الخميس، أغسطس 24، 2006

كنا وكان.. وفرقنا المكان

إمبارح كانت آخر مرة أعدى على ميدان رمسيس ورمسيس التانى لسا واقف زنهار.. هو صحيح مش زنهار قوى، كان محاط بأعمدة خراسانية ولا كإنه متجبس فى كسر من الدرجة التالتة لجميع عظام الجسم.. ومحاط ايضا بلفيف من عربات الاذاعة والتلفزيون و لسا ماخفى كان أعظم !!

خلاص يا جدى.. النهاردة الفجر ح ينفذوا النفى

بجد بجد... متضايقة ... دا مافى حد حتى اهتم يسمعنى وانا بقول .. لأ!!!
أشوفك فى الألفية القادمة


سورى.. بى اس جديدة:
*محدش ملاحظ حاجة غلط فى الخبر المنشور؟ وبالمرة اقرؤا هذا الخبر.. وقعت عليه بالصدفة

سلاماتى

هناك 22 تعليقًا:

باسم شرف يقول...

صدقيني محدش هايسمع حاجة لانهم مخلوقات اخري عجائبية لا تسمع مثلنا

وتعودي الاتبكي التراث لانهم تعودوا الايعيشوا بلا حائط

رمسيس ذلك الكائن المتحجر الذي كان ينيض بالحياة حوله

فيه حاجة اكيد هاتحصل وهي اخوانا اللي هيجوا من الصعيد هيتوهوالانهم مش هيلاقوا العلامة اللي بيعتبروها رمسيس وهو سفريهم والذي يحافظ علي بقائهم اثناء غيابهم

باسم شرف

وبالنسبة لتعليقك انك مش فاهمة حاجة
انا كمان مش فاهم وبتمني اني ماكتبش في الموضوع ده تاني لانيه بيضايقني

وشكرا ليكي

maxxedout يقول...

ايه الغلط فى الخبر ؟

M.Sameer يقول...

قال حسني إن التمثال سينقل يوم السادس من أكتوبر ، الذي يوافق عطلة رسمية تكون حركة المرور في الشوارع ضعيفة في أثنائها مما يسهل عملية نقل التمثال.

ayman_elgendy يقول...

يلا مش مهم مصر...مش مهم رمسيس...مش مهم الناس...مش مهم اي حاجة

غير معرف يقول...

موضوع لا يخص الا دارسى الآثار يا بلو انا مش هنسى لما روحت الأهرامات من كام سنة كدا ومرضوش يدخلوا اى شخص مصرى وقالوا انهرضا وبكرة وبعده للأجانب بس ممنوع دخول اى مصرى ومن ساعتها وانا اصلا عندى حساسية من الآثار كلها , جزئية تانية بخصوص تعليقك على البلوج اولا اشكرك لتعليقك وبجد دا شرف ليا انى تزوريها ثانيا انا مفهمتش انتى تقصدى ايه بالظبط بالكلام النظرى هل ليس له معنى ؟ هل مجرد كلام ليس له فائدة حتى ؟ الله اعلم انتى اللى تجاوبى مش انا انا عاوز بوضوح تقولى تقصدى ايه بجملة كلام نظرى ومش هشكرك فى الموضوع دا لا بجد احييكى لأنى فعلا بشتاق للنقد البناء وانا عارف ان نقدك بصدق ليه فايدة وإن كانت على المدى البعيد واذا كنتى تقصدى ان الكلام دا بعيد عن التطبيق فأنا بحاول امشى برضه على نهج النهضة الفكرية اللى كتير جدا جدا جدا بيمشوا فى طريقها لعل وعسى نوصل واوعدك لما ربنا يكرمنى وارشح نفسى لمجلس الشعب وانجح ان شاء الله بعد 15 سنة كدا اوعدك وقتها انى هتكلم فى امور فعلية وفعلا هعمل انقلاب دستورى فى البلد كمان عشان خاطر متقوليش انه كلام نظرى وبس ههههه . عمار

abderrahman يقول...

يعني مينفعش يعملوا تمثال مكانه..؟؟ أهه كان ملك حقيقي على الأقل، والميدان والشارع لسه باسمه .
:(

El Masry Afandy يقول...

I wish i was there to see the last days of Ramses at Bab El Hadeed. I know it's better for him to be back there .... but... i kind of going to miss the quick glimpse i used to have of his face while driving to uni or to work....

walla zaman ya Ramsis...

thanks ya Lasto Adry....

El Masry Afandy يقول...

will be missing the quick glimpses i used to get of the old pharoh's face from above the october bridge while driving to uni or to work... but... this is life after all....

walla zaman ya Ramsis...

thanks ya lasto adry... :)

محمد أبو زيد يقول...

عندنا في الصعيد وفي الفلاحين وفي الدلتا وفي سينا أي حد رايح القاهرة ، كان بيعلمها بميدان رمسيس والتمثال اللي فيه ، والناس دي البسيطة الطيبة كانت لسه بتسمي الميدان باب الحديد ، وتقابل قرايبها عند التمثال ، رغم ان الحكومة عملت محطة المترو باسم مبارك ، إلا إن الناس برضه كانت بتقول انها نازلة رمسيس
دلوقتي بعد ما رمسيس اتنقل
تفتكري الناس هتحس إن جزء من ذكرياتها ، تاريخها الشخصي ، عمرها بيتسرق منها ن ويا ترى ى هتنجح عملية استبدال الاسم المرة دي ، ويا ترى الناس هتقول المرة الجاية ميدان باب الحديد ولا رمسيس ولا......إيه

m_elsewedy يقول...

