الخميس، يونيو 16، 2005

تعارف

-- جاوبنى، ليه بتضحك كل ما أقول : أنا معرفش هويتى..؟!
-- لأنه غير منطقى
-- قول لى المنطقى..
-- ع الأقل إنتِ مصرية
-- و إنتَ كمان مصرى
-- لكن إنتِ "فلانة الفلانية"
-- غيرى ألف "فلانة الفلانية".. و غيرهم مليون ليهم يوم ميلادى.. فين الإختلاف.؟
-- إنتِ مسلمة
-- و إنتَ مسلم و أختك مسيحية
-- عندك الإسلام أكتر من "لا إله الا الله".. إنتِ كررتى كدة
-- وإفرض.. يفضل الإسلام إنتماء مش هوية
-- و إيه الفرق؟!
-- الفرق إنى بشعر بإنتمائى لقوانين وجدتها الأنسب لمعتقاداتى الشخصية، رغم إنى ما إخترت أتولد مسلمة.. زى إنتمائى لعائلتى و إسمى
-- و إن إخترتى؟!
-- عمرى ما فكرت..
-- فكرى..
-- ظنى ح أختار نفسى تانى
-- يبقى كلامك مجرد سفسطة
-- لأ دا حقى فى تكوين شخصيتى.. حقى فى إكتشاف نفسى
-- ما إنتِ نفسك
-- و إنت لسا بتضحك كل ما أقول : أنا معرفش هويتى.. جاوبنى، إزاى تقول أنا أكون أنا.. هل ملامحى المألوفة ولا فكرى المنسوج من أفكار ناس سبقونى؟
-- نصحتى دورى على نفسك بنفسك
-- لكنى تايهة.. قول لى "أنا مين"..
-- إنتِ واحدة
-- واحدة إيه؟
-- واحدة أخرى...


و أظل لستُ أدرى
سلاماتى

هناك 14 تعليقًا:

غير معرف يقول...

على ما اظن كده, انا تهت فى نص الكلام.... بس ايه يعنى !!!

انا اختلف بشده فى مسأله ان الاسلام انتماء مش هويه.... بس الطبيعى ان الناس المختلفة تختلف...

باى ذا واى :

فونت الكلام كبير اووووى...

حاسس كأنى فى الكتاب اللى بيعلمنا كتابه الحروف !!!

Lasto-adri *Blue* يقول...

والله الإختلاف فى الرئى لا يفسد للود قضية


شكلك بتستخدم
Internet explorer
لسا..

إتقدموا بقى..
عندك
Opera or firefox..

freeSoul يقول...

you are right in most of that, I agree with you the name,house, family and country doesn't represent us, we are what we think we are, and that makes it important to THINK

ok, the only point I disagree is about islam, I never consider a riligion just to pray or to be in my ID card, I believe being muslim Is being convinced by islam and satisfied, that has to come by THINKING of course

that reminded me of a different topic I posted, it was about loyalty, what should we be loyal for and we didn't come to much agreement in there :(

littilemo يقول...

بتهايالى انك فى مرحله عدم الفهم
قدامك كده كام سنه لغايه ما تصلى لاستقرار فى الروح
انا نفسى كنت مش فاهم ولسه مش فاهم بس متقبل الوضع
هوه اه غلط بس مريح شويه

Lasto-adri *Blue* يقول...

Free soul
مختلفناش كتير.. أنا كمان عندى الدين *مش لازم كإسلام بس* يمكن أهم حاجة يمتلكها الإنسان..
و أهم حاجة بردو بتكون حياتك..
لكن أنا تفكيرى حاجة تانية خالص...
جايز أكون أسأت إختيار الكليمات.. هوية // إنتماء
إنما أنا أقصد.. معاك موافقة على اللى قلته، لكن هل إنت هتعرفنى لو قلت عليا مسلمة او حتى مسيحية.؟!!
أنا فكرى إن زى ما كل واحد لو بصمة مختلفة، أكيد فيك شئ مختلف عن الناس كلها، اللى يخلى الناس تقول إنت الشخص اللى بيتكلمو عليه من مجرد ما يقولوا الشئ دا..

أنا متوسطة فى كل حاجة.. و يمكن أقل من المتوسطة..
لكن صعب قوى عليا أتخيل إنى هكمل حياتى مجهولة قدام نفسى *دا لو ليا عمر بإذن الله*

قلى مين عرف هو عايز إيه.. أو هو ممكن يعمل إيه؟!
أغلبنا عاش حياته مرمى فى مكان ما و إتنسى أو هيتنسى
معاك إنها سنة الحياة.. لكن مفتكرش إنها تمشى كدة.... فهمنى ولا أنا مش عارفة اعبر عن نفسى كويس..

Lasto-adri *Blue* يقول...

Little Mo
أيوة أنا مش فاهمة..
لكن مش غلط إنى أسأل عشان افهم
ممكن أتوه و ممكن أتلخبط.. لكن اللى متأكدة منه، إنى مش هرتاح الا لما أعرف إجابة لسؤالى
أنا أنفع فى إيه..
و زاى تقول عليا إنى أنا....

Ahmed Suleiman يقول...

إننى أشهدُ فى نفسى صراعاً و عراكا
وأرى ذاتى شيطاناً وأحيانا ًملاكا
هل أنا شخصانِ يأبى هذا مع ذاك اشتراكا؟
أم ترانى واهما فيما أراهُ ؟
لستُ أدرى!

غير معرف يقول...

ahhh ... aho da elly ana kont 7'ayef menno , ana fata7t el mawdoo3 we shakly kead mish 7a3ref asay6ar 3aleeh ... enty law fedelty tefakary keda keter ya lasto 7atetganeny 2orayeb ... 2agelly el tafkeer fe el mawadee3 de le showayya kaman , enty lessa badry 3aleky el genan !!

غير معرف يقول...

ahhh ... aho da elly ana kont 7'ayef menno , ana fata7t el mawdoo3 we shakly kead mish 7a3ref asay6ar 3aleeh ... enty law fedelty tefakary keda keter ya lasto 7atetganeny 2orayeb ... 2agelly el tafkeer fe el mawadee3 de le showayya kaman , enty lessa badry 3aleky el genan !!

littilemo يقول...

كلنا لا نعرف ولا نفهم الا جزء من الصوره الكبيره
وهو بس اللى فوق هوه اللى شايف الصوره كلها
ومفكرين حاولو كتير يشوفو الصوره كلها لكن هو بس اللى شايفها ومهما حاولت لن تري الاجزء من الصوره

فاهمه انا قصدى ايه

Lasto-adri *Blue* يقول...

Steli:
yaaaaa... identity is the most difficult question i've ever faced myself..


Ahmed:
عشان كدة أنا إسمى لستُ أدرى على فكرة


Ahmed el said:
لا متخفش.. أنا تفكيرى كدة أصلا من زمااااااااااااااان جدا
و ربنا يستر عشان ماما بتقولى أنا مجنونة فعلا

Littel mo:
لا تعليق!!!

littilemo يقول...

معلش هو برج المراقيه راح فين

freeSoul يقول...

this is a real problem, but don't believe you should stop thinking although it is either you will go mad or find an answer

sure there is no complete answer, but the complete answers doesn't exist for anything in general, just you can reach what I call, satisfying answer, the one that brings peace to your heart

I will post something related soon on my blog, you will understand why I do think i am going mad :D

Lasto-adri *Blue* يقول...

if this is mad free soul...... then i am already sico :S
u havn't seen the real mad questions r...
um waiting 4 ur post

LIttle mo
برج المراقبة مكانه متحركش

steli:
I saw it.. she's beautiful as usual ;)