الاثنين، يوليو 30، 2007

إبحث عن كتاب

نفسى فى كتاب اقراءه واحس انه بيقتحمنى ويقحمنى فى دنيا جديدة، فيجبرنى ع الاستمرار اللذيذ.. ويكون فى نفس الوقت مش مجرد رواية والسلام..
وياحبذا لو كتاب دينى مثلا واسلوبه سهل.. او فكر سياسى بقلم رشيق.. او حتى علمى متبحر لكن بتواضع.. مش فارق معايا اى مجال.... المهم يبقى كتاب كدة تفصيل على رواقة.. يعلم فيا، ويسفل شارع جديد فى طريق حياتى

عنك اقتراح؟؟؟

هناك 33 تعليقًا:

عدى النهار يقول...

الجانب العاطفى من الإسلام

للغزالى الله يرحمه

Bella يقول...

فيه كتب كتير

بس ممكن كتاب جدد حياتك للغزالي

حلو قوي

وفيه كتاب جبته من المعرض السنة دي لفهمي هويدي
هو مقالات متنوعة

اسمه خيولنا التي لاتصهل
مقالات في السياسة والتياسة

ميزته انه مقالات متنوعة ومنفصلة عن بعضها
يعني تقدري تقري كل مقال لوحده وتختاري حسب مزاجك اي مقال

ح الف لفة واشوف لك كتاب لطيف

عدى النهار يقول...

http://www.library.mohdy.com
/books_lib.aspx?m_var=wa001

دى لينك لكل كتب الغزالى. الكتاب اللي أشرت إليه فى آخر الصفحة وممكن تنزليه

Less than perfect يقول...

بلو...جيتى فى وقتك

أنا دلوقتى بأقرا كتاب لجلال أمين أسمه "وصف مصر فى نهاية القرن العشرين"

قاعده بقراه باستمتاع شديد...

أنا لسه كنت ناويه أكتب عنه فى مدونتى...صورت كام صفحة كده...ممكن تاخدى فكرة عن الكتاب

غير معرف يقول...

رواية عالم صوفي للمؤلف النرويجي يوستن جاردر
Sophie's World
هل من الممكن أن أرسل إليك ملف الرواية عن طريق البريد الإلكتروني؟
-----------
الإسلام بين الشرق والغرب للرئيس علي عزت بيجوفيتش

---------------
فهمي هويدي: التدين المنقوص/ دار الشروق
-----------
السيرة الذاتية لعبد الوهاب المسيري/ دار الشروق
-------------
Brave New World, a novel by Aldous Huxley
--------------
المقدس والحرية للدكتور رفيق حبيب/ دار الشروق
----------
تاجر البندقية، شكسبير
--------
بس كده :) وأشوفك كمان سنتين زي اليومين دول كده انشاء الله

غير معرف يقول...

بلو

تجليات جمال الغيطاني بتعمل معايا التأثير اللي بتقولي عليه
و كمان شعر فؤاد حداد

Yazan يقول...

try Jostein Gaarder's Maya. It has been whirling in my mind for years.
My favorite [by far] of Gaarder books.

I didnt like the arabic translation though, i would recommend reading the english text.

م يقول...

جدد حياتك للغزالى رحمه الله
رواية الحب فى المنفى لبهاء طاهر
ايام لها تاريخ احمد بهاء الدين
ده اللى جه على بالى

غير معرف يقول...

هاعلق تاني على سبيل الرخامة مش أكتر و إفتكرت شوية حاجات

عندك الحب في زمن الكوليرا لجابرييل جارسيا ماركيز
صور عتيقة إيزابيل الليندي
باب الشمس إلياس خوري

لو عايزة كتب سياسة بقى هاتفرق على حيب إنت مهتمة بأنهي فترة بس كان في كتاب عجبني أوي إسمه التفاوض من أجل السلام في الشرق الأوسط لإسماعيل فهمي وزير الخارجية الأسبق

Ahmed يقول...

hello blue , i hope u still did not get yr Prizes from OK yet , as i still did not
i have a nice novel , i guess it will be of value , as it is my first novel , can i email it to u ? yr opinion will be appreciated

محمود عزت يقول...

