.jpg)
السنة دى اول سنة اشتاق للشتا.. معرفشى... بس حاسة وكإننا السنة دى على معاد.. ودلوقتى فترة الانتظار..
من كام اسبوع اما الدنيا شتت فجأة، والرعد والبرق ماليين السما... كإن حد رجع لى قلبى تانى.. فقضيت الليلة دى فى الشباك بأتملى فى شكل الشتا..
تانى يوم الصبح لما نزلت كنت من جوايا منعنشة.. كإنى مغسولة جديد.. مع ان عمرى ما فرحت بالشتا قبل كدة.. ولما جزمتى اتبهدلت من بركة ماية صغيرة فى الشارع، ما اتضايقتش.. بالعكس.. مشيت ادندن...
"I'm singing in the rain, just singing in the rain.
What a glorious feeling and I'm happy again."
يااه.. من زمان وانا نفسى البس بووت وبالطوا.. وامسك شمسية وامشى اخبط برجلى ع الارض تحت المطر.. املى الشمسية والف والف واغمض والنقط نازلة على وشى..
تفتكر فى احساس اجمل من كدة؟
همم... تفتكر انه لان السنة دى اول سنة ابدأ شتا من غير لا دراسة ولا مذاكرة ولا امتحانات فلجلها متشوقة اشوف طعم فضا الشتا؟
انا فعلا مش عارفة...
اوقات كتير بحس بملل كئيب.. هو بالظبط بالظبط احساس غريب..
يعنى فرحانة انى اخيرا خلصت سنوات الدراسة.. لكن.. مفتقدة الكلية.. هو مش بالظبط بالظبط الكلية.. انما الشتا وانا مكنونة مع الدفعة فى المدرج..
تصدق انها كانت ايام حلوة؟!.. وللأسف ماحاولتش استمتع بيها.. عدوا هوا..
مفتقدة الدفعة قوى.. كلهم واحد واحد وواحدة واحدة.. حتى اللى متعرفتش عليهم.. الا بجد.. انا ليه ماتعرفتش عليهم المدة دى كلها؟.. ياترى مين اللى بعد سنة لسا فاكرنى ومين اللى نسانى؟.. مين يا شتا؟.. دا نا حتى مفتقدة انه يتقال لى بكرة تسليم مشروع وابات تحت اللحاف على صوت الراديو مقفقفة...
ولما اصحى واشم هوا البدرية مع كباية الشاى باللبن وصوت "محمد رفعت" على اذاعة القرآن الكريم.. ولا لاء لاء.. لما كنت استنى الاوتوبيس والسما مش عايزة تسكت ولا حتى الهوا راضى يحن عليا بنسمة دفى!..
تصور اول مرة الاحظ ان عمرى ما لبست كوفية؟!
طول عمرى نفسى فى واحدة ملونة.. صوف له وبرة ضخمة وشراشيب.. ومعاها الطاقية بقى وايه... عيشاك للآخر يا شتا!
معرفشى ليه عمرى ما فكرت اشترى واحدة.. لاء هو مش بالظبط بالظبط برضو.. عشان انا فعلا فكرت.. ولكن فى الحقيقة خفت شكلهم مايلقشى عليا مع الطرحة.. مش ناقصة تبقى الدنيا عندى زحمة..
بس عارف حاجة؟.. السنة دى ح شترى كوفية ملونة والبسها.. وح أشترى بووت وبالطو وامشى ادندن فى الشارع
I’m singing in the rain.. tararaaa…. In the rain.. in the rain..
بس يا شتا تعالى... وشوشنى بقى وبلاش بخل.. رخ مطرك رخ.. ونزل تلجك لو عندك مايهمكش... انا راضية بك كدة ومتشوقة اشوفك السنة دى عن اى سنة... لمرة واحدة عايزة اجرب طعم الفضا.. ولك عليا اوعدك مش ح شتكى ولا اقول لك بطل ولا م البرد مقفقفة...
:)
سلاماتى
من كام اسبوع اما الدنيا شتت فجأة، والرعد والبرق ماليين السما... كإن حد رجع لى قلبى تانى.. فقضيت الليلة دى فى الشباك بأتملى فى شكل الشتا..
تانى يوم الصبح لما نزلت كنت من جوايا منعنشة.. كإنى مغسولة جديد.. مع ان عمرى ما فرحت بالشتا قبل كدة.. ولما جزمتى اتبهدلت من بركة ماية صغيرة فى الشارع، ما اتضايقتش.. بالعكس.. مشيت ادندن...
"I'm singing in the rain, just singing in the rain.
What a glorious feeling and I'm happy again."
