.jpg)
افتكر يمكن من بعد ما رجعت من أجازتها الأخيرة بآخر صيف، وحال منى الشاذلى ببرنامج "العاشرة مساء" لا يسر عدو ولا حبيب! خصوصا بعد مابدئت قناة المحور فى المنافسة ببرنامج "90 دقيقة" مع مى ومعتز..
وأصبحت –حاليا- بالكاد ممكن أستحمل مشاهدة حلقة على بعضها...
وظنى انى مش الوحيدة اللى ملاحظة اسلوب منى الجديد فى التحيذ المفاجئ يمكن من بعد آخر أجازة بالتحديد.. فاصبحت تتسم بالتحفظ الى حد كبير اللهم الا ما ندر من الحوارات غير المغازلات السياسية بالتأكيد..
أضف على ذلك مداخلاتها شديدة الاندفاع.. واللى أكد نفس الشعور عند العديد من الأصدقاء –مثلى- حوارها الأخير مع "ليلى رستم"..
يعنى بالبلدى كدة.. كل مرة تقطعها فى اللحظة اللى خلاااااص بنكون فى قمة فضولنا لمعرفة ردها حتى وان كان خارج نطاق الخدمة.. لان ليلى رستم مستضافة على البرنامج مش عشان منى الشاذلى تتكلم!! دا غير بقى اللغة عند منى.. فحدث ولا حرج.. بالرغم من كونها خريجة الجامعة الأمريكية على ما أعرف..
حاليا وبعد انقطاع الدى اس ال، بقيت "لستُ أدرى" المنكوبة والمحتاسة وزيادة عليهم المحتارة.. مش عارفة أقضى السهرة مع مين..
منى ومش قادرة أتابعها على هيئتها الجديدة وأخبارها المكررة.. وفى نفس الوقت ما ببلعش خفة دم معتز الدمرداش، وكلى قلق على مرارتى الوحيدة من (تنشية) الحاجة مى..
بس مأخرا ظهر حل مؤقت مع قناة "أو تى فى" الجديدة.. واللى لا يخفى على أحد اختلافها فى سياستها عن الباقين، وبغض النظر عن نوعية البرامج فى اتفاقى معها او اختلافى انما فى حد ذاتها تتسم بالذكاء صراحة وعجبنى جدا فكرة تحديد المشاهد من البداية، بدل السمك لبن تمر هندى.. حبة شباب متجدد وحبة لأحباء خريف العمر زى مثلا "المحور"..
يعنى لما أفتح وألاقى العسيلى، والشيف شريف، وسمير غانم، وحتى اسم "خالد كساب" فى اعداد برنامج "شغال".. يبقى فى وقفة شوية..
وبعيدا عن الروتانات، والاخباريات، والام بى سى هات.. لما تدخل على قناة خفيفة الى حد ما زى "دريم" وتتصبح "بالحقيقة" مع وائل الابراشى اللى مخلى المنظر يفوق سواد الخروب... وفى نفس الوقت لما تحول القناة وتلاقى العسيلى مثلا بيكلمك عن (مشاكل المرور فى مصر) بشكل ساخر جدا.. ظنى ح تتفرج على العسيلى طبعا، حتى وان كان حواره مجرد تفريغ طاقة بلا هدف زى "الحقيقة" المرة!!..
انما فى الأول والآخر كلامى اليوم مش مقارنة بين التلات قنوات المصرية، "دريم" لصاحبها أحمد بهجت، ولا "أو تى فى" لنجيب سويرس، ولا حتى "المحور" لمعرفش مين بالظبط (أظنه رجل أعمال هو الآخر).. انما فى واقع الأمر هو يمكن فضفضة لكلام محشور فى زورى من فترة موجه فى الاصل لمنى الشاذلى..
فيا منى لو عمرك بتعدى هنا، أو لأى حد ممكن يوصل لها الكلام دا...
مناشدة قلبية، شخصية مِنى لكى.. لأنى من زمان وأنا بقدرك جدا.. ويشهد بلوج "لستُ أدرى" على الكثير والكثير من الاعجاب الشخصى بمذيعة جديدة، تمثل جيلى لدرجة كافية، وعلى قدر كبير من الثقافة والنضوج والحيادية....
أتمنى أشوف برنامج "العاشرة مساء" هو البرنامج العائلى الأول فى بيتنا الكريم زى الأول (ان ماكنش فى معظم البيوت المصرية).. وترجعى منى بتاعة أول سنة اذاعة..
والسلام ختام..
