الأحد، يوليو 05، 2009

على الغرب التعقل شوية

بعد أن قال الغرب أن قاتل مروة الشربينى لا يمثل ألمانيا، وأن الحادث مجرد عمل فردى،
لا أتوقع من الغرب -ذاته- أقل من أى يلغى من كل معاجمه فكرة أن المسلمين إرهابيين، ويؤمن أن بن لادن وأعوانه -مثلا- لا يمثلون العرب أو المسلمين فى شئ، وأفعالهم كلها فردية!

وعلى رأى المثل.. لا تعايرنى ولا أعايرك.. دا التعصب طايلنى وطايلك!

هناك 10 تعليقات:

Kalimalhus يقول...

المختصر المفيد!!

أحييك..

georgeweyman يقول...

Great to read your blog as always - thanks for your insight

Khaled Khalil يقول...

معاك حق
بس بصراحة, التعصب الديني بياكل المسلمين زي ما العنصرية بتاكل الألمان, و على مستوى أقل الروس و الأمريكان, و حتى الفرنساويين و ممكن دول أروبية كتير بس لسة مسمعتش عن حوادث عنف عنصري فيها, لإنه رغم إنه منتشر جداً و أسبابه العنصرية بتبقى واضحة لكن دايما الدول الشمالية بتعتبرها جرايم عادية (و بالصدفة البحتة الضحية طلع أسود\مسلم\شرقأسيوي\... أو حتى ناشط أبيض ضد العنصرية) , و بتفضل حالات فردية حتى لو قام بيها أكتر من واحد أعضاء في أخوية واحدة, في بعض الحالات الدولة بتكون متواطئة, سواء بإسقاط التهمة أو حتى عكسها على الضحية.

Empress appy يقول...

جبتى هدف

غير معرف يقول...

اولا اللى قتل مروة الشربيني ماعملش كده عشان يكيف و يبسط ألهه و يخش الجنة او يروح لحور العيون
معملش كده تحت تأثير وعظ رجل دين او نتيجة تدينه و تقربه من ألهه.
حكومته ادانته و هاتعاقبه العقاب الرادع مش هاتكافئه او تديه البراءة

ثانيا اللى بيكرهوا المسلمين أقلية فى بلاد الغرب بعكس اللى بيكرهوا الغرب من مسلمين فهم أغلبية.
مع الأسف الارهاب فى المسلمين بس.

Unknown يقول...

الأستاذ الكونت ..
إسمح لي بشوية ملاحظات علي رد سيادتك ..
أولا .. الدفع بحجة إن اللي قتل مروه الشربيني ما عملش كده بسبب تعصب وبعدين الدفاع عن الحكومة الألمانية بأنها أدانته بسبب دافع جريمته فيه نوع من التعارض ..

ثانيا .. الدفع بحجة اللي قتل مروه الشربيني ما عملش كده بسبب تعصب ديني غلط .. لأنها حجة واهية لأن الراجل نفسه تعرض لها قبل كده وحاول نزع الحجاب عنها ولم تغريمه ماليا زي ما هو منقول عن صحفية ألمانية في الخبر هنا
http://bit.ly/vkDJ9

ثالثا .. فكرة إن اللي بيكرهوا المسلمين أقلية في الغرب عكس كره المسلمين للغرب هي فكرة أوسع من أن يتم إثباتها ولا يمكن إعتبارها صحيح بدون أي مقياس ..

رابعا .. مساواة الغرب والمسلمين .. (كره المسلمين للغرب وكره الغربيبن للإسلام) .. هي برضه فكرة خاطئة .. لأن الغرب ده مجموعة من الدول .. اللي أسباب كرهها تضمن أفعالها وماضيها الإستعماري .. أما كره دين ملوش أي سبب بصراحة ..

خامسا .. التعميم وترويج لفكرة إن الغرب متسامح مع المسلمين هو شئ يناقض كل الأدلة المطروحة .. رسوم الكاريكتير اللي ضد النبي صلي الله عليه وسلم .. قرار فرنسا بمنع الحجاب .. ودلوقتي كمان النقاب (لأن دليل علي التقليل من المرآة!!!!) .. وكمان النهارده الصبح أقرأ خبر إن الدنمارك مش عايزة لاعبية البرازيل يشكروا ربنا في الملعب .. الغرب - وبشكل مؤسسي - مش ضد المسلمين بس .. لا الغرب ضد الدين بشكل عام ..