يااه.. من زمان وانا نفسى البس بووت وبالطوا.. وامسك شمسية وامشى اخبط برجلى ع الارض تحت المطر.. املى الشمسية والف والف واغمض والنقط نازلة على وشى..
تفتكر فى احساس اجمل من كدة؟
همم... تفتكر انه لان السنة دى اول سنة ابدأ شتا من غير لا دراسة ولا مذاكرة ولا امتحانات فلجلها متشوقة اشوف طعم فضا الشتا؟
انا فعلا مش عارفة...
اوقات كتير بحس بملل كئيب.. هو بالظبط بالظبط احساس غريب..
يعنى فرحانة انى اخيرا خلصت سنوات الدراسة.. لكن.. مفتقدة الكلية.. هو مش بالظبط بالظبط الكلية.. انما الشتا وانا مكنونة مع الدفعة فى المدرج..
تصدق انها كانت ايام حلوة؟!.. وللأسف ماحاولتش استمتع بيها.. عدوا هوا..
مفتقدة الدفعة قوى.. كلهم واحد واحد وواحدة واحدة.. حتى اللى متعرفتش عليهم.. الا بجد.. انا ليه ماتعرفتش عليهم المدة دى كلها؟.. ياترى مين اللى بعد سنة لسا فاكرنى ومين اللى نسانى؟.. مين يا شتا؟.. دا نا حتى مفتقدة انه يتقال لى بكرة تسليم مشروع وابات تحت اللحاف على صوت الراديو مقفقفة...
ولما اصحى واشم هوا البدرية مع كباية الشاى باللبن وصوت "محمد رفعت" على اذاعة القرآن الكريم.. ولا لاء لاء.. لما كنت استنى الاوتوبيس والسما مش عايزة تسكت ولا حتى الهوا راضى يحن عليا بنسمة دفى!..
تصور اول مرة الاحظ ان عمرى ما لبست كوفية؟!
طول عمرى نفسى فى واحدة ملونة.. صوف له وبرة ضخمة وشراشيب.. ومعاها الطاقية بقى وايه... عيشاك للآخر يا شتا!
معرفشى ليه عمرى ما فكرت اشترى واحدة.. لاء هو مش بالظبط بالظبط برضو.. عشان انا فعلا فكرت.. ولكن فى الحقيقة خفت شكلهم مايلقشى عليا مع الطرحة.. مش ناقصة تبقى الدنيا عندى زحمة..
بس عارف حاجة؟.. السنة دى ح شترى كوفية ملونة والبسها.. وح أشترى بووت وبالطو وامشى ادندن فى الشارع
I’m singing in the rain.. tararaaa…. In the rain.. in the rain..
بس يا شتا تعالى... وشوشنى بقى وبلاش بخل.. رخ مطرك رخ.. ونزل تلجك لو عندك مايهمكش... انا راضية بك كدة ومتشوقة اشوفك السنة دى عن اى سنة... لمرة واحدة عايزة اجرب طعم الفضا.. ولك عليا اوعدك مش ح شتكى ولا اقول لك بطل ولا م البرد مقفقفة...
:)
سلاماتى
هناك 10 تعليقات:
أمشي في الفجر حافي
والرزاز يرعش كتافي
قلبي يبقى نبع صافي
وجنني طول البعـــاد
--
تعرفي اليوم اللي بتقولي عليه اللي المطرة مطرت وكان فيه رعد وبرق ؟ ، كنت وقتها بكلم بنت قريبة مني وبنهزر وفي نفس اللحظة اللي كنت هقولها فيها تيجي ننزل وسط البلد لقيتها بتقولي نفس الكلمة :) ، الساعة يومها كانت اتنين صباحاً فمش كان ينفع وسط البلد ، بس يومها لما قفلت معاها طلعت البلكونة شوية وبعدين اتجننت زيادة ورحت نازل الشارع .. كانت الشوارع فاضية والمطرة والجو كله محسسني بالألفة والدفا الغريب .. كإن الدنيا بيتنا على رأي سيَّد حجاب ، مش بس أنا اللي كنت بتغسل قد ما كل حاجة كانت بتتغسل وتتلوَّن بالأخضر ، كنت بغنَّي وقتها برضه أغنية جين كيلي .. والنسخة القريبة منها عننا لمحسن محيي الدين :
تحت النطرة
حركة خطرة
ونروح بعيد
لألذ مكان
--
جميل أوي البوست ده
رائحة المطر عمدما يلامس الأرض الجافة
تلك الرائحة التي تبعث داخلى نشوة عجيبة
عندما تداعب القطرات
جبهتي ..ووجنتي
...
