.jpg)
-- مصر ضالعة فى المؤامرة
- اه والله شكلنا بقى سيئ قدام العرب
-- للأسف مصر طرف فى الخيانة
- اه والله عندك حق.. ماكنش العشم
-- واضح جدا إشتراكها فى الخطة الصهيونية
- اه والله دا حتى فنزويلا طردت سفير إسرائيل، حقها تطرد السفير المصرى
-- المبادرة المصرية شبيه بالمبادرة الفرنسية المجحفة لحقوق الفلسطينيين
- اه والله واضحة وضوح الشمس
-- سيدنا حسن نصرالله ده ضفره برقبة أرجل راجل فى مصر
- اه والله جدع والجدعان قليل
-- انا خجلانة جدا من الدبلوماسية المصرية
- اه والله.. دا حتى أبو الغيط معهوش غير تجارة
-- انا عايزاكم تشوفوا حلقة هيكل عشان تعرفوا تورط مصر فى المؤامرة دى
- أنا مكسوف إنى مصرى.. أنا عايز أتخلى عن جنسيتى
-- وأنا مش عارفة إزاى 80 مليون مش عارفين يعملوا حاجة.. أى حاجة
- لو لم أكن مصريا.. لوددت أن أكون.. هاييتيا
-- وأنا كمان..
إلخ.. إلخ.. إلخ
هناك 11 تعليقًا:
كتير من 80 مليون محدش فيهم مصدق تورط مصر بأي شكل من الأشكال ، هيكل بيقول ان مصر متورطه وضالعه فى الجريمه لانها اغلقت المعبر وشاركت فى الحصار و لو هي ما شاركت غير بكده يعنى لو فرضا متعرفش ميعاد الهجوم ولا نفسها تخلص من حماس ولا اى حاجة فيكفي انها اغلقت باب حياة فى وجه الفلسطينيين من خلال معبر رفح ، المهم ألا تزيف القضية ويتم التدليس عليها وتبتعد الحقيقه عن الناس فتصير الاكذوبة هى الامر الواقع بعد سنوات ..كما حدث ب( خارطة الطريق ) انكرها العرب جميعا فى 2002 وازاى وليه واصبح حلمهم فى 2008 ان يطبقوا خارطة الطريق ، ارجو واتعشم من الله الا نعيش اليوم الذي يأتى فيه احدهم(العرب) ويقول انه في سنه 2008 حماس الارهابية تجرأت و وفعلت كذا وكذا وقتلت ظابط مصري وجوعت شعب غزة وابادته بسبب غوغائيتها وما الى ذلك
انا مش موافق على الجنسيه التاهيتيه لانى مقدم على هجرة لمالطه
اكتر حاجة صدمتني و لازالت بتصدمني ان كل شوية حد يعلن انه متنازل عن الجنسية المصرية لخجله من موقف مصر
.
.
الله يرحم مصطفي كامل
@moaaz shehab
ممكن تطلب الجنسية الهاييتية لو تحب.. ولو مش عايز تبعد كتير عشان السقعة، ممكن تطلب الجنسية القطرية وحتى ح يطلعوك ع الجزيرة وتتشهر
ها ايه رأيك؟
@che
وماله يا شى.. مالطة مش عيب ومن بلاد ربنا.. مع إنى إخترت لكم بلد لها تاريخ نضالى.. مش أى أى يتمنى يكون هايتيا!