يا أستاذ كونت ..
في ظل حادثة مروعة زي ديه .. عيب أوي أوي تدافع - أو حتي تلمح بالدفاع - عن اللي حصل ..

أعتقد - وأظن إنه واضح أوي من التدوينة - إن الرد هنا علي فكرة إن الإرهاب مقصور علي المسلمين أو إن سببه الإسلام .. يمكن اللي ممكن نأخده من حادثة مروعة زي ديه إننا نفهم إن الحل يكون بالوقوف ضد كل اللي بيمارسوا العنصرية .. مش بضربات وغزو عسكري .

غير معرف يقول...

احلى حاجة فى ردك ياسيد عمرو انه رد منظم.

ردا على اولا: قلت ان في نوع من التعارض بس ماوضحتش ايه التعارض ده ياريت تشرح كده و تفسرلنا

ثانيا: برضو انا مافهمتش ازاى كون انه اتعرضلها قبل كده دليل على انه تعصب ديني احتمال دليل على انه مجنون او مصر على فعلته انما تعصب ديني معلش انا مش قادر أربط فياريت توضح لان فهمي على ادي شوية

ثالثا مين قالك ان عاوز أثبت
انا بقول من خلال خبراتي اللى ممكن تكون صح و ممكن تكون غلط عاوز تصدق صدق مش عاوز براحتك خالص

رابعا انا فاهم و انت فاهم كويس انكم بتكرهوا اللامسلم عشان لا مسلم مش عشان استعمار ولا نيلة و الدليل ان الغرب رغم انه ساب الاستعمار و بقى دلدول ليكم لكن مع ذلك لسه بتكرهوه و دليل كمان معاملة الاقباط اللى لا استعمروا و لا نيلوا حاجة خالص

خامسا: كل اللى بتقوله كدليل على تعصب الغرب هو دليل على ايمانه بحرية المراة و الرأي
حجه ضعيفة اوي انه دليل على تعصبه
لو الغرب متعصب ماكانتش الهانم و جوزها راحوا من اصله ولا جاتلهم لحد عندهم فى بلادهم منح هناك.

Unknown يقول...

أشكرك يا أستاذ كونت علي مجاملتك
أولا .. نوع التعارض .. معني اللي إنت قلته زي ما أنا فهمت من المكتوب .. "الراجل ما كنش الدافع بتاعه تعصب .. والحكومة الألمانية أدانت التعصب بتاعه وهتحاكمه" .. لو كان الدافع بتاعه مش تعصب .. يبقي الحكومة أدانته ليه .. لو كانت جريمة قتل عادية زي أي جريمة قتل ... ليه الحكومة تخصها بالإدانة ..

ثانيا .. تعال نراجع اللي حصل وفقا لما ورد في صحيفة ألمانية .. الراجل وصفها بإنها "إرهابية" (لأنه شافها لابسه حجاب مش حزام متفجرات مثلا) .. وبعدين شدها من الحجاب علشان يخلعه .. ولما إشتكته وراحوا المحكمة ... قتلها ... مش لازم يعمل فيديو ويتعرض حصريا علي الجزيرة علشان يبقي متعصب ديني ..

ثالثا .. أنا مش عايز أحجز عليك رأيك ... لكن تعميم زي "للى بيكرهوا المسلمين أقلية فى بلاد الغرب بعكس اللى بيكرهوا الغرب من مسلمين فهم أغلبية" ده مش رأي .. ديه حاجة إما إنها صح أو غلط ... ولو إنت شايف إنها رأيك أرجو إنك تذكر ده علشان الناس ما تلتبسش عليها الأمور ..

رابعا .. أنا مش فاهم زي ما إنت فاهم .. ولا أنا فاهم إنت إزاي وصلت لنتيجة زي ديه بصراحة .. هل فتشت في نوايا كل واحد بيكره الغرب .. ولا عملت إحصائية أو مسح مثلا .. وموضوع معاملة الأقباط وإشارتك إلي حوادث حصلت في أي دولة عربية أو إسلامية بالضرورة هينطبق برضه علي حوادث حصلت في الدول الغربية ضد أقليات فيها ومازالت بتحصل لغاية دلوقتي .. أنا هأعتبر إن النقطة ديه إنت برضه بتعبر فيها عن رأيك وإحساسك وخبرتك (اللي فهمي إنها مبنية علي تعامل لمدة طويلة مع ناس كتيرة في الشرق والغرب) .. وبما إن ده رأيك .. أرجو أن توضح إنه رأيك وليس معلومة نقدر نبني عليها حجج قوية ..

