الأربعاء، أغسطس 30، 2006

دلوقتى


فيلم الموسم، يعرض على أكبر شاشات العرض بـسينما "سطح عمارة جيرانا" .
بطولة:
"انهاردة فرحى يا جدعان.. وهاتجوز"—سعد الصغير
"العنب العنب العنب" – معرفشى مين!!

موسيقى تصويرية "كلاكسات" عربيات الزفة وزغاريد المنطقة
شارك فى الاخراج عواميد النور و كلوبات الفرح...

الكراسى محدودة، بادر بحجز مقعدك!!

بى اس: لو من سكان المنطقة، يستحسن تجيب باكو قطن من أقرب صيدلية.. العرض سوارية –صباحى-.. ومافيش نوم للعوازل اللى زينا!!!

سلاماتى

هناك 25 تعليقًا:

3rby يقول...

طيب انتي بتسمعي النهارده فرحي يا جدعان والعنب العنب....وكمان في اجازه...امال انا اعمل ايه....ايام الامتحانات بتاعة تانية المرشد جوز ابنه وعمله فرح اسلامي في البيت...طيب وانت مالك...اصله ساكن في العمارة اللي جمبي لزق...تلت تياة وحياتك وانا باسمع في اغاني غريبة 24ساعة...كنت هاموت نفسي

Ahmed Shokeir يقول...

العنب العنب العنب

دي بتاعت الفنان : عماد بعرور


يابختكوا ، هنا مافيش كلام فارغ من ده والناس بتنام من الساعة اتناشر والشوارع فاضية والدنيا مهجورة ومافيش طعم

محمد أبو زيد يقول...

مبروك اللوك الجديد للبلوج

غير معرف يقول...

مبروك اللوك الجديد يا بلو ويارب يكون بداية لإنفتاح ثورة فكرية كبيرة .. معلش انا كلماتى فيها كتير كلمات فظه زى ثورة وعارمة وانفتاح يعنى .. متحطيش فى بالك يعنى .. واحب اقولك ان اغنية العنب دى كتير جدا جدا جدا بسمعها ووالله غصب عنى لأنى بكرهها جدا لان صوته اصلا لا يصلح للكلام مش الغناء لكن يالله البركة فى شعبولا اللى خلاهم يغنوا بالجرأة الموحشة دى .. بس هل يا ترى انتى فعلا بتحبى الأغنية دى ؟هههه عمار

farida يقول...

عزيزتي
miss blue
انا بعت لك على الميل بتاعك
بناء على طلبك
شكرا لزيارتك
و اتمنى ترسلي لي قريبا


الصدفه اني من كام يوم كان في فرح جنبنا و فوجئت بأغنية العنب
مش فاهمه احنا اتدهورنا في كل حاجه كده مره واحده حتى الغناء
و النبي يعني سي كتكوت و أغنيته المستفزه ليدي
لما يكون فيلم زي ده رقم واحد في الايرادات يبقى ده شعب اللي بيجرا فيه شويه عليه

Ayat يقول...

إيه يا جماعة؟!! مالكو ومال العنب؟
طيب غنتى سمعتيها ليلة فى فرح ناس، أنا بقى بسمعها تقريباً 3 مرات يوميا وفى الميكروباص كمان، شفتى الذل. بس هو بجد اللى بيغنيها إسمه كده؟!! أهى دى بقى نصيبة فى حد ذاتها

3rby يقول...

بناء علي معرفتي بحبك لهذه الكلمات انا دخلت النهارده مخصوص علشان اكتبهالك:العنب حلو بس النحل بيقرس...الحشيش مذاجه عالي بس الراجل اللي بيجي بيكرس....ينفع في شتا او صيف.....هو ايه......العنب العنب.....خلاص هاخرج هاخرج ....انا عارف زمانك قفلتي ام البلوج

She يقول...

يا ستي موسم افراح بقي مش عارفه ناوي يخلص امتي بصراحه

غير معرف يقول...

شرفتينى يا قمر

ثم اية الحقد الاجتماعى بتاعكم دة؟ مش تسيبوا الفنانيين اللى بيغنوا يغنوا؟ ولا علشان يعنى الجيران عندهم فرح وانتوا وعندكومش؟؟
عاوزة الحق؟ انا باطفش من البيت يوم ما بيكون عندنا حاجة زى العنب دى
يا لطيييييييييف

غير معرف يقول...

