الثلاثاء، أكتوبر 16، 2007

بسيطة

ربما هى ابسط كثيرا مما كنت اتخيل.. وربما هى حلوة الروح أكثر بكثير عما كنت اقول..
وربما ليس لها اسباب.. لأنها هى، بكل ما فيها، تأتينا على غير الاسباب والمواعيد..
لحظةٌ واحدة وترى العالم عكس ما كنت تعرفه.. ارحب وانقى وابهى..
لا تلتفت وراءك طويلا، ولا تبحث عن شذرات ظلال..
اترك نفسك، واركض لمنابع النور..
لحظةٌ أخرى وتصبح كل الوجوه مألوفة وملفوفة بابتسامةٍ معزوفة لا تعرفُ لها عنوان..
ابتسم معهم واضحك لهم وعليكم..

انما تأتينا السعادة دون دق بيبان القلب.. فقط لتملئ صفحة الفرح.. افراح..


----------
اسمع: الفرحة -- محمد منير

هناك 15 تعليقًا:

غير معرف يقول...

الفرحة في القلب
زي المطر
تغسل الدنيا في لحظة
لكن مين يقدر ينزلها وقت ما هو عايز

أبو ضحى يقول...

أحيانا تكون عزيزة جدا على الواحد ،لكن حينما تعطى فإنها تعطى بسخاء

تامر الحسيني يقول...

عزيزتي لست ادري
الفرحه شيء رائع
لكن مش كل القلوب تقدر علي تكلفة الفرحه
لان للاسف كل شيء بقا خاضع لقوانين التكلفه والعائد
وفي قلوب بتتمني ابتسامه تنزل دموعها
من كثرة ما تعاني

البرديــــــة المصرية يقول...

بين السطور دعوة للتفاءل
لو كده اكيد حقبلها
لو دعوة للفرح , أحب أسأل سؤال
أفرح على ايه ؟

m_elsewedy يقول...

بجد بقالى كتير ما فرحتش

بنت القمر يقول...

عيد سعيد وربنا يفرح قلبك علطول جيت اعلق علي البوست اللي فات ملقيتش الحته بتاعه بوست كومنت اتاريها نطت فوق
ههههههههههههههههههه هههههههه تحياتي اضحك معهم وعليهم بس والنبي اضحكي عليهم في سرك الا يبهدلوكي دول ناس شرانيين انا عارفه
هاهاها

م يقول...

جمله سمعتها فى حوار فيلم شاهدته
كانت احداهن تقول للبطل:
كل اللى حواليك يفرح مش ناقص غير انك تفرح
افرح بقى يا اخى
حتى ان كان ما حولنا لا يفرح دائماً
هناك من يخبرنا ان الفرح قد يأتى يقرار داخلى
انا كان كذلك فلم نحرم منه أنفسنا
ساحاول

غير معرف يقول...

أنت لسه حاتتكلمى الفرحة لما تجيلك تعيشيها على طول قبل فوات الأوان و قبل ما الدنيا ما تقلب عليكى تانى تتمتعى بكل لحظة من الفرح ده
شكلك بتحبى منير و هو غنى قبل كده و قال اسكن بيوت الفرح آه ممكن
اسكن بيوت الحزن لا يمكن
و مستحيل يا حزن راح تسكن
جارك المدون
مدونة حواديت

Bahz.Baih يقول...

تقريبا كده و الله اعلم ده موسم سعاده و هافف على البشر... انا عمال اقرا بوستات مبسوطه كتير اوى اليومين دول ..ز بس ده بوست مبسوط قوى
يلا يارب الناس تعيش فرحانه على طول

غير معرف يقول...

msh 7a-comment 3la mounir enty 3arfa =)
bas i do blv now enn el far7a moment... w koll elly 7awaleha da byeb2a 2asda2... 3'alwasha... tawabe3...
moment wa7da mel far7a wel ba2y yatba3ha bass..
laken heya moment to taste and "remember" , aiwa even we start remembering it fe west el asda2 wel 3'alwasha, we7na fakreen ennena lessa far7aneen

goodman يقول...

اكثر ما يخيفنى هو ما بعد الفرحة

غير معرف يقول...

الأغنية دي بتبسطني قوي، فيه أغنية تانية لمحمد منير بتولد عندي شعور مماثل و هي "أخرج م البيبان"ـ

islam yusuf يقول...

عندما تلتف من حولنا العزلة و ترتمى فى أحضاننا أشجان الحزن و نتلقى بصقات من اليأس
نلتمس فى سواد ليلنا الطويلة نسمة الفرح
تحياتى

youssef يقول...

الأغنية جميلة

بس متهيالي مش مناسبة للي بتتكلمي عنه .. مظبوط ؟؟ .. هذه اللحظة التي تأتي بلا مقدمات فتصبح الأمور بعدها غريبة عما كانت عليه قبلها
عجيبة هذه اللحظات و اعجب ما فيها .. أن نهايتها تبدأ .. عندما نبدأ بادراك ما نحن فيه من سعادة
علي كل حال .. سنبتسم معها

تحياتي لك و لمدونة مميزة

Lasto-adri *Blue* يقول...


اولا وقبل اى شئ احب اعتذر لكل من كلف خاطره وعلق عندى.. والله للمشاغل اليومين دول
وعلى الله همه اليومين دول وبس
;)



@ مصطفى سمير
عجبى
:)


@ ابو ضحى
هى يا بتعطى بسخاء يا بتاخد بسخاء.. غالبا ماعندهاش حل وسط
!


@ تامر الحسينى
ليه بس النظرة التشاؤمية دى؟
اضحك للدنيا برضو تضحك لك


@ البريدية المصرية
هى مش دعوة بقدر ما انها تقرير لحالة كنت حاساها
بس لو عيزاها دعوة تفاؤول يبقى جميل.. وليه لاء؟


@ swedy
ولا انا
:D


@ بنت القمر
ههههههههه... هو الواحد يضحك على كل حاجة وينجز بقى
وجع قلب ونكد ع الفاضى!


@ محمد الهنداوى
هو الاتنين.. بس المهم يكون عندك استعداد عشان تفرح... واول ما تحس به افرح ولا يهمك السبب
;)


@ محمد ياسر
بحب الاغنية دى برضو لمنير... مش من عشاقه قوى قوى يعنى.. بس بسمع له حاجاته القديمة اغلبها جميل


@ Bahz Baih
واضح ان الفرح بيجى مع تغير الفصول
:D
ولا انت ايه رايك؟


@Nisho
بس يارب اللحظة تعمر شوية كتير
لحسن دايما تلاقى اللى ينسيكى مهما طالت المدى او قوى التأثير
:(


@goodman
همم... هو ليه لاء؟... بس لو على كدة يبقى ايه مايخوفش؟


@ Sherif Nagib
ياسلام .. بس كدة؟... بوست تانى مخصوص عشانك بالاغنية دى لو ح تنورنا بالتعليق يعنى يا شريف
:P


@Islam Yousef
مش قد الكلام الكبير دا انا... بس هى فعلا نسمة فرح... ومعرفشى ليه بخيلة كدة.. ياساتر!


@ يوسف
هو مش موضوع اغنية مناسبة او لاء بصراحة.. ولكن لما كتبت كانت هى الاغنية اللى فى مخى
عارف انت ربط الأشياء بنغمة معينة او كلمات ما.. دا اللى حصل... فكرت فى كام كلمة؟؟ طلع فى دماغى الاغنية دى
وتحياتى لك انت