الدنيا أحلى من الجنة
خالد البري
دار ميريت


رحلتي الفكرية من البذور إلى الجذور و الثمر
عبد الوهاب المسيري الشروق


أنا شاعر كبير
رامي الأمين
دار النهضة العربية _ توزيع دار أفاق في شارع قصر العيني


الوهابية
د.حامد ألكار
دار الجمل
عند الراجل بتاع الكتب اللي بعد كوبري قصر النيل من ناحية الأوبرا :))

2B || ! 2B ® يقول...

if u didn't read any novel by Paulo Coelho, i think it's the time :) go his page on wikipedia (http://en.wikipedia.org/wiki/Paulo_Coelho ) and read up to know what exactly is PC and then pick any novel, each one has it's own way, the biggest hit is "Alchamist" but all the others are not less than this one, personally i like "The Pilgrimage" and "The Valkyries"..

Enjoy,

ماشى الطريق يقول...

رأيت رام الله لمريد البرغوثى
قريت العمل ده من حوالى تلات سنين ولحد دلوقتى لسة مأثر فية ولسة بستمتع بيه لحد دلوقتى
فيه طبعة منها تبع دار الهلال ومش فاكر لللأسف الطبعات التانية تبع أنهو دار نشر
فيه كمان رواية زوربا لنيكوس كازينتاكس طبعة دار الأداب
الرواية أمتع من الفيلم بكتير

Amr Ibrahim يقول...

اندهش يا صديقي
عاشوا في خيالي
صديقي ما أعظمك
لعبد الوهاب مطاوع رحمه الله

ibn_abdel_aziz يقول...

Excuse me , your life is waiting

:)

جربيه

عباس العبد يقول...

عايزة كتاب تمام
اى حاجة لصنع الله ابراهيم
اهم كتاب فى مصر
الوطنية المصرية ... احمد عبد الله رزة
دينى
عندك
لاهوت التحرير
رؤية عربيةاسلامية مسيحية
ابونا \ وليم سيدهم
اذهب الى فرعون ... ابراهيم عيسى
من اوراق شاهندة مقلد ... شيرين ابو النجا
البندقية و غصن الزيتون ...دايفيد هيرست...جذور العنف فى الشرق الاوسط
و طبعا
ان تكون عباس العبد ... احمد العايدى

abderrahman يقول...

نصيحة أخوية يا إيمان أو حتى أبوية
:)
اقري شكسبير، أنا فكرني بيه مختار العزيزي في تعليقه
إقريه وبعد كده هيخليكي تشوفي أي قصة أو رواية أو فيلم بنظره تانية
**
شكسبير، ينادي اقرؤوني هذا الصيف

غير معرف يقول...

استكمالا لكلام عبده باشا، وتعليقا أيضا علي كلام قرأته أمس في جريدة الأهرام عن المسرحية التي أرشحها لك: تاجر البندقية، يفضل أن تقرأي هذه المسرحية بالذات بعيدا عن الكلام المختزل الذي يحكي القصة في فقرتين فيذهب إلي أن اليهودي شايلوك شرير وجشع ودموي ومتوحش بينما أنتونيو جدع وابن بلد ويكاد يشبه عزت العلايلي في رجولته وأن القيم المسيحية السمحة انتصرت أخيرا علي الصرامة اليهودية الخ هذا الخراء – عفوا ولكنه خراء فعلا.

هذا الكلام يذكرني بمجموعة
Tales From Shakespeare
التي يدرسها طلاب الابتدائية في بعض المدارس الخاصة في مصر ، أما أن يكون نفس المنحي موجود عند كاتب صحفي يقدم لنا رؤية للمسرحية فهذا عقم وانعدام تذوق أو خلل في الجينات الأدبية.

