.jpg)
أكتر ما كرهت فى حياتى انى أكون رايحة اجتماع –مثلا- وحد يقف –كحركة جنتلة- ويجيب لى كرسى !! (احم.. عارفة ان فى بنات مستعدة للهجوم فى أى لحظة.. ويقولوا فى نفس واحد "وهو حد لاقى.. بلاش افترى وقنزحة").. بس لاء برضو.. انا مصممة على رأيي...
معرفش بس بتخنق قوى.. بحس انى بتعامل معاملة الكائن الغريب المرفهه ومنعم زيادة عن اللزوم للدرجة ان واحد طويل عريض يقف ويتعتع من مكانه ويورينى عرض قفاه عشان يجيب لى كرسى.. الشئ اللى لا يمكن أصدق انه بيعمله فى بيته مع أمه أو أخته.. وتلاقيه -يا حبة عينى- مش بيقدر يودى طبق غداه الحوض .. ولو قلت له اغسل المواعين – فى يوم مثلا- ممكن يتقلب ويتهمك بالتحيز بقى وكلام فاضى من بتاع "امال شغل الست ايه ان شاء الله!" ومش بعيد لو حول المحطة على لعن بتوع المساواة والكلام الفاضى اياه..
معرفش بس بتخنق قوى.. بحس انى بتعامل معاملة الكائن الغريب المرفهه ومنعم زيادة عن اللزوم للدرجة ان واحد طويل عريض يقف ويتعتع من مكانه ويورينى عرض قفاه عشان يجيب لى كرسى.. الشئ اللى لا يمكن أصدق انه بيعمله فى بيته مع أمه أو أخته.. وتلاقيه -يا حبة عينى- مش بيقدر يودى طبق غداه الحوض .. ولو قلت له اغسل المواعين – فى يوم مثلا- ممكن يتقلب ويتهمك بالتحيز بقى وكلام فاضى من بتاع "امال شغل الست ايه ان شاء الله!" ومش بعيد لو حول المحطة على لعن بتوع المساواة والكلام الفاضى اياه..
دا انا حتى كرهت انى اركب مواصلة مع زميل.. او انى اشترى حاجة قدام حد والاقيه يمد ايده يطلع من جيبه الفلوس.. فابدأ بقى بمقولاتى التهديدية "ماشيها English pocket أحسن لك!! لما تبقى الفلوس فلوسك وبتعزم بيها .. أظن وقعها أجمل.."
وعارف يبقى نفس الشخص اللى ممكن يقوم لى عشان أقعد فى مواصلة.. هوه نفسه اللى يشوف حاجة عجوزة بتتسند ع الخلق وما يقف !!!
يمكن احساسى دة بدأ من لما كنت صغيرة وبروح بلدنا والناس تلف حوليا وتطلب منى أغنى انجليزى.. كنت هبلة زمان وبقف وأغنى وكل الصف اللى حوليا مش فاهم حاجة.. لما كبرت كرهت ان فى حاجز بينى وبين باقى أهلى.. مش قادرة اتواصل مع حد طول ما هما شيفينى فوق وهمه تحت.. حتى دلوقتى بتخنق لما يسبقوا اسمى بــ "ياباشمهندسة".. ساعات كنت بتمنى انى كنت ادخل اى كلية .. او حتى بلاها كلية وخلينى زيهم من غير لقب..
وعارف يبقى نفس الشخص اللى ممكن يقوم لى عشان أقعد فى مواصلة.. هوه نفسه اللى يشوف حاجة عجوزة بتتسند ع الخلق وما يقف !!!
يمكن احساسى دة بدأ من لما كنت صغيرة وبروح بلدنا والناس تلف حوليا وتطلب منى أغنى انجليزى.. كنت هبلة زمان وبقف وأغنى وكل الصف اللى حوليا مش فاهم حاجة.. لما كبرت كرهت ان فى حاجز بينى وبين باقى أهلى.. مش قادرة اتواصل مع حد طول ما هما شيفينى فوق وهمه تحت.. حتى دلوقتى بتخنق لما يسبقوا اسمى بــ "ياباشمهندسة".. ساعات كنت بتمنى انى كنت ادخل اى كلية .. او حتى بلاها كلية وخلينى زيهم من غير لقب..
معرفش ايه اللى جاب السيرة دى لدى.. بس أول ما حد يجيب لى كرسى بفتكرنى زمان وأنا بغنى من غير سبب..
