.jpg)
كله الا هنا.. تيجى هنا يبقى أقول لك : "من فضلك إخلع أى أفكار ممكن تبقى أدرى .. تدرى.. يدرى.. تعرف ماتعرفشى.. كله برة من غير مطرود"
أصل يوم ما فتحت البتاع دة كنت محتارة أسميه ايه.. اسميه ايه؟!!
لقيت قصيدة الطلاسم قدامى.... ومعرفش انجذبت للكلمة لأى ناحية.. و ف الآخر بقيت "لستُ أدرى".. ناس قالت لى "انت "لست تدرى" لانك لا تدرى انك تدرين".. وحوارات فلسفية من هذا القبيل... لكنى أرجع وأقول... ياناس دقيقة سكون لله..
أدرى ما أدريش مش مشكلة... مين فينا يدرى .. ومين فينا يدرى انه مايدريش؟؟؟ كلنا على بعضنا فى فعل "يدرى .. درى.. دراية"... جهلة...
أقول كمان؟!
أقول كمان....
م الآخر كدة... احنا لا بنعرف.. ولا عايزين نحاول نعرف.... ولا بنعترف اننا مش عارفين...
بنجعجع كلام كبير.. ونيجى فى الصغير ونقطع.. هششش ولا كلمة...
طب حد يقول لى ايه فايدة الكبير.. لما الصغير نسينه؟؟؟
ايه فايدة انى اهتم باللى برة واللى جوة فاضى؟؟
وايه فايدة انى اشغل دماغى المنمنمة بحوارات جدلية لعقول عقيمة.. مادمت مش قادرة أفك ألغازنا البسيطة؟؟؟
يبقى أقول لحضرتك.. وحضرتك يا آنسة... اى حد ناوى يدخل هنا.. وبعد التحية والسلام.. يخلع كل الأفكار انه شخصية فركيكة بتفهم.. وبتعرف وبتدرى ... ح كتبهالك بالبنط العريض: "هنا مكان ممنوع الاقراب و التعليق .."
تيجى هنا.... تبقى شخصية عايزة تنسى انها تعرف اى حاجة...... اقول لك "أهلا ومرحبا فى الأراضى الـ "لست أدرية"...."
سكوووووت
سلاماتى
هناك 15 تعليقًا:
do I need a visa to enter your land:)) I am glad you r writing
تقريبا أنا كمان لست أدري
أوهكذا أظن..
ولاأقولك
لست أدري ..
:)
w b
"أنا دخلت عندك لأول مرة وقررت بعد ماقرأت البوست اني أسيب الجزمة اللي في دماغي ع الباب عملا بنصيحتك ... بس أكيد اني أحيانا لست أدري أنني لست أدري ... لأ أكيد ايه؟ ... لست أدري بصراحة
هنا مكان ممنوع الاقتراب و التعليق"
سامحني بس لم أستطع منع نفسي من التعليق
ياجماعة... ماقصديش انكم ما تعلقوش بتاتا.. تعلقوا وتنوروا
انما بقول.. تجى هنا يبقى سيبك من العالم اللى برة... اللى يتخانق يتخانق.. واللى يتظاهر مع نفسه.... الدنيا مليانا همومنا .. ومش ناوية ازودها للى رجله حدفته وجه هنا
فخمتوا.. ولا نقول كمان؟
:)
أحب أشكرك انك اتحتيلي الفرصه عشان أخلع دماغي بره النتلحسن مش عارفه أروح فين من الهموم التي تلاحقنا في كل مكان
مظاهرات احتجاجات ضرب بالجزم كل ده حوالينا داحنا لربنا معانا
تعرفي ان لست أدري دي طلعت أحلي كلمه لازم كلنا نتبناها
هو فى ايه ؟؟؟؟؟
انا لست أدرى اى شىء
:D
y3ny tab ana momken adkhol :)
ana mosh 3aref ana adri walla la2
bas i once met someone who knew everything.. and i've called him Master of all masters :D or SAYED EL3ARFEEN
he gave some of his papers .... long story ....
loved ur blog
طيب ماشى أدينى لستو أدرى أهوه
دخلينا الأراضى الستو أدرية بقى
:))))))))
يا بنتي اعصابك
الدنيا ما تسوى
حسيت انك معصبة وانتي تكتبي هالبوست
روّقي
هى الفكرة حلوة بس انا عن نفسى اشك ان هقدر اركن عقلى و همومى و افكاري اللى واثق انى ادركها فترة طويلة , لست ادرى ما الدافع و لكن اكيد هرجعلهم
ان شاء الله هعمل بنصيحتك والله احسن شىء ان الواحد يريح دماغه من كل شىء والمشاكل والهموم ويبقى لست ادرى
كلامك جة في وقته أنا بقالي مدة زي ماتقولي كدة فاصل شحن ومش عايز أفكر علشان كدة أديني داخل أبيض وعلي وضوء وزي الفل
أقولك على حاجة أنا سجلت فى اللللى مش عارف هوة إيه دة !!!؟؟؟؟
علشان أقرء مواضيعك حقيقى مش هبطل إلا لما أعرفهم كلهم
عندك أسلوب جميل
انا حبيتوا
إنك تسرقى الواحد من كل إللى حوالية
وتخديه فى مكان غريب !!!!
شكرا ليكى ولمواضيعك
إللى كلها حلوة ( مسكرة يعنى ))
إرسال تعليق