.jpg)
بدون مقدمات روتينية من نوع "طالعتنا الصحيفة أمس..".. ح دخل فى تفاصيل خبر مشوه ومستفز –بعتتهولى "أرابيسك" امبارح- اتنشر فى "المصرى اليوم" تحت اسم " ثورة ليلي وأخواتها علي الإنترنت"..
وللعلم.. فهى مش أول سابقة للمصرى اليوم مع المدونين.. قبل كدة كان فيه مقال مفبرك آخر " مدونو الجيل الثالث يتحدون الاعتقالات بالأساطير الإغريقية" عن "القهوة العالية" و "إخناتون" .. وما خفى كان اعظم!
بس عارفين.. حقيقى كل ما افكر.. القينى شيفاها على النطاق الاوسع دائرة مفرغة من الاحباطات والقهر اليومى.. كل واحد –للاسف- مش لاقى نفسه فى شئ.. فتلاقيه يا بيفرغ شحنة الكبت فى اللى يقدر عليه... يا تلاقيه بيشوه كل شئ جميل قدامه..
يعنى لو كان أستاذ مهدى كلف خاطره دقيقتين وزار بلوج ليلى.. كان أقلها سأل نفسه.. ازاى كان "يوم ليلى" كدة؟ ازاى خمس بنات قدروا يجمعوا اكتر من 70 حد على مدار 3 ايام (على الاقل) يناموا ويصحوا بيتكلموا فى نفس الموضوع، سواء مع او ضد... دا غير ردود افعال الاعلام.. فى حين ما ان غيره فشل فشل ذريع فى اشياء ابسط منها.... لاء.. ركن كل دا على جانب وجاى يتكلم عن جهل واضح و آسفة يعنى.. بس "غباء" صحفى متعمد...
وبصراحة مش ناوية أسلك طريق أكثر "غباء" وأحاول الدفاع عن "يوم ليلى".... لانه –فى ظنى- اقوى من ان اى حد فينا يرد على الكلمتين الخايبين اللى اتكتبوا فى زقاق الجرنال... انما بس احب الفت نظر كل الصحفيين من نوع "أسامة مهدى" وأخواته... الى انه مش عشان احترام شرف مهنة الصحفى.. ولا عشان خاطر امنا مصر والكلام المرصوص دا... انما راعى ربنا فى أولادك وأهلك يا اخى بالكام قرش اللى بتقبضه آخر الشهر... انت فاكر انها بتعدى كدة لما ترزع فى مخاليق ربنا عن جهل وبدون وجه حق ولا حتى تحقق من كلامك؟؟ ..
طلبى الأخير من المصرى اليوم بنشر تصحيح للمعلومات المغلوطة.. دا غير نشر الانتقادات علانية على صفحات الجريدة.. والرد عن سؤالى "فين الضمير فى الأداء المهنى عندكم؟!"
ومن فضلكم.. سيبوا المدونين فى حالهم بقى..
بى اس: مش طلباها شهرة يا أستاذ اسامة.. بس لو بعد الكلمتين دول قررت تمسكنى فى بوست تبستف بيا الارض.. ورغم انى مش فاضية.. بس وماله.. خير وبركة... هات ما عندك... اظنها مش ح تفرق كتير..
بى اس 2: اضغط على الصورة للتكبير وقراءة المقال
بى اس 3: اللى يعدى من هنا ويحس انه معترض هو الآخر.. اقله ابعت ايميل احتجاج على الأخطاء المهنية وفبركة المواضيع
editorial@almasry-alyoum.com
سلاماتى
وللعلم.. فهى مش أول سابقة للمصرى اليوم مع المدونين.. قبل كدة كان فيه مقال مفبرك آخر " مدونو الجيل الثالث يتحدون الاعتقالات بالأساطير الإغريقية" عن "القهوة العالية" و "إخناتون" .. وما خفى كان اعظم!
بس عارفين.. حقيقى كل ما افكر.. القينى شيفاها على النطاق الاوسع دائرة مفرغة من الاحباطات والقهر اليومى.. كل واحد –للاسف- مش لاقى نفسه فى شئ.. فتلاقيه يا بيفرغ شحنة الكبت فى اللى يقدر عليه... يا تلاقيه بيشوه كل شئ جميل قدامه..
