.jpg)
أثناء قمة انفعالى فى الحديث عن مغامرات البحث عن عمل.. تأتى طنط فلانة لتسأل:
-- ما شاء الله.. الأيام بتجرى.. اتخرجتى خلاص؟
-- الحمد لله يا طنط
-- ها.. وايه؟.. اتخطبتى؟
-- لاء
-- مم.. ماتخافيش.. فستان سهرة جامد على كام فرح.. وربنا يسهلك
ولا عزاء للشحاتين!!
سلاماتى
-- ما شاء الله.. الأيام بتجرى.. اتخرجتى خلاص؟
-- الحمد لله يا طنط
-- ها.. وايه؟.. اتخطبتى؟
-- لاء
-- مم.. ماتخافيش.. فستان سهرة جامد على كام فرح.. وربنا يسهلك
ولا عزاء للشحاتين!!
سلاماتى
هناك 21 تعليقًا:
طيب وليش لليوم مش راضية تنخطبي مثلا يعني ؟
هى افه فى المجتمع
الى ما اتخطبتش تبقى يا عينى عليها
واللى اتجوزت وما خلفتش يا عينين عليها
واللى خلفت بنت ربنا يعوض عليها بالولد
ثقافه رجعيه
:S
هو مفيش حل في الموضوع ده، ما يسيبوا الناس في حالها
طنط نسيت تحدد وتقول الرقص في الافراح
جزاها الله خيرا
:)
يعني انتي صعبتي على الست خالص .. بما انك يا حرام اتخرجتي وكبرتي شوية ولساكي "ناقصة" ولا يمكن اعتبارك فرد مكتمل في المجتمع
ماهو أي ست من غير راجل تبقى ناقصة
وبعدين نصيحة "اختوية" زي أخوية كده :)
اتعودي على كده .. انا بسميها الملاحقات الاجتماعية .. دايما هيبقى فيه حاجة ناقصة لازم الناس تسألك عليها وتفكرك بيها دايما ومن وجهة نظرهم هي اللي ناقصاكي ومعكرة مزاج حياتك
لو بتدرسي يبقى لسه ما اتخرجتيش
لو اتخرجتي لسه ما اشتغلتيش
لو اشتغلتي ما اتخطبتيش
لو اتخطبتي ما اتجوزتيش
لو اتجوزتي لسه مفيش أطفال
لو فيه بنت يبقى يا رب ولد
ولو ولد يبقى يارب "تخاويه"
ولو اتنين ربنا يزرقك بالتالت
ولو معاكي اولاد يارب تعلميهم
وبعدين المدرسة وبعيد التخرج ...
وهكذا يا عزيزتي دواليك .. حتى زواج أولادك بإذن الله ..
:)
..
الخطوبة جزء من أحلام الإنسان والواحد لما يستعجل على أحلامه مش بيعرف يستمتع بيها
حتى لو اتحققت
تقريبا كل واحدة مدونة مش مخطوبة اول مابتتخرج لازم تكتب عن الموقف ده
احنا فى مجتمع دماغه تعبانة والله
مهما عملتى ..قليل اللى بيفهمو ويحسو بقيمة شغلك ومجهودك
صحباتى بيروحو افراح ناس صحاب ناس قرايب ناس ولاد خال ناس من بعيد ..علشان الفكرة المقدسة دى
لو لقيتي فرح كويس قوليلي عليه وانا عليا الفساتين
:-)
مدونة جميلة
أتساءل أحياناً، هل العيب في الأهل والأقارب.. أم في الفتيات أنفسهن؟
نعم، هذه العبارات المزعجة التي تلاحق الفتاة عن الخطوبة أو الزواج ثم الإنجاب، تشبه نصل السكين الذي يخترق ويؤلم
لكن لماذا توقع الفتاة نفسها في هذا الفخ، فنجدها في أحيان كثيرة خضع لهذه الصورة النمطية وتتخلى عن إرادتها في الاختيار أو حتى تتخلى عن شخص يحبها لتبحث عن العريس الجاهز..خاصة أن هناك من ترى بالفعل في مكاتب العمل والأفراح فرصة لتنفيذ مبدأ العرض والطلب
