الاثنين، نوفمبر 12، 2007

فى خبر التصور

لم اكن اتصور انى سافعلها واجلس لآكل فى مطعم وحيدة.. حتى فعلت
لم اكن اتصور انى سافعلها واجلس لآكل فى مطعم وحيدة.. حتى فعلت

هناك 15 تعليقًا:

islamz يقول...

قد يحتاج الانسان احيانا للوحدة
مش المهم وحيد فين فى بيته فى شغله حتى لو بياكل لوحده فى مطعم .. احيانا الوحدة تكون مسكنا لالم نفسي .. او فترة يحتاجها العقل ليعزل نفسه عن العالم ومشاكله
او وقت جميل للتفكير فى اشياء اجمل كالمستقبل الذى نتمناه ..
قد يكون ايضا وقت استرخاء خاص
اذا اقتحم شخص ما هذه الوحدة نتضجر
ونخرج عن حالة الاسترخاء ..
يعنى الوحدة مش على طول موحشة ...

اتمنى لك السعادة دوما وحب الناس لكى اكثر واكثر .. والا تكونى ابدا وحيدة
تحياتى لكى :]

Abdou Basha يقول...

هل هي مشكلة أن آكل في مطعم لوحدي؟
بالعكس اجد في هذا المشهد - أحيانا - نوع من الحرية، خصوصا إن شاءت الظروف ان يكون أغلب من حولك ناس غلابة مخهم على قدهم
أحيانا يكون المنظر موحش، لكن نصيحة ابوية مني.. الأهم هو الثقة في النفس في اي مكان ، سواء أثناء الوحدة أو في وقت الزحام مع البشر
**
رأيي إنه كمان الخطر بيكون من التوحد مش الوحدة
وقصدي بالتوحد معناه كإعاقة في التواصل مع الآخرين

Sherif يقول...

حصلت لي كثير..
بس أول مرة إتأثرت كانت في رمضان 2005، كنت في كندا، و رحت فطرت أول يوم في رمضان لوحدي في مطعم إيراني عشان أحس بالجو الشرقي.. و كان بقالي هناك سنة كاملة بعيد عن أهلي و صحابي.. ماخدتش بالي إلى لما لقيت دموعي بتقع في طبق الرز.. بس بعدها اكتشفت ان الكفتة بتاعتهم جامدة موت فاتلهيت فيها :)

ماشى الطريق يقول...

:(
أنا الطبيعى إنى باكل فى مطعم لوحدى
الأوقات اللى باتغدى فيها مع حد بتبقى أوقات قليلة جداً
التدوينة دى وجعتنى أوى
و شكلى مش حاكل النهاردى بسبببها
:d

حسام يقول...

كان بدري عليكي يا لاستو! انا عملتها بعد عمر طويل من الانشغال والانهماك في الدنيا
بس إيه رأيك؟ ممكنه صح
:)

بنت القمر يقول...

برضه عملتها بس شرب شاي او قهوة وحدي
عادي الوحده خير من رفيق السوء
تحياتي

السهروردى يقول...

مبروك
وإن كنت شايف إنك بتهولى من الموضوع قوى
:))
حاولى تبقى تتفرجى على الناس من نظرة حيادية تأملية كده، الرايحين والجايين فى الشارع، اللى بياكل واللى مستنى الأكل والجرسونات والكاشير، حتلاقى إن الموضوع أكثر تشويقاً من الأكل ذاته

islam yousef يقول...

مش عارف ليه انت بتستغربى من كده
ده الطبيعى
انا اما أكون عايز أبقى مع نفسى بروح المطعم او الكافيه
مع ان بيبقى زحمة
لكن وجودى فى وسط الناس بيحسسنى بنفسى اكتر و يخلينى احس بذاتى فى مواجهة الآخرون
اللى أنا قاعد أتفرج عليهم
ممكن تقولى المافيه بالنسبة لى
شباك ببصمن عالخلقو البشر فرجه مجانية بتدعوا للتأمل

تحياتى

Lasto-adri *Blue* يقول...

@Islamz
بس انا مابحبهاش...
ونادرا لما اقول عايزة وحدة وتكون لسبب معين... انما فى المجمل صعبة عليا

@Abdou basha
فعلا يا عبدو لحظتها ما كان فارق معايا اى معنى فلسفى للتوحد او الوحدة او الغلابة ولا المنكوبين
اللى فارق معايا ان عمل انسانى بحت زى دا ينقلب فى لحظة لمجرد اشباع غريزة
دا اللى كان فى مخى بس

@Sherif
ربنا ما يبعدك عن اللى تحبهم.. ولا يبعدنى
الاكل كان عادى... بس اثر فيها قوى انى لوحدى من غير حد
قد ايه احساس صعب

@ماشى الطريق
انت عارف انى ماكنشى قصدى اوجعك او اوجعنى.. انما كان لازم اسطر الموقف دا فى مذكراتى... اليوم دا كان اول مرة اتوجع بالشكل دا

Lasto-adri *Blue* يقول...

@حسام
مافيش شئ مش ممكن يا حسام.. ممكنة وحصلت و ح تحصل كتير
انما بجد اللى اثر فيا ان نفسى كانت صعبانة على نفسى قوى


@ بنت القمر
عملتها فى انتظار صديقة لفترة مش قصيرة فى كافيه... ورغم ان عارفة كمان حبة ح اقابل انسانة ما... انما كنت متضايقة
واضح ان فى شخصيتى شئ غلط


@السهرودى
ماكنشى مبهج
وجايز اكون بهول بالنسبة لك.. انما بالنسبة ليا... لاء خالص

@Islam Yussif
منا ماكنش نفسى اكون مع نفسى يا اسلام
حصل خير..
واليوم عدى وراح.. ومين عارف... جايز.. جايز فى يوم اكتب انى اتعدوتها

Maxxed`ouT يقول...

عادى
انا باكل لوحدى كتير اوى
يمكن اتعودت غلى كده من ايام باريس
بس الموضوع ما بيخضنيش خالص

غير معرف يقول...

أنا باعملها لما بابقى عايزة أركز ... أكتب ... أتأمل ... وابتديت الحكاية دي من وانا عندي 19 سنة تقريباً ... ساعات ماتلاقيش صديق ترتاحي له غير نفسك ... شكلك كده مش مصاحبة نفسك يا لست أدري !! خايفة تواجهيها لوحدك!!! بس بوست جميل ومركز... المفارقةإنك كنت فاكرة إنه مش هايحصل قبل عشر سنوات على الأقل .. وأهو حصل !!! ه

Epitaph يقول...

وفى اى حالة من دول... اظننى حبقى فى قمة اكتئابى لو انى اضطريت فى يوم آكل لوحدى
ودا اللى حاسة انه احتام مايكنش بعيد


ده كان ردك علي تدوينتك السابقة

هل بقي النبؤة لما حصلت
كنتي مكتئبة؟
:(

Lasto-adri *Blue* يقول...

@maxxed out
جايز كون عشان انت اتعودت
بس انا مرعوبة كل يوم اروح الشغل لاضطر آكل لوحدى...
وايام كتير بطنش وماكلش


@anon
اكدب لو قلت مصحباها
دى شرانية ومفترية يعنى
بس هو احساس وحش الوحدة دى
بالزمة حتى لو مصاحب نفسك الروح بالروح مابتصعبشى عليك؟


@epitaph
اه يا ابيى
قوى

AZ يقول...

معلش هقولك ايه
مانتى مجربتيش تاكلى مع ناس تصد النفس... ربنا مايوريكى يا لوزه