سلاماتى
وأصبحت –حاليا- بالكاد ممكن أستحمل مشاهدة حلقة على بعضها...
وظنى انى مش الوحيدة اللى ملاحظة اسلوب منى الجديد فى التحيذ المفاجئ يمكن من بعد آخر أجازة بالتحديد.. فاصبحت تتسم بالتحفظ الى حد كبير اللهم الا ما ندر من الحوارات غير المغازلات السياسية بالتأكيد..
أضف على ذلك مداخلاتها شديدة الاندفاع.. واللى أكد نفس الشعور عند العديد من الأصدقاء –مثلى- حوارها الأخير مع "ليلى رستم"..
يعنى بالبلدى كدة.. كل مرة تقطعها فى اللحظة اللى خلاااااص بنكون فى قمة فضولنا لمعرفة ردها حتى وان كان خارج نطاق الخدمة.. لان ليلى رستم مستضافة على البرنامج مش عشان منى الشاذلى تتكلم!! دا غير بقى اللغة عند منى.. فحدث ولا حرج.. بالرغم من كونها خريجة الجامعة الأمريكية على ما أعرف..
حاليا وبعد انقطاع الدى اس ال، بقيت "لستُ أدرى" المنكوبة والمحتاسة وزيادة عليهم المحتارة.. مش عارفة أقضى السهرة مع مين..
منى ومش قادرة أتابعها على هيئتها الجديدة وأخبارها المكررة.. وفى نفس الوقت ما ببلعش خفة دم معتز الدمرداش، وكلى قلق على مرارتى الوحيدة من (تنشية) الحاجة مى..
بس مأخرا ظهر حل مؤقت مع قناة "أو تى فى" الجديدة.. واللى لا يخفى على أحد اختلافها فى سياستها عن الباقين، وبغض النظر عن نوعية البرامج فى اتفاقى معها او اختلافى انما فى حد ذاتها تتسم بالذكاء صراحة وعجبنى جدا فكرة تحديد المشاهد من البداية، بدل السمك لبن تمر هندى.. حبة شباب متجدد وحبة لأحباء خريف العمر زى مثلا "المحور"..
يعنى لما أفتح وألاقى العسيلى، والشيف شريف، وسمير غانم، وحتى اسم "خالد كساب" فى اعداد برنامج "شغال".. يبقى فى وقفة شوية..
وبعيدا عن الروتانات، والاخباريات، والام بى سى هات.. لما تدخل على قناة خفيفة الى حد ما زى "دريم" وتتصبح "بالحقيقة" مع وائل الابراشى اللى مخلى المنظر يفوق سواد الخروب... وفى نفس الوقت لما تحول القناة وتلاقى العسيلى مثلا بيكلمك عن (مشاكل المرور فى مصر) بشكل ساخر جدا.. ظنى ح تتفرج على العسيلى طبعا، حتى وان كان حواره مجرد تفريغ طاقة بلا هدف زى "الحقيقة" المرة!!..
انما فى الأول والآخر كلامى اليوم مش مقارنة بين التلات قنوات المصرية، "دريم" لصاحبها أحمد بهجت، ولا "أو تى فى" لنجيب سويرس، ولا حتى "المحور" لمعرفش مين بالظبط (أظنه رجل أعمال هو الآخر).. انما فى واقع الأمر هو يمكن فضفضة لكلام محشور فى زورى من فترة موجه فى الاصل لمنى الشاذلى..
فيا منى لو عمرك بتعدى هنا، أو لأى حد ممكن يوصل لها الكلام دا...
مناشدة قلبية، شخصية مِنى لكى.. لأنى من زمان وأنا بقدرك جدا.. ويشهد بلوج "لستُ أدرى" على الكثير والكثير من الاعجاب الشخصى بمذيعة جديدة، تمثل جيلى لدرجة كافية، وعلى قدر كبير من الثقافة والنضوج والحيادية....
أتمنى أشوف برنامج "العاشرة مساء" هو البرنامج العائلى الأول فى بيتنا الكريم زى الأول (ان ماكنش فى معظم البيوت المصرية).. وترجعى منى بتاعة أول سنة اذاعة..
والسلام ختام..