وأكتر شئ بينرفزنى -عن جد يعنى-.. لما حد بيفتكر انى انسانة رقيقة ورومانسية بقى وعايشة فى عالم مخملى من الأحلام الوردية!.. بص انا مانكرش انى بحلم كتير.. وبفكر كتير.. واللى بيقرأ كلامى –هنا ع الأقل- ممكن يفتكر انى فى حالة من اياهم مستمرة.. بس كل دا ان دل على شئ انما يدل على تنوع الأفكار.. يعنى انا مش واحدة مسترجلة وحابسة نفسها فى قمقم السياسة او المجلة الثقافية وكباية قعر كباية وخلافه.. وفى نفس الوقت انا مش سطحية التفكير عشان ابقى جوليت عصرها..
ولا أحب أكون هى..
طول عمرى بحلم اكون زى الغجر فى تصرفاتهم.. لا تعرف لى وطن ولا هوية مستهلكة.... انسانة متمردة على التمرد ذات نفسه.. افكارى طليقة لأبعد من مكان ما ح توصل افكارى.. أمشى طول اليوم وشعرى منكوش ولبسى واسع يجرجر ع الأرض.. أو ممكن بسرح بعربية بطاطا... و ممكن كشك جرايد ع ناصية الشارع.. ما يهمش
اللى يهم انى أصحى كل يوم زى ما خلقنى ربنا.. ويفضل اختلافى عن الباقى بنفسى.. بشخصيتى.. بحكمتى ويمكن فكاهتى.. مش لانى فى عالم ازدواجى منافق.. من برة بيعامل المرأة بجنتلة "شكلية".. ومن جوة تسمع شكواها لرب السما..
سلاماتى
وأكتر شئ بينرفزنى -عن جد يعنى-.. لما حد بيفتكر انى انسانة رقيقة ورومانسية بقى وعايشة فى عالم مخملى من الأحلام الوردية!.. بص انا مانكرش انى بحلم كتير.. وبفكر كتير.. واللى بيقرأ كلامى –هنا ع الأقل- ممكن يفتكر انى فى حالة من اياهم مستمرة.. بس كل دا ان دل على شئ انما يدل على تنوع الأفكار.. يعنى انا مش واحدة مسترجلة وحابسة نفسها فى قمقم السياسة او المجلة الثقافية وكباية قعر كباية وخلافه.. وفى نفس الوقت انا مش سطحية التفكير عشان ابقى جوليت عصرها..
ولا أحب أكون هى..
طول عمرى بحلم اكون زى الغجر فى تصرفاتهم.. لا تعرف لى وطن ولا هوية مستهلكة.... انسانة متمردة على التمرد ذات نفسه.. افكارى طليقة لأبعد من مكان ما ح توصل افكارى.. أمشى طول اليوم وشعرى منكوش ولبسى واسع يجرجر ع الأرض.. أو ممكن بسرح بعربية بطاطا... و ممكن كشك جرايد ع ناصية الشارع.. ما يهمش
اللى يهم انى أصحى كل يوم زى ما خلقنى ربنا.. ويفضل اختلافى عن الباقى بنفسى.. بشخصيتى.. بحكمتى ويمكن فكاهتى.. مش لانى فى عالم ازدواجى منافق.. من برة بيعامل المرأة بجنتلة "شكلية".. ومن جوة تسمع شكواها لرب السما..
سلاماتى
هناك 18 تعليقًا:
ممكن تسيبى موضوع واحد بس أتكلم فيه قبلك
أصلى بصراحة كدة كل ما أجى أكتب فى موضوع مزهقنى ألاقيكى كاتبة فيه ؟؟؟ فأبقى مطر إنى مكتبش وإلا هكرر كلامك بشكل تانى
عموما عادى دة فى حد زاتوا بيبينلى إنى مش أنا الوحيد إللى أفكاروا غريبة فى الزمن دة
أودى
WOWWWWWW...ANOTHER WIERDO...KEEP IT UP GIRL....
RADWA
:))
تعرفي حاجة لطيفة إن إحنا نجيب لبعض كراسي ونقوم لبعض وما شابه، لكن حتى دي فُرِِغت من معناها لما بقى المفروض الرجالة يعملوها للستات "الأغراب" طبعاً مش في البيت، حاجة كدة زي الكراسي هنا في السعودية إللي مكتوب عليها: "لكبار السن والمعوقين والنساء"!!
لازم إحنا برضة نبطل نقعد لما حد يقوملنا ونقول لأ بحزم طالما لا إحنا تعبانين ولا محتاجين للكرسي أكتر من الشخص إللي قام، ونبتدي نقدم كراسينا أو أماكننا من غير كسوف لما نلاقي راجل وإن كان طول بعرض محتاجه أكتر مننا.
موضوع الفلوس بقى هو إللي مش بأفهمه خالص ... ليه مفروض أي راجل معدي ولو كان زميل يصرف علينا بدون مناسبة؟ بصراحة أنا معنديش مانع، بس آخد حقي ناشف أول كل شهر :)
مش إللي يفقعك بقى البنات إللي واقفة متنحة وما بتصدق حد يقوملها؟
ٍSteliano ponticos: I like the expression: gender coexistence, and agree it is girls who should take another step forward.
