الثلاثاء، مارس 25، 2008

إليها

"الموسيقى ذلك الفن الجميل المسموع الذى يأخذ الروح إلى آفاقٍ رحبة ويسمو بها ومعها إلى أعلى درجات المتعة الروحية. هذا الفن الراقى إستطاع البشر جميعا إستيعابه على مر العصور. وهو فنٌ قديم، قدم الزمان وقدم البشرية.
ومعجزة هذا الفن أننا نشعر به ولا نراه، ولكن معه نرى الاشياء أجمل ونتصور العالم من خلاله أروع وأرحب."


كالمعتاد، لا أعرف على وجه الدقة لما تذكرتُ هذه الكلمات والتى أحفظها عن ظهِر قلب. كنتُ أسمعها فى المرحلة الإعدادية والثانوية والجامعة على إذاعة البرنامج الموسيقى كمقدمة لأحد البرامج الموسيقية.

لم أتابع حال البرنامج الآن، وليس عندى أى معلومات عن المذيعة التى كانت تقدمه.
ورغم كل هذا وذلك، دائما أجد صوتها وطريقة إلقائها حاضرة تماما فى اذنى كلما فكرت فى وصفٍ للموسيقى.. فلم أجد أبلغ من هذه الكلمات.. بعد..

هناك 16 تعليقًا:

محمد عبد الغفار يقول...

فكرتينى بالذى مضى

مضى اوى اوى

إبـراهيم ... يقول...

دعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

.

. والدعوة عــــااااامــــــة ....طبعًا :)

Bongo يقول...

"بس عايزة أقول لك على سر
وأنا بلف على البلوجات من كام يوم كدة عديت على البلوج بتاعك... تانى يوم أصحى ألاقيكى معلقة عندى!
صدفة رائعة "

:D
رب صدفة

بالنسبة للموضوع

صوت مذيعة البرنامج الموسيقي ده تقريبا ماركة مسجله

تفوت الأيام و السنين و الصوت هو هو :D

AD sabry يقول...

its really fine description,
thanks for this post

abderrahman يقول...

:))
أيوه انا فاكر فعلا الاقتباس ده
بس مش فاكر مين المذيعة انا نسيت أسماءهم
تقريبا المذيعة دي هي زوجة عمرت خيرت، وبرضو مش فاكر اسمها
:d

السهروردى يقول...

أنا نشأت على صوت الست دى على فكرة وطبعا انا فاكر البرنامج ده كويس جدا
لأنهم كانوا أحيانا فى بعض الليالى بيركزوا على مغنى واحد ويذيعوا أغانيه
زى عبد الوهاب وشادية وأسمهان
وفريد الأطرش
على قد تذكرى من الليالى دى
:))
لكن الليالى الأكثر إثارة هى الليالى اللى كانو بيذيعوا الأغانى القومية والوطنية مرة واحدة كده من غير ما يفرقوا ما بين محمد عبد الوهاب وفريد الأطرش
:))

Lasto-adri *Blue* يقول...

@ محمد عبد الغفار
أه.. وأحلى ما مضى بصراحة
أيام الروقان.. ولا ايه رأيك؟


@ إبراهيم معايا
كان بودى والله أحضر، لإن بهاء طاهر من كتابى المفضلين على مر تاريخى
الا إنه الظروف وكدة
:)
ألتقى به وبأصدقاء ورقة وقلم فى وقت لاحق إن شاء الله


@Bongo
إنتى مش متخيلة الصدفة دى بتحصل معايا قد ايه!
بستعجب على تدابير الصدف قوى،
بس شئ لطيف برضو
:)


@ADsabry
you most welcome..

Lasto-adri *Blue* يقول...