يعنى لو كان أستاذ مهدى كلف خاطره دقيقتين وزار بلوج ليلى.. كان أقلها سأل نفسه.. ازاى كان "يوم ليلى" كدة؟ ازاى خمس بنات قدروا يجمعوا اكتر من 70 حد على مدار 3 ايام (على الاقل) يناموا ويصحوا بيتكلموا فى نفس الموضوع، سواء مع او ضد... دا غير ردود افعال الاعلام.. فى حين ما ان غيره فشل فشل ذريع فى اشياء ابسط منها.... لاء.. ركن كل دا على جانب وجاى يتكلم عن جهل واضح و آسفة يعنى.. بس "غباء" صحفى متعمد...
وبصراحة مش ناوية أسلك طريق أكثر "غباء" وأحاول الدفاع عن "يوم ليلى".... لانه –فى ظنى- اقوى من ان اى حد فينا يرد على الكلمتين الخايبين اللى اتكتبوا فى زقاق الجرنال... انما بس احب الفت نظر كل الصحفيين من نوع "أسامة مهدى" وأخواته... الى انه مش عشان احترام شرف مهنة الصحفى.. ولا عشان خاطر امنا مصر والكلام المرصوص دا... انما راعى ربنا فى أولادك وأهلك يا اخى بالكام قرش اللى بتقبضه آخر الشهر... انت فاكر انها بتعدى كدة لما ترزع فى مخاليق ربنا عن جهل وبدون وجه حق ولا حتى تحقق من كلامك؟؟ ..
طلبى الأخير من المصرى اليوم بنشر تصحيح للمعلومات المغلوطة.. دا غير نشر الانتقادات علانية على صفحات الجريدة.. والرد عن سؤالى "فين الضمير فى الأداء المهنى عندكم؟!"
ومن فضلكم.. سيبوا المدونين فى حالهم بقى..
بى اس: مش طلباها شهرة يا أستاذ اسامة.. بس لو بعد الكلمتين دول قررت تمسكنى فى بوست تبستف بيا الارض.. ورغم انى مش فاضية.. بس وماله.. خير وبركة... هات ما عندك... اظنها مش ح تفرق كتير..
بى اس 2: اضغط على الصورة للتكبير وقراءة المقال
بى اس 3: اللى يعدى من هنا ويحس انه معترض هو الآخر.. اقله ابعت ايميل احتجاج على الأخطاء المهنية وفبركة المواضيع
editorial@almasry-alyoum.com
سلاماتى
هناك 12 تعليقًا:
اولا انا قرات الخبر فى الجرنال قبل ما تنشريه ومش هانحاز لحد بس هاقولك ان التحقيق كان فى سطور عن قضيه المفروض انها مهمه-تجمع نسائى الكترونى-لكن هو كتبها وهو فى الميكروباص على ما اظن
وبالنسبه لأن اغلب المشاركين فيها خليجين فده سبق يمكن هو اللى يعرفه
ثانيا
الحكاية دى بتفتح ملف -الكلام بقى كبير قوى-علاقة المدونين بالاعلام
وانا نفسى نلاقى ماده للموضوع ده
لو تحبى تشاركينى
حضرتك بصراحه ابتعدتى عن نقد الموضع كفكره واتجهت للكلام عن الشخص نفسه
رايت صراحتك وهذا ما دفعنى لهذا القول
بلو
كنت هابعتلك أقول لك بس إنت عارفة الإمتحانات عاملة إزاي
:S
بس كويس إنك قريتيه المقال مستفز فعلا
لأ و يا ريت تردوا و على فكرة ممكن تبعتوا الرد على المصري اليوم نفسه أعتقد من حقكوا
e7na
فعلا.. لانى اقصد اوجه كلامى للصحفى والصحيفة.. خصوصا وانى ماتعودتش آخد موقف دفاعى عن شئ واثقة منه
اما بخصوص "علاقة المدونين بالاعلام" فأتمنى ان المدونين يفتحوا الملف من جديد
مصرى
متشكرة يا مصرى..