سلاماتى
هناك 22 تعليقًا:
حسن راتب رئيس جمعية مستثمري شمال سيناء شركاته المتعددة في العريش هو صاحب المحور وكان معاه في البداية هاني سرور رئيس جمعية مستثمري 6 اكتوبر
أما بالنسبة لمنى الشاذلي فلا ادري يبدو فعلا ان برنامجها اصلبه الترهل بالرغم من جيش الممعدين للبرنامج
واو تي في بصراحة مش عارف اهضمها
احمدي ربنا الدش بقاله اربع ايام بايظ و جالي شلل رباعي و حاسس من كتر الفرجه عالقناه الاولي اني باتعذب علي الطريقه التتريه في الاعدام اطاله العذاب لأقصي حد قبل القتل
منى الشاذلي بدأ صوتها يعجبها، أنا ملاحظ ده من زمان و من ساعتها بطلت أتفرج.
فريق تقديم 90 دقيقة لو اتكلمت عليهم حاقول كلام مش لطيف و عارف إنك مابتحبيش الألفاظ الخارجة في مدونتك. ربنا ينتقم منهم بقى.
بالنسبة لـ أو تي في اتفرجت عليها نص ساعة.. أصلي مش غاوي تلفزيون قوي أصلاً. إنما بعد إذنك و بالمناسبة عاوز أسأل.. ما رأيك في خالد كساب و صفحة ضربة شمس في الدستور ؟ من الواضح أنك تحبين أسلوبه في الكتابة و هذا ما شدك للفرجة على برنامج من اعداده.. صح ؟
أنا بس بسأل :)
شريف نجيب
منى بدأت تشعر ان البرنامج بتاعها وانها اصبحت نجمة .. ولو المذيع حس في لحظة انه اهم من ضيفه باظ البرنامج
كنت اتمنى انها تكون اذكى من كده
---
معتز مذيع مجتهد بس دمه مابينزليش من زور .. كمان اداءه مش محترف ودي مشكلة
ماينفعش المذيع ينحاز لاي جانب من جوانب قضية بيناقشها الدنيا تبوظ منه تماما
لما كان بيناقش قضية البرنامج بتاع هالة سرحان كان حاسس بكمية ذنب أو خوف لدرجة انه كل ثانيتين لازم يأكد على الناس ان همهم هو الحقيقة ومناقشة الشرف الصحفي وليس التعريض باي بني آدم
ولما المحاور الفذ مستفيد فوري اتصل كان عامل قدامه زي الليمونة المعصورة ومقدرش يحطه في جحمه صح باعتباره مجرد مشارك عبر الهاتف في حلقة هو مذيعها.
----
ساويرس بقى واو تيفيهته ..
اكيد لما ساويرس يفكر يعمل حاجة لازم تكون كسبانة
وهو بيعدلها من سنة تقريبا
وكمان القناة تعتبر رد على رفض السلطات المصرية لمدة 5 سنين منحه مساحة على موجة الاف إم عشان يعمل قناة إذاعية زي (نجوم إف إم)
يعني رد انتقامي مدروس
هيقوم بسحب اعلاناته من التلفزيون للقناة
ويشرب التلفزيون الخسارة
القناة معمولة بفكر اعلانات الشركة وجمهورها المستهدف واضح من أول المذيعين الشباب لحد نشرة الاخبار اللي باللغة العامية
أنا كنت باتفج على منى الشلذلي قبل كده و فعلا حسيت إن البرنامج بيمر بمرحلة غريبة ع العموم أنا بافضل قناة الجزيرة
و أيا كان أي برنامج حواري في أي تليفيزيون في العالم هايكون احسن من البيت بيتك
مش كده
:)
آه صحيح بالنسبة لأو تي في
بيتهيألي القناة في المجمل كويسة إتفرجت عليها شوية و كان فيها مجموعة برامج ظريفة
بس مش مقتنع بفكرة نشرة أخبار بالعامية
@ Shokeir..
هو عندك حق فى عدم قدرتك على هضم او تى فى.. خصوصا بعد بعض الاشاعات اللى قالها لى والدى من كام دقيقة.. وبعدين زى ماقلت الموضوع واضح انه محتاج وقفة شوية
@ Karakib..
كلنا هذا الرجل
ومن الدش للمحلى.. ياقلبى ماتعيطش
@ Sherif..
اشكرك على مراعاة موضوع الألفاظ.. أنا أحب الناس الجدعة دى..
