الاثنين، أبريل 11، 2005

فوق الضلمة

و الله من غير مقدمات.. دا زجل.. او شعر.. مش عارفة بجد ممكن أصنفه ايه..
بس هو دخل قلبى جدا جدا .. و حبيته قوى.. عشان كدة هشاركه معاكم.. و على فكرة أنا متأكدة إن "أحمد الديب" اللى كاتب الكلام دة.. فى وقت قليل جدا هيبقى كاتب و مشهور فعلا..
لإنه عنده إحساس عالى حقيقى..

فوق الضلمة
لما الدنيا تضلم جدا
بأمسك قلمي
و أقعد أشخبط
بأرسم كلمة
كلمة و كلمة حروف تتربط
أيوة ساعات الكلمة تخونني
طيف الفكرة بيهرب مني
جايز أتلخبط
لكن دايما
مهما الدنيا تضلم جدا
مبغمضش و أقول أنا خايف
بأفضل شايف
حلمي و أملي
لازم قلمي يموت ألمي
أصل أنا عارف
إن الحبر نقط من دمعي
نقطة بنور القمر الكاشف
تنزل تروي الورق الناشف
لأ
أنا آسف
تنزل تروي خدودي الأول
قبل ما تنزل
تروي الورقة

أكتر من رائع يا أحمد أنا هتابع أعمالك ديما.. إوعة تبطل

هناك 7 تعليقات:

minesweeper76 يقول...

فعلا جميلة جدا.. بس على فكرة إسمه أحمد الديب مش أحمد أديب

wa7da_masrya يقول...

فعلا حلوة أوي الأبيات دي
شكرا يا لست أدري
و يا
minesweeper
"أبوسرة ولا السكري أهو كله برتقال"
دي مزحة ,شكرا لتصحيح الإسم

Sou يقول...

HEY!!

I wondered where you disappeared off too!!

And btw, the poem is beautiful! Eih bas il hidden talents dee? ;) Way to go girl! You're making us proud ;*

Shex يقول...

حلوة قوي بجد يا لست أدري

فكرتني بقصيدة اعتقد انها كانت لفؤاد حداد غناها احمد زكي الله يرحمه في فيلم هيستريا

..ان ماعرفتش تضحك
ماتدمعش.. و لا تبكيش
..و ان مافضلش معاك غير قلبك
..اوعي تخاف
مش حتموت..هتعيش
..و ان سالوك الناس عن ضي
جوه عيونك مابيلمعش..
..ماتخبيش
..قولهم العيب مش فيا
ده العيب في الضي
..و انا مش عاشق ضلمه
و لا زعلت الضي
..مسير الضي لوحده هيلمع
..مسير الضحك لوحده هيطلع
..مابيجرحش
و لا ياذيش..

Lasto-adri *Blue* يقول...

شكرا يا mine العتب على السبلنج والله.. بس أنا صلحتها خلاص.. شكرا تانى

واحدة مصرية: أنا مبسوطة انها عجبتك يا سكرة

$&!: أنا هنا والله..بس الامتحانات بس هى اللى معطلانى.. أول ما أخلص ، هتزهقى منى على البلوج بتاعك.. دا وعد من واحدة صحبتك

Shex: فينك من زمااااااان
أنا كنت بدور على الأغنية دى من مدة.. لأنى حسيت انها قريبة قوى منى
شكرا جدا جدا جدا

Shex يقول...

U r more than welcomed ya gameel..:-)

EddEEb يقول...

assalamo 'alaikom
i have nothing to say.
im really flattered!
i don deserve that Wallahy.
ana Ahmad Eddeeb.
a big fan-& luckily friend too-of Zeryab (ahmad elfakharany)

Dear miss blogger;
I dont even know ur name
but begadd Thank U

P.S. Im not writing in english to (atfashkhar) but my keyboard-in that cyber-has no arabic letters on.

P.S. 2:
Thanx for correcting my name!

All my appreciation,
Ahmad M. Eddeeb
http://www.postpoems.com/members/eddeeb