وان شاء الله.. لازم يكون فى رد
شوفي هو اصلا الخبر كله استهبال في استهبال من الاخر يا بلو
ألف به صحافة .. هو ان الخبر ينقل للقارئ الاجابة على الاسئلة دي الاول مين؟ وامتى؟ وفين؟ وازاي؟
ولو قرينا التقرير العبقري (بغض النظر عن تخاريف المحتوى) هنلاقي الاستاذ أسامة (وانا لا اعرفه شخصيا) لم يجيب سوى على سؤال فين .. ودي ابسط حاجة على الانترنت
لانه لو جاوب على الاسئلة اللي باقية كان وقع نفسه في مصيبة لان أولا الخبر باييييييييييييت جدا وقديم ولو كان ذكر تاريخ الحملة كان هيبقى شكله وحش لان الخبر الان لا يستحق النشر .. اولا لانه من غير مناسبة اصلا ولم يرقى لمرتبة التحليل .. مجرد خبر بايت لمئ مساحة شاغرة
كمان لم يجب على (مين؟) لان ده كان هيضطره انه يجي على نفسه ويتعب ويقرا شوية زيادة .. ولا اعتقد انه قام بأي مجهود يذكر نظرا لضعف المحتوى الذي جاء مليئا بالمغالطات .. تماما مثل التقرير الفزززززيع اللي اتحفنا بيه آخر في نفس الجريدة الغراء وفي نفس الصفحة تم فيه ذكر مدونتي المتواضعة بأمور غير حقيقية اصلا
سؤال بسيييط للصحفي الهمام:::
كيف اكتشفت ان مدونات النساء أو الفتيات تتعرض لتهميش من المدونين الذكور ؟؟؟؟ عملتها ازاي دي يا مضروب ؟؟
ناهيك عن صعوبة اجراء احصاءات لعدد المدونات فما بالك بقى بالتعليقات في المدونات الحريمي ومقارنتها بالمدونات الرجال وهل نسبة الردود والاهتمام مختلفة ام لا ؟؟؟
كما ان اصلا التقرير من أوله لاخره غلط في غلط .. لا الحملة بدأت بسبب تهميش المدونات النسائية ولا علاقة لها بالاتحاد
اما الشهرة فواضح مين بقى اللي بيدور عليها ...
ان اردتم ان تكتبوا فتحروا الدقة أو ارحمونا بقى
سيبك من الكلام التلفيق اللي ملوش علاقة بالواقع و لا مسألة أنه جاب سيرة ليلى بعد مرور سنة
اللي نفسي أفهمه هو بياخد فلوس على الكلام ده؟ يعني الخبر ده له أي لازمة حتى لو افترضنا ان الكلام كله صح، أنا مش فاهم فعلا ليه الجرنال ينشر أصلا تقرير زي ده و كمان يدفع مرتب للبتاع ده.
و بعدين يجي حد يقولك عايزين ميثاق شرف صحفي للمدونين لحسن ياي هتبقى فوضى.
لأ بس مسخرة موضوع ثقافتهن المتواضعة دي... الواد دا باين عليه محروق أوي من "الحريم" وشكله كدة متعقد من الستات أو متجوز ومراته منكدة عليه عيشته... معلش يا جماعة لازم برضه نراعي الأبعاد النفسية والاجتماعية لإخواننا الصحفيين.. ومعلهش خلي الشباب ياكلوا عيش
ودي سقطة أخرى للجريدة وبدايات حملة يالستو
http://43arb.info/meit/?p=625
مهزله أمن الدوله اليوم - المصري اليوم سابقا
مش عارف بجد ليه كل مانفرح بحاجة في البلد ديه تبوظ
مش عارف كتبت قبل كده بوست بالعامية ولقيت واحد خد الفكر وكلامي وقلبه فصحي وزود عليه شوية من عنده وكتب عليه اسمه
طيب يعني ليه فيه ناس من جواها كده عندها مرض السرقة ده غير الناس اللي اي حاجة بيعارضوا وخلاص
معارضة
موافق؟
معارض
مش موافق؟
معارض
اسمك ايه؟
معارض
بلو
حوارك مع حلم فى مدونتها طيارة ورق
فى مسألة الزواج
عجبنى وكان نفسى يتوسع اكتر
بغض النظر عن الموضوع، المصري اليوم مش أمن دوله، دي جريدة مستقله، يعني بتعرض كل الاتجاهات وكل الاراء، مش علشان نختلف مع مقاله في عدد نقول الجريده وحشه ونبداء حمله، انا باحترم المصري اليوم، وباعتقد انها غيرت كتييير في المشهد الصحافي المصري، ولولاها كنا هنفضل محبوسين بين دوشة الاهرام والاخبار والجمهورية، اللي وصلوا لحد استخدام نفس المانشيتات في معظم الاعداد...
بي اس: انا مصري تاني غير مصري اللي فوق:)
انا اصلا مش مصدقة قلة الادب بتاعته
ايه الكام سطر بتوع "أما صاحبات الأقلام النسائية فرحبن لإيجاد الشهرة في عالم المدونات وطرح مواضيع تخصصهم بدلاً من إجبارهن علي الدخول في مواضيع تكشف ثقافتهن المتواضعة بجانب المدونين الذكور.
"
دى حاجة تفرس
إرسال تعليق