النص الذي كتبه شكسبير ثري لأبعد حد، وفعلا البني آدم ده كان بيكتب لكل الناس في كل مكان، ويمكنك طرح خمس قضايا مصيرية علي الأقل من مسرحية تاجر البندقية.
بالمناسبة يا عزيزتي، إذا قررتي قراءة المسرحية أو كنتي قرأتيها بالفعل، فإنني أرشح لك علي أي حال الفيلم المأخوذ عنها والذي قام ببطولته آل باتشينو في 2005 تقريبا يا بلو. لم أري أي عمل فني لهذا الممثل إلا شخصية شايلوك؛ بجد عامل دور حلو جدا جدا والفيلم نفسه يعتبر تقليد صادق للمسرحية النص أو كما يقولون
Faithful adaptation
وطبعا هذا رأيي الشخصي في شكسبير ومسرحيته، استمتعي بالقراءة في الصيف

السهروردى يقول...

أجمل النصائح هنا مختار العزيزى
أسؤها هو عباس العبد

شوفى يا ستى
رواية جميلة قصيرة
فصول من سيرة التراب والنمل - حسين عبد العليم

فى الفكر السياسى
كل جلال أمين - دار الشروق
سلسلة أعمال طارق البشرى - دار الشروق

غير معرف يقول...

why dont u write such a book?
Nagdi

goodman يقول...

هذة بعض الكتب التى افضلها ولا اعلم ان كنتى ستعجبين بها ام لا ولكنى اعتقد انها ثرية فعلا
جين اير
مرتفعات وذرينج
عالم صوفى
بلوغ سن الرشد فى المجرة
الطريق الى المنصة
السلطان الحائر
ذكاء المشاعر
الاخوة كرامازوف
نظرية النشوة
البخلاء لابن المقفع

Lasto-adri *Blue* يقول...

عدى النهار
نفسى اقرأ للغزالى فعلا.. طويس انك فكرتينى


Bella
واضح انى ح دور على "جدد حياتك" باهتمام اكتر من كدة.. كذا حد اشار له
وعلى فكرة فعلا بحب المقالات عن الكتاب الكامل.. بتقلل حدة الملل بنفسى.


انى راحلة
مم.. ولا قرات لجلال امين كمان قبل كدة
:D
واضح انى كنت بقرأ أى كلام


مصرى
اه التجليات رائعة.. وجمال الغيطانى عموما.. مصرى قوى هو
وفعلا بدأت اقرها.. ولاسباب كتير اهدتها لصديق ولسا ماخلصتش الكتاب... فشوية وانزل ادور عليه تانى بس نسخة ارخص شوية من الشروق وللحظ نفس الصديق اللى أخد "التجليات" عنده "باب الشمس".. ومن كتر ما هو بيشكر فيها، مش عايز يسلفهالى اقراها... و انت شجعتنى تانى
بس انا مش عايزة شعر وروايات.. عايزة حبة تفتيح دماغ بقى
:D



Yazen
1st to say, welcome on board :)
excuse me, but i never heard anything about Gaarder.. can you enlight more about him/her?

Lasto-adri *Blue* يقول...

محمد الهنداوى
فعلا استمتعت بايام لها تاريخ.. و"الحب فى المنفى" فعلا فى مخططاتى.. ودلوقتى "جدد حياتك".. واضح من كلام الجميع انه زى مابيتقال فى الانجليزى
a must read book
اهلا بك عندى فى كل الاحوال
:)


Ahmed
Hay, long time no hear.. ;) .. noo.. i stopped listening to OK in the 1st place :D .. life was going on hecticly lately..
and yes tab3an.. u can send me your novel.. though i claim, I have the worst critque talents of all times..
wish i'd help


محمود عزت
مم.. ممكن كتاب عبد الوهاب المسيرى.. زى ما قلت فى تعليق سابق، هو من الناس اللى بحترمهم جدا
بس معرفشى عن الباقى.. اول مرة اسمع الأسامى دى يا محمود
ممكن اجربهم


2B || !2B
I read "Alchamist" and tried "Veronica decides to die" yet couldn't finish it... some way I felt him much spiritual than i can take :S
some how... well.. I like more realistic concret talking, rather than the "new age" writers prespectives, if I may describe Coelho as such
wish you understand me well...