انا كمان فى اليوم ده كنت هناك يا لست أدرى
ووقفت اتفرج من على كوبرى المشاة وهما بيجهزوه

بس هانفضل نقول ميدان رمسيس طول عمرنا ومش هانغيره حتى لو حطوا تمثال فرعون مصر الحديث اللى حكم مصر ربع قرن واكتر برضو هانقول ميدان رمسيس
:D

karakib يقول...

مافيش حاجه حصلت و كلها كام سنه و يرجعوه ... و يصرفو تاني مبالغ طائله هيرجع لا تقلقوا
انتوك

admelmasry يقول...

ممممممممم
كلة بيطلع في الغسيل
ده ولسه ياما هنشوف

غير معرف يقول...

أنا بصراحة مع نقل التمثال من الحتة العفشة ال كان محطوط فيها، و ال فعلا بتأثر عليه بالسلب.

هو مش رايح منفى و لا حاجة، تمثال أعظم ملوك مصر رايح أقرب لبيته. و هناك ال هيروح له هيقف قدامه و يحترمه بدل ما الناس كانت بتعدي عليه و هم مش واخدين بالهم منه، أو خايفين يبصوا فوق ليندهسوا. ممكن تنحط في مكانه نسخه زي ال في طريق العروبة.

من الحاجات ال كنت كاتبها في قائمة todo ما بعد الثورة أننا نسمي المحطة ال تحت الأرض محطة رمسيس.

المصيبة دلوقت أن الاسم ال تحت الأرض يطلع فوق، و اخدة بالك أنت!

الغلطة ال في الخبر أنهم حاطين صورة تمثال رمسيس ال في أبو سمبل!

NoOR يقول...

مش مجلس الشعب وافق علي تسميه الميدان ميدان مبارك ....عايزين ايه تاني يعني كل شويه تلاقي تباع واقف علي باب الميكروباس واحد مبارك مبارك واحد ...بعد كده تلاقي يقلك ميدان ابن ال*** زحمه الله يخرب بيته طبعا بيشتم في الميدان ومحدش يقدر يكلمه

الأميره أوسه يقول...

بس أنا سمعت أن الملك مينا موحد القطرين مش ساكت وناوى يقلب الدنيا ويروح للنائب العام ولمجلس حقوق التمثال لحد ميرجعوا رمسيس ، الميدان بقا ضلمه من غيره
لست أدرى أنتى مواضيعك دايما ممتازه
أممممممموووه
العواف

كلمه يقول...

التمثال أتشال خلاااااااااااااااص
في موكب فعلا يليق بالملك العظيم ... ناس كتيير و عيال صغيره و ستات كبار نازلين من بيوتهم الفجر عشان يتفرجوا ياختي عل تمثال
و رجاله بشناب بيرقصوا و ناس ترمي ورد و سياده المسئول مبسوط و منشكح من المنظر الحضاري و عم سيد سائق السياره طلع في الجرنان و التليفزيون و بقي أشهر من التمثال نفسه

ليه بقي الفيلم ده .... لو خايفين عل تمثال ... كانوا جابوه ليه أصلا و لا يعني اللي كانوا حطوه هنا دول كانوا عيال صغيره مش فاهمين انه هيبوظ الشكل الجمالي للميدان - دا علي حد تعبير السيد المسئول- مع اعاده بلوره تصميمات الميدان حتي تليق بالعولمه و الديموقرطيه و تحديات العصر و شويه الكلام الوحوي اللي بيتقال في المناسبات دي

حاجه تزهق

3rby يقول...

اولا:معلش يا بلو...بس انا مختلف شوية...ممكن يبقي في تصدع...بس حكاية ان الارض ممكن تنهار ديه انا مش مصدقها....لانهم جابوه في المكان ده من سنييييين طويلة...واكيد التكنولوجيا كانت اقل بكتير واكيد العربية اللي جابته كانت اثقل بكتير....ثانيا:انا عارف انك مش هاتردي علي الحتة ديه...بس مرحلة الاكتئاب اللي انتي عايشاها ديه منتشرة بين الناس الصيف ده بشدة...مش عارف فيه ايه....بس حاولي تتغلبي عليه لان مافيش حاجة تستاهل

غير معرف يقول...

لو عرف رمسيس باشا ان نقله تكلف 6مليون جنيه رغم انه عمره ما سمع عن المبلغ ده يا ترى رده حيكون ايه ؟؟؟
نقلوم علشان بقى مش نظيف
انا مستعده كنت اديلي حتت دش بعشرة الاف بس

karakib يقول...

so2al 3amal ydor fy dma3'y ... howa leih el nas betetlam fel share3 3ala ay 7ag abete7sal
howa eih kol el nas elly kanet mashya ma3ah wy 7awalih dih !!!
ya tara kolohom 3olama2 asar ?
wala fadyyn byetmasho ma3ah
wala fy eih bel zabt !
antouk

أُكتب بالرصاص يقول...

خلاص
ما تجوزش عليه غير الرحمة

هما ودوه فين ؟!
اعتقد اخر شارع الهرم


الراجل بقاله سنين واقف اعتقد 56 سنة واقف وسط الصعايدة والافلاحين اللي بيستخدموا القطار
غير الباعة الجائلين

خلوه يشوف يومين ويعيش في شارع الهرم ،
مع السياح والاجانب والاخوة الاشقاء العرب
وهناك النقطة بالدولار

Lasto-adri *Blue* يقول...

الغلط اللى كنت شيفاه فى الخير موضوع انه 6اكتوبر النقل.. لكن طلع 6 اتوبر النقل لو انه ح يتأجل بسبب الحبر على لبنان

المهم.. دلوقتى بجد

مش عارة ح يعملوا فى المدان ايه من بعدك يا جدى
!!!

ربنا يستر


متشكرة لكل من ساهم فى احياء ذكراه ولو بتعليق
:)

3rby يقول...

if you are angry with me cause i interfiered in your personal fillings>>>i am sorry