@fadfat nour
مصطفى كامل مين وبتاع إيه.. انتى بتصدقى؟ دول كانوا حبة لصوص ومرتزقة.. مزقوقين من الإحتلال الإنجليزى عشان يلهوا الناس عن قضيتهم.. دا حتى مذكورة الواقعة دى فى كتاب "منتهى اللغط فى تاريخ الأوغاد". كتاب رائع وبيحكى الجانب الخفى من الصراع المصرى مصرى بطريقة مبسطة
اسمعى الكلام.. أظن فى هاييتى نقص سكان
أنا لو لم أكن مصريا لوددت أن أكون مصريا....أنا بعشق كل ذرة تراب فى البلد ده...ومش قادرة أفهم الناس إلى بتتخلى عم مصرينها
بس أنا عاوزة أقول حاجة:
1.أنا ضد فكرة إن مصر تتورط فى حاجة تؤدى بها للحرب مع إسرائيل
2.إن الحكومة المصرية الحالية ولا السابقة عمرها مكانت بتمثل الشعب المصرى
3.محدش يحاول يقنعنى إن حكومة بتبيع بلادها و تجوع شعبها هتهتم بشكل أو بأخر بأحوال الفلسطنين ولا إلى بيحصل فيهم.كل إلى بتحاول تعمله الحكومة الآن إنها بتحاول تمتص غضب المصرين من حاجة ممكن نستفز مشاعرهم و تدعوهم للثورة عليهم...و فى ذاكرتها تجربة الأسلحة الفاسدة فى حرب 48 ...مهما كانت الإجرائات التى تأخذها الحكومة فهى لمحاولة مص غضب المصرين عشان لا تندلع ثورة بس الحكومة عمرها مخادت ولا هتاخد فى إعتبارتها مصلحة الفلسطنين ولا حتى المصرين
4. و بردو مفيش حد يحاول يقنعنى بإن الحكومة مش ممكن تعمل حاجة تساعد الفلسطنين من غير ما تدخل فى صدام مع إسرائيل....أبسطها بيقى عندها دم و توقف تصدير الغاز لإسرائيل
5.بالنسبة للسيد حسن نصر الله فأنا أحترمه أكتر من أى حد فى الحكومة المصرية ....بس هو عارف إن مش من مصلحته يتورط فى حرب مع إسرائيل ...فحفاظا لماء الوجه هاجم الحكومة المصرية...أنا ضد إاى هو قاله بس ده مش هيقلل إحترامى ليه...ولا يزود إحترامى لحد من أفراد الحكومة المصرية
إن لم أكن مصريا لوودت أن أكون مصريا
======================
وأنا مصري وابويا مصري وأبن مصر الله عليه
=================
رغم أنف كل اللي بتكلموا الكلام ده من مناضلي غرف الفنادق وشاشات التلفزيون
وحنجوري الإعلام المرئي
================
قولها بأعلى صوتك وأرفع صوتك لفوق
أنا مصري وابويا مصري
ما يجب أن نعرفه
أن اسرائيل لم ولن تكن في يوم من الايام تحرص علينا
أمس وحسب مراسل سي ان ان اخترقت طائرتي اف 16 المجال الجوي لمصر
وهي تضغط دبلوماسياً الان من أجل وضع قوات دولية في سيناء مادامت لا تستطيع فرض ذلك علي حماس
يجب أن نصحو من غفوتنا
اسرائيل لن تنسي أن أول تشريد لها في التاريخ كان علي يد المصريين
عبد الناصر ضيع غزة وباقى القدس فى 67 ورغم هذا بيترحم علية الفلسطينيين
والسادات اللى رجع الارض وطلب من الفلسطينين السير معه فى المفاوضات وكانت فرصتهم فى الحصول على دولة لهم احسن مليون مرة من دلوقت اتقال علية خاين
ودلوقت بيقولوا على مبارك انه خاين ومع اسرائيل ضدهم لان مبارك مش عاوز يورط مصر فى لعب العيال بتاعهم
العرب وخاصة الفلسطينيين وبكل اسف بعض من المصريين اصحاب المصالح عاوزين خراب مصر - لكن ده بعدهم
3ashet masr COOL w MOSTAQELA
2allah yer7am elregala :D
شعب هايتي كان ايضا مبتلى ب"رئيس مدى الحياة" كان اسمه دوفالييه
فالحال من بعضه
هي ناقصة تشريد هايتي ...طب قولي تشاد أهم إخوانا في القارة المتبعطرة إفريقيا بصي بقى أنا ظلع روحي في موضوع المعبر ده و بأعلى صوتي بقول مش بفلوسي يا كلاب تحاصروهم طبعا الكلاب في الآخر حتسحلني ضرب على قفايا لكن مش مهمم بصي بما أني من السادة الحلوانية حقول لو لم أكن مصريا لودت أن أكون حلوانيا هههه
سلميلي على تهيتي
إرسال تعليق