خامسا .. إسمح لي أراجع اللي إنت قلته مع اللي أنا قلته .. إجبار المرآة علي خلع الحجاب في فرنسا هو دليل علي الإيمان بحرية المرآة ... ووصف الرسول - صلي الله عليه وسلم – بإنه إرهابي (في الرسوم الكاريكاتيرية بوضع قنبلة علي صورة رجل بدقن بدل من عمامته ووصفه إنه الرسول صلي الله عليه وسلم) .. الرسول اللي أنصحك إنك تقرأ سيرته علشان تعرف قد كان تسامحه مع أعدائه وكارهيه قبل أهله وأصدقائه ... وصفه بإنه إرهابي – في إهانة واضحة لأكتر من مليار مسلم حول العالم - هو رأي يستحق الدفاع عنه بإسم حرية الرأي ... لكن أن يقوم باحث فرنسي بعمل رسالة دكتوراة يثبت فيها إن الهولوكوست لم تحدث هو رأي يستحق أن يمثل الباحث أمام القضاء الفرنسي ويتم فصله من الجامعة .. فين حرية الرأي ساعتها .. ولا هي علي رأي الفيلم العربي زمان .. "ساعة تروح وساعة تيجي" ..

سادسا .. ملاحظاتك علي المنح هناك تبين إن حضرتك أسئت فهم الموضوع .. التدوينة مش القصد منها القول إن الغرب كله متعصب .. لكن القصد هو إن فيه تعصب في الغرب زي ما فيه تعصب في الشرق .. وإننا لازم كلنا نتعاون في إننا نقلل منه .. لكن التعصب مش نتيجة دين من الأديان ولا عرق ولا جنسية .. التعصب نتيجة ظروف بتتوافر في أي مكان ولأي دين وغير دين ولأي ثقافة متقدمة أو متأخرة .. والقول بغير كده هو تبسيط مخل للأمور ..

غير معرف يقول...

اولا انا معاك ان الراجل عمل كده تعصب منه لكن ده مش ارهاب لانه ماعملش كده بسبب وعظ من رجل دين او عشان يبسط ألهه او يخش الجنة و يروح لحور العين الكلام ده بس تلاقيه عند المسلمين و عشان كده انا قلت ان الارهاب فى المسلمين بس.

ثانيا هي هي اولا انا معاك انه تعصب للمرة التانية.

ثالثا ده رأيي فعلا اللى سبق و قلت اني كونته من خبرتي فى الحياة مع دول و دول و احتمال زي مابتقول يكون غلط.

رابعا انا مش متفق معاك ان اللى حصل للاقباط على مر التاريخ من العرب حصل زيه للمسلمين فى الغرب.

خامسا منع الحجاب و كاريكاتير النبي زى ماقلتلك حرية راي و حرية مرأة انما نقد الهولوكوست هو نوع من انواع الاجرام لانه تشكيك فى تضحيات شعب بالكامل عاني و اتبهدل.

سادسا و عموما في تعصب فى الغرب اه لكن نسبته تكاد اكون منعدمه فى حين انه مالي البلاد المسلمة و انا قبطي عايش وسطكم لاانا الماني ولا امريكاني عشان تفتكر انك هاتاكلني الأونطة فى نقطة زي دي.

Hicham يقول...

اوجزت فأحسنت يا ايمان.

من الطريف -ان كان ثمة طرافة- أن التعليق الرسمي على الحادث جاء بنفس الطريقة التي نقولها نحن، فهم سارعوا بنفي "تهمة" انه الماني وقاله ان أصله روسي كأنها قضية هجرة وليس قضية قتل.

عموما الموضوع جريمة قتل عمدا بالدرجة الأولى ولم يحدث لها سابقة على حد علمي والموضوع ليس له علاقة بكره الغرب أو غير المسلمين لأن من يفهم الاسلام يعرف أن الأمر ليس كذلك لكن لأسف المجتمع عندنا له ميل لتنمبط الأمور.