ماشى الطريق
ماشفتش فيلم زوربا.. ولو كان نفسى اشوفه لاعجابى بالموسيقى طبعا
وكدة كمان مريد البرغوثى اتحط فى اللستة..

Lasto-adri *Blue* يقول...

anawafkary
تصدق انى كل ما اعدى على مكتبة واشوف كتب عب الوهاب مطاوع افتكرك!
ولكن عمرى ما فكرت اشترى ولا كتاب.. وماعنديش سبب مقنع
يمكن لانى ماكنتش من معجبين بمشاكل يوم الجمعة.. الله اعلم..
جايز احاول اجربه مرة قادمة.. وليه لاء؟


Ibn_abdel aziz
You know! that was the 1st book to attract my attention..
That I've already downloaded the 1st part of the audio CD..now I'll start listening whereever I go ;)


عباس العبد
مش عارفة ليه مش بحب كتب دار مريت..
بس ح حاول اشوف الاسماء اللى اخترتها


Abdou Basha
أكيد شكسبير له وقع آخر .. ولكن يا عبده مش عايزة قصص... انا بقالى 20 سنة بقرأ روايات.. ونفسى اقرأ علم بجد.. فاهم قصدى؟



مختار العزيزى
طبعا الميل ميلك.. ابعت اللى نفسك فيه من غير ما تسأل
بس انت دلوقتى شجعتنى ادور على حاجة لفهمى هويدى.. بحترم الرجل دا والمسيرى بشدة
وعلى فكرة.. قرأت زمان ترجمة كاملة لاعمال شكسبير.. طبعة قديمة من مجلة "كتاب الشعب" من مكتبة جدى الله يرحمه
بس عارف.. فيه شئ كان بيحيرنى فى اعماله.. مش عارفة.. كان شئ بيبعدنى عنه.. ماحبتوش.. ولا بفهم لغته الانجليزية القدينة
ولا حبيت التلخيص.. يمكن زى ما قال عبده باشا ، قراءة حاجة زى روميو وجوليت اديتنى زى نظرة مختلفة للافلام المشابهة.. لكنها فى حد ذاتها كانت بتضايقنى وقت قرائتها.. كانها
raw material
صعبة الهضم

وعلى فكرة.. كانت "تاجر البندقية" اكتر واحدة عجبتنى... اكتر واحدة فيها فكرة شدتنى ويمكن اكتر اعماله ابداعا ولو انى شايفة كل حاجة دلوقتى كانها حدثت فى الهصور السحيقة
ممكن وليه لاء.. احاول قرائتهم من تانى
:)

Lasto-adri *Blue* يقول...

السهرودى
:)
كل واحد وزوقه بقى.. لكن لا جدال ان مختار آراءه فى اغلب الاحوال بتفق معاها
وعلى فكرة.. عملت بحث سريع عن "طارق البشرى".. واضح انه ح يوافق هوايا


Nagdi
me?! mm.. why not
yet, that book would never be just a book! its mine first to say :D .. it needs knowledge, wisdom and patience to write something that's the least to say would stick to all's mind.. and would really make an obvious change ;)
let me think about that...


goodman
متشكرة اولا على زيارتك واهتمامك.. مجموعتك لطيفة على فكرة.. قرأت مجموعة منها وان شاء الله احاول اكمل الباقى
;)

غير معرف يقول...

لو عايزة نسخة من التجليات أرخص من نسخة دار الشروق في نسختين نسخة دار المستقبل العربي بس دي كانت قديمة و ماعتقدش إنها لسة بتنزل ممكن تشوفيها في الأزبكية و مشكلتها إن كل كتاب من التجليات لوحده
و في النسخة بتاعة الهيئة المصرية العامة للكتاب طباعتها مش وحشة و تقريبا فرق 30 جنيه عن نسخة دار الشروق
ممكن تكملي الأعمال الكاملة لجمال الغيطاني من هناك بسعر معقول جدا

غير معرف يقول...

