النهاردة اتنين تمانية

والله وح توحشنى أيام المعمل... و ح يوحشنى كووك دوور وبريجو وسندوتشات الفول وطعمية نجف... واللمة الحلوة.. الحلوة قوى.. والضحك لحد ماعينى تدمع... ووقفة المحطة وزحمة المواصلات... وخبط دماغنا فى الحيط لحد ما الكود يشتغل... والفرحة لما يشتغل فعلا... والمشاركة لما يقف..
ياااااه
والله و ح توحشونى واحد واحد... والتلاجة ام اكياس الكاتشب.. والماية المعدنية المملية من الحنفية.. والبيبسى.. وعصير الكوكتيل اللى طعمه جوافة... وشيل اللاب توب رايح جاى.. لحد ما ضهرى اتقوس... يانهار ابيض
و الله حتى التريقة عليا ح توحشنى..

لا دا "مش اى كلام وخلاص"..

انا مش عارفة اقول كلام دلوقتى بجد.. فى حالة مش مستوعبة ازاى اننا بنلعب فى ايام.. وبعدها يا عالم ح نتقابل فى الدنيا الكبيرة تانى ولا لاء..
لاء.. اتمنى نفضل دايما نتقابل ويبقى ايام الألش مستمرة على طوول ..
يا أجمد زمايل مشروع شفته لحد دلوقتى
:)

Super alsh day by the Super Duper team..