الأحد، مارس 01، 2009

إستدراك لموضوع "عن النشر الورقى"

أشكر الظروف التى دفعتنى الى التعليق على موضوع جريدة الشروق والمدونين، وبالتالى كانت سببا لبداية مراجعة جديدة لأفكارى بهذا الخصوص.
أعترف أمامكم أننى لا أعرف الكثير، بل لم أحاول معرفة الكثير عن موضوع حقوق الملكية. أقرأ جملة "جميع الحقوق محفوظة" ولا أعى أهميتها، فأضعها كما هى فى مدونتى على مدار أربع سنوات. وكذلك كنت أقرأ عند بعض المدونين رخصة المشاركات الخلاقة وأبتعد..
ثم جاءت زمان الوصل لتعلق على ما كتبت. ولا أخفى عليكم، لم أكن أعرف من أين أستقى حججى. كنت أتحدث بما أراه الأصلح، لا بما أعرفه.
فتوقفت للحظات وفكرت..

وبعد المراجعة والبحث والإستماع الى أكثر من محاضرة من جامعات عالمية مختلفة، قررت أنا الشهيرة بـ "لستُ أدرى" التخلى عن رخصة "جميع الحقوق محفوظة" وإستبدالها برخصة المشاركات الخلاقة "بعض الحقوق محفوظة".. *

والرخصة التى إخترتها لنفسى تكفل لأى فرد حق النقل أو الإقتباس عنى بلا إستئذان، لأنى قد منحت الإذن مسبقا ، ولكن مع الإحتفاظ بحقى الأدبى بذكر المصدر، والمحافظة على المادة المنقولة بلا تغير أو عمل مشتقات منها وعدم إستعمالها فى أعمال تجارية الا فى حالات معينة.


وهذا للأسباب التالية:
1. لإيمانى بأهمية الثقافة المفتوحة
2. وازع داخلى للمعاملة بالمثل مع باقى افراد العالم
3. كى أنتهى تماما من الشعور بالذنب
4. لكراهيتى لحب الإنسان فى خلوده التملكى


لمعرفة المزيد عن الرخصة يمكنكم زيارة الموقع الرسمى. (وهنا للبلوجر و للورد بريس . ويمكنكم ايضا إستكشاف هذا المحرك البحثى)


بى اس:
* كتبت ما سبق مع علمى إن بطنى بتكركب فعلا.. وإنى حاليا موهومة بفكرة إن أعمالى -مهما كانت تافهة- الا أنها أصبحت متاحة لكل عابر سبيل.. ومع العلم أيضا إنى لا يمكن كنت أتصور نفسى فى الموقف دا لحد إسبوع فات

إحتمال أستكمل كلامى فى مرة قادمة. هذه المرة كانت للعلم بالشئ دون توضيحات**

هناك 13 تعليقًا:

بنت القمر يقول...

ايون ولما تلاقي ما تعتبريه تافهابينزل غير كامل ومبتور ومن غير معرفتك مرة ومرة كامل ولينك مددونتك غلط وعمال بيتباع ويتشري ويتعمل ورق جرايد وقراطيس لب
ها تتخلي نهائيا عن الفكرة وها تحطي قفل علي المدونه:))

Bella يقول...

كويس يابلو انك غيرتي المكتوب بما يتسق مع اقتناعك الجديد بحرية تداول المعلومات وتسهيل النقل وخلافه

لكن الغريب انك بطنك بتكركب من مجرد التفكير في ان حد ممكن ينقل من مدونتك رغم انك اعطيتيه الحق ده وتستكثري على غيرك ان يعترض على النقل عنه ويرفض التشويه الذي حصل لتدويناته

ارجو ان يكون اقتناع كامل منك لايعقبه ندم او تراجع وفي نفس الوقت اختيارك غير ملزك لغيرك بمعنى الا تطالبي بتعميم هذه الموافقة على المعترضين على النقل عنهم بدون استئذان

تحياتي

زمان الوصل يقول...

إيه ده أنا اسمى مكتوب !! :) ده شئ يسعدنى على فكره و أنا بردو كنت باتكلّم من واقع ما أظنّه صحيحا و ليس لدىّ معلومات عن موضوع حقوق الملكيه الفكريه ..

كما قلت فى تعليقات سابقه أنا شخصيا غير متضرّره لكنّى كنت أدافع عن حق المتضرّرين فى أن يكون لهم موقف مخالف عن موقف المؤيّدين .. كل إنسان من حقّه تقدير أفكاره بالطريقه التى تروق له

تحيّاتى :)

بنت القمر يقول...

http://www.blogger.com/terms.g
يا ريت نبص علي موضع الملكية الفردية في جوجل علي الرابط

Lasto adri *Blue* يقول...

@ بنت القمر

كتبت كلامى مع علمى الكامل إن فى مصر مافيش حد بيحترم حقوق الملكية.. كلنا بننتهكها، إبتداء منك ومنى وإنتهاء بأكبرها مركز فيكى يا بلد.
ورغم كل دا قررت التغيير النهائى عشان مش عايزة كلمة "جميع الحقوق محفوظة" تستمر كمسمار جحا بالشكل المتعسف دا.. وياريت تقيسيها على المجتمع الأكبر، مش حبة كلام منقوش ع المدونات خايفيين عليه.
ولقناعاتى دى حسيت إنه واجب عليا أبدأ بنفسى لو كنت فعلا عايزة العالم أفضل..