Nice post blue,
من فترة ركبت أتوبيس وكان عندي دور برد بشع. البنت اللي قاعدة علي الكرسي قامت وقالتلي اتفضل اقعد - كانت بنت في حوالي العشرين من عمرها. وأنا موافقك ان الجنتلة بتاعة بعض الذكور بتكون جنتلة "موجهة" وليست جنتلة أصيلة. وانت شرحتي الفرق كويس جدا بالتناقض بين سلوكهم في البيت وقدام البنات الأغراب. بس في كل الأحوال باردو ده أحسن ما يسيبوا البنت واقفة في الأتوبيس تتعرض للاهانات. تحياتي
رغم التبريرات الجيدة لانفعالك إلا إني شايفه عالي شوية
إيه العيب إن يبقى فيه إنسان شاف كام فيلم أجنبي ولا قراله كتابين مترجمين أو أهله ربوه تربية غربي وقرر يبق بني آدم ذوق
يعني لازم يبقى تلح عشان يعجب
وعلى الأغلب الانسان الذوق بيبقى ذوق في جميع الأحوال يعني مع معارفه واهله
والتلح تلح دائما وابدا
على الأقل ده إللى اعرفه من خبراتي المحدودة عائليا وحياتيا
عموما انا معنديش مانع ان واحدة اعرفها نشتري حاجة وهيه اللي تدفع
لو مساحة المعرفة اللي بينا تسمح
او أدفع أنا لو دخلي اعلى بكتير
المهم
انت مكبرة المسالة ويارب ارجع مصر ألاقي كل الرجالة بقت ذوق
جوة وبره بيوتها وتبطل التناحة اللي انت زعلانة انها مش سائدة بنسبة مية المية
انا بعت تعليق النهاردة يبدأ بـ (رغم التبريرات الجيدة لانفعالك )ونسيت أحط أسمي
أنا أسمي محمد البعلي وعايش حاليا خارج مصر
Steli
girls should work and advance in their work
i don't seem to get you in that.. and do not seem to get you .. how more work would change this "other look" for females?
I do not mind if someone went to get me a chair wheither in public life or work lace, unless he garuntees 2 things:
1. he lives this way in his house.
2. he is ready to grip another chair for his fellow MALE colleuge !
ody911
كرر الكلام.. وايه المشكلة.. انت ح تكتبت كلامى حرفى؟
Radwa
r u as well?
socrates
اه..
بس كل ما أحاول اصر... لاء مافيش حاجة اسمها حد يجيب لى كرسى.. الاقى اللى يسبقنى وجاب
!!
ببقى ح أتجنن
ليه تحسسنى انى انسانة مختلفة عن الناس وليا معاملة خاصة.... ليه؟؟
مختار الغزيزى
فاكرة انك قلت القصة دى قبل كدة... وفاكرة انى كنت ولازلت مبهورة بتصرف البنت دى
ووالله بشكر اى حد يقف لى فى مواصلة .. انا معاك انى اكتر واحدة بتقزز من الالتحام المباشر مع الخلق... ونفسى فى مواصلة منفصلة.. بس دا لو انه قرار ع الكل.. مش عليا انا وبس
فاهمنى؟
انت جبتها فى وصف واحد..
"جنتلة موجهه"
وفعلا بحسها كدة.. ودى اللى برفضها بكلى
محمد البعلى
استاذ محمد... انا مش عايزة الرجالة تبقى "تنحة" ابدا.. الذوق فى كل الاحوال رائع وبيخلى الحياة احلى.. بس لما يبقى الذوق فى ان واحد يقف يجيب كرسى مش لان اللى قدامه "بنت" انما عشان هى "انسان"
يعنى زى ما وقف وشال كرسى لزميلته.. ممكن يقف تانى ويجيب كرسى لزميله او امه او اخته او ابوه.. او اى ست عجوزة فى الشارع... او راجل تعبان.. والشئ بالشئ يذكر للسيدات اللى ما بتصدق.. وتقول "انا اعزز نفسى" وأشياء أراها هبل فارغ
ما انا شايفة الرجالة معدومين النخوة اصلا اللى بيسابقوا الستات فى المواصلات عشان الكرسى.. واللى بيزنقوا مخصوص فى اللى جانبهم عشان دى واحدة ست... بس عمرى ما اقصد كدة ولا عمرى ح تمنى
انما كل اللى اقصده من كلامى وانت فاكرنى بكبر الموضوع.. زى ما قال مختار "الجنتلة موجهه".. وزى ما بقول لك دلوقتى..
