الاثنين، يوليو 18، 2005

وجوه مصرية

كنت واقفة أغسل المواعين بعد ما أكملت الــ "سيرفاى" بتاع حركة التدوين المصرية، وأنا بفكر أكتب عن تجربى مع التدوين وتدوينات أخرى.. وفعلاً بدأت بكتابة أول سطرين، ولكن مسحت كل حاجة. شئ دفعنى للكتابة عن شخصيتين قبلتهم اليومين دول وفرضين وجدهم عليا بشكل غريب.
إتنين مصريين، مش مهم إسمهم، ولا لونهم أو إسمهم، ولا حتى دينهم أو سنهم. المهم إن الدم المصرى بيجرى فى عروقهم لحد قلبك من غير ما تحس.

وتبدأ الحكاية إنى قررت أخد كورس فى لغة من لغات البرمجة –لظروفى الدراسية فى الهندسة مش أكتر- وكانت العقبة اللى وقفت قدامى هى طول المشوار ! كل يوم قبل أيام الكورس كنت أبص فى المرايا وأسأل نفسى "وح أروح المشوار دة كل يوم لوحدى!" . صحيح أنا من نوع البشر اللى يحب يعيش مع نفسه كتير، لكن اللمة والصحبة الحلوة تحلى خصوصا لو مشوار يومى يزيد عن ساعتين ثلاثة..

ومر أول يوم بسلام وأنا مستمتعة بمنظر النيل من حوليا فى الرايحة والجاية.. وعدى تانى يوم وعرفتهم.
بنتين من إسماعيلية كل يوم بينزلوا لقلب القاهرة فى عز الحر والقرف والزل عشان يحضروا الكورس وبعدين يرجعوا الإسماعيلية تانى.. وليه كل دة؟! عشان نفسهم يكونوا أفضل لنفسهم ولتراب البلد دى!!
أنا حتى دلوقتى –كل ما أتصور الفكرة- لسانى يعجز عن الكلام. بقى أنا اللى بشتكى من ساعتين، هما ست ساعات و فى الطريق الصحراوى.. و أنا اللى بشتكى من المواصلات، هما بيغيروا فى اليوم بتاع خمس مواصلات.. و أنا اللى كنت بشتكى من قلة النوم، إكتشفت ان كل واحدة منهم بتنام أقل من أربع ساعات عشان تواصل الشغل المكثف فى الكورس.

بجد فعلاً خلونى أبطل أتكلم للسنة اللى جاية.. إلا كلمتين: الله عليكى يا مصر، وربنا يحرسكم يا أجدع بنتين شفتهم فى حياتى كلها...

سلاماتى

هناك 9 تعليقات:

بنت مصرية يقول...

تحياتى لكل بنات مصر

وليكى يا لست أدرى عنيكى جميلة بتشوف حاجات أصيلة

freeSoul يقول...

don't tell me you are taking this course in the HTC under e3dadi building in our faculty :)

if so, who is giving the course?? I know all the teaching stuff but I know the instructors more related to C++ left the center a while ago

By the way, about the course, I took the C++/VC++ course in 2 weeks, I had to attend 6 hours (sometimes 7) successive each day, I had a quiz every 2 days and between them I had to deliver a project, I used to work about 8 hours after the course to accomodate the gab between what we knew and the requirements of the course, We didn't do that for egypt to be more clear, and up to now I can't figure out why we could stand such torture !!!

Zeryab يقول...

من شاف مواصلات الناس تهون عليه زنقته فى الميكروباس

Lasto-adri *Blue* يقول...

Bavalova:
إحنا نقدر نقول حاجة

بنت مصرية:
تحياتى كلها ليكى إنت

Ahmed El Saeed:
أنا مش فاكرة!!!

Zeryab:
آآآخ إنت ح تقولى


FreeSoul:
أمممم أيوة ! أنا باخد هناك ههههههه
بس والله ماعرف غير أميرة الأسيستانت.. غير كدة بقى مبسألش..
بس هى واحدة مش واحد اللى بتدينا الكورس.. عموما فنيتو.. ناقص الإمتحان وعلى رأى أخويا "بخ" خلاص
بس إمتحان كل يومين ليه إن شاء الله.. لعن ما حد إتعلم أصلا

Lasto-adri *Blue* يقول...

n they like u too ;)

Mr-Biboooo يقول...

لو كنت اعرف ان غسيل المواعين هيخلينى حساس كده زى حخالاتك كنت اكيد غسلت من زماااان
عموما معقول لسه فى حد كده و بنات كمان احمدك يا رب اتمنى ميكونوش فى اسماعيلية بس ( اصل العملية فى اسكندريه مقولكيش) ....

S H E B A K يقول...

يا سلام لو الواحد يقابل كل يوم اتنين تلاته من دول .. كان هايكون راضى عن حاله و أسعد

4thH يقول...

يا لست...
انتي استفزيتيني

تفتكري فعلاان البنات دول بيقطعوا المشوار ده كله عشان البلد...

اشك..

بالعكس ممكن يكونوا بيلعنوا البلد و موصلاتها و قرفها و تعليمها و تخلفها و هم جايين كل يوم


تفتكري..ان حب تراب الوطن زي ما بتقولي هو اللي يخليهم يسافروا كل يوم في خمس مواصلات

؟؟؟

ما اظنش.

اعذريني في اللي حاقله ده بس يا ريت نبطل نضحك على نفسنا ...

ما فيش حد ما بيحبش بلده.. بس البني ادم بيحب الاول نفسه و عيلته و ده اساس حب البلد..

الناس بتتبهدل عشان لقمة غيش شريفه. ما فيش حد بيطفح الكوته و بيتنطط من هنا لهنا .. و بيطلع عينه عشان مصر او الامه او الوطن

كفايه بقى شعارات

أحمد يقول...

بلد ايه ؟؟؟
طيب افرضى علشان يزوغوا من الرقابة الاسرية؟؟
افرضى واحده منهم مزبطة مع واد من القاهرة؟؟
في 600 سبب
مش تقول لى علشان بنحب مصر و مصر بتحبينى
ايه دا اغنية لمدحت صالح دى ؟؟؟