اما بخصوص خالد كساب.. فالموضوع أصلا مش اعجابى به او غيره.. انما عن الــ
category of choice
اللى متبنياها المحطة الجديدة
وكدة او كدة.. ممكن تقول انى بطلت أقرأ الدستور من بعد العدد الحداشر.. فخالد كساب والباقين لا يمثلوا شئ يذكر غير ركن فى الذاكرة
ممكن أنا بقى أسألك.. اشمعنى؟
أنا بس بسأل :)
@ Bluestone
هو احساسها بالنجومية اظنه سبب مهم.. خصوصا برضو فى حوارها مع ليلى رستم كررت سؤال ازاى تعاملت ليلى مع كونها نجمة.. وليلى تأكد، ماكنش فى بالها.. نجمة ايه وبتاع ايه
اظن ان منى اتصدمت من الرد
-----
كان فعلا واضح عليه الخوف وكانه اقترف ذنب فى مهاجمة هالة سرحان.. سؤال.. لو كدة فعلا يبقى فين الحرية اللى بينادوا بها؟!
وحقيقى خايفة على عضلة القلب من سى معتز والحاجة مى اللى معا ه دى
-----
تفتكرى انه عشان يشرب التلفزيون خسارة سحب اعلاناته يعمل محطة؟
وبغض النظر عن تكلفة الاعلان عنها.. شبه يحتكر اكتر الشباب شعبية على معظم المحطات سواء الفضائية او المحلية وحتى زى ماقلت فى الجرايد؟
ح كرر اعجابى بطريقة ادارة القناة (لحد دلوقتى).. بس معرفش ليه من امبارح للنهاردة.. بقيت مقلقة منها
عموما الأيام بيننا وواضح ان لسا عندها الكتير تطلعه
@ masry
وليه لاء.. ايه المشكلة لو عملنا نشرة اخبار بالعامى
وبخصوص الجزيرة فأنا بصراحة معاك فى بعض البرامج بتاعتها ظريفة
انما لما تلاقيها 24 ساعة شغالة فى البيت.. يبقى البيت بيتك ارحم
:P
إزيك ياا لست أدري ... يعني معرفــــش !!
أنا برضه ملالالالالالاحظ كده زيـك !!
بس مش متابعها
أنا شاعر وكاتب 0 يعنى اقدر افهم كلامك وأقيمه . انتى رائعه الاسلوب . اعجبت بكتاباتك للغايه. لدرجه انى اريدك ان تراسلينى على بريدى للاهمية . انا رجل مثقف ومحترم ولكنك ملفته للانتباه . إنتى مين ؟؟؟
اريد ان اعرف من تكونى . هل احظى بثقتك وتراسلينى . اعتقد انك موافقة . اشكرك ومنتظر ايميلك
emada1@gmail.com
ostaz Zemo
m3lsh, ana 3arf eny sa7éef shwya, bs mmkn tseebk mn lasto adri w tktshfny ana, ana toool 3omry nfsy ay bny 2dm yktshfny
Lasto,
Rbna ysbrk ya bnty 3la blawy el nas, gt'ha 2rf elly 3ayza comments kda ... 7aga tgeeb el d3't f3ln !
@ Ibrahim
منور
@ Zemo
هو المفروض امثل دور فلاح القرية اللى بهرته اضواء المدينة؟
معاك ام جلانبو.. حضرتك مين بقى؟
@sheryos
lol :D
Toshkar ya zo2..
أنا برده لاحظت أنى مباقتش أتابع البرنامج للأخره لنفس السبب
و الدى أس الل فاصل و قاطع جربى قناة الجزيرة الوثائقية ...بتجيب حاجات كويسه
;)
eih da!!!!!!!!!!!
wna elly kont faker eny kawy elmola7za w 3reft elkalam da lwa7dy
wlahy ana la7ezt elkalam de men fatra w 2estafazeny 2wy 7enaha ba2et te2ate3 kalam eldeyoof
5sosan fe 7ala2et (layla rostom) w fe 7ala2a tanya mesh fakerha :D
loooooooooooool @ sheryos commet :D
Look something happened to her sure, yesterday she couldn't even reply to guests on the phone it seams she had a pressure from someone important and she got afraid.
But she is really cute and I adore her smile and guts but she must loose this unstability she has these days.
