الثلاثاء، يوليو 11، 2006

أنا المدعوة لستُ أدرى


انك تمشى فى الشارع بتحلم بسريرك فى بيتك.. وكنبة تمدد عليها رجليك وفى ايديك ريموت كونترول وسط طراوة الجو.. فجايز.. بل وممكن جدا
انما انك تمشى فى الشارع وتتمنى باب عربية يتفتح وحد يطلع عليك يخطفك.. او انك تتوه فى مواصلة لبلاد بعيدة عن الحدود المعروفة.. او ان حتى تركب تاكسى تكتشف انه آلة الزمن بس متخفية.. يمكن دا الغريب شوية
لكنه رغم غربته أصبح يتردد فى مخى لدرجة الدعاء انى أختفى ولو ساعتين.. الاقى نفسى تانى وارجع مارجعشى.. خلاص.. مابقاش يفرق كتير.. ولا افتكر يفرق مع حد

سلاماتى

هناك 16 تعليقًا:

arabesque يقول...

مش عارفة إذا كان اللي هاقوله له علاقة بمشاعرك و لا لأ ...إنما من يومين كنت ماشية بعجلة و اتقلبت ووقعت وادحرجت تلات أربع مرات لغاية مااستقريت أخيرا على الأرض و اللي في جيوبي براها من كتر الوقعة
الغريب إني وقفت عادي وإحساسي الوحيد كان نوع من الإثارة لأنها حاجة جديدة حصلت في حياتي

بنتاؤور يقول...

دة كبت يا بنتي

حاولي تعملي حاجة جديدة و يا ريت تكون مجنونة عشان متتجنيش زيي

change destiny يقول...

sorry sorry sorry

أنا آسفة جدا انا صاحبة التعليق اللي فات

بس مخدتش بالي اني مش على الكمبيوتر بتاعي أكرر الاعتذار

abderrahman يقول...

احساس بالغربة..؟
كإنك بتتفرجي ع الدنيا ومش عايشاها..؟
الاحساس بالاستقرار هو طوق النجاة
أكيد بالسعي ممكن الواحد يوصله
إن شاء الله يتبدل الحال إلى أفضل حال (:

غير معرف يقول...

والله سبحان الله
نفس الاحساس و نفس الشعور
نفسي انام و اصحى الاقيني اتبدلت تحصل اي حاجة تخليني حد تاني أو ممكن أبقى انا بس يكون في أي اختلاف في حياتي
مش انتي مهندسة بقا و المهندسين عباقرة اخترعي انتي الة الزمن و ابعتيلي دعوة

غير معرف يقول...

That,s the way the Egyptian always fantasize
Always waiting for dream will never come from the sky
Anyway love to all Egypt and Egyptian

غير معرف يقول...

wait for elgarida

Dina El Hawary (dido's) يقول...

حاسة بيكي قوي يابنتي .. ساعات كتير يراودني الاختفاء ده .. دايماً بفكر إني اخذ اجازة و اقول للناس إني مسافرة .. و اعد اختفي في البيت
بس للأسف مش كل الي عايزينه بيحصل
:(:(
خلي بالك من نفسك

voice of love يقول...

لأ بقى .. ده كده الواحد يقلق عليكى
ولكنه احساس وارد جدا المهم نعرف نتغلب عليه ولو أنه مش سهل
خلى بالك من نفسك

ody911 يقول...

يعنى إيه ؟؟
وليه ؟؟
ومين يقدر يعيش ليها ؟؟
تفتكروا تستاهل ؟؟


الحيـــــــــــــــــــــــاه


طيب يا صبر طيب

Eve يقول...

عندي سرّ من هالنّوع. بيشبه أسرار "بوست سيكريت" المعروفة. بس لسّه مش جاهزة أقوله.

محمد أبو زيد يقول...

فكرتيني بعم صلاح جاهين
وهو بيقول

في يوم من الأيام هكتب قصيدة
وان ما كتبتهاش
أنا حر


الطير ماهوش ملزوم بالزقزقة

freeSoul يقول...

i disappeared from all the people i know for 47 days !!

it is hard yet it helps you to rebuild what is lost of your soul

sometimes you don't need to physically go away, you can just give your self the chance to go away of your old ideas and thoughs and think of your self from another point of view

غير معرف يقول...

يوم ما حسيت زيك كدة كتبت مقدمة رواية عن واحدة نفسها تختفي شوية وترجع تاني.. وكانت بتقترح إنها تروح في غيبوبة وترجع بعد شوية !
الطب بيعمل أنيل من كدة.. احمدي ربنا :D

غير معرف يقول...

على فكرة يا أستاذة يا ريت تشيلي العنوان ده لأنو بيفكرني بحاجات مش كويسة وبالظبت بواحد أهبل بيقول جئت لا أعلم من أين...
وبالمناسبة لمذا الجو عندك هنا بارد..؟

والمرض الذي ذكرتي في مقالك هذا منتشر في كل مكان ، والله أني ساعات أتمنى ان أتحلل أو أصبح نسيا منسيا ، كما قالت السيدة مريم عليها السلام، لكن ما باليد حيلة ، كل شيئ بقدر
ولو سمحت هل أجد عندك مضاض حيوي لمرض الإدمان على قنواة الأخبار المتخصصة في جعل الروح المعنوية للمسلمين في الحضيض

Unknown يقول...

انت ممكن تعيى المشاعر دى
وانت ع الكرسى ولمدة قصير ة
ممكن تتدربى ع اليوجا بس انك تغيبى عن كل شيء فده هو المستحيل
فى الفلام العربى القديمة كان ممكن
يعنى خبطة فى الراس
ويفقد الذاكرة ومش عارف ايه
وف نهاية الفيلم يرجع يحضين مين
يحضن اي واحد والسلام
وبعدين انت ليه عاوزة تعيشى المشاعر دى
اسألى نفسك وواجهيها هترتاحى
تحياتى
سبق ان طالعت لك حاجة فى الدستور