ينفع في شتا أو صيف هوه ايه؟ العنب حد عنده لينك للعنب؟
I would be profoundly grateful

NoOR يقول...

ايه الافترا ده كل ده علشان الراجل ناجح ومشهور تحقدوا عليه ...طيب اسمعي الكوبليه بتاع خولي الجنينه أمير قطفلي حبه الي استوي .......واتفرجي عليه بياديها ازاي هتحسي ان الجاموس صوته حلو وبعد كده هاتعرفي ان اللي سمعتيهم قبل كده فنانين

Me2nour يقول...

بلو.. مش عارفة إنتي بتتكلمي عن إيه أصلا.. إحنا الريموت عندنا مش بيعدي على قنوات أغاني خالص بناء على عدم رغبتنا في الإصابة بعته مغولي :)

Ali Abu-Taleb يقول...

وانا كنت متصور إن فيلم الموسم ده بيعرض حصرياً عندنا احنا بس
كان الله في عونك وعوننا :(

www.abutaleb.net/me

Lasto-adri *Blue* يقول...

الى كل من تسوله نفسه وعايز يسمع العنب

:S

أخويا باعتهولكم مخصوص
لول

العنب للاستاذ معرعر

3rby يقول...

اول حاجة مبروك علي التصميم الجديد...ثانيا: انتي مش ناوية تشاركي في الحملة اللي منشور عنها في بنت مصرية ولا ايه...ثالثا:انا عاوز ابعتلك تفاصيل حملة عاوز اعملها وعايزك توعديني انك تساعديني فيها زي اخويا في ويكبيديا...doda_902005@yahoo.com ابعتيلي ايميل عليه وانا ابعتلك التفاصيل

ody911 يقول...

مشكلة كل يوم
خلى الناس تفرح يعنى ولا أحنا ولا همه
دة ظلم بقة
عادى بقة
أودى

admelmasry يقول...

انا حاسس بلغبطة هو فيه ايه ؟
انا واحد م الناس ... شايف ان الياه مولد

ولا ده عادي جدا بيحصل في اوقات فراغ الناس

علي فكرة الناس دي وش اجرام علشان يقولوا العنب والعبط ده

في الاخر يرجع الواحد منهم يقول ان الناس هي اللي جعلتني مجرما

لا ده حرااااااااام

تحياتي

Zeinobia يقول...

بعرور!!
الله يرحمك يا عبد الحليم !!

Ahmed Shokeir يقول...

رغبة في رفع مستوى الفن وبما أن لينك العنب مش شغال
اليكم هذا الرابط شغال على طول

العنب

Unknown يقول...

Don't remind me of this 3enab think, it's here and there and everywhere, pissig me off.

كلبوزة لكن سمباتيك يقول...

جميلة الروح
لست ادري
ازيك عاملة اية؟
حاولت اعمل كومنت علي البلوج الجديد ح اقول كلام بس ملقيتش علامة وضع الكومنت مش عارفة المشكلة عندي و لا اية؟!
النيو لوك روعة
و اختيارك لمقطوعة جاهين اروع
انت كلك علي بعضك زوق و رقة
خالص تحياتي

Adel يقول...

لست ادري ما هو الموضوع وما هو وجه الاعتراض هو انتم خلاص قررتم ان الفنان عماد بعرور اخده الله مش مطرب ليه مش راجل وعامل جو ومطرقع فالدنيا كلها بلاش حقد بقى مليتوا البلد بكره يتعملك فرح ويجيبوا لك الدي جى ويهرينا سعد الصغير وبعرور والواد سكسكة لا وده تحفة كمان سكسكة ده وساعتها هاندعيلك ان ربنا يكرمك ونخلص منك ومن فرحك فبلاش تحقدي على الناس ومن هنا اشكر اخونا شقير على مساهمته الرقيقة بالعند فيكم كلكم ههههههههههه العنب العنب العنب

3rby يقول...

ايه يا بلو ده...ولا اللنك بتاع اخوكي ولا بتاع احمد شكير شغال....انا عايز اسمع الاغنية

قلم جاف يقول...

مبروك النيولوك .. دة أولاً..

أنا سمعت الأخ بتاع العنب .. صوته مش حلو قوي وهو بيتغرغر!

KareemFromEgypt يقول...

If any body wants "el 3enab" song i have it on my computer, drop me an email on kareemfromegypt@gmail.com and i'll send it to you

plus a bonus track "ya menagedd 3ally el martaba" not kidding