سبحان الله انا كنت لسة كاتب عن نفس الموضوع بتاعك ده
بس انتى سبقتيني بقى
وطبعا انتى تناولتى الموضوع ده احسن الف مرة منى بكتير
تحياتى
أبويا الله يصبحه بالخير مابيحبش منى من الأصل
وأنا قليل أساسا لما بأتابعها فما عشان كده الرأى الوحيد اللى كونته عنها فى الفترات سابقه إنها كويسه جدا
طبعا لأنى مش مواظب على المشاهده وكده فمعرفش إيه وجه التغيير بالضبط فيها
أما بالنسبه لباقى القنوات والبرامج
فملعونه المحور بإعلاناتها صنع بير السلم المتكرره
وملعونه الجزيره بس عشان بابا مش بيجيب غيرها أبدا
ومعلونه القنوات المحليه لأنى إنسان وطنى بيحب بلده
:)
والمجد لقنوات الأفلام العربى والأجنبى فى الأراضى المباركه
:)
ملحوظه : شفتى قناه الزوراء يا لستو ؟
هنا الزوراء
انا بقالي وقت مش متابعاها بصراحه
و بشوف عمرو اديب بس بطريقة السمع
يعني التلفزيون شغال عالي و انا بتحرك عادي و اسمع و اللي يشدني اقعد قدامه
انا كنت بحبها جدا و نقدك زعلني عليها
مش عارفه يا بلو
بس انا زهقت اصلا من نوعية البرامج دي
من كتر ما لالخبار تجيب اكتئاب
مع تحياتيليكي و تمنياتي برجوع ال
dsl
@nouran..
معرفش الوثائقية دى.. بس اوكى.. اجربها ماجربهاش ليه
منورة يا نرنر
@Kelma..
كل بتوع هندسة قويين الملاحظة كدة
وانت قاعد هنا تعمل ايه.. يلا على اوضتك ذاكر يا ولد.. الميد ترم ع الابواب
:P
@Hechkok..
she got the cutest smile, no doubt..
and may be yes, she's forced by higher autherities.. at a moment I thought exactly the same..
@ALLAH-slave
طب ما تكتب فيه من طريقتك برضو
يعنى.. مش عسان حد كتب حاجة انت ما تكتبش
كدة مش ح تكتب
:P
منور عندنا
@ سهرودى
فكرتنى باعلانات بير السلم والله.... يالهوى على المحور .. بحسها قناة بيئة (مع الاعتذار)
واعلانات الرنات على دريم كمان... بتشل.. واعلانات احمد بهجت ذات نفسه معوقة
الحقيقة انا بحب قناة وان بتاعة دبى اكتر حاجة.. نضيفة قوى
اما الزوراء، عديت عليها ومافهمتش العنوان.. قفلت
:D يعنى ايه زوراء ددى؟
@ farida
يااااه.. عمرو أديب.. هو ظريف فعلا ودمه خفيف
بس من ايام برنامج راديو ستار على نجوم اف ام فى رمضان، وانا بحسه .. معرفش..
وفعلا زهقت من برامج التوك شو دى .. كترت ومابقلهاش طعم
ادعيلى للدى اس هبااب دا
I missed ur blogs ,Lasto.....Visit my page coz i ve finally made a new blog .......take care
العزيزة بلو روز :
العاشرة مساءً وصل لدرجة عالية من الترهل ، منى الشاذلي بدأت تقوم بدور المؤلف والمنتج والممثل والمخرج والجمهور ، وكأنه لم يصبنا الملل البصري من الديكور التي تجلس فيه ، وكلوز الكاميرا المصوب على وجهها ، وهي على ألفة بكليهما بحكم سنوات عملها الطويلة في شبكة راديو وتليفزيون العرب اسماً فقط ..
90 دقيقة على عيوبه التي بدأت تقل يتمتع بشيء من الجماعية ، حتى مع عدم هضمي لمعتز الدمرداش في هذه النوعية من البرامج (وإن كنت بدأت أستظرفه مقارنة بالسيدة منى الشاذلي).. حقق نقاطاً على العاشرة مساءً في بعض القضايا بحكم الوقت وبحكم ترهل البيه المنافس..
إن لم تتعظ منى الشاذلي فمن المتوقع أن نعقد -كمتفرجين-مقارنة بينها وبين الست نيرفانا ، ولن تفرق معنا في تلك الحالة كون السيدة منى الشاذلي تحفظ كلاماً معسولاً يرضي كل الساخطين على الأوضاع في بلادنا الحزينة ..بينما الأخرى الست نيرفانا محسوبة على الحزب البيروقراطي والست روزا!
أو تي في سأكتب عنها بإذن الله تعالى في الشهر القادم يعني كام يوم قدام..
العزيزة بلوستون : أجمل ما قيل في مفيد فوزي هو الوصف الذي وصفه إياه خالد الصفتي صاحب سلسلة فلاش : مبيد فوزي!
شكرا لك أخ سعيد
وهناك لقب آخر لمفيد فوزي وهو (مستفيد فوري)
خالدالصفتي
يادى النور يادى الهنا
أستاذ خالد الصفتى بذات نفسه عندنا
!!
أهلا بك بحرارة.... عن جد
إرسال تعليق