Lasto adri *Blue* يقول...

@ زمان الوصل

أنا بشكرك لإن لولا النقاش معاكى ماكنتش حاولت أفكر. رأيي صح يحتمل الخطأ، ورأي غيرى خطأ يحتمل الصواب.. وعشان أعرف رأي غيرى محتاجة أناقش.. ودا اللى عملته معاكى
أنا وإنتى غير متضررين من الشروق.. لكن دا لا يمنع إننا نناقش ونشوف الأصلح والمتسق مع قناعاتنا الشخصية..
تحياتى لك إنتى :)

Lasto adri *Blue* يقول...

@ بيللا

أولا.. ماكتبتش ولا كلمة ملزمة لغيرى. ممكن تراجعى كلامى تانى. رأيي إنى رفضت الموقف الفلانى فهو رأيي الشخصى اللى كتبته على مدونتى الخاصة. ماجتش فى مدونة غيرى وكتبته..
ثانيا.. أيوة طبعا مرعوبة من الفكرة. لكن فى نفس الوقت مقتنة إنى لازم أعمل كدة. فى فرق بين هوى النفس والقناعات أو الفروض. واعتقد إن فى أشياء كتيرة فى الحياة بنفعلها مش عشان عايزين.. غير إنه لا يقلل منى فى شئ إنى أشوف الأصلح -من وجهة نظرى- وأعمله.. زى ما انه لا يعيب فى أى فرد دافع عن حقوق ملكيته.. دا كلامه وهو حر فيه.. لكن لا يجبرنى على عدم التعليق
ويمكن بالعكس.. إنى أفعل هذا وأنا مرعوبة منه يزيد من قدر نفسى قدام نفسى.. ودا ما أطمح له
ثالثا.. بحمد لله عندى ما يكفى من الخبرة والتفكير الناضج اللى يسمح لى إنى أتخذ قرارات ولا أندم عليها

هوندا يقول...

برافو يابلو تعرفى ان عجبتنى كلمتك جدا ان محدش فى مصر بيحترم الحقوق الملكية بدليل ان اغلبنا بينزل كتب سوفت كوبى او افلام او او او

لكن الاجمل اننا نكون فعلا بنطالب بحقنا وفى نفس الوقت نؤدى واجب الغير علينا

انا مقتنعه تمام ببعض الحقوق محفوظة لان العلم لم ينشأ ليحتكر

ولو كان كده كان زمان جهله
المهم ان يذكر لينك للموضوع وخلاص

إبراهيم شعبان يقول...

يا ريت كل واحد فينا يبقى عنده نفس شجاعتك في مراجعة أفكاره

تحياتي

غير معرف يقول...

لا تقلقي يا عزيزتي.. حقك محفوظ وبشدة مع الكرييتف كومنز.. أنا بابحث في الموضوع ده من كذا سنة سواء على مستوى رخص البرمجة أو رخص الوثائق أو النصوص المكتوية.
ح تسأليني ليه حقي محفوظ أو مش ح تسأليني أقول لك
أولا عاجبني انك فاهمة الكومنز صج.. لكن لو فاهماها صح قوي ما كنتيش ح تخافي أبدا..
الشروط اللي بنفرضها كومنز بتضمن لك حاجتين قي غاية الأهمية:
أولا نسبة العمل إليكي بالشكل اذي تحددينه.
ثانيا عدم استخدامه استخدام تجاري: وطبعا النشر الورقي بغير اذنك هو استخدام تجاري.. إلا اذا كانوا ح يعملوه منشورات معدة للتوزيع قساعته حتتمني بجد انهم ينتهكوا حقوق ملكيتك.. D:
بهزر طبعا قصدي يعني ان النشر الورقي بدون اذنك سواء في جريدة أو كتاب بدون اذنك هو مخالفة لشروط الرخصة.. قأذا اذنت بذلك يبقى خرجت بالنص عن موضوع الرخصة وده حقك طبعا لأنك صاحبته
تدوينتك في امان مع المشاركات المبدعة.. انا عاملها عندي وربما تكوني قد سمعت بمعارضتي للنشر الورقي غير المرخص..
تحياتي

AbdElRaHmaN Ayyash يقول...

جميل اوي
انا عارف فعلا الكومون معرفش ايه دي :)
لكن مكنتش متابعها اوي
عموما كده افضل كتير

ألِف يقول...

جامد يا بلو :)

و لو أن الترجمة المعتمدة ال هتصدر قريب غالبا هتكون "المشاع الإبداعي".

فيصل، أنت علقت تعليق مشابه عن رخصة المشاع الإبداعي عند إبليس و أنا عقبت عليك. كلامك بخصوص الحماية من الاستغلال التجاري بشكل مطلق غير صحيح. هو اختياري.

freeSoul يقول...

for a while i wanted to add the "all
right reserverd"
tag then i decided not to do

actually all i car is to say something out loud, and if somebody is willing to help me spread it, i will be thankful, and all i care for is that, he doesn't edit it and put my name on it, if he edit it, then it is not mine and i don't want my name on it, and that is all