حياتى إلا حتة ورجل

ولما اشتغلت وبقى معايا فلوس وجات لى الأجازة..
كانت رجلى فى الجبس،
ولا عرفت حتى أجيب الكتاب من على الرف..

مليتوا البلد

شوف بعد كام سنة وصلت لنتيجة حتمية محتمة لا جدال فيها ولا إعادة نظر..
إحنا شعب حتى اللى بيدعى إنتمائه للمعارضة مش بيقبل المعارضة لرأيه!

رب البيت بالدف ضارب، وأهل البيت هم من بدؤوا بصنع الدفوف

على الغرب التعقل شوية

بعد أن قال الغرب أن قاتل مروة الشربينى لا يمثل ألمانيا، وأن الحادث مجرد عمل فردى،
لا أتوقع من الغرب -ذاته- أقل من أى يلغى من كل معاجمه فكرة أن المسلمين إرهابيين، ويؤمن أن بن لادن وأعوانه -مثلا- لا يمثلون العرب أو المسلمين فى شئ، وأفعالهم كلها فردية!

وعلى رأى المثل.. لا تعايرنى ولا أعايرك.. دا التعصب طايلنى وطايلك!

Yesterday..
It hurts..

An important note

I'm busy, that’s why I don't write... And I no longer like this place as before.
I no longer like the fact that people I know in real life reads here.
I'm not closing this blog, but I'll start as new and anonymous somewhere else..

It's one big mistake when you introduce people in your real life, to your private corner..
Never ever do this mistake.. Take my advice.

زمان ودالوقت

لما كنت أصغر كتير من دلوقتى، ويمكن لحد دلوقتى، كنت بغتاظ لما أى حد كبير يتقمص دور الحكيم ويقول لى عن نصائح عليا إتباعها.. كإنه بيحرم عليا حق التجربة بالظبط.. حقى الطبيعى زيه إنه أعيش الموقف وأحكم عليه بناء عن قرارى أنا، خبرتى أنا مهما كانت صغيرة.
النهاردة قفشت نفسى وأنا بدى نفس المواعظ والحكم لحد أصغر كتير عن ما أنا دلوقتى.. كان جوايا صوت صعبان عليا يضيع من عمره تجربة أنا جربتها وعرفت إنها غلط مش صح!.. كنت بتكلم وشايفة فى عينه نفس نظرة الغيظ اللى كانت فى عينى من كام سنة، بس ما قدرت.. كملت الكلام اللى عندى قبل ما كل واحد منا يفترق لطريق.
وبعدها إغتظت من نفسى المرة دى.. وإحترت ياهل ترى أنهى الأصح؟ نشوف الوقت بيضيع من غيرنا ونسكت.. ولا نتقمص دور أبو خبرة اللى عارف الغلط م الصح؟
وياترى يانفسى ليه لحد دلوقتى بتضايقى من اللى بيتقمص دور الحكيم ، وانتى عارفة انك محتاجة كل ثانية من الوقت؟



----------------
التدوينة دى فى نفس توقيت كتابة تدوينة لعبد الرحمن عن موضوع واحد "حاجة كنا بنتضايق منها وإحنا صغيرين، وبنعملها دالوقت"

مش ح تظبط ابدا؟

- نمرتك زى ما هى؟
- لا غيرتها.. قلت لها احنا اتجوزنا وكل واحد راح لحاله، ولما قرفتنى، رميت الخطين القدام واشتريت واحد جديد
(سكوت لهبدة مطب عنيفة)
- أنا بقيت 29 يا جدع.. هى الدنيا ليه مش بتظبط معانا أبدا؟..
- .... شكل اللى عملناه فى الكلية راح يطلع علينا
(سكون بتأمل)