معلش يا بلو أنا معترض جدا علي الجملة اللي أنتي قلتيها لعبده باشا:

أنا بقالي عشرين سنة باقرأ روايات، عايزة أقرأ علم بجد.

ما هو العلم؟
أنا مش باسأل عشان أجاوب، لكن باسأل عشان انتي نفسك تشوفي تعريفك الشخصي للكلمة دي في سياق كلامك.

مبدئيا إنتي ممكن تروحي علي كتاب فلسفة بيتكلم عن التسامح وحرية الفكر والعقيدة ويكون حجمه مثلا ألف صفحة ويجيب دليل من هنا ودليل من هناك ويشرح ضرورة الاجتماع الانساني وأهمية وجود الدولة العلمانية التي ترعي التسامح وعن أن الدين لله والوطن للجميع، الخ الخ
ده جميل جدا ومطلوب ومفيد خالص ومثير للتأمل ويعتبر "علم".
طيب هل مسرحية تاجر البندقية مثلا ممكن تخليني أستفيد نفس الاستفادة دي وتفتح في دماغي أفكار وتأملات زيها زي كتاب الفلسفة؟
الحقيقة – وأقولهالك بصوت عالي وأنا واقف علي أرض ثابتة – أيوه يا بلو ده صحيح مليون في المية.

المسرحية دي هتعرضلك واحد يهودي (أقلية) في مجتمع مسيحي (أغلبية) ويصور المعاناة التي يعانيها في ظل الظلم الواقع عليه هناك. وبالتأكيد ده هييثير تأملاتك عن كونك أغلبية في مجتمع مسلم. وهتلاقي نفسك بتفكري في حرية العقيدة، والتسامح وقبول الآخر الخ الخ مش كأفكار نظرية ولكن كشخوص حية أمام عينك متمثلة في المسرحية والسبب في وضوح الرؤية كده أن هناك "عقدة" في المسرحية هتجبرك أنك تفكري فعلا في جدوي الحرية وقبول الآخر.

وممكن تجيبي كتاب عن أهمية التعامل مع البيئة ومواردها وكائناتها بترشيد، وعن أهمية الأشجار وضرورة تأسيس منظمة دولية لحقوق الحيوان الخ ، وده كتاب "علم" . لكن لو قرأتي قصيدة الملاح القديم للشاعر الإنجليزي كوليردج ممكن تطلّعي من جوه نفسك كلام أحسن بكتير من اللي قرأتيه في كتاب عن البيئة وحقوق الحيوان.

وعشان ماتكلمش كتير، تلخيصا باقولك بلاش تشوفي الروايات والمسرحيات والشعر في درجة متدنية قوي مقارنة بكتب "العلم" و "المعلومات" علي أساس إن المجموعة الأولي عبارة عن كتب "خيال". رأيي الشخصي إن مفيش مجال أفضل من مجال أو كعبه أعلي من مجال تاني، كلها معرفة والشاطر اللي يختار الكتاب الصح.
هو اللي انا كتبته تعليق ولا تدوينة؟
(:

غير معرف يقول...

المسيري مدرسة. بس كده

بتقولي قرأتي من زمان. القراءة الثانية بعد مرور وقت طويل نسبيا قد يكون لها طعم مختلف.
رأيي في شكسبير أنه بيعمل عقدة عادية جدا، واحد بيحب واحدة وفي أزمة بين العائلتين، أو واحد مش عارف يسدد الديون للمرابي اليهودي. لكنه بيصور الشخصيات بعمق شديد بما فيها الشخصيات الثانوية والجو العام في المسرحية بيطرح تساؤلات أكبر بكتير من مجرد تلخيص متن المسرحية في ورقة.

