.jpg)
اليومين دول جوايا رغبة ملحة انى ماأكلمش اى حد ايا كان.. نفسى أمشى فى أى مكان ورغم ان كل اللى حوليا ناس معرفة الا انى أشوفهم.. عينى فى عيونهم.. وأسيبهم وأمشى.. من غير كلام أو سلام.. ومن غير ما حد يفتكر انى البنت المتنكة ولا اللى راسها فى السما ولا الكئيبة ولا.... مجرد اعرف ان كان ممكن اقف واتكلم معاهم لكنى اخترت .. لاء
و أكتفى بالحوارات الصغيرة مع الوجوه المتجددة.. "تذكرة لو سمحت".. "آخر الشارع من فضلك..".. "هو باكو الباسكوت بكام؟".....
اما باقى الكلام فأصبح بيصييبنى بالملل والسقم والغثيان فى أغلب الأحيان...
-- "ازيك؟"
-- "ازيك؟"
-- "الحمد لله"
-- "طب تمام"
مادام احنا الاتنين عارفين الاسئلة والاجابات بنسألهم ليه؟! ولا هو مجرد ملى خانات فاضية والسلام؟!
لاء بجد فكر تلاحظ مرة.. ح تلاقى كلامنا اليومى أصبح كالطبيخ البايت وساعات حمطان... كلام كلام كلام.. ملل ملل ملل...
-- "فينك ياراجل من زمان؟"
-- " ما انت عارف.. الدنيا مشاغل"
اووف.. و التليفون كمان... رغى فى الهبل اصلا.. ولا ليه اى لازمة فى الحياة.. ولانه اقرب وسيلة اقدر عليها.. شلته من أوضتى والموبيل مغلق بقى له يومين...
حتى هنا.... ساعات كتير بحس انه تضيع وقت وخلاص.. فى ناس بتستفيد من البلوجز.. انا عن نفسى فى البدايات كنت بستفيد من البلوجز عن جد.. انما دلوقتى بقى شبه دلق كلام فى الهوا...
لكن أرجع وأقول ع الأقل هنا مفيش اجبار أقول "ازيك... الحمد لله"... ويمكن دى الميزة الوحيدة
كأبتكم.. معلش.. بس سلاماتى برضو
هناك 12 تعليقًا:
علي فكرة احنا عارقين الاجابة لان دا بيسموا الكلام الساكت ذي شعبنا الجميل
عندك حق والله ساعات كده الواحد يصحي الصبح يلاقي نفسه مش طايق حد ولا عايز يكلم حد ويشعر بالملل من كل شيء
Welcome to the club
طب ما تحاولى تيتكرى حاجه جديده تقتلى بيها الملل اللى عندك ده
ممكن الحاجه اللى انت هاتبتكريها دى تبقى مجنونه
و ايه يعنى؟
المهم انك تحسى انك عملت شىء جديد غير المألوف ...تفرحى بيه تجدى حياتك
الناس؟....هما السبب
أو احنا السبب
كل حاجه نقول الناس الناس
التغيير ما بيجيش مره واحده
حبه حبه
و بيبدأ من اللى عايز يغير و يتغير
أقولك على حاجة مجربها
متكلميش أى حد لمدة 1 أسبوع لو قدرتى
وبعدين هتحسى بعد الفترة دى إنك عاوزة تكلمى القطط فى الشارع ( عينى عاوزة تكلمى أى حد ) ودة علشان هتحسى بشيء غريب بيشدك ويسحبك وهوة اللسان
ومش دايما المدة بتاعت الأسبوع دى بتنفع
هيه المشكلة حسب المشكلة يعنى لو مشكلتك كبيرة تبقى المدة كبيرة أما لو كانت صغيرة فالمدة هتكفى إن شاء الله
وبعدين أسئل مجرب ولا تسأل طبيب ,,,
مشكلة تحير بس كلامك لذيذ طب غيري متقوليش ازيك؟ و لو حد قالهالك ردي أي حاجة تانية
لست أدري الاشكال اللي بتكتب تعليقات عندك شكلها خوفني أوي بصراحة
اية ده انتو بتجيبوا الأشكال دي منين
واللهي يمكن انت شرحتي حاله عدت عليا بالظبط ..
في فترة فاتت حسيت ان الكلام مش منه فايده خالص ومن غير اي قرار مسبق ولا تفكير لقيتني خلاص مش عاوزه اتكلم ولا اشارك في حاجه .. حتى في البيت فضلت كده يوم كامل من الصبح لاخر النهار ..
يعني هي حالة بتعدي علينا .. بتكون تفكير صامت
تحياتي
emra2a methlya
كلمة كدة محشورة فى زورى..... عشان بتقولى
" اية ده انتو بتجيبوا الأشكال دي منين"
والفكرة مش فاهمة أشكال ايه بظبط؟
يعنى دول أصحابى.. او حتى زمايل التدوين اللى بعتز باى كلمة يقولوها... ولو ان شكلهم مرعب كدة.ز او انهم أشكال معرفش ايه... يبقى اسمحيلى أقول لك "مرحبا بيك فى عالم الطبيعى بتاعنا"
تحياتى
lasto i thought u were angry from my comment on the bloggers logos :) anyway mashi kalamek i was just kiding, i know en everyone here is 3ala taba3to , how dare i maslan telling anybody that i am a lesbian but i can do it here in blog space .......,i know well that we should accept any diffrent any any diffrent ,no judgment no hate.....and here we are in blogspace i can see that ya3ni in most of it so
vive the bloggers
and u do well in ur exams
ولا اكتئاب ولا حاجة اللي انتي بتقوليه ده كلام متوازن جدا وشعور طبيعي بالعبث اليومي المستمر
اقتراح بما انك بتحبي مارسيل اية رايك تسمعي سعاد الماسي بتغني راي وامازيغ مهم تسمعيهاوابقي قوليلي رايك
I have the same feeling..u know why?? maybe cuz u got tired from having to smile in front of people who u don't like or they don't like u or u feel they r just fake.Try to go away for a while & be surrounded by only the ones who really care for u and be urself to the fullest.It might help
-but sure after exams-
إرسال تعليق