الأحد، سبتمبر 03، 2006

احتفالات.. احتفالات

علقوا الزينات.. ونوروا السهرايات
انهاردة -اللى هو امبارح بعد نص الليل- اشتريت اول بلوزة لوحدى
:)
ورغم انه اتفتح لى محضر بسينات وجيمات لتأخيرى بعد الساعة 9 -توقيت منزلنا الموقر-... ورغم انى لازلت مش قادرة ابلع لونها.. بس عجبانى و ح شيلها كدة للذكرى الخالدة

وأه على فكرة دا البوست رقم 201 فى هلس لستُ أدرى.. ربنا يكون فى عون سعدتَك وسعدتِك -عزيزى وعزيزتى، لاء عزيزتى وعزيزى القارئ- بس ان شاء الله تواصلوا -معانا- المسيرة صحبة حلوة كدة...


وللعلم فقط: البلوزة من غير ترتر


امان يا لالالى
سلاماتى

هناك 14 تعليقًا:

nuriennium يقول...

mabrook marretain..
marra 3ala elpost el 201 w marra 3ashan elbloza elli bedon terter..
w enkan 3ala ellon, bokra ya ye3'ayar ya tet3awedi 3laih ;)

radwa osama يقول...

برافو انا برضه لسه فاكره شكل اول بلوزة جبتها لوحدي ..كان لونها موف وبرضه من غير ترتر

salateenoo يقول...

انا بردوا بكون فرحان جدا لما بشتري حاجة لوحدي....حتى لو مش عاجباني قوي ...بس كون اني انا اللي اشتريتها...بيكون ليها مكانة تانية

She يقول...

فشقتنا بيك يا عبد المعطي هنعفو عنك

مش البلوزه دي اللي خلتك تمشي بدري برده

NoOR يقول...

مبروك .........ده قرار ثوري خطير قد يغير شكل الحياه السياسيه في منزلكوا الموقر ود نابع من شعور بالثوره ولا عيا ولا نمتي صحيتي لقيتي نفسك عايزه تشتري بلوزه هو اكيد في سبب


بس ده تطور حالتك في تقدم يا بنتي كملي العلاج وتعالي كمان شهر

الأميره أوسه يقول...

عندنا مواعيد الخروج من بعد الساعه تسعه مساء على أن يكون الرجوع قبل العاشره من صباح اليوم التالى
أصلنا عيله محافظه ورجعيه
بس مش قولتى البلوزه لونها أيه وأشترتيها منين
نص كم ولا أيه
كمللى بقا
الله بقا ماتكمللى
مليش دعوه بقا

Shower-Mirror يقول...

انتى انسانه غير مسئوله ... و عديمة الاحساس بمعاناة الاخرين !!! و خساره فيكى الحريه المطلقه اللى اهلك مدينهالك ... ازاى تتجرأى و تشترى البلوزه بدون ترتر .. دى اخرتها ..! لعب عيال صحيح .... طب ادى دقنى اهه لو بعتوكى تجيبى حاجه تانى .... ياعديمة الحس الشرائى .... :) تشـــاو

The Eyewitness يقول...

انا أول مرة أشتري حاجة لوحدي كنت في أولى أعدادي ورحت جبت هدوم وااااااااااااااااسعة جداااااااااااااااااً ومن يومها أتعقد وعقدتي ده مبتدتش تتفك غير قريب جداً.

... يقول...

برافو عليكى
لو ماكنتيش عملتى كدة
كنتى هتفضلى زيى تدورى على اى حد تاخدى رأيه وتطلعى عينه فى اللف فى المحلات
انا دلوقتى باستشير بنتى
بتختارلى الوان باربى وبس
بمبى
بمبى

shababik يقول...

مبرووووووك ع البلوزة اللي من غير تر تر وعقبال فستان الفرح
بس شاطرة انك بتجيبي لبسك وحدك كدة عادي ياعني انا عمري تقريبا ما رحت اجيب لبس وعجبني ولما حاجة بتشدني اوي بيبقي ساعتها مش معايا فلوس. مبروك

ody911 يقول...

ألف بركة

Lasto-adri *Blue* يقول...

الله يبارك فيكم يا جماعة

وخطوة عزيزة للى اول مرة ينورنى هنا
:D
البيت بتكم والله


nurienniem
لازم اتعود يعنى والا فيها الدبح

radwa
لاء انا بيج.. فى بنى
لول

salateenoo
اكيييد دا نفس احساسى

shaimaa
لول ويارتها طلعت حلوة بس اهى ضيعت علينا اللمة بقى ياخسارة

noor
شفت بقى... ادينا ماشية على العلاج بنتظام اهوه

aossa
لاء هى بلوزة كت وشفتشى.. لولولووووى

shower
تصدق ان انا صدقت كلامك فى الاول وقلت يعنى احم
القصد.... يلا متشكرين على كل حال

eye witness
لا ياس مع الهدوم طول ما فى ترزى
:P

حلم
انا بقى اصحابى هزقونى من كتر البمبى اللى عندى لوول عشان كدة قلبت بيج فى بامبى برضو
لول

shababik
كلنا هذا الرجل
:D

ody
الله يبارك فيك وحوليك

red ghost
منور فى الضلمة وألف شكر على كلامك .. اخجلتم تواضعنا الحقيقة لما تختارنى بعد غادة
:)

كان زمان
ياااااه!! بجد والله بتتكلمى جد!
لاء عارفة انتى بسطينى بشكل مريع .. وانا اللى متشكرة ليكى جدا
على فكرة قرأت كلامك على البلوج بتاعك .. وانتظرى التعليق بقى
:)

3rby يقول...

عقبال ماتجيبي بنطلون وتكملي اول طقم لوحدك...هافرحلك والله

3rby يقول...

انتي رحتي فين يا بلو...هو اري جاب نتيجة واجازتك خلصت ولا ايه؟