon
هو انا جبت الاسم اساسا من قصيدة الطلاسم لاليا ابو ماضى.. بس الاغنية لذيذة برضو.. سواء بصوت عبد الحليم او عبد الوهاب
المهم.. ما تخودنيش فى دوكة.. منور


سيد العرفين
هو "كله يدلع نفسه" بتاعة حد؟
دا دكتور عندنا اللى بيقولها كتير جدا
بس جايز .. معرفش حقيقى

change destiny يقول...

يا بنتياديهم فرصة عشان نا نعيش

سامية جاهين يقول...

عارفة كنت ح ازعل منك قوي لو كنتي نسيتي سوسو!
(عبد السلام النابلسي)

:)))

خالد كامل يقول...

طب ماهى كل حاجة بايظة
هى جات يعنى على السينيما ؟؟
ربنا يستر علينا بقى اجنا هنقطع نفسنا ؟
تحياتى
سلام