@Abdou Basha
تصدق إنها أول مرة أعرف إن زوجة عمر خيرت مذيعة بالبرنامج الموسيقى
ولو إنها ما تنفعشى تكون غير كدة يعنى
لو مش رتيبة الحفناوى.. يبقى لازم حد متعمق فى الموسيقى بشكل ما
:D
وأنا برضو مش عارفة إسمها بصراحة.. ممكن أتابع فترة الإذاعة لحد ما أجيبه



@ السهرودى
ليه بس تدخل الأمور فى بعض! كدة أزعل منك
:P
البرنامج اللى بتتكلم عنه إسمه "مئة عام من الألحان العربية" ودا مختلف عن البرنامج "من الموسيقى الكلاسيكية" على ما أفتكر
برنامج الموسيقى العربية كان بيبقى كل سوم لمدة ساعة.. من 11 الى 12.. ويوم الخميس لأم كلثوم وباقى الأيام بتكون لباقى المطربين بالتناوب ... دا لمدة سنة على ما افتكر.. بعدين بدؤوا فى السنة التانية يذيعوا للمناسبات وأصوات مطربين آخرين
بصراحة مفتقدة برنامج مئة عام من الألحان العربية بشكل مريع!
كان شئ مقدس كل يوم لازم اسمعه
هييه دنيا!

وعلى فكرة يا هرو.. فإن هذه السيدة مختلفة عن اللى كانت بتقدم برنامج الألحان العربية
أنا مش عارفة الإسم برضو.. انما مقدمة "مئة عام من الألحان العربية" هى نفسها اللى بتقدم برامج متنوعة مثل "الموسوعة الثقافية" على البرنامج التانى
ودى لها قصص أخرى
انما اللى أعنيها فى البوست دا كانت مذيعة مذيعة يعنى.. وغفتكرت.. البرنامج دا كان كل يوم جمعة الساعة سابعة تقريبا!
الجمعة الجاية أتأكد
:D



أنسحب فى هدوء بعد الرغى!
وممتنة من تعليقات الجميع

allfollowsome يقول...

مسمعتش متعود اسمع موسيقى قديمة بصراحة لسه بادئ من فترة قليلة

جيل لولاكى وايهاب توفيق قبل ما يكوى شعره وعمرو دياب وبفه الشهير انغام ولطيفة واصالة قبل ما يعملو تقويم اسنان كده يعنى


الواحد حس انه عجز

سمعتى اغنية الدنيا خربانة

dr. Ahmed Sakr يقول...

الموسيقى لها سحر رائع ومغذى كبير فى أن الإنسان يحس بقيمة نفسه ويكون سارح فى ملكوت تانى لأنه بيحيا معها حياة تنسيه كل شئ

أحمد الدريني يقول...

يمكنك الاستعانة بصورة سونيلا مع الاشارة لمصورها"محمد علي الدين"،نشأ سونيلا في نيويورك،ولا اعرف علي وجه التدقيق هجاء اسمه..
اعذريني
...وعلي فكرة الموسيقي بتعمل اكتر من كده

abderrahman يقول...

المذيعة اللي كنت أقصدها اسمها نجلاء الغنام
:)

كلبوزة لكن سمباتيك يقول...

عجبتني قوي لما قالولي و قلت لا بس مش لاقية ليها مكان للتعليق
!!!
اه من الندم و الحيرة

عدو ثقيل

تحياتي

سبهللة يقول...

تحياتى وبالتوفيق ان شاء الله
فكرتينا بزمان وايامه الحلوة

FATMA يقول...

تعرفي انه ابلغ تعبير

نشعر به ولا نراه، ولكن معه نرى الاشياء أجمل

lazy_ocean يقول...

لست ادرى انا معجب جدا بكل الى بتكتبيه واجمل حاجه بحبها فى كتابتك انى مش عارفك ولا شايفك بس انت بتخلينى دايما اتخيلك
بالنسبه لموضوع الموسيقى هى بالنسبالى روح وممكن تكون مرايه لحالتى النفسيه فى كل وقت بس تفتكرى الموسيقه حرام,,حرام؟؟؟