الثلاثاء، مايو 19، 2009

سبحانك اللهم انا كنا من المنافقين

أحيانا -زى النهاردة- بحس ان الشعب المصرى مافيش منه أمل ولا فايدة
الفساد والنفاق تغلغلوا فيه لحد ما خلاص ماينفعشى معاه أى دواء.. غير البتر
ولا ينفع معاه اصلاح الا لو اختفى من على وجهة البسيطة واتعاد تشكيله من جديد.. بس على نضيف

هناك 13 تعليقًا:

زمان الوصل يقول...

طيب ليه؟ هل بسبب الحزن لوفاة حفيد الرئيس؟ ولماذا لا يكون حزنا صادقا و ليس نفاقا؟

Lasto adri *Blue* يقول...

الحداد الاجبارى لتلات أيام مش نفاق يا زمان؟

زمان الوصل يقول...

و ده قرار شعبى أم قرار رسمى يا "بلو" عشان يبقى الشعب كلّه منافق و محتاج يتعاد من أوّل و جديد؟

mido يقول...

أنا ملاحظ وجود عدد كبير من الشباب واعى و فاهم

و ده مكنش موجود الاول بالشكل ده

فى أمل ان شاء الله

placebo يقول...

بالعكس يا بلو ...بغض النظر عن الحداد الرسمى اللى معرفش ايه مظاهره بالظبط لكن اكتشفت النهارده ان معظم المصريين مبيفرحوش لمصايب غيرهم...مهما كانوا مبن "غيرهم" دول...و ده بصراحه عجبنى لانه كان محبط جدا مثلا فى سبتمبر 2001 ان حد يفرح فى حاله زى كده بس اعتقد ده كان لاختلاط كيان الدوله بالافراد عند بعض الناس...

محمد هيكل يقول...

أنا ايضا قرفان وبشده من حاله النفاق القوية فى التليفزيون المصرى

بس بلاش نعمم الكلام على الشعب المصرى كله حتى لا ننشر ثقافه الياس والإحباط

فى حديث للرسول صلى الله عليه وسلم باتذكره دائما
(من قال هلك الناس فهو اهلكهم)
بمعنى انه كان سبب فى هلاكهم بسبب قوله الدائم انهم قد هلكوا

او لإنه لم يبادر للإصلاحهم

Lasto adri *Blue* يقول...

على فكرة كلامى موجهه "للشعب المصرى".. أنا مابخاطبش شخصيات رسمية واضح فساد "أغلبها"..
الشعب بجد محتاج يتعاد تشكيله من جديد لسكوته على كل شئ حتى العبث بافراحه واحزانه

انتى بتقولى يا بلاسيبو ان الموقف دا بين المصريين انهم مابيشمتوش فى مصائب حد.. دا لانه بالاساس شعب ميت.. لا بيفرح ولا بيحزن ولا له اى رد فعل ملموس..
أبسطها كان يقارن مابين الـ١٠٠٠ اللى ماتوا فى العبارة وموت طفل بيموت مثله آلاف على مستوى العالم كل يوم.. طفل زى أى طفل تانى مات فى حضن أمه عشان معهاش فلوس توديه دكتور!...
فين الشعب دا؟..

وايوة يا محمد دا الشعب المصرى كله بإستئناء فئات قليلة (افتكرت مش محتاجة استثنيهم لانكم عارفين) بس الشعب المصرى بيودى نفسه فى داهية بجهل، وسكوت.. وتخلف.. والمسؤولية مشتركة حتى علينا يا ميدو.. الشباب الواعى واللى مش عاجبه اللى بيحصل.. عشان اللى بيحصل دا أصلا مش نتاج امبارح.. واعتقد انك فاهمنى كويس


ربنا يصبرهم ويجيرهم فى مصيبتهم.. وربنا يعيننا على ما ابتلانا

allah-slave يقول...

اول حاجة ده محصلش في مصر بس ده حصل لما الشيخ زايد مات قنوات الامارات كلها قفلت وجابت قران

انا متفق معاكي في انه طفل مات زي اي طفل تانى مش مستاهل ده كله مثلا مبيحصلش تعاطف بالدرجة دي مع طفل "حي" في مستشفى السرطان

الحاجة اللى كانت مسيطرة على تفكيري كله هوا ليه العزاء موجه لحسنى ومش موجه لعلاء
طيب وليه كل الصور مبينة ان حسنى هوا اللى ابوه مش علاء

وانا كمواطن في الشعب ده هزعل ليه لموت حفيد الريس ... معلش ممكن تقولو متبلد الاحساس بس هزعل ليه صحيح طفل ومات عشان عنده ازمة صحية ...ربنا يصبر عيلته ويشفي كل اطفال المسلمين ... ودمتم

بنجاواتى يقول...

السلام عليكم

هو اللى حاصل ان فى جهات ومؤسسات بتجامل وعندها اغراض من ورا ده

لكن اعتقد انه على مستوى المواطن العادى عندنا تعاطف كلنا مع حالة وفاة لطفل زى اى طفل وربنا يصبر اهله وزى ما عندنا تعاطف فعندنا خنقة من وقف المصالح والاحوال وخنقة من اللى بينافقوا

وتقبل تحياتى

ألِف يقول...
أزال المؤلف هذا التعليق.
غير معرف يقول...

عزيزتى اتفق معك فى ان مظاهر العزاء زيادت عن حدها ، فى بلد زى مصر مليان بلاوى وكواين بالليبية الدارجة ، حسيت ان يقوم التلفزيون الرسمى لمصر بتخصيص حلقة عن الموت باستضافة شيوخ دين واخصائيين نفسيين وكتاب ، حسيتها امر مبالغة فيه ..كلنا نتعاطف مع موت اى شخص عزيز على اخر ، ولكنى لا استسيغ ان يتحول نسسيان مصائب كبيرة زى الحرائق وحوادث العبارات والقطارات ، وموتى المستشفيات الذين لا يملكون القدرة على علاج غالى او عملية جراحية تكلف الكثير ، مصر بالذات ملىء بالكثير المؤلم ، لما لا يتم تخصيص حلقات وصفحات جرائد كاملة (رغم احترام المصرى القديم لحرمة الموت) ...عزيزتى ما قلتيه ينطبق على معظم شعوبنا العربية لاننا مانحين عقولنا اجازة لفترة طويلة ...لك مودة عميقة ، ايناس ،ليبيا

faissl يقول...

السؤال المهم بقه
هل لو اتفجر واختفى من على وجه البسيطة حد ح ياخد باله أصلا..؟
الحمد لله لأ.. النظام الحالي عمل ما بوسعه علشان مصر ما يبقاش لها لزمة في المنطقة.. مش بس ما لهاش لزمة، بل خلى ضررها اكتر من نفعها..!

freeSoul يقول...

belzabt as you say...

so i choosed el batr bardo, bas an habtor nafsee menoh wartaa7 !