لا أقول إن كل الفتيات كذلك، لكنني أتعجب فعلاً من أن المرأة عندنا تلقي باللوم على الآخرين دون أن تتغير هي وتملك من النضج والوعي وقوة الإرادة ما يجعلها تختار ما تريد..ومن تريد
الوعي والنضج يمكن أن يكونا طريقاً للتخلص من التعليقات السخيفة، والصورة النمطية
ههههههههههههههههههه
لا تعليق بجد
يا عيني بس واضح إنك صعبتي عليها خالص يا بلو
بقول لك إيه سيبك إنت ماتخليش كلام حد يأثر فيكي
:)
Ya gama3ah ma el 3awageez beto3na kollohom keda and we always swallow it so he don't hurt their feelings. 3addeeha ya blue. I know you have a big brain
عادى بقة مجتمعنا المصرى
أودى
ده بقي للولاد كمان
انت متخرج وبقالك كام سنة بتشتغل ولسه ما تجوزتش ، ده فلان اللي اصغر منك بخمسين سنة اتجوز وعياله قدك
تصدقي بالله
بعد ما كتبت التعليق نزلت روحت لواحد قريبي أول سؤال سالهولي هو إنت لسة ماخطبتش
:S
lol
motkarer gedaaaaaaaaaaaaan!
ka2n mn ba3d el ta7'rog msh lazm no3od aktar mn ekda mn 3'eir debla :D
BALA NEELA!
أحسن حاجه فوتى
المستقبل المهنى أهم لأثبات ذاتك
عارفه أن أيجاد شغل أمر صعب
أنا فاكره أنى بحثت عن عمل لشهور
بس ربنا بيكرم فى الأخر
ربنا يوفقك
لما تشوفى طنط فلانة دى فى الطريق , ابقى امشى من شارع تانى
ريحى راسك
ونسيت اقول ان الموضوع ده مش للبنات وبس
انا عندى 26 سنه يعنى بمقايسسنا دلوقتى ماكبرتش اوى
وبتسأل ليه مش خاطب فى كل حته وكل وقت
مش عارف ده يهم الناس فى ايه
هما بيحبطوكوا قوي كده باستمرار؟
شىء سخيف فعلا
شدوا حيلكم
أنتوا برضه نساء وجامدين وتتحملوا
تحياتي
زي حالتي بس أنا بقي جدتي قربت تقولي عنستي خلاص وانا ببصلها ببرأة جداً وأقولها لأ لسة شوية هههه
بوست جامد
:D looooooooooooooooooooooooooool
begadd, e7na leena el ganna :D
howwa da el sabab enn we grow stronger than men emotionally :D
شوفى بقى ياستى .انت جيتى على الجرح .على الوجيعة يعنى.بجد احنا عندنا شويه أفكار عاوزة تتولع بجاز.تحسى كده والله اننا فى سوق وبضاعة وحاجه كده مش ادمية بتاتا.بجد لو تسمعى المصطلحات الى بتستخدم فى موضوع الجواز والعريس ده تحسى انك عاوزة تصوتى. الام: يابنتى البنات مرطرطة والسوق واقف.
البنت :مش متقبلاه خاااااالص
الام:هو ده وقت دلع الراجل ميعبوش الا جيبه.
طيب بزمتك نخاسه ولا لا.
تحسى كده انه جاى يعاين البوضاعة .نقول ايه
مم.. ماتخافيش.. فستان سهرة جامد على كام فرح.. وربنا يسهلك
ولا عزاء للشحاتين!!
فعلا
فكرتيني بخالتو كل اما تشوف خلقتي تقولي مكياج دلوابكم بيتحنط ههههههههه
اقولها وماله يعبق ويتخمر ويبقى آخر تومام
في حد لاقي احسن من كده
تحياتي جدا
إرسال تعليق