كم أعشقه
كم أحبه يتسلل
من نافذتي
أعتقد أن الكل مفتقده!!!!
بسبب ان الصيفا طول!!!
matesta3gleesh 3ala rez2ek :) bas me7asesany inik 3eshty 7ayah mosharada ya3ni we ma3andekeesh kofeya walla gewanty wala bonnie..to2 to2 to2 2ata3ty 2alby :p
bas ana ma3aki fee 7ekayet el talg :) 3alshan negaded shewya we el donia tebyad shewaya, ay na3am el wa7ed beyegy masr 3alshan yehrab min el talg, bas bardo ay 7aga fee masr beykon leeha ta3m tany :)
الشتا جميل أوي ..
كلامك عنه أجمل :)
انا برضة مفتقد الشتا أوي .. أنا مش بس كدا .. انا ظبطت نفسي بمسك هدوم الشتا في إيدي وأقول الدنيا ممكن تبرد بكرا .. لما ألبس التي شيرت دا .. أينعم ببقا حاسس كأني في صحراء كالاهاري في اليوم اللي بعده , بس كنت ببقا فرحان أوي اني لابس حاجة شتوي ..
مدونتك جميلة جداً
عارفة يا بلو رغم إني بيجليي برد من أقل شوية هوا بس مجنون بالشتا
كنت قلت قبل كده أنا هاسافر أسكتلندا عشان أشوف الشتا هناك لأني شوفته في فيلم مرة و شكلة عجبني
من تلت سنين تقريبا كنا في آخر شهر عشرة و الدنيا قلبت فجأة مطرة و أنا كنت لسة مصيف يومها روحت البيت مشي و كنت سعيد جدا يومها و شوية السعادة دول خلوني أنام تلت إيام من البرد اللي جالي بس عادي يعني الأنفلوانزا بتيجي و بتروح بس ساعة سعادة ماتتعوضش
أنا عندي تلت كوفيات و بتبقى واحدة منهم على طول في الشتا مش عارف بحس إن الكوفية بتكمل شكل لوحة الشتا
هاتي كوفية زرقا
:)
=)
3la fekra el sheta da a7la fasl felsana...
w ben7ess feeh enn da el fatra elly men 7a2ena netlob feeha el dafa rasmy...
3omry ma balbes te2eel awi fel sheta, bageeb jacket 7'afeef asakket beeh mama...
laken laaaaazem a7ess bel sa23a, w ataktek, w a7ess be el bard awii..
w lazem kofeyya :D lazem kofeyya 3ashan at2akked enno el sheta,
3ashan el kofeyya di eed el sheta amma to7donik :D
el matara fe3lan belzabt zayy ma 2olty.. bte3'selna... kont dayman fe 3ezz dee2y men 7aga teegy el matara tetayyeb be 7'atry w temsa7 koll elly fat...
:D ma3lesh tawwelt fel comment...
bas el sheta mawdoo3 mayetfe2elsh...
el sheta da el spirit beta3 koll 7aga f masr... maba7essahash fe wala fasl...
:D el sheta da corner 3andy maftoo7 w msarrab... mahma 2affelt mel nas, byefdal da maftoo7..!
الشتاء والخريف والربيع والصيف مش فصول السنه دي فصول في قلوبنا احنا
اوقات بتتفرض عليناواوقات بنفرضها احنا علي الدنيا كلها لكن الجميل اننا ندوب في الاحساس بالمكان والزمان والطقس
ونحلم لبكره ورغم اني متعود اوصف الشتاء بالحزن
لكن الشتاء ليه زكريات كتير جميله منقدرش منغيرها نعيش
بتمني ليكي تشتري كل ما تحلمي بيه
لكن المهم مش الشراء المهم تحقيق الحلم
وقت المطر كنت برجع من جديد لذكري كانت غايبه عني
ساكنه فيه وغايبه عن عنيه
ومكان اتولد فيه قصة حب مجروحه عشتها
وجه المطر في النهايه
خلاني ارفع اديه وامشي منغير ميكتشف الاي حواليه ان كانت الاي علي وشي دموع
او قطرات مطر
وعلشان كده بحب الشتاء
حجات كتير بتموت في ليل الشتاء
لكن حجات اكتر بترفض تموت
عجبي
انا دوما ما كنت احب الشتاء ولا اطيق الصيف
Loved ur post awyyyyy ya Blue.. begad.. da7'alteny fi 7ala men el 7aneen ela elsheta w el kalfata ta7t el batanya.. nefsy anzel youm fi el sheta beleel w el donya betmatar w afdal amshy amshy..
sa7ee7, 2oleely 3ayza el kofya alwanha eih?!
إرسال تعليق