.jpg)
اوقات مش بعرف بالظبط ان كنت سعيدة ولا متضايقة. نهال مرة قالت لى.. "مش عشان زمان عرّفوا احاسيس زى السعادة والفرح والحزن والألم، يبقى لازم نكون فى حالة منهم. لكل واحد حالاته الخاصه اللى يمكن لسا ما اتعرفتش." ..
ومن ساعتها ودايما بحس أغلب حالاتى لسا ما اتعرفتش..
وتيجى من أبسط الأسباب..
سلاماتى
ومن ساعتها ودايما بحس أغلب حالاتى لسا ما اتعرفتش..
وتيجى من أبسط الأسباب..
سلاماتى
هناك 10 تعليقات:
تصدقى صح
كتير فعلا ببقى حاسة بحالة ولما حد يسألنى مالك معرفش ارد .. ولو رديت برد غلط لانى مش ببقى عارفة فعلا مالي
الله المستعان
تحياتى ليكى ولصحبتك العبقرية
w Happy New Year :D
بصي يا لست العزيزة في حاله صعبه
وحاله وحشه
وحاله ميئوس منها
ههههههههه
وحاله بقا فيها استحاله علي رأي ورده
حاله فيها استحاله ما تفسرهاش قواله ولا شكوي ولا حنين
اهي حاله
حاله
واعتقد ان حالتي من النوع الاخير اليومين دول
هابي نيو يير
هابي نيو حاله
hmmm shakly 3akkeit :Y
أصل دلوقتى الحالة الواحدة ليها تفريعات و تعريفات و درجات كتييييييييير
أنا عن نفسى ببقى عارفة مثلا انى زعلانة بس مش عارفة مفروض ازعل ولا لأ و فى العموم كده كلنا زعلانين بس احيانا بنزعل أوىىىىىىىى
معلش على كل الرغى ده
عجبتني أوي مدونتك
سلام عليكم
هو احتمال برضه
بس الحالة الخاصة اللى حضرتك بتتكلمى عنها
هى مزيج من الحالات التى عرفت سابقا
بتختلف فى شدة أحدها عن الاخر
و اختلاف الشدة طبيعى من انسان لانسان
انما انها تكون حالة لم تعرف بعد
فهذا صعب جدا
المنطقى
ان الحالة مزيج من حالات معروفة و معرفة مسبقا
جزاكم الله خيرا
د.حمـــــــاس
السلام عليكم ورحمة الله وبركاته
عجباني اوي مدونتك وباجي هنا كتير بس اول مره اعلق
حبيت اني بس اقولك وانا كمان زيك بامر بحاله مش عارفالها اسم
بين الفرح والزعل الرضا والسخط والاكتئاب والسعاده
ممكن تسميها :
حالة بين البينين
هي حالة
ساعات بتبقي مالهاش وصف ولا سبب
بتحصل كتير
ومش بشغل نفسي
إيه لزمة إني أحدد حالتي؟
تحياتي
dear lasto,
i feel what feeling,
for me its difficult feeling,
but i dont in it,i just dont care.
إرسال تعليق