"معاملة خاصة عشان انا بنت مش انسان"
وجهة نظر رائعة، ووضعتني أمام أزدواجية من الأزدواجيات الكثيرة التي نعيشها بحياتنا دون أن ندري.
أتمنى أن تستطيعي أن تعيشي غجرية كما تريدي حتى لو يشكل معنوي.
محمد البعلي: مش بس اللي اتفرجوا علي الأفلام الأجنبية وقرأوا كام كتاب غربي همه اللي بيقوموا للبنات ويتصرفوا بذوق. الأفلام الغربي والكتب بتاعتهم فيها كمان قلة ذوق وقلة أدب وعنصرية . والأهم انك لو ركبت أي مواصلة حقيرة في قري جنوب الجيزة هتلاقي الستات بتقف للرجالة والعكس مع ان الي بيعملوا كده فلاحين وعمرهم ما اتعلموا عربي ولا أجنبي. تفسيرك مرفوض شكلا وموضوعا. أنا عايش في الجيزة وبدون مبالغة اللي باحكيهولك ده بيحصل. شكرا وترجع لمصر بالسلامة
جميل :)
مش عارف ليه حسيت إن الوصف اللي وصفتيه للهوية غير المستهلكة هي أكثر توصيف مستهلك للحلم بالهوية الفطرية
يظهر إن كلنا بنحن للحياة الغجرية بشكل كبير
بس على كل حال لما حد يقولك إتفضلي كرسي ده مش معناه إنه شخص منافق و مخادع و أنتي فيمنست و شهواني ووووو
ممكن يكون راجل ذوق حقيقي و بيقف برضه للست العجوزة و بيساعد أخته و أمه و مراته في تسييق الشقة!
أعتقد لسه فيه ناس ولاد حلال!
نقل بدون تصرف "
وأنتي حينما ترمقيني في استعطاف رذيل لكي تحتلي مقعدي لأن مؤخرتك تعبت من عبث ذلك الذكر الذي يحتك بك لا تنتظري أن أكون اقل ذكورة منه"
فيه بنات بتحب كده
وكتيييير
نوع من الابتزاز للرجل اللي حيعتبروه قليل الذوق لو ماقامش من مكانه، والناس تبدأ تلقح عليه بالكلام .
الشاب ده مجبر
**
فيه بنات كتيييير لو اتعاملت عادي زي الولد بتتحول لكائن مدمر..
مش عارف قابلتيهم ولالأ.. أنا قابلتهم
الموضوع ده فكرنى بموقف حصل معايا، لما كنت قاعد فى أجتماع وبنت شالت كرسى حشان تحطه وتقعد علية، عرفت بعد كده أن البنت ديه اعتبرتنى قليل الذوق ومعنديش دم عشان سبتها تشيل الكرسى!!!!! كان فكرتى ان يأمه البنات تقبل معامله متساويه يأما متشتغلش. أتفق مع ابو باشا ان ده نوع من الأبتزاز بيخضع ليه شباب كتير.
السلام عليكم جميعا الاول
بصراحة كده انا مش شايف الموضوع ده مستاهل من كاتبته كل الزعل والغيظ ده ليه بقي
لأن زي ما الناس الحلوة دي كلها قالت
المجاملة من ولد لبنت بتبقي بسبب اما :
انه ولد ذوق بطبعه مع كل الناس(وانا معاكي ان دول قليلين)
او يكون بغرض لفت انتباهها له علشان حاجة من اتنين برضه:
اما انه معجب بيها وعاوز يتقرب ليها اكتر ومش عارف يعمل ايه
او انه بيعمل كده علي شان تحن عليه بنظرة او ابتسامة صفرا(واظن دي الحالة اللي مزعلاكي اوي)
بس بجد في الحالة دي انا شايف
انها متغيظش للدرجة دي بالعكس
اي بنت في الموقف ده بتقعد وتضحك في سرها علي العبيط اللي قام لها
ولسان حالها بيقول- كل يوم من ده والنبي-
وشكرا
كلامك منطقي و عجبني أوي
لي ملحوظة بس على شكل البلوج : النقط البيضاء اللي عمالة تنزل دي أولا خيالتني
ثانيا و أنا مركزة في القراءة حسيت زي ما تكون نازلة على وجهي و قعدت اهشها و أحك وجهي من غير ما احس :)
A7`eeeran wa7da fe handsa we betfakkar fe 7agaat tanya 3`ir el mozakra we elprojects we el midterms deeh akeed mo3geza ....A7medak ya rab !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Sharif (Handsa) lel2asaf !
http://sh-silver23.livejournal.com/
By the way ...I dont hate anything in the world as much as i hate the word "BASHMOHANDES" u really have a point here
SH
انا احب بنت وعايز اظهار اعجابى لها بالجنتلهاو ازاى اتعرف عليه
إرسال تعليق