أحيانا كمان يا بلو الواحد بيحتاج يسمع رأي النقاد عشان ينورو له المناطق المعتمة أو الأشياء المخفية. يعني الطرح الساذج لشخصية شايلوك – خصوصا بقي أنه يهودي – هيخلي القارئ يقول أنه ظالم وبن جزمة ووحش كاسر. في طرح تاني مش بيتكلم كتير ولا يكتب مواعظ إنما يقوم يقولك إيه:
تفتكري شايلوك ظالم ولا مظلوم من البداية للنهاية؟
وإيه رأيك في القانون بتاع مدينة البندقية؟
وهل شخصية شايلوك فيها جوانب انسانية ولا هو مجرد تاجر مرابي وجشع؟
وإيه رأيك في صديق أنطونيو اللي هرب مع بنت شايلوك عشان يتجوزها وشجعها إنها تسرق مجوهرات من بيت أبوها قبل ما يهربوا مع بعض وتعتنق المسيحية؟
ويا تري إيه رأيك في باسانيو صديق أنطونيو اللي وافق ان أنطوينو يقترض من شايلوك مقابل الشرط المجحف جدا في العقد واللي بيشكل خطورة علي حياة أنطونيو؟

طبعا ده معناه إن قراءة المسرحية ممكن تاخد شهر كامل ، وملاحظات تملأ كراسة.

طبعا الانجليزي بتاع شكسبير صعب نقراه دلوقتي ونفهمه دون مساعدة. لكن في طبعات بتوفر معاني الكلمات الصعبة والمهجورة زي
New Swan
. وفي طبعات تانية بتقدم اعادة صياغة لمعني النص بالانجليزية الحديثة وهو ما يسمي
Paraphrase
وهو موجود في طبعات
Rama Brothers

اه صحيح، لو اللي قاله شكسبير مجرد حاجات حصلت في عصور سحيقة يبقي مكنش هيعيش لحد انهاردة بالشكل ده. أنا باكره كلمة مفكر عالمي ومستودع أنابيب عالمي وكاتب عالمي وممثل دولي الخ لكن مع شكسبير أقدر أقول أنه عالمي جدا جدا لأن موضوعاته وشخصياته موجودة في كل حتة حوالينا وتمس صميم وجودنا الانساني لحد انهاردة.
واضح ان شكسبير يبقي ابن خالتي – التعليقات بتاعتي بتقول كده
(:

غير معرف يقول...

بلو طب ما تجربي حاجة من الأدبيات الصوفية و أرشحلك الحلاج أو جلال الدين الرومي
أو ممكن حاجة من الفلسفة العربية زي إبن رشد

عدى النهار يقول...

ده لينك الموقع الخاص بالغزالى
http://www.alghazaly.org/
مش كل الكتب موجودة فيه لكنه منظم
وفيه مواد شيقة

Jaret el 2amarr يقول...

الي انتي بتقوليه ده محصليش كتير مع اني قارئه نهمه
من اكتر المرات الي حصلي فيها كده لما قريت رواية " ان تكون عباس العبد" لأحمد العايدي

حرا طليقا يقول...

مساء الطمأنينة عليكم جميعا

بداية أود أن أصرح للفاضلة الكاتبة أنني من المحبين لمدونتها

أما بعد
أقترح نيكوس كازنتزاكس وهو مؤلف زورباأقترح كتابه تقرير إلى غريكو وهو عبارة عن سيرة فكرية لحياته الرائعة

كما أرى أن ثلاتية أحلام لا منازع لها في تحقيق المطلوب

الاخوة كرامازوف وهي ثلاتة مجلدات لكثرة ما أعجبتني قرأت المجلد الأول من على الجهاز لأنني لم أجد نسختها الورقية في هذا البلد المتفرنس قراؤه

كتب خالص جلبي (مقالاته ان صح التعبير)

الغريب لألبير كامي
الجدار لسارتر

أتمنى لك صيفا بهيا يليق بروحك الطيبة
كما أتمنى أن لو اتفقنا على كتاب موحد(رغم أنني أدري أن الأمر صعب)
ونناقشه مجتمعين في ااخر الصيف

islam yusuf يقول...

اقرى كتاب
eleven minutes
paulo coelho

وكتاب ابتسامات القديسين
لابراهيم فرغلى